#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

🍂

Йигитали Нусрат доктор билан бошлашиб хонадан чиққанда Карим Муродовнинг меҳмонхонада ёлғиз ўзи эзгин кайфиятда ўтирганига кўзи тушди. "Бу кишигаям қийин,- қайнотасига ер остидан ачинганча назар ташлаган Йигитали,- оламнинг фарзанди бўлса-ю, ана соғ, ана носоғ деб юрак ҳовучлаб яшаши осон бўлмаса керак. Менимча бу катта азоб...- у шундай деб ўйлар экан хаёлига келган фикрдан баттар эзилди,- менда эса ўша фарзанд ҳам бўлмайди..."

Нусрат доктор бош ирғаб хайрлашиб чиқиб кетгач, Карим Муродов Йигиталига ҳижолатомуз жой кўрсатди:

- Келинг, болам, ўтиринг.

Йигитали индамай қайнотаси кўрсатган жойга чўкди ва унга тик қарай олмай кўзларини ерга қаратди.

- Биламан, -деди қайнотаси оғир тин олиб, - сизга нисбатан катта адолатсизлик қилдик. Аммо бу борада ўзимизни ҳам оқлайдиган сабабларимиз йўқ эмас. Энг аввало ота-онамиз. Қизимиз жон-у жаҳонимиз. Шу дардманд мушфиқанинг юзларига озгина бўлса-да табассум югурармикан, ҳаётга қизиқиши ортармикан дея оиламиз билан ушбу тўй саҳнасини ўйлаб топгандик. Менимча буларнинг барчаси биз кутган натижани бермади чоғи. Қилинган шунча саъй-ҳаракатлар Паризод қизимнинг юзига заррача бўлсин табассум югуртира олмади. Қайтага у ўзини янада бахтсизроқ ҳис қилмоқда наздимизда.
Биз-ку бу муаммолар гирдобида бир неча йиллардан буён яшамоқдамиз. Аммо ҳозир ҳаммамиздан ҳам сизга қийин бўлмоқда. Турмуш қуриб шу қадар чигал муносабатлар қаршисида ноилож қоламан деб ўйламагансиз албатта.
Ўғлим,- Карим Муродов кутилмаганда суҳбат жиловини бошқа томонга буриб юборди,- айтингчи, ота-онангиз, яъни қудаларим Паризоднинг аҳволидан хабардор бўлдиларми? Айтмоқчиман-ки,.

-79-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Кап-катта эркакнинг бу таҳлит чайналиши Йигиталининг асабига тегди, шунинг у шартта:

— Йўқ, мен ота-онамга бу ҳақда гапирганим йўқ, —дея қайнотасининг сўзини кесди, — менимча улар бу ҳақда билишлари шарт ҳам эмас. Бу ёғига мен ҳам ўз ҳаётим учун ўзим мустақил қарор қабул қилиб яшай оладиган ёшга етдим.

— Мана бу жуда соз қарор, — куёвининг сўзларидан Карим Муродовнинг кайфияти кўтарилиб кетди, — менга қаранг, Йигиталижон. Бундоқ ўйлаб қарасам энди сизга кўча-кўйда устачилик қилиб юриш ярашмайди. Ўзи ўқиган, олий маълумотли йигит бўлсангиз. Менимча ораста офисларда ўтириб ишлаш сиз учун анча қулай. Йўқ демасангиз, — у шундай деб чўнтагидан иккита калит чиқариб стол устига қўйди, — мана бу калитларга эгалик қилсангиз. Бири Бешёғочдаги тилла дўконини раҳбар хонасининг калити. Иккинчиси эса ишга қатнаш учун айнан сизга ярашадиган машина калити. Насиб қилса келаси хафта сизга ёрдамчи қилиб тайинланган йигит — Азизжон келиб ишни барча ҳкжжатларни номингизга расмийлаштириб беришдан бошлайдилар. Маъқулми?

Йигитали қайнотасининг совғаларидан боши осмонга етгудек бўлиб учиб—қўниб кетмади. Балки охирги икки кун ичида қаршисида никоҳига олган қиз Паризод билан боғлиқ тобора охири тугамай, борган сайин чувалашиб бораётган сирлар уни ана шундай ҳиссиз қилиб бораётган эдими? Шу сабаб у ўзида қайнотасига бир оғиз қуруққина қилиб "раҳмат" дейишга куч топа олди холос. Карим Муродов эса барча масаланинг бир маромда "силлиққина" қилиб битаётганидан боши осмонда, шу сабаб куёвининг руҳиятидаги ўзгаришларни англайдиган аҳволда эмас эди.
  

-80-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

🍂

— Алло, Жалолиддин ака? —эртаси куни иш вақтидан сал аввал қўнғироқ қилган Хонзоданинг овози йигитни сергак торттирди. "Кеча тўйда кўрсатган томошаларидан қизнинг кўнгли оғриган бўлса-я?"

— Ҳа Хонзода, тинчликми? — деди у ўзини "Мунчоқкўз" дейишдан беихтиёр тийиб

— Ассалому алайкум, узр Жалолиддин ака, сизни огоҳлантириб қўйиш ёдимдан чиқибди. Бугун машина ҳайдаш машғулотига бора олмайман. Шуни айтиб қўяй дегандим.

— Тинчликми, Хонзода? —Жалолиддин ундан чинакамига ҳавотир ола бошлаганига ўзи ҳам ҳайрон бўла бошлади

— Тинчлик, тинчлик, — Жалолиддинни ҳотиржам қилишга шошилди Хонзода, — эртага адамлар билан акаларим Тошкентга келишяпти. Улар анчадан буён Россияда ишлашаётган эдилар. Шунга уларнинг ташрифига уйимнинг у ер, бу ерига қарай дегандим. Яқинларим бирор хафта шу ерда қоладилар. Шунга бозордан кўрпа-ёстиқ, сочиқ деганларидек зарур нарсалардан харид қилишим керак. Асрор акамдан жавоб сўрадим. Бугун ишга бормайман. Бугун ресторанда тўйимиз йўқ-ку, шунга Асрор акам ҳам "Бемалол ишингни битириб олавер" дедилар.

— Ҳаа шундай дегин!? — кўнгли жойига тушди Жалолиддиннинг. Огоҳлантириб қўйганинг учун раҳмат. Мен ҳам бошқа юмушларимни битира тураман.

— Ҳўп яхши, кўришгунча.

Хонзода Жалолиддин билан хайрлашганига ўн беш дақиқа бўлмай йигитнинг телефони уни безовта қилиб жиринглади.

— Хонзода, қаердасан? — сўради Жалолиддин кўтаринки кайфиятда, —Асрор акам сенга қарашиб юборишимни буюрди. Бугун машинам билан хизматингда бўларканман.
Аслида Асрор ака Жалолиддинни Хонзодага қарашиб юборишни бежизга буюрмаган эди.

-81-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

🔤🔤 — 🔤🔤🔤
🎆 АССАЛОМУ АЛАЙКУМ 🎆
🌼🕊ЖУМА айёми Муборак❕

Toза тилакларга бешикдур дунё,
Очсангиз Жаннатга эшикдур дунё,
Тилагим ҳаётда ҳеч қилманг хатo.
Сизни паноҳида асрасин Худо!

Энг  Яқиним
ЖУМА  МУБОРАК 🌸🕊


ЖУМА АЙЁМИНГИЗ МУБОРАК БЎЛСИН АЗИЗ  АЗИЗЛАРИМ !

Жума айёмингиз муборак бўлсин ҚАДРДОНЛАРИМ!

Яқинларга улашинг ❤️⤵️

📱@Insta_retseptlar — Mazali yeguliklar har kuni taomnomangizda!

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

У анчадан буён Хонзода ва Жалолиддинни бир-бирларига ҳар тарафлама муносиб жуфтлик сифатида кўраётган эди.
"Хонзодадек беғубор қиз Жалолиддин каби бағри кенг, самимий йигитга жуда муносиб" дея хаёл қиларди у.
Асрор ака Хонзода дастлаб ўзи ишлайдиган таркибга ишга қабул қилинган вақт ундаги аламзадаликни тезда пайқаган эди. Кўп ўтмай аввалги бошлиқлари Қобилдан куппа-кундуз куни Хонзодани шахсан Ҳорун Рашидов раҳбарлигида таркибнинг бир неча йигитлари машинага босиб "ўғирлаб" келганлари ҳақида эшитгач, қизнинг тақдирига бўлган қизиқиши янада ортган эди.
Кейинчалик Хонзодани яқиндан таниб борган сари Асрор ака Ҳорун Рашидов бекорга бу қизни ўзига яқин олмаслигини юракдан ҳис қилди, сабаби қизнинг кўнгли жуда тоза ва туйғулари ўта соф эди.
Ҳорун Рашидов илк бора штатларга сафари сабаб уюштирган зиёфатдан сўнг унинг ёрдамчиси Камол Асрор Ибратовни ўз ҳузурига чоралаган ва қизга кўз-қулоқ бўлишни алоҳида тайинлаб, Хонзоданинг тақдири ҳақидаги бор ҳақиқатни унга етказган эди.
Қизнинг тақдири билан боғлиқ воқеаларни эшитган Асрор ака анча кунгача ўзига кела олмай юрганди. У бошига шунчалик оғир мусибат тушишига қарамай қвддини тик тута олган Хонзодага нисбатан ҳурмати янада орта бошлаган эди. Куни кеча тили дилларда достон бўлган ўша Карим Муродовнинг тўйи ва , ушбу тўйнинг бош қаҳрамони бўлмиш Йигиталининг Хонзодага собиқ қаллиқ бўлиб чиқиши Асрор акани янада эсанкиратиб қўйганди.

"Оҳ, дунё бунчалар тор бўлмаса-я? — деган қарорга келганди Асрор ака, — боёқиш Хонзода... Шунча тортган ситамлари етарли эмасмикан?

-82-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi