#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Дастлаб Йигитали нима бўлганини тушунмай қолди. Бир зумда ҳаммаёқ қий-чув бўлиб кетди.
Йигитали оёғи остида ётганча кўз қорачиқлари йўқолиб тинимсиз қалтираганча ғайритабий овоз чиқараётган, кўриниши қўрқинчли тусга кирган хуши ўзида бўлмаган келинчакни кўриб даҳшатга тушиб қолганди.

-Ёрдам беринглар! Пари хушидан кетди! Унинг касали ҳуруж қилиб қолди!- энг биринчи бўлиб келин янга ўзини қўлга олганди,- атрофни бўшатинглар! Қизга тоза ҳаво керак!
Шу топ ичкарига ўқдек отилиб кирган Карим Муродов қизининг ёнига чўкка тушиб оғзига қўлини тиқди ва ичкарига кетиб қолаётган тилини ушлаб ташқарига торта бошлади. Паризод талваса остида отасининг бармоқларини бор кучи билан тишлаб чайнаб ташлади. Карим Муродов гарчи қўли оғриб азоб берса ҳам қизининг оғзидан бармоқларини тортиб олмади.

- Карим ака, манави қошиқ билан босинг тилини!?

Карим Муродов ёнига келган ўттиз беш ёшлардаги йигитга ғазаб билан тикилди:
- Сен менга ҳаммаси назоратим остида дегандинг!? Шуми сенинг назоратинг?
- Карим ака...

Йигит Карим Муродовга эътироз билдиришга чоғланган эди, у йигитни гапини шарт кесди:

- Қизимни ичкарига олиб кирамиз. Бу ер текин томошанинг жойимас.
Карим Муродов тинчланиб, бир текис нафас олаётган, бироқ ҳамон хуши ўзига келмаган қизини даст кўтариб даҳлиздаги биринчи хонага олиб кириб кетди. Воқеа устига етиб келган Ҳусния Бону индамай эрига эргашди.
Йигитали Карим Муродовнинг бармоқларининг эти очилиб қип-қизил қонга беланганини кўриб сесканиб ўзини орқага олди. Карим аканинг қони қизининг оппоқ келин кўйлагининг олачалпоқ қизил рангга бўяган эди.

-63-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Йигиталининг куёв жўраси Акмал уни четга тортди:

- Шу ерда жим кутиб тур. Мен ташқарига чиқиб йигитларни тинчитиб келай. Шу вақтгача чиқавермаганимизга ҳайрон бўлишаётгандир.
Йигитали Акмалга эътироз билдирмади. Унинг бор хаёли ҳозиргина бўлиб ўтган воқеада эди.

"Демак,- ўйлади Йигитали сал аввал кўриб гувоҳ бўлган воқеалар ҳақида ўйлар экан,- демак, Паризоднинг дарди бор экан-да? Аммо қанақа дард экан у дард?"
Йигитали киши билмас Паризод ётган хонага яқинлашиб секин "гап пойлай" бошлади.
- Мен сенга ишонгандим, - деди Карим Муродов сал аввал сўзлашган йигитига қараб,- тўй ўтгунга олган муолажаси яхши фойда бериб туради, дарди безовта қилмайди дегандинг менга!

- Ҳа айтгандим,- деди йигит, афтидан у шифокор эди,- гапимдан тонмайман. Аммо мен ҳам авлиё эмасман , олдиндан ҳаммасини рўйи рост башорат қилиб берадиган. Ўшандаям худо ҳоҳласа, насиб қилса деганман.

- Демак,менга насиб қилмайдими қизимнинг тўйини кўриш? Шундоқ демоқчимисан?

- Карим ака, сизни тушунаман. Ҳозир асабларингиз таранглашган. Аммо илтимос, менга ўз ишимни қилишга қўйиб беринг. Ана қилинган уколдан кейин Паризод ўзларига келяптилар.

- Адаси, илтимос. Нусратжонни ўз ишларини қилишга қўйиб берайлик,- ичкаридан Ҳусния бонунинг ялинганнамо овози эшитилди,- аслида ҳамма айб ўзимизда. Паризод "Турмушга чиқмайман" деса ҳам мажбурлаган ўзимиз. Мана аҳвол...

Бу орада Паризод хушига келди шекилли оғир ингради:

- Адааа... Бўғилиб кетяпман. Мана бу кийимлар юрагимни қисиб юборди.

- Қизим... Қизалоғииим... Сени шу куйларга солган бадбахт отангни кечир...

-64-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Орадан ўн дақиқалар ўтгач Карим Муродов Паризод ётган хонадан чиқди. У ҳамон даҳлизда бўзрайиб турган Йигиталига изтироб билан назар ташлаб буюрди:

- Мен билан юринг!

Йигитали унга индамай эргашди.

Карим Муродов бўлажак куёви билан даҳлиздан юриб навбатдаги хонага киришди. У бетакаллуфлик билан чарм ўриндиққа чўкар экан Йигиталига қўли билан рўпарасидан жой кўрсатди:

- Ўтиринг.

Йигитали Карим Муродовнинг кўрсатмасини сўзсиз бажарар экан, унинг ҳозир нима дейишига қаттиқ қизиқар эди.

- Ўшанда Паризод етти ёшга тўлган эди. Оиламизнинг ягона овунчоғи, чуғур-чуғур гаплари билан барчамизнинг кўнглимизга малҳам бўлган ширингина қизалоқ эди у. Менинг ишларим юришган, ҳозир катта корпорацияга айланган мана шу тилла буюмлар ишлаб чиқарувчи, унинг олди-соттиси билан шуғулланувчи корхонага асос солган вақтларим эди.
Ишим гуркираб ривожланган вақтлар изимни пойлаётган, пулларимни ҳисоблаб юрган разил кимсалар бўлиши мумкинлиги ҳақида хаёл қилмабман. Кунлардан бирида аёлим қон йиғлаб қўнғироқ қилиб қолди. Паризодни тез-тез айлантиришга олиб чиқадиган истироҳат боғидан ўғирлаб кетишганди. Дарҳол бутун шаҳар оёққа турди. Ички ишлар ходимлари билан ҳамма ёқни алғов-далғов қилиб Паризодни излай бошладик. Паризод йўқолганининг учинчи куни телефонимга яширин рақамдан қўнғироқ бўлди. Қўнғироқ эгаси агар қизимни тирик кўришни истасам ички ишлар ходимларига мурожаат қилмай улар белгилаган жойга фалон минг долларни етказиб беришимни сўрашган.
Хуллас тафсилотларга кўп ҳам тўхталмайман. Паризодни тўртинчи куни уйга қайтариб олиб келдик. Унинг қўшни махалладаги бир гуруҳ такасалтанглар ўғирлаб шаҳар ташқарисидаги дала ҳовлига яширишган. Қизалоғим йиғлаганда эса "Агар яна йиғласанг, сени мана шу итга едираман" деб баҳайбат бўрибосар итнинг ёнига олиб бориб обдон қўрқитишган. Жиноятчилар топилди, қилмишларига яраша муносиб жазо олишди. Бироқ қизим...
Қизим уйга қайтгач юрагида бир талай муаммо пайдо бўлганди. Сал ҳаяжонланса ёки чўчиса хушини йўқотиб қўядиган, соатлаб ўзига келмайдиган касалликни орттириб олганди.

-65-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

🌹АССАЛОМУ АЛАЙКУМ

⛅️ Ҳайрли тонг қадрдоним!

🌸 Бугунги Сешанба тонгингиз  хайрли ва барокатли бўлсин.

🌸 Дастурхонингиздан қут барака аримасин,  Аллоҳим ризқингизни кенг қилсин.

🌹 Сизларга  БАХТ,  СОҒЛИК ВА ОМАД йўлдош бўлсин.

☔️ Кун мобайнида яхши кайфият ҳамроҳингиз бўлсин.

Яқинларга улашинг ❤️⤵️

📱@Insta_retseptlar — Mazali yeguliklar har kuni taomnomangizda!

Қадри баланд қадрдонларим, кунингиз нурли бўлсин! 🍃

Сизга ва яқинларингизга сиҳат-саломатлик ва хотиржамлик тилайман.

Ҳар бир эзгу ният ҳаётингизга бахт бўлиб кириб келсин! ❤️"

Яқинларга улашинг ❤️⤵️

📱@Insta_retseptlar — Mazali yeguliklar har kuni taomnomangizda!

2️⃣0️⃣🟣0️⃣5️⃣🟣2️⃣0️⃣2️⃣6️⃣

☀️ ХАЙРЛИ ТОНГ!

🌱Ассалому алайкум!
Чоршанба тонги муборак бўлсин!

🌱Бугунги бошланаётган янги кунингиз файзли ва барокатли бўлсин! Сиз ва яқинларингизни яхши кайфият асло тарк этмасин!

Яқинларга улашинг ❤️⤵️

📱@Insta_retseptlar — Mazali yeguliklar har kuni taomnomangizda!

#Тафаккур

Замон Аллоҳнинг лашкарларидан биридир

Мендан «Нега замон бунақа ўзи, тинчлик ва омонлик борми?», деб сўрайсан.
Мен сенга айтаман:
Замон Аллоҳнинг лашкарларидан биридир. Уни инсонлар орасида айлантиради. У бандаларига Ўзидан бошқа ҳеч нарса ўз ҳолида қолмаслигини кўрсатиб туради.
Фиръавн кишиларга зулм қилиб шундай дер эди:
«Миср диёри ва мана бу оёғим остидан оқаётган дарё меники эмасми?!».
Аллоҳ таоло замонни бир айлантирди, ўша дарё унинг устидан оқди. Қани энди сенда бир пайтлар унинг саройида эмизишларини истаб йиғлаган чақалоқ бўлмиш Мусо алайҳис саломнинг кўз ўнгида Жаброил алайҳиссалом Фиръавннинг оғзига лой тиқаётганини кўриш имкони бўлганида эди!

«Намруд «мен тирилтираман, мен ўлдираман!», дер эди. Замонни Аллоҳ бир айлантирди ва унга бир кичик пашшани юборди. Пашша унинг қулоғига кириб ҳаётини остин-устун қилиб ташлади. Унинг бошига бир ходими ковуши билан уриб турса оғриғи пасаяр эди. Бу ходим кечагина унга сажда қилаётган эди!

Қурайш Набий саллоллоҳу алайҳи ва салламни қатл қилиш учун ҳар қабиладан биттадан йигитни танлади. Мақсади Набий саллоллоҳу алайҳи ва салламнинг қонларини барча қабилага тарқатиш эди. Шу сабаб Расулуллоҳ саллоллоҳу алайҳи ва саллам кеча қоронғусида Маккадан Мадина томон чиқиб кетдилар.

Сўнгра Аллоҳ замонни айлантирди. Ўз пайғамбарини ғолиб ҳолда Маккага қайтарди!

Агар сен Билол ибн Рабоҳни хўжайини Умайя қайноқ қумга ётқизиб устига оғир тошни қўйиб азоб берганини кўрганингда бу азобларнинг охири бормикин, дер эдинг.

Сўнгра Аллоҳ замонни айлантирди. Икки гуруҳ учрашди. Билол розияллоҳу анҳу Умайянинг кўксига қилич санчди. Аллоҳнинг ҳикмати замонни айлантиришда экан!

Дўстим! Кунлар айланаверади. Гоҳида соғлик, гоҳо беморлик. Гоҳида фақирлик, гоҳо бойлик. Гоҳида шодлик, гоҳо маҳзунлик...

Тоинки, кучли мағрур бўлмасин, заиф умидсиз бўлмасин. Бой зулм қилмасин, фақир ноумид бўлмасин.
Аллоҳ бандаларини қадар камони билан отади. Сен отувчи томонида бўл, саломат бўласан!

©️ Абдулқодир Полвонов

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Мана бир неча йиллардан буён қизим шу касаллик билан курашади. Тез-тез муолажа олиб туради. У тенгилар турмушга чиққач, биз ҳам қизим бироз чалғисин, дардини унутиб ҳаётига нур кирсин деган мақсадда уни турмушга бермоқчи бўлдик. Сиздан совчи келгач эса, тарихингиздан хабардор бўлдик. Биринчи тўйингиз нима учун бузилганини билиб балки икки юраги ярим бир бутун бўларсизлар деган хом хаёлга бордик. Сизга мен ўзим барини тўйдан кейин айтмоқчи эдим, аммо кўриб турганингиздек... Бари учун сиздан кечирим сўрайман.

Йигитали ҳозир эшитганлари таъсирида карахт аҳволга тушиб қолган эди. Бироқ охирги қарорга келиш ўзининг қўлида эканлигини яхши фаҳилаб турарди. Биринчи сафар Хонзода билан боғлиқ муаммолардан шаҳарга қочиб қутилганди. Аммо энди-чи?
- Паризоддан сўранг-чи? У никоҳ оқшомида қатнаша олармикан? Ўзини яхши ҳис қилаётган бўлса, маросимга кеч қолмайлик дегандим...

Карим Муродовнинг юзлари ёришди, у Йигиталига чексиз меҳр билан тикилди:

- Қизим тезда тайёр бўлади. Кийимларини бошқа енгилроғига алиштириб олсин...

Тез орада сал аввал сув қуйгандек жим-жит бўлиб қолган ҳовли яна жонланди. Орадан бир соатга яқин вақт ўтиб Паризоднинг қўлларидан етаклаб чиққан Йигитали бу сафар Паризодга қўшилиб Карим Муродовнинг оқ фотиҳасини олди.
Олган уколи таъсириданми ё бўлажак турмуш ўртоғи Йигитали баридан хабар топгани учунми кўнгли жойига тушган Паризод бу сафар анча сокин бўлиб қолганди. Йигитали аввал Паризодни тўй машинасига чиқариб, сўнг ўзи унинг ёнидан жой олар экан, ичидан нимадир "чирт" этиб узилганини ҳис қилди. У ўзига ўзи "Тўғри қарор қабул қилдиммикан?" деган савол беришни аллақачон бошлаб юборган эди...

-66-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

🍂

"Feruza" ресторанининг барча ҳужжатлари , жумладан эгалик ҳуқуқи Хонзоданинг номига ўтганидан уч кишининг хабари бор эди. Булар Ҳорун Рашидов, Феруза ҳамда Ҳоруннинг ўнг қўли бўлмиш Камол эди. Айнан Камол рестораннинг барча ҳужжат ишлари Хонзодага ўтказилиши масалаларини имкон даражасида тезроқ ҳал қилиб берганди.

Бугун Хонзода рестораннинг ҳўжайини сифатида илк бор тўй маросимини ўтказаётган бўлиб , ресторан унинг қўл остига ўтганлигидан юқорида санаб ўтилганлардан бошқа ҳеч кимнинг хабари йўқ эди. Хонзода ҳамон қўриқлаш хизмати таркибидаги ходим ҳисобланиб келинар, унинг Карим Муродовнинг қизини тўйини ўтказишдаги жонбозлигини атрофдагилар Ҳорун Рашидовнинг шахсий буйруғи сифатида қабул қилган эдилар.
Ва ниҳоят никоҳ оқшоми учун барча тайёргарлик ишлари ўз ниҳоясига етди.
Хонзода қўриқлаш йигитлари таркибида келин ва куёвни кутиб олишга тайёр турар эди. У ҳар сафаргидек қўриқлаш хизмати ходимлари билан бир хил кийим костюм-шим кийиб, галстук тақиб олган, фақат бу сафар истисно тариқасида узун сочларини Шабнамга қирқ кокил қилиб ўрдириб орқасига олган эди. Унга кўзи тушган Асрор ака узоқдан жилмайиб қўли билан "Жуда очилиб кетибсан" дегандек ишора қилиб кўзини қисиб қўйди. Ҳамиша жиддий юрадиган Жалолиддин ҳам Хонзодага бу сафар киши билмас назар ташлаб қўяётган эди. Жалолиддин Хонзодани яқиндан билган сари нозиккина вужудда шунчалик чидам ва бардош мужассам эканлигига тобора ҳайрон бўлиб бораётган эди.

Кечга яқин тўйхонани келин ва куёвнинг қариндош-уруғ, дўст-биродарлари тўлдира кетди. Йиғилганларни КаримМуродов билан бир қаторда Ҳорун Рашидовнинг ўзи кутиб ола бошлади. Меҳмон ва мезбонларнинг бари ичкаридан жойини эгаллагач, Асрор ака қўл остидагиларга буюрди:

- Ҳамма залга! Келин-куёвларни кутиб оламиз.
  
-67-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Қўриқлаш ходимлари залдаги келин-куёв кириб келадиган узун йўлакнинг икки тарафига узун қатор бўлиб тизилдилар. Қаторнинг қарама-қарши икки тарафидаги энг тўрида Асрор ака ва Хонзода жой эгалладилар. 

   - Энди даврамизга бугунги оқшомимизнинг асосий  сабабчилари Йигитали ва Паризодхонларни таклиф этамиз,- дея эълон қилди бошловчи тантанали оҳангда,  - тўйхонамизга йиғилган азизлардан эса икки ёшни қарсак садолари остида қаршилашларини сўраб қолган бўлар эдик.
Тез орада "Сеҳр" ансабмлининг раққоса қизлари оппоқ момиқ патли оққуш либосида тизилиб даврани эгалладилар. Хонзоданинг сценарийси асосида раққоса қизлар келин-куёвни даврага гўзал тарзда кузатиб келишга шай бўлдилар.
    Тўйхона бўйлаб ўша таниш ва қадрдон  қўшиқ янгради: 
    - Ёр уйига келинпошша ибо билан кклибди, 
    Куёв тўра юрагига шифо билан келибди, 
   Аста-аста қадам босар қутлуғ бўлсин қадамлар, 
   Ҳаё билан ҳиром айлаб ҳимо билан келибди.

   Келибди,  келибди ҳимо билан келибди...

   Келин тўйхонага кираверишдаги меҳмонларга келин салом қилди шекилли ўша ерда куёв билан бир зум ушланиб қолишди.

   Тўй оқшоми хонадонга нур таралиб бир зумда, 
   Гуё тундан қуёш чиқиб зиё билан келибди
   Назокати,  чиройи ёшлигига нур қўшибди
   Андиша-ю одоб деган сарпо билан келибди.

   Келибди,  келибди сарпо билан келибди.

Келин-куёв аста давра тўрига яқинлашдилар.

Узукка кўз солган мисол куёв бола ёнида,
Гўё куёв Тоҳир бўлиб Зуҳро билан келибди.
Севги бахтин кўз-кўз этар кўз тегмасин бахтига,
Бошига бахт қуши қўниб ҳумо билан келибди.

Келибди, келибди ҳумо билан келибди.

Келин- куёв давра тўрига яқинлашганда раққоса қизлар узун тизилиб уларнинг ортига ўтишди.
Шунда...

Шунда Хонзоданинг кўзи давра тўридаги куёв- Йигиталига тушди..

-68-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi