🎆АССАЛОМУ АЛАЙКУМ 🎆
ДУШАНБА КУНИНГИЗ МУБОРАК КАДРДОНЛАРИМ! 🌷🍃🌷

🌺🌺Мен учун мехри баланд Мехрибонларим.
🌸Мен учун қадри баланд Қадрдонларим.
🌸🌸Аллоҳ доим сизни қўлласин.
☀️☀️Бугунги кунингиз эзгу амалларга бой кун бўлсин!!! 🤲

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/AAAAAD4X1DsunOF6fgChXQ

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Каромат опа шундай хаёллар оғушида ёнига Йигиталининг келиб ўтирганини пайқамади:

— Ҳаа ойи,- сўради Йигитали,- тинчликми, нималарни ўйлаяпсиз?

— Воей!?- ўғлининг тўсатдан келиб берган саволидан Каромат опа чўчиб тушди ва ёқасини жуфтлаб кўксига туфлади,- туф, туф, туф-ей? Бундоқ келяпман деб йўталиб-пўталиб қўймайсанми? Эсимни эсхонасини чиқардинг-ку, сен бола?!

— Хаёл суриб қолганингизни қаердан билибман, ойи? - пўнғиллади Йигитали,- сал нарсагаям чўчиб кетаверасизми?

— Менга қара,- деди гап мавзусини бурганча Каромат опа, — қайнотанг хоналарингда нима қилиб юрибди? Ўша ёққа келиб, ўша ёқдан кетди ўзича?

— Ҳмм, — энсаси қотгандек ҳўрсинди Йигитали, — қайнотам менга Бешёғочдаги тилла дўкони билан кўчада турган машинани совға қилиб кетди.


— Вооой,-зумда чеҳраси ёришди Каромат опанинг, — шунақа дегин? Қандоқ яхши? Қандоқ яхши-я? Тоълеинг кулганда сени, болам! Қайнотанг сенга шундоқ зўр нарсаларни совға қилса—ю, сени сувга тушган бўлка нондек бўкиб ўтиришингни қара? Бу ҳали бошланиши, ўғлим. Ана энди душманларимиз ютуғингни кўриб, кўзлари ўйилсин. Биттаси анави Хонзодами катта ресторан қўлимга тегди деб жилпонг-жилпонг рақсга тушиб ётган? —Каромат опа охирги сўзларини бехос гапиришга гапириб қўйиб тилини тишлади, бироқ энди кеч эди.

— Нима!?— дарҳол сергакланди Йигитали,- қанақа ресторан ҳақида гапиряпсиз, ойи? Хонзоданинг қўлига қанақа ресторан тегибди?

— Эээ, қўявер, парво қилма,- Каромат опа атайдан қўлини хафсаласиз силкиди,- хуллас ўша бемаъни Хонзода куни кеча сизларнинг тўйингиз бўлган "Feruza" ресторанининг хўжайини эмиш. Нима деб ўйлайсан, қайси "кароматлари" эвазига олган экан бу ресторанни?

— Ойи, адашмаяпсизми? — бўшашиб сўради Йигитали, — Хонзода қанақасига у ресторанни эгаси бўларкан? Бўлиши мумкин эмас?

-95-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

— Адашаётганим йўқ, — энсаси қотиб бобиллади Каромат опа,— ҳали қулоқдан қолмаганман. "Хонзода шу ресторанни хўжайини" деб шахсан қайнотангни оғзидан эшитдим. У бир дўстига оғзидан суви келиб ўша ойпаталакни мақтаб турганди.
   Айтишича Хонзода ресторанни аввалги хўжайинига ўз синглисидек гапмиш. Жуда ишондим-да шу сўзларга!?

Йигиталининг ранги бўздек оқариб кетди. У Хонзодани ўша баҳорда бўлиб ўтган воқеалардан сўнг қаддини бу даражада тиклаб олган деб тахмин ҳам қилмаганди. Аҳвол шу даражага борибдими, демак... Демак, Хонзода ростдан ҳам "анавинақа" йўлларга юриб кетгани рост экан-да!?

Йигитали кўнглида "Feruza" ресторанига яна бир бор боришни ва ҳаммасидан бохабар бўлиб келишни тугиб қўйди.

