#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Ҳалиги эркак сумканинг ичида нима борлигига қизиқиб илгакли катта таёқ ёрдамида сумкани сувдан чиқариб олади. Қизиқиш билан сумкани очган эркак жонҳолатда ваҳимадан ўзини орқага отади. Сабаби... Сумкада тўрт яшар болакайнинг айний бошлаган бурдаланган жасади жойланган эди.
Тез орада дарё бўйини жиноят қидирув бўлими ходимлари босиб кетади. Ҳолат юзасидан тезкор қидирув ишлари бошланади. Ички ишлар ходимлари томонидан олиб борилган суриштирувлар натижасида болакайнинг бир неча кун аввал йўқолиб, ота-онаси томонидан қидирувга берилганлиги аниқланади.
Терговга масъул шахс аввал боланинг отасини чақириб унга қидирувдаги ўғли топилганини айтади. Шунда унинг отаси (дарвоқе у болага ўгай ота бўлади) "Ўғлим қаерда экан? Уни кимдир ўғирлаганми? Унга нима қилган экан? Ўзи соғ-саломат эканми?" дейди. Терговчи эса уни "Фарзандингиз соғ ва саломат" дея тинчлантиради.
Навбат боланинг онасига келганда терговчи ҳудди отага айтилган гапни қайтаради. Онанинг эса бу сўзларга реакцияси батамом ўзгача эди. У дарҳол "Боламда кимнинг, нима қасди бор экан? Уни ким ўлдирибди?" дея сўрайди. Шунда терговчи "Мен ўғлингиз топилди дедим холос, уни ўлди деганим йўқ эди" дея аёл сўзларининг нозик жойидан тутади.
Хуллас, атрофлича олиб борилган тергов суриштирув ишларидан шу нарса маълум бўладики, боланинг қотили ўз туққан онаси бўлиб чиқади!
Эшитяпсанми, Шабнам, ўз туққан онаси!?
У уйда чувур-чувур қилиб тўпалон қилган болаларини тинчитиш мақсадида иккала боласини ҳам дўппослайди, шўхроғи бўлган тўрт яшар кичигини эса ичкари уйга олиб кириб кийим жавонига қулфлаб қўяди. Боласининг "Кечиринг, ойижон, иккинчи тўпалон қилмайман. Илтимос эшикни очинг, бу ерда бўғилиб кетяпман" деган сўзларига жазавага тушган аёл асло парво қилмайди. Қайтага ўғлини қулфлаган жавонли уйнинг тарк этиб у уйнинг ҳам эшигини қулфлаб ўзи анча нарироқдаги хонада уйқуга кетади.
Уйқудан пишиб уйғонганда анча вақтгача хаёлларини жамлай олмай ўтирган аёлнинг хаёлига ва ниҳоят кийим жавонига қулфлаган ўғли келади. У шошилиб бориб эшикни очсаки, кийим жавонидан ўғлининг жонсиз танаси сирғалиб оёқлари остига тушади

-55-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Бўлиб ўтган воқеалардан эсанкираб қолган аёл...

Биласанми, Шабнам, агар ўша аёл у болага ўгай бўлса "ҳа энди ўгай, болага кўкрак тутмаган, меҳр бермаган" дейсан. Бу эса болакайнинг ўз онаси бўла туриб жиноят ишини яшириш мақсадида ўзининг жонсиз боласини бўлакларга бўлиб... катта "шпагат" бозор сумкасига жойлайди.(Мен бу жараённи ҳеч ҳам тасаввуримга сиғдира олмаяпман). Сўнг эрига "Тез етиб келмасангиз бўлмайди" деб қўнғироқ қилади.

Минг бир хаёлда уйига келган эри аёлининг қилган ишини кўриб эси тескари бўлиб кетади. У дарҳол бўлиб ўтган ишлар юзасидан   ички ишлар идораларига хабар бермоқчи бўлади,  бироқ кўзлари қонга тўлган аёли қонуний никоҳда бўлмаган эрига  бу ишни қиладиган бўлса, ана шу эрининг зурриёди бўлган   қорнидаги боласини ҳам ўлдиришини айтиб дағдаға қилади. Эркак ҳам эркак экан-да...- оғир ҳўрсинди Хонзода, - у ҳам ўша иблисга шогирд тушган аёлнинг нағмасига ўйнайди.
Хуллас уларнинг ҳар иккиси гапни бир жойга қўйиб кеч кирганда болакайнинг жасади жойланган сумкани машина юкхонасига ортишади. Сўнгра катта ўғилларини ҳам олиб йўлга тушишади. Улар қишлоқларидан бир неча ўн километр узоқликдаги дачага бориб бир кечага жой буюртма қилишади. Тун зулмати борлиқни қуюқ қоплаган вақт катта ўғилларини ухлатиб қўйган икки бадкирдор болакайнинг жасадини дача ҳовлисининг бир четига кўммоқчи бўлишади, бироқ бу режа ўзларига жўялик туюлмайди. Шериклари бўлган шайтон "Жасадни бирор дайди ит кавлаб олиб барча ишнинг пачавасини чиқариши мумкин" дея кўнгилларига ғулғула солади. Шунда улар тезда бошқа режа тузадилар. Ва дачадан ташқарига чиқиб бироз йўл юришгач жасад солинган сумкани шовуллаб оқаётган дарёга улоқтиришади. У ёғи сенга маълум...

- Опажон... Одамлар нега бунчалик ёвузлашиб кетишмоқда?-деди Шабнам изтироб билан,- баъзан шулар ҳақида ўйлаб шунчалар даҳшатга тушиб кетаманкии...
Биз ахборот асрида яшаяпмиз. Истаймизми, йўқми бир кунда кўзимиз ижтимоий тармоқлардаги ўнлаб, юзлаб хабарларга тушади. Аввал фарзандларини , сўнг ўзини баланд қаватли бинодан ташлаган оналар ҳақидаги бир неча хабарни кўрганимда юрагим тилим-тилим бўлгани рост. Кимгадир аччиқ қилиб болаларини каналга отган она борлиги ҳақида эшитиб тутдек тўкилдим.

-56-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Чет элда ишлаётган аёли билан айтишиб қолиб уч фарзандини шафқатсизларча пичоқлаган эркак ҳақида эшитиб "Охир замон деганлари шумикан?" дея дағ-дағ қалтирадим. Ўз гўдагини ҳайвонот боғидаги айиқ қафасига ташлаган аёл ҳам ўгай бўлмаган экан.

Мен ҳар сафар шундай хабарлар ҳақида эшитсам қўлим куйиб қолганда ишга бормай ёнимда юм-юм йиғлаб ўтирган дадам кўз олдимга келадилар. Оёғимга яра чиққанда атайдан олов ёқиб чўғ тайёрлаган, ўша чўғга қизил пиёзни кўмиб ярамга боғлаётган мункиллаб қолган бувим келадилар. Ойижонимни-ку, меҳрларини айтиб таърифини келтиришга тил ожиз.

Ҳозирги замонда ақлбовар қилмас жиноятларни қилаётганлар ҳам шундай инсонларнинг фарзандлари-ку? Аммо қачондан уларнинг онги бузилди? Тарбиясида қачондан оғиш пайдо бўлди?

- Мен яқинда бир маълумотга дуч келдим,- деди Хонзода диққатини жамлашга ҳаракат қилиб, - япон тадқиқотчиларининг изланишларига кўра суиқасд каби нохуш ҳодисалар аскари ҳолларда инсоннинг бекорчи вақтининг кўплигидан келиб чиқаркан. Инсоннинг қиладиган иши, машғул бўладиган ҳунари бўлмагандан сўнг ана шундай бемаъни хаёлларга боради-да. Кимдир кимдандир шу йўл орқали ўч олмоқчи бўлади, бошқаси иккинчисини пушаймон қилдирмоқчи бўлади. Яна бир хиллари эса нима ишга жазм қилмоқчи эканининг моҳиятига тушунмайди. Алал- оқибат ҳаёт аталмиш бебаҳо неъмат билан ўйнашади. Кўп ҳолларда эса ўша бебаҳо неъматни бой бераётганда эса ортга қайтиш иложини топа олмайди.

-57-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

Ҳайрли тонг азизлар

Ассаламу алайкум ва роҳматуллоҳи ва барокатуҳ

Омонмисиз, қадрдон...Пайшанба тонгги муборак бўлсин!

Қалбингиз Аллоҳнинг уйи!
Кўксингиз меҳрнинг чашмаси!
Кўзингиз гўзаллик шайдоси!
Қўлларингиз ҳайрнинг аскари!
Оёқларингиз яхшиликнинг чопари!

Турган-битганингиз Мусаввир зотнинг "санъат асари!"

Илм сизга тутилди, дунё сизга яралди; тунлар оромингиз учун, кунлар касби корингиз учун бино бўлди, Аллоҳ шундай яратибдими, демак ҳеч бири бежиз эмас!

Қалбингизни эгасига очинг...
Меҳр бисотингизни сочинг...
Кўзларингиз гўзаллик нурига,
Қўлларингиз дуонинг зўрига,
Оёқларингиз Покнинг ҳузурига
Сизни еткизмагунича толмасин!

Сизни йўқлаб келган бу тонг ҳайрли ишларга дебоча бўлсин!

📱@Insta_retseptlar — Mazali yeguliklar har kuni taomnomangizda!

​​Ayollar uchun duo:

«Аллахумма джаммилани фи гайни зауджи ва хабни иля калбихи вэ аджгальни аззауджата аль
вахидата ляху варзукни зурриййатан салихаттан
минху аллахумма дагаунакя фастаджиб ляня камя
ва гаттаня аллахуммаджгальни нуран байня
гайняйни зауджи».

Ma’nosi:

“Allohim, meni umr yuldoshimning ko’zlarida ziynatlagin, uning qalbida menga muhabbat qo’ygin va meni yagona ayoli qilgin. Menga undan solih va soliha zurriyotlar bergin. Allohim, biz Senga duo qilamiz, vada qilganingdek ijobat et. Allohim, meni umr yuldoshimning ko’zida nurli qilgin”

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Мени жуда ўйлантирган яна бир жиҳат бор,- Шабнамга ҳамон хомуш кайфиятда боқди Хонзода,- биласанми ҳозир кўпчилик ёшларда бировларнинг бошига тушган ташвиш, кулфат боҳонасида пул ишлашни дастак қилган инсонлар анча кўпайгандек. Кимдир йўл транспорт ҳодисасига учраб ёрдамга муҳтож бўлиб ётса, унинг дардини енгиллаштириш ўрнига тепасида телефон тутиб видеога олаётганлар саноқсиздек туюлади менга.

- Ҳа опа, айтманг. Яқинда бир машҳур шоу-бизнес вакили фалокатга учраб касалхонада ётган вақт интернет тармоғи "портлади". Гўёки барча ўша йигитнинг дўсти. Гўёки барча ўша йигитнинг ораларидан қил ўтмас қадрдони. Қачондир бир сабаб билан у ер, бу ерда суратга тушиб қолган бўлса-ку, қўяверинг.
Канали бор ёшларнинг кўпи ўша йигит билан боғлиқ ҳотираларини чоп этиш билан оввора бўлиб қолишди. Ўша йигит Виолетта опамнинг курсдоши экан. Мен ҳам "Опа, сизнинг қўлингизда ўша курсдошингиз билан боғлиқ расм, видеолар тўлиб ётибди, сиз ҳам тармоқда бир чиқиш қилмайсизми?" десам, улар бамайлиҳотир "Расм, видеолар кўп бўлса ну и што? Каналимда уларни чоп этсам дўстим тузалиб қоладими? Ундан кўра дуо қилганим афзалмасми?" деб жавоб бердилар.
- Ҳаа, биз ўзи тобора ана шунақа текин томошага ўч бўлиб боряпмиз. Менга алам қиладигани бирорта машҳур инсон дунёдан ўтса ўша инсоннинг дафн маросимини ҳам тармоққа жойлашаётгани. Ўртада оломон "Тобут қўлимизга тегармикан, биз ҳам савобдан баҳраманд бўлармиканмиз, бир банданинг иккинчи банда олдидаги ҳақини адо қила олармиканмиз" деб жони ҳалак бўлса, чекка-чеккада телефон кўтариб югургилаётган ёшлар "Мана фалончини сўнгги манзилга кузатяпмиз. Атроф тўла одам, ишонмасаларингиз кўрингизлар" дея изоҳ бериш билан оввора бўлишгани бўлган. Гоҳида шунақанги ҳайрон бўламан-кии. Ахир вақти келиб ўша оҳират кемасида сузиш ҳар биримизнинг бошимизда бор савдо. Қайсидир донишманд айтган экан: " Билганга ўлим энг катта ибрат" деб!

-58-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

- Опажон, яқинда бир ҳикоя ўқигандим. Ҳикоянинг тагига қавс ичида ҳаётий ҳикоя деб ёзиб қўйилганди. Ахир аскарият ҳикоялар ҳаётдан олинади-да.
Хуллас унда ҳикоя қилинишича бир аёл неча йиллик жуфти бўлмиш эрининг жанозасида бир танишини четга тортиб: "Биласанми, инсоннинг жон бериш жараёни даҳшат бўларкан. Ман эримнинг жон бериш талвасасини телефонимда видеога олволдим. Ёнимизда ҳеч ким йўқ эди-да. Одамлар тарқагач бафуржа томоша қиламиз" деярмиш.
- Астағфируллоҳ. Шабнам, ҳозир бу ҳикоянгни бўлмаган гап деярдим-у, аммо...- сукутга чўмди Хонзода

- Нима аммо, опажон? - Хонзоданинг хаёлларини журъатсизгина бўлди Шабнам

Хонзода синиқ қиёфада сўзга киришди:

- Биласан, мен ҳам бўш вақтимда телефон титкилаб тураман. Ана ўшандай кезларда касалхонада жон таслим қилаётган бир аёлни сўнгги лаҳзаларини суратга туширган бир ноинсофнинг қилиғига кўзим тушди. У фалон минг сўм эвазига видеони тарқатганмиш. Сўнг машҳур бир актрисанинг "кесерово" усулида фарзандини дунёга келтириш жараёнини ҳам кўрдим. Аёлнинг қорнини ништар билан... Одамларнинг дийдаси ҳам тошдек қотиб кетяпти-ей!? Э қўй шу гапларни. Уйқу олдидан шунақа нохуш воқеаларни гаплашмайлик. Ундан кўра...

- Опажон, чиройли гаплар ҳам бор, айтайми?

- Айтиб кўр-чи? - кулимсиради Хонзода, - биз ҳам бундоқ ширин тушлар кўрайлик.

- Гап яна ўша машҳур Карим Муродов ҳақида,- тўлқинланиб сўзлай кетди Шабнам,- билсангиз Муродов куёв қилаётган йигитнинг уйи келинники билан бир кўчада экан. Фақат куёвники кўчанинг бошида, қайнотасиники сал ичкарироқда. Фаҳмлаган бўлсангиз куёв боланинг хонадонини ҳам тўй учун биз безатарканмиз.

- Ўўў, эртага бошингиз билан ишга шўнғиркансиз-да, ойимқиз!? Шундай экан барвақтроқ ётиб дамингни ол. Эртага анча завқли ва ишга бой кун сени кутяпти.

- Опажооон... Яна битта гап...

- Мен ухлайман, - деди Хонзода ётишга тайёрланиб,- сен эса менга деса ўзинг билан ўзинг эрталабгача гапириб чиқ.

- Опааа, анави Ойдин опа бор-ку? Мени занжирлаб қийнаган аёл...

- Хўш!?

- Ўша тергов жарёнида ўлиб қолганди. Айтишларича сахари ошиб кетганмиш. Ростини айтсам мениям терговга чақиришса-я, сирим очилиб эл-юртнинг олдида шармандаи шармисор бўламанми деб неча хафтадан еганим ичимга тушмай юрганди.

- Сен буларни қаердан билдинг?- сергакланди Хонзода

- Шунақа шов-шувли воқеаларни ёритадиган хабарлар каналидан.

Хонзода бошини ёстиққа қўяр экан, бир зум жим қолди. Сўнгра Шабнамга зарда билан буюрди:

- Менга қара, чироқни ўчирасанми, йўқми !? Қаёқдаги Ойдин опанг билан бошимни қотирасан? Кошки ўша Ойдин деганингни умримда бир бор кўрган бўлсам? Сен ҳам ўзинг танимаган одаминг ҳақида ўйлаб ташвишланаверма! Икковимиз ҳам ҳеч қанақа Ойдинни танимаймиз! Айниқса сен! Тушундингми?

- Ҳа, опа,-бўшашибгина жавоб қайтарди Шабнам,- тушундим.

- Тушунган бўлсанг ухла. Йўқса учгача санайман ва...

- Бўлди, бўлди, ухлаяпман, - чиқ этиб чироқни ўчирди Шабнам, - хайрли тун, опажон...

Хонзодадан жавоб бўлмади...
  

-59-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

🍂

Кейинги вақтларда анча "ўзгариб қолган" Каромат тўртта гапдош дугонасидан ташқари қишлоқдошларидан деярли ҳеч кимни тўйга айтмади. "Нима қудам пулларини белкуракда кавлаб оляптими, ҳар бир қаланғи қасанғини тўйга айтсам?- дея қошлари чимирилиб ўйлади у,- ким билсин чанги бир ботмон ўша қишлоқда яна қанча яшарканмиз? Насиб қилса Йигиталининг тўйидан сўнг мен билан адаси ҳам шаҳардан уй олармиз. Ҳа! Айнан шундай қиламиз! Умр бўйи тер тўкиб меҳнат қилдик, шу меҳнатларнинг роҳати ҳам бордир? Қариган чоғимизда бундоқ яйраб яшашга бизнинг ҳам ҳаққимиз бордир? Қўлимизни шундоққина чўзсак иссиқ сув қуйиладиган, тагига тутсак ҳузурбахш ҳаво қуритиб қўядиган мосламалари бор иморатларда яшаймиз ҳали. Ундан кейин юмалоқ ваннага кўпикли сув тўлдириладиган, сувнинг атрофида жонга ором берадиган гулчалар сузиб юрадиган ҳаммомимиз бўлади.

Аммо тўйга қариндошларимизни айтганимиз яхши бўлди. Қудамиз кимсан фалончи эканлигини мақтанадиган одамларимиз ҳам бўлиши керак эди-ку?. Аёл қудам ҳам роса "маладесс" экан. "Тўйга киясизлар" деб ман ва адасига шунақанги чиройли кийимларни юборибди-ки, унинг олдида ўзимиз орзу-ҳаваслаб олган кийимларимиз пол латтага ўхшаб қолди.
   У яна "Эртага қаерда сочимни турмаклатаман, пардозни кимга қилдираман" деб бошингизни қотириб ўтирманг. Пардозчи-стилистни ўзи эрталабдан уйингизга боради" дея телефон қилди. Вой тилингга шакар-ей!? Уйингизга деди-я? Бу билан Йигитали билан келинжоним Паризодхоннинг уйи ҳам сизнинг уйингиз дегани шу-да!? Мана бир хафтадан буён шу хонадонда мазза қилиб яшаяпмиз. Бургутали, Йигитали, адаси, иккита опам билан манга беш аёл хизмат қиляпди. Оғзимиздан чиққани зумда
мунтазир.


-60-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

🩷🩷🩷 🩷🩷🩷
Ассалому алайкум
Хайрли тонг
Жума айёмингиз муборак бўлсин! 🌺

🌸💐Шукур етдик шу кунга,
🌸💐Кўнгил тўлар таскинга,
🌸💐Ҳаж мақоми мискинга,
🌸💐Жума муборак бўлсин.


💫ЖУМАНИНГ ХАЙРУ БАРОКАТИ СИЗГА БЎЛСИН ҚАДИРДОН!!! 💐


Яқинларга улашинг ❤️⤵️
📱@Insta_retseptlar — Mazali yeguliklar har kuni taomnomangizda!