#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

🍂

Каромат опа "Бой жой билан қуда бўлдим" деб ўзини нечоғлик овунтиришга ҳаракат қилмасин, кеча Йигиталининг никоҳ оқшомида Хонзода билан боғлиқ эшитган янгилигини умуман "ҳазм" қила олмаётганди. Уни айниқса Йигиталининг Хонзодага кўзи тушиши билан ўзгариб, шаҳди пасайиб қолганлиги асабини бузаётганди. "Тавба, -дея ўйларди у,-аслида Хонзоданинг ҳам, Йигиталининг ҳам давлат ва омад борасида тоълелари баланд экан, бироқ... Бироқ ана шу давлат, мансаб, омад деганлари тўғридан тўғри Хонзоданинг қўлида бўлса, Йигитали эса қайнотаси ва хотинининг қош-қовоғига қараб эришади шекилли бу нарсаларга."
Каромат опа ҳалитдан ўғлини қудалари ва келинидан қизғана бошлаган эди. Айниқса келин бўлмиш Паризод бундоқ келинларга ўхшаб на қайнонасига жилмайиб таъзим қилишга ярамаса, на эр деганга кулиб эркаланиб қараб кўнглини олай демаса. Каромат опа уни таниганидан буён келин бўлмиш ҳудди жонсиз роботга ўхшаб сўррайиб тургани турган.

Бугун эрталабки "Келинсалом" маросимини ҳам Каромат опа неча кунлар, неча марта орзулаб кутганди. Паризоднинг янгалари эса келинни кун ёйилганда ҳам олиб чиқиб салом қилдиришмади. Тушлик пайти эса келинни кечаги оқшомдаги чарчоқлари ҳамон ёзилмаганини айтиб "Бу келин саломнинг совғалари" дея қўлларига бир талай тугун-терсакни тутқазишиб қариндош-уруғ олдида ўсал қилишди. Ҳа, бойлик деганлари ҳамиша ҳам инсон муҳтож бўлган барча нарсанинг ўрнини босавермас экан.


-77-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Кечга яқин Йигиталини Карим Муродовнинг шахсан ўзи йўқлаб келди. Унинг ёнида Паризод хушини йўқотганда биринчи ёрдам кўрсатган шифокор Нусратни кўрган Йигитали аввалига ҳайрон бўлди, орадан кўп ўтмай бу йигитнинг ташрифи бежизга эмаслигини билиб юраги ғашланди.

- Ўғлим, - деди Карим Муродов кенг меҳмонхонага қадам босар экан,- Нусрат Бобоев малакали шифокор, у анчадан буён Паризоднинг саломатлигига қараб туради. Ҳозир унинг сизда икки оғиз гапи бор. Илтимос кичик меҳмонхонага ўтиб бафуржа гаплашиб олсангизлар.

Йигитали ортиқча эътирозсиз Нусратга эргашди.
Карим Муродовнинг ортиқча такаллуфсиз меҳмонхонага кириб кетганидан хабар топган Райим ака билан Каромат опа унинг Йигиталида муҳим иши борлигини ҳис қилиб, ўзларича юрак бетлаб меҳмонхонага қадам босмадилар.

"Шунча хизматкор бор,- дейишди улар бир-бирларига қараганча, -керак бўлсак чақиришар. Бирор режалари бўлса ҳалақит бермай турайлик"

Бу пайтда Йигитали билан юзма-юз турган Нусрат унга синчков тикилиб дона-дона сўзлай кетди:

- Карим аканинг айтишлари бўйича, улар сизни қизлари Паризоднинг хасталик тарихидан тўлиқ хабардор қилибдилар. Мен эса сизга бу хасталик билан боғлиқ бўлган бошқа жиҳатларни айтиб ўтмоқчи эдим. Тўғрироғи огоҳлантирмоқчиман.

Йигитали Нусратнинг сўзларидан энсаси қотганини билдирмай унга сўзсиз тикилди.

- Хуллас, гапни чўзиб ўтирмайман. Гапнинг индаллоси Паризодга фарзанд кўриш умуман мумкин эмас. Унинг юраги бу жараённи кўтара олмайди.Вазифам тақазосига кўра яна шуни таъкидлашим жоизки, бунинг учун мени албатта кечирасиз деган умиддаман, умуман олганда Паризод иккингиз... Ҳалигиндай...- шу ерга келганда Нусратнинг тили тутилди

- Нима ҳалигиндай? Гапни бошладингизми давоминиям айтинг!? - Йигиталининг сабр косаси тоша бошлангани Нусрат докторгаям сезилди.

- Қизнинг саломатлигини хавф остига қўймаслик учун у билан эркак-аёл муносабатларига киришмаслигингиз лозим, акс ҳолда Паризодда ҳудди кечагидек "судорги" ҳолати келиб чиқиши ва...

- Ўзингизни қийнаманг, ака, барига тушундим, - деди Йигитали ҳафсаласиз оҳангда, бироқ ич- ичидан қайнаб чиқаётган ғазабни жиловлай олмади,- айтингчи аёлимни ёнида нафас олсам ҳаётини ҳатарга қўйиб қўймайманми?

- Бу нима деганингиз? - кўзлари олайди Нусратнинг,- гап инсон тақдири ҳақида кетяпти, сиз бўлсангиз!?

- Ҳай майли,- қўл силтади Йигитали,- эътибор берманг, шунчаки сўрадим-қўйдим.
Йигитали шундай деб чуқур ҳўрсинди ва кўнглидан "Аслида булар ҳам кам менга!?" деган сўзларни ўтказди.
  

-78-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

🌙 Арафа Муборак бўлсин!
Яқинларим Қадрдонларим!!! ♥️

Ассаламу алайкум ва рохматуллоҳи баракатуҳ 🌼🕊

Шу кунларга сиз ва бизларни соғ➖саломат етказган Аллоҳ таолога ҳамду➖санолар бўлсин!!!

Кейинги йил ушбу муборак кунларда ҳам бир➖биримизни Арафа куни ва Қуръбон ҳайити билан табриклашни Аллоҳ барчамизга насиб қилсин!!! 🤲

Яқин инсонларингизни арафа куни билан табриклаб қўйинг!!!🫶

📱@Insta_retseptlar — Mazali yeguliklar har kuni taomnomangizda!

Arafa kuni shu soʻzlarni aytib, duo qiling

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

🌙 ҚУРБОН ҲАЙИТИ НАМОЗИНИ ЎҚИШ ВАҚТЛАРИ

🕌 Юртимиздаги жоме масжидларда 2026 йил 27 май чоршанба куни Қурбон ҳайити намози ўқилади. Унга кўра, Тошкент шаҳридаги жоме масжидларда эрталаб соат 05:10 да Қурбон ҳайити намози ўқилади.

🕓 Республикамиз ҳудудларида Қурбон ҳайити намози жоме масжидларда қуйидаги вақтларда адо этилади:

🟢Андижон 05:05
🟠Наманган 05:05
🟢Фарғона 05:05
🟠Тошкент ш. 05:10
🟢Тошкент в. 05:10
🟠Сирдарё 05:20
🟢Жиззах 05:20
🟠Самарқанд 05:30
🟢Сурхондарё 05:30
🟠Қашқадарё 05:35
🟢Навоий 05:35
🟠Бухоро 05:35
🟢Хоразм 05:50
🟠Қорақалпоғистон Рес. 05:55

🕒 Юқорида кўрсатилган вақтлар қуёш чиққанидан кейин 15-20 дақиқалик фарқни инобатга олиб белгиланди.

https://t.me/iffatli_qalb