— Менга қара, Паризод келинимиз роса уй қизи эканми? — Йигиталининг хаёлларини бўлиб савол берди Каромат опа,- кун кеч бўляпти, хонасидан бир чиқай ҳам демаса-я?

— Озроқ чарчаган, ойи, — деди ўрнидан қўзғалиб Йигитали, — дамини олиб олса чиқиб қолар.

— Энди кеч бўлди, чиқиши шарт эмас,- деди Каромат опа Йигиталининг изидан тикилиб,— яхшиси ўзинг унинг ёнига бор.

Йигитали онасига жавоб қайтармай ташқарига йўл олди. Унинг бутун вужуди рашк оловида ёнарди. "Хонзода кимга тегишли ўзи? — алам билан ўйлар эди Йигитали, — у ресторан хўжайини Ҳорун Рашидовнинг маъшуқасими? Унда анави Хонзоданинг атрофида ўралашиб юрган қорачадан келган йигит ким?"

🍂

Отасининг жавобидан кўнгли тўлмаган Ҳумоюн орадан уч кун ўтгач Хонзоданинг иш жойига бориб уни нима ишлар ила бандлигини ўз кўзи билан кўриб келишга қарор қилганди. У синглидан қаттиқ ҳавотир олаётганди.

Ўғилларига Хонзода билан боғлиқ воқеаларни неча ойлар давомида айтишга бети чидамаган Мадумар ака ваниҳоят уйга қайтиш арафасида гапириб беришга мажбур бўлганди. Йўқса уларга қишлоққа қадам боса олмаслик сабабини қандоқ тушунтирарди. Бўлиб ўтган воқеани эшитган ҳар иккала ўғли ҳам гуриллаб ёниб кетишди. Энг аввало умрлари давомида бир бор бўлсада бетига тик боқмаган оталарига бўлиб ўтган воқеадан вақтида хабардор қилмаганлиги учун қаттиқ ранжиганликларини яшириб ўтиришмади.

-96-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

🌿🌸🍃ХАЙРЛИ ТОНГ🍃🌸🌿

🌺Ассалому алайкум ва рахматуллоху ва баракатуҳ

🕊🌸Уйғониш ҳам–Аллоҳнинг раҳматидир!
Бу раҳматга эришганларга янги тонг муборак!🌹

🌷Берган неъматлари, берган ризқи учун Аллоҳга ҳамд бўлсин! 🤲
🍃Барчамизни яхшиликлар билан сийласин,
🪷🌿Покиза қалбларимзни покиза қилсин!

🌸Бошланган кун барчамизга хайрли бўлсин!

📱@Insta_retseptlar — Mazali yeguliklar har kuni taomnomangizda!

Укажон

Томирларда оқаётган қонимиз бир укажон,
Танимиз бошқадиру, жонимиз бир укажон.

Видеони укаларга юборишни унутманг!

Яқинларга улашинг ❤️⤵️

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 


— Мусофир юртларда хаёлларингни бузиб сенларга бу гапларни қандоқ етказардим? Ўртада ор бор, номус бор ахир! Нима сенлар югуриб келиб жиноятчиларни зумда топармидиларинг? Бунинг учун ҳоҳиш ва истакнинг ўзи етарли бўлармиди?

Мен ва раҳматли ойингнинг қишлоқда юргилиги қолмаган вақтда сенлар келиб нима қилиб берардиларинг? Э қўйларинг ўша кунларни? Эслашни ҳам истамайман!

— Адааа! Ахир Хонзода бизнинг якка-ю ёлғиз синглимиз! Жигарпорамиз! — куйиниб гапирар экан Ҳумоюннинг ёлғиз қўли мушт бўлиб тугилди.

— Ҳали ҳам шундай, — маҳзун ҳўрсинди Мадумар ака, — шундай бўлиб қолади ҳам! Ана шунинг учун ҳам қишлоққа қайтолмаймиз. Энди шу ерда қолиб барини бошидан бошлашимиз керак. Илтимос, ҳар хил гапларни гапириб синглингни юрагини ўртаманглар. У шундоқ ҳам... — Мадумар аканинг бўғзига аччиқ алам тиқилди, — муштдек бошича етарлича жабр кўрди.

— Ҳотиржам бўлинг, ада, — деди Ҳумоюн қатъият билан, — энди бари бошқача бўлади!

🍂

Эртаси куни ресторан эшиги тагида Ҳумоюнга кўзи тушган Жалолиддиннинг чеҳраси ёришиб кетди.

— Эээ ака, ассалому алайкум...

— Ваалайкум ассалом, — деди Ҳумоюн теварак-атрофни кўздан кечирар экан, — шаҳарни айланиб юрган эдим. Қарасам бу жойнинг номи кўзимга иссиқ кўринди. Ҳойнаҳой синглим ишлаётган ресторан шу бўлса керак деб...

— Ҳаа, бу синглингиз ишлаётган рнстораннинг айнан ўзи. Ичкарига кириб танишиб кўришингиз мумкин. Истасангиз сизга ҳамроҳ бўлишим мумкин, бироқ ўзингиз бориб Хонзодага сюрприз қилсангиз ҳам зўр иш бўлади.


-97-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

   — Шунга яқинроқ, — жилмайди Хонзода, — бугун зал бошлиғимизни ишлари чиқиб қолган экан,  шунга қарашиб юбораётгандим. Ҳа айтганча,  Шабнам ҳам шу ерда ишлайди,  фақат у безак ишлари билан шуғулланади,  ишини кўринг,  роса чиройли, — Хонзода шундай деб Шабнам тарафга овоз берди,— Шабнам-ууу, қара акам келдилар.

   Ака-сингил тарафга юзланган Шабнамнинг юзларига табассум югурди: 

    — Вооой, — Шабнам ишини ташлаб Ҳумоюннинг истиқболига пешвоз чиқди, — ассалому алайкум,  хуш келибсиз,  Ҳумоюн ака. 

— Ваалайкум ассалом, сиз ҳам шу ерда ишлар экансиз-да!?

— Ҳаа, — деди кулгучлари ўзига ярашган Шабнам, — сизга айтган эдик-ку, бирга ишлаймиз деб?

— Униси ёдим-да, - жавоб қайтарди Ҳумоюн Шабнамга тақлидан, - аммо бир-бирингизга бунчалик яқинсиз деб ўйламаган эканман.

— Биз бир жамоамиз,— деди Шабнам мақтаганнамо,— ўзингиз яхшимисиз? Йўлнинг чарчоғлари чиқиб қолдими?

— Ҳаа, уйда ўтиравериб зерикибла кетдим.

— Ака, адамларга ҳам уйда зерикяпман деган экансиз. Яна "Шаҳарга чиқиб иш қидириб кўраман" ҳам деган экансиз. Шунга мана шу ерда бир иш бор эди. Танишиб кўрасизми? Бирга ишласак яхши бўларди-да?

— Қандай иш экан? — жонланди Ҳумоюн.

— Камералар ўрнатилган хонага назоратчи керак экан. Озода , тартибли иш. Ёзда салқин, қишда иссиқ хонада ўтириб назорат қилинади.

— Эркак киши уззукун мониторга термулиб кун ўтказса чиройли кўринмаса керак? — дарровда ҳафсаласи пир бўлди Ҳумоюннинг, — менимча бу иш менга тўғри келмайди.

— Сира ундай эмас-да, ака, — дарровда эътирозга шайланди Хонзода, — бизнинг ресторанда бу ишнинг қиймати жуда баланд.
  

-99-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

Хайрли кун. ❣️

Бугунги кун сизга
энг яхши кун бўлсин. 💗

Яқинларга Улашинг.. 🌸

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

Шундай яшангки,
Сизни хам йиғлаб эсласин!

Яқинларга Улашинг.. 🌸

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

🌹Aссалому алайкум.
Пайшанба тонги муборак бўлсин.

🤲Соғ-саломат уйғотган Роббимизга хамдлар бўлсин!

Аллоҳим тонгингизни нурафшон,
Кўнглингизни хотиржам,
Чеҳрангизни нурли қилсин.

Танангизни саломатлик,
Юзингизни табассум безаб турсин!

🌷 Бахт, омад, муваффақият, меҳр-муҳаббат ҳамиша ҳамрохингиз бўлсин!!

Яқинларга улашинг ❤️⤵️

📱@Insta_retseptlar — Mazali yeguliklar har kuni taomnomangizda!

Bir kishi uylandi. Ayoli ovqat qilayotgan edi. Ovqatning mazasini totib koʻrdi. Ovqat shoʻr boʻlgan edi. U gʻazablanmadi, idishlarni sindirmadi, xotinini soʻkmadi, qaynonasini qiziga ovqat qilishni oʻrgatmaganlikda ayblamadi.
Xotinining yelkasiga qoʻlini qoʻyib dedi:
— Bugun menga yangi kelin boʻlgan vaqtingni eslatding.Ovqatni tuzini koʻp solib yuborar eding.
Xotini soʻradi:
— Bugun ham ovqat shoʻr boʻlibdimi?
Er dedi:
— Ha. Ammo bu menga eng saodatli kunlarimni eslatdi!
U ayolini koʻnglini oldi.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

Қалбнинг энг гўзал васфи шудир:

Қалби Аллоҳ ва Унинг Расулининг муҳаббатига, одамларга яхшилик қилиш муҳаббатига тўлган, ҳадя улашувчи, камтар, бағрикенг, қаноатли, тақводор, иймонли ва сабрли инсон!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Сиз бир йўла юздан ортиқ "точка" ларни текширасиз ва ўша ердаги жамоат тартибига жавоб берасиз. Бу жуда қийин ва маъсулиятли иш. Тўғри қўл остингизда ёрдамчилар бўлади. Бироқ шунда ҳам ҳар "точка"ни элементар деталларигача назорат қилиш ҳамма ҳам уддалайдиган иш эмас. Сиз яхшиси мен билан юринг ва иш кўламини ўз кўзингиз билан кўринг. Аслида шу ишни уддалай олишингизга кўзим етгани учун сизни тавсия қилгандим.
Хонзода олдинга тушиб йўл бошлади. Эсанкираб қолган Ҳумоюн "Бу ердаги ишларинг-чи?" дея савол берган эди, Хонзода "Бу ердаги ишлар битиб қолди, қолаверса у ёқда узоқ ушланиб қолмаймиз" - дея жавоб қайтарди.
Хонзода айтганича бор экан. Ҳумоюн ишнинг ҳайбатини камералар орқали назорат юритиладиган хонага кирганда ҳис қилди.

— Асрор ака, танишинг, булар мен сизга айтган акам бўладилар.

Ҳумоюн Хонзода таништирган йигит билан бироз суҳбатлашиб, дилида шу ерда ишлашга бўлган ҳавас уйғонди. У Хонзода билан изига қайтар экан синглисидан:

— Бу ердаги аввалги назоратчи қаерда? Нима сабабдан шундай яхши иш жойини бировга бериб қўймоқда? — деб сўради.

— Ака, мен нафақат сизга, балки адамлар билан Хондамир акамларга ҳам иш топиб қўйгандим, сабаби бу ердаги хизматчиларнинг кўпчилиги ресторанимиз раҳбари Ҳорун Рашидов билан у кишининг штатларда очилган янги иш жойларига кетишмоқда. Шунга бу ерда ҳам бўшаб қолган иш ўрнига талабгорлар қидиряпмиз.

— Адамларга нима иш топдинг? —Хонзодага жиддий тикилди Ҳумоюн

— Уларга ўз касбларига доир иш топгандим, яъни қассобчиликка. Бу ерга кунда, кунора қушхонадан янги сўйилган қўй, моллардан келтирилади. Уларни бўлаклаш, тиликлаш, суюкли гўштларини махсус таомлар учун ажратиш ва ҳаказо ишлар учун адамлардек қўли гул қассоб бўлса жон деб ишга олишади. Хондамир акамга ҳам уларни ёнларида иш топилади.

— Ундай бўлса яхши, — юзлари ёришди Ҳумоюннинг, — биз қачондан ишга тушсак бўлади?
 

-100-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

🍂

Ўғлининг тўйидан бир хафта ўтгач Каромат опа ва Райим ака унинг хонадонидаги "ўз ўрнилари"ни фаҳмлаб улгуришганди.
Паризод на Каромат опани қайнона ўрнида кўрди, на Райим акани қайнота ўрнида ҳурматини жойига қўйди. У хушига келса ташқарига чиқар, асосий вақтини эса хонасида мультфильм кўриб ўтказар, баъзан эса гапсиз, сўзсиз ота ҳовлисига кетиб қоларди. Каромат опа билан Райим ака ҳам кўр эмас, аста-секин келинларида бир эмас , " кўп гап борлиги" ни англаб кундан кунга лоҳасланиб борар эдилар.
Ҳаа... Текин пишлоқ қопқонда бўлади деганлари рост экан. Бу дегани дунёдаги ҳар бир нарсанинг ўз тўлови бор деганидир. Чунон-чи, Йигиталининг бошига қўнган бахт қуши, мол—дунё, мансаб, обрў —эътибор барчасининг тўлови ана шу келин Паризоднинг —дарди эди.

Ўғлингникига борсанг-у, биров "Кимсан, нимасан?" демаса, сенга одам ўрнида мулозамат кўрсатмаса, "Олинг қуда, келинг қуда" деган мулозаматлар бўлмаса... Бундай муомаладан сўнг озгина фаросати бор одам бу ерда ўзини ортиқчалигини сезиб олиши табиий. Йигиталининг ота-онаси ҳам ушбу хонадонда сафарлари қариганини аллазамон ҳис қилиб улгургандилар. Ахир улар Йигиталини бу хонадонга "Ичкуёв" қилиб қабул қилгандилар, эркак-аёл қудаларини эмас.

Янги ишига эндигина киришиб, шу билан андармон бўлиб юрган Йигитали эрта-сахардан тугун-терсагини қўлтиқлаб "Қишлоққа қайтамиз" деб ўтирган ота-онасига ортиқча қаршилик кўрсатмади. Бунинг ўрнига:

— Кўчада овора бўлиб, туртиниб-суртиниб юрманглар, сизларга ўзим яндекс таксининг энг зўр туридан чақиртириб бераман, мазза қилиб кетасизлар,-деди ота-онасининг руҳиятига қарамай.
Ўғилларининг бу гапидан ота-онанинг ичидан нимадир чирт этиб узилган бўлди, Райим ака эса ичидагиларни боса олмай, ўғлининг изидан аёлига минғилади:
— Кетдик, онаси... Ўғлингни бой бериб бўлибмиз чоғи...

Каромат опа эса ранги гезариб эрига эргашди. У ич-ичидан "Мен буларни шундоқ қўйиб бўпман" дея яниб борар эди.

-101-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

#Жума_тонги

Роббим! Бугунга тақсим қилганинг яхшилик, ризқ, офият, тавфиқ, саодат, нажот ва қалб очилишидан бизга тўлиқ ҳисса ва насиба ажратгин! Неъматларинга шукр қилувчи қалбларни, бу кун ва бундан кейинги келадиган кунларнинг яхшиликлари ила сийлагин!

Жуманинг хайри ва барокати сизга бўлсин Қадрдон. Ассалому алайкум ва раҳматуллоҳи ва баракатуҳ!

📱@Insta_retseptlar — Mazali yeguliklar har kuni taomnomangizda!

Буви

Аёлнинг ичига чироқ ёқса ёришмайди. Эри шунча жанжалдан кейин ҳам бемалол хуррак отиб ухлаб ётибди.
У анча вақтгача ўзига раҳми келиб, ўзига ўзи ачиниб  йиғлаб ўтирди.
"Замиранинг эри байрамга истаган кўйлагингни олиб бераман дебди. Мен бечора  кўйлак у ёқда турсин оёғимга битта шиппак олишга зорман. Бир нарса сўрасам, албатта, танбеҳ эшитаман, ёки бақириғидан безор бўламан". У ўтириб йиғлайверди, йиғлайверди, охири боши лўқиллаб оғриб, кўзлари ачишиб кетди.
Ўғилчасининг ёнига жой солиб ётди.

Эрталаб арази тарқамаган бўлса ҳам нонушта тайёрлаб, эрини ишга кузатди. Эшикдан чиқаётганда  оёқ кийимини артиб,боғичларигача ечиб,  кийишга тайёр қилиб қўйган хотинининг бурнидан оҳиста чимдим қўйган Акмалга бир хўмрайиб қўйиш билан жавоб берди. Кейин ўзи ҳам боласини етаклаб ишга кетди.
Бугун ишхонасидаги аёллар байрам баҳона ўтиришар экан. Унга ҳеч қачон жавоб тегмайди. Эрининг топиб олган гапи битта."Ўша ўтиришнинг пулига бир кило гўшт олсанг, бир қозон овқат бўлади, уйда маза қилиб ўтирамиз"
Замира "байрамга қол,"—деб ҳол-жонига қўймагач, ғурурини босиб-янчиб рухсат сўраш учун Акмалга телефон қилди, эвазига насибасига ярашасини олди." Ўша ўтиришда қоладиган бўлсанг, уйга қайтиб келма! "

Сабр косаси тўлди. Ҳали қараб турсин.У боғча мудирасидан рухсат, олди, эшигига "Қуёнча" деб ёзилган гуруҳдан ўғлини олиб,  ҳамкасбларига зарур  иши чиқиб қолганини айтиб, болалиги ўтган уйга жўнади. Дарвозадан кириб бораркан, кичкинагина ўриндиққа ўтириб олиб гулзордаги ўтларни тозалаётган бувисига кўзи тушди.
—Вой, Умидахон, кел болам, ўзим ўргилай. Бувисининг оёқлари увишиб қолганми, бирдан ўрнидан қўзғала олмади. Умида чўккалаб бувисини қучоқлаб оларкан "Айланай сендан",-деган сўзларига ўзини тутолмай йиғлаб берди...
Бор дардини  тўкиб солгач, яна анчагача ҳиқиллаб ўтирди.
—Бўлдингми, энди мени эшит, —деди бувиси. Бизнинг давримизда аёлларнинг чойхонадами, ошхонадами, бегона одамлар даврасида овқатланиб ўтириши уят саналган.

Янги келинман. Бир куни  писта сотиб  олиб,  чақиб келаётгандим, маҳалламиз бошида ёши улуғ аёл бўларди, Ҳалима буви дейишарди. Салом бериб ёнидан ўтаётсам, имлаб чақириб қолди
—Санобарнинг келинимисан? Тасдиқладим.
—Қайнонангга айтиб қўй, келин ушлашни билмабди. Пистани қанчага олдинг?
—Йигирма тийинга, — дедим кампирнинг нима демоқчи эканлигига тушунмай.
—Шу пулга битта кир совун беради. Бир дунё кирингни ювиб оласан Одамнинг нафси нималарни хоҳламайди...
Писта чаққанимга минг пушаймон бўлдим.
Шу гап бир умрга етарлик  бўлди. Эринг—укамнинг ўғли, отасига ўхшаган  тежамкор йигит. Бугун хафа бўлсанг, эртага биринг икки бўлганда хурсанд бўласан, энди кеч бўлмай уйингга бора қол. Ота-онанг келганингни билмай қўя қолсин.

Уйига кириб овқатга уннади. Бувиси тўғри айтади, хўжайини тежамкор йигит,  бўлак бўлиб чиқишибдики, қўшнидан битта пиёз сўраб чиқмади шу чоққача.

Кечки пайт ҳеч нарса бўлмагандек эрини кутиб олди.

Байрам куни эса...
Бу Умиданинг ҳаётидаги энг зўр байрам бўлди. Акмал акаси бир эмас, иккита кўйлак совға қилди. Бири уйга, бири— кўчалик!
Акмал ҳали у кўйлакни, ҳали бу кўйлакни кийиб ўзини суратга олаётган хотинига қараб, ҳижолат бўлар,  аммаси— Умиданинг бувиси нима учун шу кийимлар солинган елим қопчиқни  қўлига тутқазаётганда "Ўзим сотиб олдим дегин, буларни мен берганимни ҳеч ким билмай қўя қолсин", — дея қайта-қайта таъкидлаганини энди сал тушунгандек бўлди.

Феруза Салходжаева

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

Она меҳри..

Икки аёл сафарга чиқди. Икковининг ҳам ёш боласи бор эди. Йўлда уларга бўри ҳужум қилиб, болаларнинг бирини еб қўйди. Икки аёл омон қолган битта болани талашиб қолишди. Иккиси ҳам «Бола меники», деб даъво қилиб, Довуд алайҳиссаломга боришди.

Довуд алайҳиссалом бўлган воқеани эшитиб, болани икки аёлнинг ёши каттасиники деб ҳукм қилди. Улар бу ҳукмдан норози бўлиб, Сулаймон алайҳиссаломнинг олдига боришди.

Сулаймон алайҳиссалом бўлган воқеани эшитгач, «Пичоқ олиб келинглар. Болани иккига бўлиб, икковингизга бўлиб бераман», деди.

Шунда ёш аёл жон ҳолатда: «Йўқ! Ундай қилманг! Майли, мен даъвоимдан кечдим», деди. Сулаймон алайҳиссалом унга: «Болани ол, бу сенинг боланг экан», деб ҳукм чиқарди.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

🍂

Мадумар ака ва ўғиллари тез орада янги иш жойига ўрганиб кетдилар. Россиянинг совуқ ва зах табиатида қилган оғир устачилик ишларидан сўнг "Feruza" ресторанидаги ишлар улар учун жуда ҳам қулай, завқли, айни кўнгилдагидек туюлар эди. Мадумар ака қадрдон касбини обдон соғинган экан бу ерда бажонидил бажара кетди ва тез кунда ходимлар ва раҳбарият орасида оғизга тушиб қолди. У раҳбариятга турли газак маҳсулотларини ҳам бозорникидан арзон ва муҳими сифатли тайёрлаб беришини айтиб, кўп ўтмай ўз қўллари билан тайёрлаган қази, қарта, прессланган гўшт ва турли хилдаги рулетларни тақдим этганда, уларни тотиб кўрганлар Мадумар аканинг қобилиятига астойдил қойил қолдилар. Кўп ўтмай Мадумар ака Хондамир ва ўзига бириктириб берилган бир гуруҳ шогирдларга бу борада сабоқ бера бошлади.

— Ада, - деди отасидан фаҳрланганча Хонзода, — бу туришда Ҳорун ака сизни Америкага олиб кетиб қолмасалар эди.

— Яқин орада ҳеч қаерга кетиш ниятим йўқ, қизим , — деди Мадумар ака вазмин ройишлик билан, — аввал шаҳардан бир уй олсак, сўнгра Ҳумоюннинг бошини икки қилсак. Бу ёқда Хондамирнинг ҳам ёши етиб қоляпти.

— Акам учун уйдан муаммо йўқ,-деди Хонзода жилмайиб, —ҳозирги яшаб турган уйингизни асосий тўловлари тўлаб бўлинган. Ана шу уйни акамга берамиз. Уйлансалар, ойма ой тўлашга маошлари етиб ҳам, ортиб ҳам қолади. Биз эса ишхонанинг ходимлар хонасида яшаб Хондамир акам учун уйнинг ҳаракатини қиламиз. Балки бу сафар янада кўпроқ хонали уй оламиз. Энди кўпчиликмиз-ку, ада, топиш-тутишимиз ҳам шунга яраша бўлади.

— Қизим, — Хонзодага меҳр билан боқди Мадумар қассоб, — аслида фарзандларим ичида ҳаммадан кўп менга ўхшайдигани сенсан. Бекорга исмингни Хонзода қўймаган эканман. Эркаклардан қолишмайдиган мардлигинг бор сени. Умрингдан барака топ, қизим.

-102-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

🍂

Ваниҳоят қизғин тайёргарлик ишларидан сўнг Ҳорун Рашидовнинг Штатларга учиб кетадиган вақти аниқ бўлди. У билан бирга кетадиган асосий ишчи-ходимлар ҳам чет эл сафарига тахт бўлгандилар.

"Feruza" ресторани ходимлари ҳам ўтган галдагидек каби бу сафар ҳам хайрлашув маросимини интиқиб кутаётган эдилар. Улар бу сафар Ҳорун Рашидов ўз ўрнига узил-кесил бир инсонни раҳбар қилишга тайёргарлик кўраётганидан хабар топган эдилар, шу сабаб ходимлар орасида ўша инсоннинг ким эканлигини билишга қизиқиш жуда кучайган эди.

   —Балки у ўтган сафар Ҳорун аканинг ўрнига директорликка қолган Ҳусан Давроновдир? —деган таҳминга боришаётган эди кўпчилик, — ҳар ҳолда Ҳорун ака Ҳусан акани бекорга ўрнига қолдирмагандир?

—Ҳорун ака ресторанни сотганмишлар, — деди деди бир гуруҳ ходимлар, — балки бу гапларда жон бордир. Ахир шамол бўлмаса, дарахтнинг учи қимирламайди. Йўқса бундай миш—миш қаердан чиқсин?

— Қизиқсизлар-а? Билсангизлар бой бекорга бой бўлмайди, — деди бошқалари, — ақли бор одам пул тушиб турган манбани бировга бериб қўярканми? Ундан кейин-чи, кейинги вақтларда Ҳорун акани бир хоним билан кўп кўришяпти экан. Балки бу ерда ҳам бир гап бордир? Ҳали бу ёқда ресторанга талабгорлар орасида Ҳорун аканинг синглиси ҳам, куёви ҳам бор. Майли ўша кун келаверсин-чи, бир гап бўлар. Биз бу ерда мингта тахмин қилганимиз билан, Ҳорун ака кимни мўъжал қилганлар, ўзлари биладилар.

Ва ниҳоят барча саволларга узил-кесил жавоб олинадиган ўша кун келди.
Ҳорун Рашидовнинг кўрсатмаси билан "Feruza"нинг асосий залида рестораннинг барча ходимлари учун энг қиммат таърифда тўкин дастурхон ҳозирланди.
Белгиланган муддат — кеч соат ўн саккиз-у ноль нолда рестораннинг барча ходимлари ўзларига ажратилган стол атрофидан жой эгалладилар. Бироқ даврада ҳали маросимнинг энг асосий қаҳрамони бўлмиш Ҳорун Рашидов кўринмас эди.

-103-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

— Хонзода,—дея илтимос қилган эди бир кун аввал Ҳорун Рашидов, —илтимос, эртанги кунги маросимга ҳув анави бизнинг уйда чет элликлар билан бўлган учрашувга миллий либосда ташриф буюрган эдинг-ку, ҳудди ўшандай кийиниб келгин.

— Тинчликми, Ҳорун ака, — ҳайрон бўлди Хонзода, — илгари сира бундай илтимос қилмас эдингиз?

— Эртага Феруза билан турмуш қуришимизни ходимларга эълон қилмоқчимиз. Сен унинг ёнида келин дугона бўлиб турсанг дегандим. Биласан, у жуда уятчан қиз. Ўзини ноқулай ҳис қилмасин. Сен учун эса жамоамиз ўз оилангдек гап.

— Хўп бўлади! — юзлари яшнаб кетди Хонзоданинг, — сизлар учун бирам ҳурсандман.

Хонзода кечаги суҳбатни ўйлаб қўлидаги соатга қарар экан ўзига тикилиб қараб қолган Жалолиддинга кўзи тушиб, нигоҳларини четга олди. У кейинги вақтларда ана шу йигит —Жалолиддин ҳақида тез-тез ўйлайдиган бўлиб қолганлиги ўзи ҳам ич-ичидан тан олиб юрарди. Маъюс чеҳрали, мард ва самимий бу йигитнинг кўзларидаги мунг Хонзодани ўзига сеҳрлаб қўйгандек эди. У Жалолиддиннинг ёнида бутун дунёни унутгандек бўлар, гўёки йигит оламдаги бор ғам-ташвиш юкини ўз зиммасига олиб Хонзодани буларнинг баридан озод қилиб енгил нафас олишига имкон яратиб бергандек бўларди.
Хонзоданинг нозик кўнгли киши билмас ҳолда Жалолиддинга талпинадиган бўлиб қолганди. Айниқса Йигиталининг никоҳ тўйида уни ёнида туриб далда бергани, юпатгани, ҳимоя қилгани Хонзодага бошқа таъсир қилган эди. Ўша куни Жалолиддин Хонзоданинг кўзига нажот фариштасидек бўлиб кўринган эди. Унинг "Мунчоқкўз" деган сўзларини кейинчалик юраги орзиқиб эслайдиган бўлиб қолганди.
Жалолиддин Хонзоданинг гўёки Йигитали куйдириб кул қилган кўнглига қўйилган ҳузурбахш малҳам эди. Хонзода унинг марҳума аёлига бўлган садоқатига гувоҳ бўлиб, Жалолиддинга нисбатан янада ҳурмати ошган эди.

-104-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi