#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

— Хонзода,—дея илтимос қилган эди бир кун аввал Ҳорун Рашидов, —илтимос, эртанги кунги маросимга ҳув анави бизнинг уйда чет элликлар билан бўлган учрашувга миллий либосда ташриф буюрган эдинг-ку, ҳудди ўшандай кийиниб келгин.

— Тинчликми, Ҳорун ака, — ҳайрон бўлди Хонзода, — илгари сира бундай илтимос қилмас эдингиз?

— Эртага Феруза билан турмуш қуришимизни ходимларга эълон қилмоқчимиз. Сен унинг ёнида келин дугона бўлиб турсанг дегандим. Биласан, у жуда уятчан қиз. Ўзини ноқулай ҳис қилмасин. Сен учун эса жамоамиз ўз оилангдек гап.

— Хўп бўлади! — юзлари яшнаб кетди Хонзоданинг, — сизлар учун бирам ҳурсандман.

Хонзода кечаги суҳбатни ўйлаб қўлидаги соатга қарар экан ўзига тикилиб қараб қолган Жалолиддинга кўзи тушиб, нигоҳларини четга олди. У кейинги вақтларда ана шу йигит —Жалолиддин ҳақида тез-тез ўйлайдиган бўлиб қолганлиги ўзи ҳам ич-ичидан тан олиб юрарди. Маъюс чеҳрали, мард ва самимий бу йигитнинг кўзларидаги мунг Хонзодани ўзига сеҳрлаб қўйгандек эди. У Жалолиддиннинг ёнида бутун дунёни унутгандек бўлар, гўёки йигит оламдаги бор ғам-ташвиш юкини ўз зиммасига олиб Хонзодани буларнинг баридан озод қилиб енгил нафас олишига имкон яратиб бергандек бўларди.
Хонзоданинг нозик кўнгли киши билмас ҳолда Жалолиддинга талпинадиган бўлиб қолганди. Айниқса Йигиталининг никоҳ тўйида уни ёнида туриб далда бергани, юпатгани, ҳимоя қилгани Хонзодага бошқа таъсир қилган эди. Ўша куни Жалолиддин Хонзоданинг кўзига нажот фариштасидек бўлиб кўринган эди. Унинг "Мунчоқкўз" деган сўзларини кейинчалик юраги орзиқиб эслайдиган бўлиб қолганди.
Жалолиддин Хонзоданинг гўёки Йигитали куйдириб кул қилган кўнглига қўйилган ҳузурбахш малҳам эди. Хонзода унинг марҳума аёлига бўлган садоқатига гувоҳ бўлиб, Жалолиддинга нисбатан янада ҳурмати ошган эди.

-104-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

💘💘💘💘💘💘💘💘💘💘

🪷💐🩵АССАЛОМУ АЛАЙКУМ ВА
РАХМАТУЛЛОХУ ВА БАРАКАТУҲ

❤️🌸Бугунги Шанба тонгингиз 
хайрли ва барокатли бўлсин.

❤️🌸 Дастурхонингиздан қут барака
аримасин,  Аллоҳим ризқингизни
кенг қилсин!

❤️🌸Сизларга  БАХТ,  СОҒЛИК ВА
ОМАД йўлдош бўлсин!

❤️🌸 Кун мобайнида яхши кайфият
ҳамроҳингиз бўлсин.🤲

Яқинларга улашинг ❤️⤵️

📱@Insta_retseptlar — Mazali yeguliklar har kuni taomnomangizda!

Қуръон ёки пул...

Оила бола - чақасиз бадавлат киши ўз хизматкорларига  кечки овқат - зиёфатга таклиф қилди.
Дастурхонга - ҳар бирларининг олдиларига биттадан Қуръон китоби ва маълум миқдорда маблағ қўйди. Таомланиб бўлганларидан сўнг:
- Олдингизга қўйилган Қуръон ва маблағдан бирини танланг! - деди!
Биринчи бўлиб соқчига деди:
- Танланг!
Соқчи:
- Мен, албатта, шундай... ҳалиги, Қуръонни танлаган бўлардим... аммо лекин... мен уни ўқишни билмайман. Пулни ола қоламан. Менга уни кўпроқ фойдаси тегади, - деди.
Кейин ошпазга қараб:
- Марҳамат, танланг! - деди, бой киши.
Ошпаз:
- Мен ҳам... табиий, Қуръонни танлаган бўлардим... Ўзингизга маълум. Ишчи одам бўлсам. Қуръон ўқишга вақтим қаерда дейсиз. Шунга, мен ҳам пулни оламан, - деди.
Боғбонга қараб:
- Танланг! - деди.
У ҳам ўзидан аввалгилар каби:
- Мен албатта Қуръонни олаган бўлардим... бироқ аёлим бетоб. Менга пул жуда керак! Унга дори дармонлар олиш учун пулга жуда зарур. Агар шу сабаб бўлмаганда эди.. албатта Қуръонни олардим! - деди.
Охирги бўлиб, уйидаги ҳайвонларни боқиб юрувчи ёш йигитга юзланди. Бой бу боланинг ўта фақир оиладан эканлигини биларди. Шу учун ҳам унга:
-  Сен ҳам пулни танлайсан, деган фикрдаман. Озиқ - овқат, эски пояфзалинг ўрнига янгисини, яхши кийим - кечаклар олишингга албатта пул керак! - деди.
Йигит:
-  Ҳақиқатда, мен янги устбошга эришишим жуда қийин. Пишириб онам билан бирга ўтириб ейишга ҳатто бир дона товуқ ҳам ололмайман. Бироқ мен, Қуръонни танлайман! Чунки менга онам, Аллоҳ таолонинг каломининг қиймати  тиллодан ҳам қиммат, асалдан ҳам тотлироқ, деб ўргатганлар, - деди.
Мусҳафни қўлларига олиб, ўпиб очди.
Ичида икки зарф (конверт) бор эди.
Бирида дастурхон устидаги пулнинг ўн баробари.
Иккинчисида, бой ўзига яқинда меросхўр тайинлаши ҳақида васийқа, бор эди.
Бой киши деди:
- Ким Аллоҳ ҳақида чиройли гумон қилса, Аллоҳ уни асло ноумид қолдирмайди! - деди.
Сиз - чи Аллоҳ ҳақида қандай гумондасиз?

Умму Абдуллоҳ таржимаси

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

Меҳнат қадри...

Ўқимишли ва билимли бир йигит катта катта компанияга юқори лавозимли ишга ариза топшириш учун борди. Дастлабки суҳбатдан ўтгач, компания директори якуний қарорни чиқариш учун йигит билан шахсан ўзи суҳбатлашмоқчи бўлди. Йигитнинг ишга кириш учун тўлдирган анкетасини кўздан кечираётиб у мактаб давридан магистратура давригача аъло баҳоларга ўқиганини кўрди. Шунда директор сўради:
- Ўқишинг учун отанг пул тўлаганми?
- Отам бир ёшлигимда оламдан ўтган. Мени онам ёлғиз ўзи катта қилган. Ўқишим пулини онам тўлаган.
- Онанг қаерда ишлайди?- яна савол берди директор.
- Онам кир ювувчи бўлиб ишлаган,- жавоб берди йигит.
Директор йигитдан қўлларини кўрсатишни сўради. Йигитнинг қўллари силлиқ ва текис эди.
- Аввал кир ювишда онанга ёрдам бериб турганмисан?
- Йўқ, бирор марта ёрдам бермаганман. Онам мени кўпроқ ўқишимни, бутун вақтимни китоб ўқишга сарфлашимни истарди. Бундан ташқари онам кир кийимларни мендан кўра тезроқ юварди.
- Унда сенга бир топшириқ бор. Уйга қайтганингда онангни қўлларини ювиб қўй. Кейин эртага олдимга кел.
Йигит лавозимга қабул қилиниш имкони юқорилигини ҳис қилди. Уйига хурсанд ҳолда қайтиб, онасидан қўлини ювиб қўйишига изн беришини сўради. Бу меҳрибончиликдан онанинг кўнгли шодланиб, ажиб бир туйғуларни ҳис қилди. Ёш боладай уялиб қўлини узатди. Йигит авайлабгина онасини қўлини ювиб қўйди. Юваётганида беихтиёр кўзларидан ёш оқди.
Онасининг қўлини юваётиб унинг қўллари ёрилиб кетганини, уларда кўк доғлар борлигини кўрди. Қўлини юваётганда бу жароҳатлар таъсирида она сесканиб кетарди. Йигит илк бор бу қўллар унинг таълим олиши учун қанчалик азоб чекканини ҳис қилди. Онасининг қўлларидаги кўкарган доғлар унинг олий маълумот олиши, келажаги учун сарф қилинган харажатни англатарди.
Онасининг қўлини ювиб қўйганидан сўнг, қолган кирларни ҳам онасининг ўрнига тезда ювиб қўйди. Шу кеча она бола анча вақтгача гаплашиб ўтирди.
Эртаси куни йигит директорнинг идорасига борди. Директор унинг ёшланган кўзларига эътибор бериб, сўради:
- Кеча уйингда нима қилганинг ва нимани ўрганганинг ҳақида гапириб берасанми?
- Онамнинг қўлларини ювиб қўйдим. Кейин унинг ўрнига қолган кирларни ҳам ўзим ювдим.
- Нимани ҳис қилдинг?- сўради директор.

Йигит гап бошлади:
- Биринчи, инсон қадри қандайлигини билдим. Онамсиз бугунги муваффақиятларимга эришолмаган бўлардим. Иккинчи, онамга ёрдам бериш учун кирларни ювиб ишлаганимда бир нарсага эришиш қанчалик қийин ва оғирлигини англадим. Учинчи, мен оилавий муносабатларни қадрлашни ўргандим.

- Мен бу лавозимга айнан шунақа инсонни излаётгандим, - деди директор. - Мен бошқаларга ёрдам бера оладиган, бошқалар дардини тушунадиган, ҳаётда пулни мақсадидан устун қўймайдиган инсонга иш беришни ният қилгандим. Сен ишга олиндинг.

Шундан сўнг йигит қаттиқ ишлаб, қўл остидаги ходимларининг ҳурматини қозонди. Ишлаётган компаниясининг нуфузини янада оширди.

Инглиз тилидан Ферузбек Зиёдуллаев таржимаси.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Ҳозир ҳам Жалолиддиннинг нигоҳи ўзига қадалгани кўриб юзлари лов-лов ёнган Хонзода, юрагининг урганини биров сезиб қоладигандек бесаранжом бўлиб қолди. Яхшики шу пайт залга Ҳорун Рашидов суюклиси Феруза, синглиси Мунира билан бошлашиб кириб келди. Залдагилар улар ўрниларидан туриб қарсак чалиб кутиб олдилар.

Ҳорун Рашидов йиғилганлар орасидан Хонзодани кўзлари билан излаб топди ва "Ферузанинг ёнида бўл" дегандек ишора қилди. Хонзода Ҳорун Рашидовнинг ишорасига бош ирғаган ҳолда тезда оппоқ либоси ўзига ярашган Ферузанинг ёнида ҳозир бўлди.
Хонзода Мунира ва Феруза билан кўришиб олгач, уларни тўрдаги безатиғлик стол ёнига бошлади.
— Ассалому алайкум, қадрли жамоадошларим, —дея ўз нутқини бошлади Ҳорун Рашидов,— барчамиз учун қадрли бўлган "Feruza" ресторанининг жонкуяр ходимлари. Бугун сиз билан ҳудди ўтган галдаги каби Америка сафарига кетиш олдидан хайрлашув дастурхони атрофида йиғилишни ният қилган эдик. Аммо бугун кутилмаганда ўзимиз учун қувончли бўлган яна бир хушхабарни сизлар билан бўлишишга имкон туғилди . Мен ва Феруза хоним ҳозиргина ФҲДЁ бўлимида расмий тарзда қонуний никоҳдан ўтдик ва Рашидовлар оиласи дея эътироф этилдик. Бу ерга келар эканмиз, ушбу оқшомни бизнинг никоҳ оқшомимиз сифатида сиз юрагимизга яқинлар билан биргаликда нишонлашга қарор қилдик.
   Зал бўйлаб гулдирос қарсаклар жаранг сочди. Йиғилганлар ўрниларидан туриб раҳбарларини чин қалбдан табриклашар ва улар учун астойдил қувонишар эдилар.

— Келинглар, —дея жилмайиб сўзида давом этди Ҳорун Рашидов, — айни дамларда барча ташвиш ва муаммоларни унутиб юракдан яйрайлик. Ахир биз энг яхшисига муносиб эмасмизми?

— Тўғри, тўғри!- деган хитоблар янгради теварак-атрофдан ва тез орада давра шўх рақсга тушиш истагида бўлганларни ўз қучоғига олди.

-105-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Хонзода Ҳорун Рашидов ва Феруза учун ҳаммадан ҳам кўп ҳурсанд бўлганди. У ҳам ўзини даврага чорлаган Шабнам ва "Сеҳр"нинг дилбар қизлари билан рақсга туша бошлади. Кутилмаганда унинг кўзи ўнг томондаги гуруҳда ўзи тенги йигитлар билан ҳангома қилиб турган Ҳорун Рашидовнинг куёви-Давронга тушди ва рақси секинлашди. "Оббо,— ўйга толди Хонзода, — шу кам эди. Ишқилиб ўтган гапларни кавлаштириб асабимни емаса бўлди бу. Энди Мунира опам ва Ҳорун аканинг юзидан ўтиб бу тасқарага беҳурматлик қила олмайман".

Айни дамларда Даврон Воисовнинг ҳам кўзлари Хонзодага тушди ва нигоҳларини дарҳол четга олди. У ўша" Afsona" ресторанида бўлиб ўтган воқеадан кейин қайноғаси Ҳорун Рашидовнинг шахсан ўзи суруштирув ишларини олиб борганлиги ва жуда қисқа фурсатларда Хонзодани махсус таркибга ишга олганидан хабар топганди. "Демак, — хулоса чиқарганди Воисов, — бу қиз Ҳорун аканинг ишончини қисқа фурсатларда керагидан ортиқ ҳам қозониб улгурган".
Даврон ўша кезлари "Синглисига қилган беҳурматлигим сабаб аканинг қаҳрига учраб қолмасам эди" дея анча вақтгача юрак ҳовучлаб юрди. Сўнг қатор ойлар ўша мавзуда бирор ошиқча гап-сўз урчимагач ўзини босиб олиб, бундан бу ёғига тўғри йўлда юришга жазм қилганди.

-106-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Мадумар ака анчадан буён бу қадар кўнгли ёзилиб яйрамаганди. У ўз юртига қайтганига бир севинса, фарзандларини яна бағрида жам бўлганига ўн севинарди. Мадумар ака айниқса қизи Хонзода учун қувонарди, унинг ўз йўлини топиб олганига, касбдошлари ўта самимий ва мард инсонлар эканлигидан, бу ёғига ўзи ҳамда ўғиллари ҳам ана шу инсонлар билан бир сафда элнинг, юртнинг корига ярай бошлаганларидан дили фахр туйғусини туярди. Шу билан бирга унинг кўнглини ҳижил қилиб турган жиҳатлар ҳам йўқ эмасди. Мадумар ака "Хонзоданинг раҳбари жудаям яхши инсон экан, афсус у билан танишиш шарафига муяссар бўлишимизга кўп ўтмай, Ҳорунжон Америкага жўнаб кетар эканлар. Эссизгина, у кишининг ўрнига бўладиган раҳбар ҳам Рашидов каби адолатпарвар, одамохун бўлармикан? Ёки... Ишқилиб Рашидовнинг ўрнига ўзидек муносиб инсон келсин-да, —дея ўйларди, — йўқса елкасига офтоб теккан биздек инсонлар учун яна синовли кунлар бошланиши ҳеч гапмас. Аввало Аллоҳ муносиб кўриб синов бергани учун шукр. Аммо баъзан ана шу синовларга дош беришга кучинг , қувватинг етмай қоларкан-да... Ҳар бир инсон ёши улуғлаган сари ҳаловатни истаб қоларкан. Роббиси билан юзма-юз қолиб, кунлари осойишта ва ибодатда ўтишини, кўнгли бунга бутун жисми жони, руҳи билан берилишини тиларкан. Мен ҳам ҳозир ана шундай яшашни жудаям истаяпман. Севимли ишимда яйраб меҳнат қилсам, суюкли фарзандларим бағримда бўлса ва Роббимнинг розилиги ибодатга полвон бўлсам... Бундан ортиғини кўнглим тиламайди..."
Шунда Мадумар аканинг кўзи давра бўйлаб айланиб ходимлар билан кўришиб чиқаётган Ҳорун Рашидовга тушиб ҳайрон қолди, сабаби

-107-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

Ассалому алайкум, қадрдонларим!

Якшанба тонгингиз хайрли бўлсин!

Тонгги дуо ва тилакларингиз ижобати дунё ва охиратингизни гўзалликларга тўлдирсин!

Бошланган янги кунингиз файзли ва мазмунли ўтсин!

📱@Insta_retseptlar — Mazali yeguliklar har kuni taomnomangizda!

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Ҳорун Рашидов ҳар бир эркак ходим билан қўшқўллаб кўришиб бағрига босар, навбат аёлларга келганда ўнг қўлини кўксига қўйиб хиёл энгашиб сўрашган бўлар, ёши улуғроқларига эса елка тутиб жилмаяр эди.
"Жуда ҳам бағрикенг йигит экан, — дея ўйлади Мадумар ака, — минг афсус-ки, шундай йигит билан жуда кеч танишибмиз".

Тез орада Ҳорун Рашидов Мадумар аканинг қаршисида пайдо бўлди:

— Ассалому алайкум, ота!? Бардам, бақувватмисиз? Янги ишларга ўрганиб қолдингизми? — садафдек тишларини ярақлатиб жилмайди Ҳорун Рашидов, — бизга бирор талаб ёки арзингиз бўлса марҳамат.

— Арзимиз бор, — дея жиддий тарзда жавоб қайтарди Мадумар ака.

— Қулоғим сизда, — ҳотиржам жавоб қайтарди Рашидов

— Гап шундаки, —муштига йўталиб жавоб қайтарди Мадумар ака, — сиз билан оз фурсатда бўлса-да, бир ишлаб асл инсон эканлигингизга амин бўлдик. Мана энди кетаяпсиз. Эшитишимиз бўйича бугун ўз ўрнингизга, яъни бу ерга бир инсонни раҳбар қилиб тайинлаб кетар экансиз. Биз ўша инсоннинг ҳам ҳудди сиздек бўлишини истаймиз. Аслида буни арз эмас, балки илтимос дейилса ҳам тўғри бўларкан.

Ҳорун Рашидовнинг юзига табассум ёйилди:

— Бу масалада кўнглингиз тўқ бўлсин, ота. Ҳақиқатдан ҳам менинг қўлимдан раҳбарликни қабул қилиб оладиган инсон жуда ҳам самимий ва ҳақиқатпарвар. Тез орада бунга ўзингиз ҳам иқрор бўласиз.
 

-108-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Ваниҳоят маросим авж нуқтасига етганда Ҳорун Рашидов сўз навбатини олиб ресторан ходимлари кейинги икки ой ичида интиқиб кутаётган хабарни айтишга шайлайди. У йиғилганларга яна бир бор салом бериб, шу вақтгача бирга ҳамкорлик қилиб ишлаганлари учун миннатдорчилик билдирди:

— Азиз дўстлар , —деди у хуш тавоъзе билан, — кутилмаганда режалар буткул ўзгариб кетди. Бугундан бошлаб "Feruza" ресторани янги раҳбар қўлига ўтади, бироқ унда ишлайдиган ходимлар, яъни сизлар билан штатларда тажриба алмашиш, малакасини ошириш ва муайян муддатга дам олиб келиш каби ваъдаларимиз ўз кучида қолади. Бу ҳақда янги раҳбарингиз билан яна алоҳида шартнома имзолаш режамиз бор. Ўйлайманки, бу шартнома ҳар икки томон учун манфаатли бўлади. Икки кундан сўнг биз билан штатларга кетадиган ўттиз икки ходимнинг ҳужжатлари ҳар тарафлама тайёр. Уларнинг ўрнини бу ерда ким эгаллашини энди янги раҳбарингиз ҳал қилади.
Хўўўш сўзларим шу ергача барчага тушунарли бўлдими?

Залнинг у ер, бу еридан "Ҳаа", "Тушунарли" деган жавоблар эшитилди. Асосий йиғилганлар эса "Янги раҳбаримиз ким бўлар экан?" деган саволга жавоб олиш учун юракларини ҳаяжон босган ҳолда тек қотган эдилар.

Хонзода ҳам янги раҳбарлари ким бўлишини билишга иштиёқи жуда кучли эди. У ҳам давранинг тўридаги Ҳорун Рашидовнинг оғзига маҳтал термулганча янги раҳбар кимлигини эълон қилишларини жим кутарди.

— Энди эса барчани бирдек қизиқтирган саволга жавоб берамиз. Қани Камол, олиб кел!

Камол Ҳорун Рашидовнинг чақиришини кутиб турган экан, дарҳол қўлидаги мўъжаз қутича билан дўстининг ёнида ҳозир бўлди.

— Мен кўп ўйладим ва "Feruza" ресторанини ўз муносиб эгасига топшириш керак деган хулосага келдим. У инсон "Feruza" нинг ҳозирги ва бундан кейинги тақдирига бевосита даҳлдор инсон. Бундан бир неча ой илгари жамоамиз ва шахсан менинг бир неча миллиард долларлик ҳонавайрон бўлишдан сақлаб қолган ҳам шу —инсон бўлади.
Залдагилар бу инсон ким бўлди экан деб бир-бирларига безовталаниб қараб қолишди. Улардаги бу ҳолатни ич-ичидан ҳис қилиб турган Ҳорун Рашидов янада завқ билан сўзида давом этди:

— Ана шу инсон сабаб "Feruza" нинг бир неча филиаллари штатларда ўз фаолиятини бошлади ва айни кунларда уларнинг ҳар бири мустақил мажмуа сифатида йўлида давом этиш арафасида турибди. Юқоридагилардан келиб чиқиб мен директорликни маълум шахсга топширмоқчи эмасман, балки "Feruza" ресторанини барча эгалик ҳуқуқи билан юқорида айтиб ўтган инсонга ҳадя сифатида топширмоқчиман. У инсон сизларга ҳам яхши таниш. Ҳозир у инсонни даврамизга таклиф қиламиз ва ресторанимизнинг рамзий калитини тақдим этамиз
  

-109-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

— Даврага менинг яқин дўстим, қиёматли синглим, "Feruza" нинг тақдирига бевосита ва билвосита масъул бўлган инсон, сизларнинг янги раҳбарингизни таклиф этаман.
Хонзода! Кел! Даврага чиқ!

Дастлаб Хонзода Ҳорун Рашидовнинг чорловидан ҳайрон қолди, кўп ўтмай "Ҳорун ака мен билан хазиллашяптилар шекилли" дея довдираб қолди. Турли қарама-қарши фикрлар исканжасида зил бўлиб кетган боши оёқларини бир қадам илгари силжитгани йўл қўймади.

—Ҳайрон бўлма, Хонзода! Мен хазиллашаётганим йўқ,- бошини силкиб ўртага чорлади Ҳорун Рашидов, — мен бу қарорга узоқ ўйланиб сўнгра келдим. "Feruza" ҳақдорлиги учун сендан муносиби йўқ. Бундан ўн олти йил аввал ушбу ресторанга тамал тоши қўйилганда, у фақат яхшилар ва яхшиликларга хизмат қилади деган орзуни қилгандим. Бугун эса ўша орзунинг ижобатини кўриб турибман.

Шу пайт Хонзоданинг ёнида турган Феруза уни давра сари етаклади:

— Юринг, Хонзода... Сизни кутишяпти.

Хонзода турган жойида бир лаҳзага гандираклаб кетгудек бўлди.

Ундаги ҳолатни узоқдан фаҳмлаб турган Асрор ака ўрнидан туриб қарсак чала бошлади. Асрор акага Саидумар, Жалолиддин ва таркибнинг йигирмадан ортиқ йигитлари қўшилди. Тез орада Дилнавоз опа бошчилигида "Сеҳр" қизлари ҳамда Виолеттанинг дизайнер шогирдлари Хонзодани олқишлай бошладилар. Бир дақиқага бормай эса бутун зал оёққа қалқди.

Хонзоданинг кўнгли тўлиб кетди. У айни дамда узоқларга қочиб кетгиси ва тўйиб, тўйиб йиғлагиси келарди.
Йўқ, у бойлик, мансаб, обрў-эътибор, шон-шуҳрат учун эмас, балки шунча инсонлар ўзини меҳр билан қабул қилганлари , уларнинг ҳаётида ўз ўрни борлиги учун, бирларига қиз, бирларига опа, бошқаларига сингил сифатида қадрдон бўлиб улгурганидан юраги тўлиб-тошиб борар эди.

Ҳаммадан ҳам Мадумар ака, Ҳумоюн, Хондамирларнинг ҳайратлари чексиз эди. Улар кўз ўнгиларида содир бўлаётган воқеаларга қувонишни ҳам, ҳайрон бўлишни ҳам билмай тараддудланиб қолган эдилар.
Ваниҳоят Хонзода ўртага чиқди. Ҳорун Рашидов унга рестораннинг эгалик ҳуқуқи ҳужжатларини топширар экан, микрофонни четга суриб "Барчаси учун раҳмат сенга, Хонзода..." дея шивирлади. Унинг овозини ресторандаги ғала-ғовур босиб кетди.

...

Бир чеккада бўлиб ўтаётган тантанали маросимни кузатаётган икки нафар киши жон-жаҳдлари билан қарсак урар эдилар-у, бироқ кўзлари кулмасди. Совуқ бир аламзадалик билан боққан бу нигоҳ эгалари аллақачон қиз шўрликнинг тақдирини ўзларича ҳал қилиш пайига тушиб бўлган эдилар.

-110-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

АССАЛОМУ АЛАЙКУМ.

🌸☘ХАЙРЛИ ТОНГ
АЗИЗЛАРИМ. ☘🌸
БУГУНГИ
КУНИНГИЗ
ХАЙРЛИ БЎЛСИН.
💐💐💐💐💐💐💐💐💐💐
Яратган эгамга шукрлар бўлсин!
💘🌸💘
Керакмас ҳаётдан ўксиниб, нолиш,
Ўткинчи ғамларни юракка олиш,
Нолисак гуноҳдир, Аллоҳдан ҳар иш,
Яратган Эгамга шукрлар бўлсин !
💞💓💞💓💞💓💞💓💞💓
Кўзларим шу тонгни кўргани учун,
Юрагим тўхтамай ургани учун,
Яна бир қутлуғ кун бергани учун,
Аллоҳим ўзинга шукрлар бўлсин.
💞💓💞💓💞💓💞💓💞💓💞

Яқинларга улашинг ❤️⤵️

📱@Insta_retseptlar — Mazali yeguliklar har kuni taomnomangizda!

#Сабрием

Ҳаммага ҳам насиб этмайдиган ноёб бахт эгаларининг таъсирли воқеаси.

Муаллиф: Хуршида Хуррамова
Ижрочи: Сабрием

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

— Мен буни шундоқ қолдирмайман, — деди ташқарига чиққан Ҳусан Давронов ўриндиқ ёнига чирт этиб тупурар экан, — шунча ишини мен қиларканман-да бу кишим ресторанни шундоқ бус-бутунлигича анави ... га ҳадя қилиб юборармишлар. Мен бўлсам у хоним афандини этагини ўпиб хизматини қиламанми шунда!?

— Шундаям Хонзода хоним истаса ишлайсиз у ерда хўжайин, истамасалар думингиз тугилади, — оловга мой сепди Ўлмас, — кўряпсиз-ку бошлар —оёқ, оёқлар— бош бўлган замон келди.

— Мени ҳеч нарса билан ишим йўқ. Ўз ҳаққимни қайси йўл билан бўлса ҳам ундириб оламан. Жуда бўлмаса анави шаллақини бир балога гирифтор қилиб аламдан чиқмасам ҳисобмас. Тавба қилдим, биз шу ёшгача эриша олмаган ютуққа муштдек бошидан бу жинқарча қандай эришди экан-а? Бу ерда аниқ бир гап бор!?

— Ана Рашидовнинг ўзи айтиб турибди-ю, "Мени хонавайрон бўлишдан сақлаб қолди, ресторанни ҳадя қилишим Хонзоданинг хизматлари ёнида ҳеч гап эмас" деб!?

— Айтаверади-да, —беҳафсала қўл силтаб Ҳусан Давронов, — нима тумонат одамни ичида икковлари орасидаги гапни айтармиди? Билиб қўй, эркак билан аёл киши орасида нимадир илиқлик борми, демак масала ҳал. Икковлари ҳалигиндай...

— Йўғееей, ахир Ҳорун Рашидов неча йиллик севгисига энди эришди дейишди-ку!?

— Нима бўлибди? Бу бошқа аёл билан муносабатга киришишга ҳалақит берармиди? Айниқса буниси ёшгина, офатижон бўлса? Кўрган ҳар эркакнинг суқи киради-ку унга? — ижирғанганча жавоб қайтарди Ҳусан Давронов, — бўпти юр ичкарига кирайлик. Кайфиятимиз бир тийин бўлганини сездириб қўймайлик. Эртага уйга ўтсанг келишиб тайинли бир режа тузармиз.

— Ҳўп бўлади, Ҳусан ака.
  

-111-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

🍂

Кутилмаганда синглисининг "бошига бахт қушининг қўниши" Ҳумоюнни эсанкиратиб қўйганди. Ҳорун Рашидов давра ўртасида туриб ресторан эгалигини нима учун Хонзодага раво кўрганлиги ҳақида қанчалик тушунча берган бўлмасин, аканинг кўксини қандайдир мавҳумлик ғижимларди. Рост, Хонзоданинг ўрнида бошқа инсон, тўғрироғи эркак киши бўлганда бундай шубҳа-ю гумон ҳеч кимсанинг хаёлига келмаган бўларди. Аёл киши аёл киши экан-да. Уни бирор бир яхшиликнинг устида кўрилса ҳам одамзод деганлари дарров гумонга берилар экан. "Мен синглимни қандайлигини биламан, —дея ўзини босишга ҳаракат қилар эди Ҳумоюн, — бироқ анови Рашидов деганлари ҳақида кўп маълумотга эга эмасман. Ишқилиб бўлаётган ишларнинг баридан бирон ёмонлик чиқмаса бўлгани. Ахир қаерда мол-дунё, мансаб, бойлик бўлса ўша ерда ҳасад, иғво, фисқи фасод бўлиши табиий. Ҳай майли, энди синглим ёлғиз эмас. Унинг ёнида биз акалари ва асосийси адамлар борлар"— шу ўйга келган Ҳумоюннинг кўнгли ёришгандек бўлди ва залдаги ўйин-кулгини кузата бошлади.

Ҳумоюн сингари фикрлаётганлар залда ёлғиз эмасди. Хонзоданинг бахтидан чин дилдан қувониб, шу билан бирга ўз тақдиридан мунғайиб қолган Жалолиддин бундан буёғига нималар бўлиши ҳақида зўр бериб ўйланаётган эди. Жалолиддин кейинги кунларда Хонзода ҳақида тез-тез ўйланаётган эди. У қизга кундан кунга боғланиб бораётганини ўзи ҳам ҳис қилиб турарди. Унинг кўнглини очиқ китоб каби ўқиб тургандек Асрор ака ҳам Жалолиддинга "Сизлардан яхши жуфтлик чиқади. Бўладиган ишни бўлгани яхши. Қизнинг сўзини олсанг Мадумар аканинг ёнига ўзим совчиликка борардим" деган сўзларни кунига бир, икки такрорлаб қўяётганди.
Энди бўлса...

-112-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Тақдир деганлари инсонни ҳар кўйга солар экан-да. Кечагина қўлини узатса етгудек бўлган қиз бугун осмоннинг ойига айланганди-қўйганди. Жалолиддин узоқдан Хонзодага киши билмас назар ташлар экан "Яхши ҳам унга ҳисларим ҳақида билдирмаганим. Ёпиқлик қозон ёпиқлигича қолгани соз иш бўлди" дея ўйларди.
Ана шундай ўй-хаёллар исканжасида орадан икки кун ўтди. Бу орада Ҳорун Рашидов Хонзодани ёнига чақириб ресторанга тегишли бўлган барча калит ва бошқа қоғоз ҳужжатларини ҳам топшириб улгурди.
Чоршанба куни эрталаб аэропортда Ҳорун Рашидов ва унинг бир гуруҳ ёрдамчиларини сафарга кузатиб қўйгач, Хонзода Асрор акага жавдираб қаради:

— Мен бошқарув масаласида сиз ва Жалолиддин акадан бошқа кимга ҳам суяна оламан? Илтимос, қадрдонлигимиз йўқолмасин, сизлар ҳам мени ташлаб кетманглар, — деди ўпкаси тўлиб, — ўзи тинчгина юргандим. Ҳорун ака мени жуда маъсулиятли ишга қўйиб кетдилар.

Асрор ака унга мийиғида жилмайиб тикилди:

— Албатта. Сен ҳавотир олма. Шу вақтгача бирга ёмон ишламадик. Давомига ҳам шундай бўлади.

— Жалолиддин ака кўринмайдилар? — овози билинар — билинмас титраб сўради Хонзода, — илгари бундай огоҳлантирмасдан йўқ бўлиб қолмасдилар?

— Жалолиддин тумов бўлиб қолибди. Эрталаб қўнғироқ қилганда овози бўғилиб турганди. Мен унга яхшилаб даволаниб кейин ишга келгин дегандим. Яна бу ердагиларга ҳам тумовни юқтириб юрмасин. Қиш иссиқ келганига касаллик роса авж оляпти.

— Майли илойим соғайиб кетсинлар. Хўш, Асрор ака, ишга қайтдикми?

— Қайтдик! Бугун тўй маросимимиз бор. Тайёргарликни кўздан кечирайлик-чи?

Йўлда Хонзода Асрор акага маслаҳатомуз деди:

— Асрор ака, қўриқлаш хизматига муносиб бир йигит кўрсатсангиз, сизни ёнимга маслаҳатчи ўрнида ишга олсам дегандим.
Хонзоданинг таклифидан Асрор ака ўйланиб қолди...

-113-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

🌙 ҲИЖРИЙ ЯНГИ ЙИЛ МУБОРАК!

Ассалому алайкум ва раҳматуллоҳи ва баракотуҳ!

Алҳамдулиллаҳ, улуғ Муҳаррам ойининг илк тонги — янги ҳижрий йил юртимизга кириб келди. Сизу бизни соғ-саломат ушбу кунларга етказган Аллоҳга ҳамдлар бўлсин!

Расулуллоҳ соллаллоҳу алайҳи васаллам: «Рамазондан кейинги энг афзал рўза — Аллоҳнинг ойи бўлмиш Муҳаррам ойидаги рўзадир», деганлар (Имом Муслим ривояти).

Ё Роббим! Ушбу янги йилни динимиз, дунёмиз ва охиратимиз учун хайрли ва баракали қилгин. Хонадонларимизга тинчлик, қалбларимизга хотиржамлик ато эт!

Хайрли тонг! Кунингиз файзли ва савобли амалларга бой ўтсин!

📱@Insta_retseptlar — Mazali yeguliklar har kuni taomnomangizda!

🍃🌺 Жаноза ўқилар бир кун бизга ҳам.😢

🕊️ Бугун биз кузатаётган инсонлар қаторида, эртага биз ҳам бўлишимиз мумкин. Ҳаёт ўткинчи, яхши амаллар эса абадийдир.

🤲 Аллоҳ таоло барчамизни иймон билан яшаб, иймон билан кетишни насиб этсин.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

🍃🌹 Ҳурматли хонимлар, хўжангизга бу "қонун" ҳақида эслатиб қўйинг-а .

🍃 Жўнатганлар реакция қолдириб кетамиз .❤️

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Мана бир неча кундан буён Ҳусан Давронов ҳасад ўтида куяди. Ҳуддики Ҳорун Рашидов уни ланғиллаб ёниб ётган тубсиз чоҳга улоқтириб кетгандек ҳар бир ҳужайраси бемисл азобга гирифтор бўлгандек ўртанади у.

Исботланган ҳақиқатларга кўра инсон бу дунёда энг кучли оғриқни тириклайин ёниб кетган вақтда туяр эмиш. Аммо ич—ичидан ҳасад оловида ёнган инсон туядиган азоб бундан кам бўлмаслигини Ҳусан Давронов ҳозир ўз жисмида синаб кўраётган эди. Яна айтишадики руҳ оғриғи тан оғриғидан етмиш баробар кучли бўлар экан.

Ҳусан Давронов ўзига тўқ, шу ёшга киргунча умрининг охирига қадар ётиб ейишга лойиқ мол-дунёни тўплаб ҳаракатини қилиб қўйган бўлса-да, ҳаётидан доим кўнгли тўлмай яшаганлар сирасига кирар эди. Ҳозир ўйлаб қараса у мол-дунё илинжида эмас, балки иззат-ҳурмат талабида куйиб қовжираётган экан.
Унга энг алам қилгани Ҳорун Рашидов ўзи анчадан буён орзулаб юрган курсига боласи тенги муштдек қизни қўйиб кетгани эди.
"Мен бу жинқарчани бир ёқли қилмасдан қўймайман, — алам билан ўйлар эди Давронов, —шундай қилайки ўша Ҳорун деганлари қабул қилган қарорига минг пушаймон бўлсин. Нима эмиш "Ҳусан ака, Хонзодани сизга ишондим. Ундан ҳам ҳудди менга кўрсатганингиздек ёрдамингизни аямасангиз" дейди-я ўша Ҳорун бойвачча. Нима мени ҳар бирингга ёрдам бериб қўл қовуштириб туришдан бошқа қиладиган ишим йўқми? Энг аввало шу "илон малика" ни йўлдан олиб ташлашим керак, ундан кейин нима бўлса бўлар. Ўша ресторанниям елкамни чуқури кўрсин деб ташлаб кетарман балки. Нима қилсам экан-а? Ўлмас ҳам икки кундан буён этагини тутқазмайди. Палакат шу ерда бўлганда тузукроқ маслаҳат берган бўлармиди?

-114-