#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

🍂

Хонзода Жалолиддиннинг йўқолганидан эрталаб хабар топди. Улар ярим тунга яқин пойтахтга кириб келишгач, Хонзода акаси ва отаси билан уларга берган квартирада тунаб қолганди.

У қаттиқ чарчаганидан орадан икки соат ўтмай Мадумар ака ва Ҳумоюннинг овоз чиқармай квартирани тарк этишганини пайқамади. Туни билан алоғ-чалоғ тушлар кўриб чиққан Хонзода эрта сахардан юраги увишиб кўзидан уйқу қочди. У ўзига келиб олиш учун муздек сувда юз-қўлларини чайиб олгач, тетиклашиш мақсадида кофе дамлаб ичмоқчи бўлди.
Хонзода эндигина ошхона тарафга йўл олган эди, кўча эшик очилиб остонада Ҳумоюн кўринди.

— Вой, ака? — ҳайрон бўлди Хонзода, — эрта сахардан қаерларда юрибсиз?

Ҳумоюн жавоб ўрнига соғ қўли билан Хонзодани елкасидан қучиб ичкарига бошлади:

— Хонзода, — деди у синглисини рўпарасидаги ўриндиққа ўтказгач,—илтимос, ўзингни қўлга ол.Мени диққат билан тингла!
Синглим, мен ва адамлар туни билан уйда бўлмадик. Сабаби... —Ҳумоюн сўзини давом эттиришга қийналиб ерга қаради.

— Акааа... —ранги қум оқариб кетди Хонзоданинг, — илтимос, мени қийнаманг. Нимадир бўлдими? Ёки Хондамир акам!?

— Хондамир соғ-саломат. Бироқ "Feruza" ресторанига уя қурган бир гуруҳ нафс қулларини фош қиламан деб Жалолиддин...

— Ҳея нарсага тушунмадим?

— Айтдим-ку сенга, бир гуруҳ нафсига қул бўлган ходимлар ўзаро тил бириктириб рестораннинг миллион-миллион пулларини давомли тарзда ўзлаштиришган экан. Бу ишлардан хабардор бўлиб қолган Жалолиддин эса...

— Уларга нима қилди ? — овози титради Хонзоданинг.

— Синглим, сен ҳозир ҳар доимгидан ҳам кучлироқ бўлишинг керак...

-164-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

—Жалолиддин ҳозир Республика шошилинч тиббий ёрдам илмий марказига келтирилган. Бироқ аҳволи жуда оғир. Шифокорлар уни жарроҳлик амалиётига олиб кириб кетишар экан "Деярли умид йўқ. Умид ёлғиз Аллоҳдан" дейишган эмиш. Орадан беш соат ўтди, бироқ Жалолиддин ҳали амалиётдан чиққани йўқ.

— Ака, кетдик, — Хонзода ўрнидан сапчиб турди, — тезроқ у кишининг ёнига борайлик.

Йўлда Ҳумоюн бўлган воқени Хонзодага қисқача гапириб берди:

— Яхши ҳамки Жалолиддин қўлга киритган барча ҳужжатларни Асрор акага бериб қўйган экан. Асрор ака кеча кечқуруннинг ўзида орган ходимларига маълумот бериб фирибгарлик ва талончилик ортидан ноқоний фаолият юритиб келган бир қатор ходимларни қўлга олинишига сабабчи бўлибди. Яхшики Асрор ака вақтида улгурибди, сусткашликка йўл қўймагани учун Жалолиддиннинг ҳам изини вақтида топишибди. Йўқса, билмадим унинг ҳоли нима кечарди?

Хонзоданинг қулоғига ортиқ гап кирмади. Унинг бутун фикри-хаёли Жалолиддинда эди.

-165-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

🍂

Жалолиддин операциядан сўнг кома ҳолатига тушиб қолди.

—Беморнинг бу ҳолатида бирор нарса дейишга ожизмиз, — деди бўлим бошлиғи Камолиддин Орзиев ўзига умид билан тикилган Хонзодага елка қисиб, — ҳаётда шундай ҳолатлар ҳам бўлади-ки, гоҳида тиббиёт ожиз қолган вақтда ҳолатни самовий кучлар бошқаруви қўлга олиши мумкин. Мени тушунмадингиз-а, синглим? — ҳокисорлик билан боқди шифокор, — кўп-кўп дуо қилиб Аллоҳдан сўранг. Зеро қон томиримиздан ҳам яқинроқ бўлган қодир зот раҳмлиларнинг раҳмлиси ва меҳрибонларнинг меҳрибонидир.
Сизга яна юпанч бериш учун бир гапни айтмоқчиман: бемор йигит ҳали ҳануз тирик экан— у ким учундир яшашни жуда истаяпти.

Орадан беш кун ўтиб Хонзодага Жалолиддиннинг ёнига кириш учун руҳсат беришди.
— Бемор кома ҳолатида бўлгани билан ҳамма нарсани сезиб, эшитиб ётибди, — огоҳлантирди уни Орзиев,—илтимос, унга далда берувчи, умидбахш сўзларни айтинг.

Хонзода бир сўз демай "хўп" дегандек бош силкиди.

Хонзода Жалолиддин ётган бир кишилик палатага кирганда танасининг бир қатор аъзоларига ўнлаб тиббиёт шлангчалари улаб ташлаган йигитга кўзи тушиб ўпкаси тўлиб кетди.

— Жалолиддин ака...— йигит ётган кровать қаршисига чўккан Ҳонзоданинг мижжасига ёш қалқди, — нима ишлар қилиб юрибсиз—а, сиз?
Отангиз, Баҳринисо онам, кичкинтой Беҳзодни ўйламадингизми? Сизсиз аҳволлари нима кечади уларнинг?

Мен-чи!? Менинг аҳволим сизсиз нима кечади? — Хонзода оғир ютинди, — ахир сиз бўлмасангиз менга бу ҳаётнинг қизиғи йўқ...

Илтимос, бизлар учун ҳаётга қайтинг.

Илтимос...

Мен учун ҳаётга қайтинг...

Хонзода Жалолиддиннинг қўлини аста силади.

Унинг кўзларидан бир томчи ёш узилиб Жалолиддиннинг қўлига томди.
Кутилмаганда йигитнинг бармоғи қимирлаганини ҳис қилган Хонзода ҳайрат билан ўзини орқага олди ва унинг юзига тикилди.
Кўзлари юмуқ Жалолиддин оғир тамшанди. Қуруқшаган лаблари алланималарни шивирлаган бўлди.

— А?! Нимадир деяпсизми? — Хонзода эҳтиёткорлик билан оҳиста энгашиб йигитнинг лабларига қулоқ тутди...

Жалолиддин паст ва ҳирқи овозда беҳол шивирлади:

— Мунчоқкўз... Сенинг шу... сўз...ларингни эшитиш учун... минг бор ўлиб, минг бор тирилишга... розиман...
  
Хонзода ёшли кўзлари билан масрур жилмайди...

-166-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

Ассалому алайкум ва раҳматуллоҳи ва баракатуҳ!
🕊 Жума муборак 🕊

❤️ bosib qoʻying

👇👇👇
https://t.me/+yvH9bN9hZNE1NDhi

Маккаи Мукаррама шаҳри омонлик шаҳридир, аммо у ерда курорт ҳам, гўзал табиат манзараси ҳам, саёҳатчилар учун дам олиш жойи ҳам, ёмғир ҳам йўқ. Лекин ҳар гал бу макон зикр қилинганда унга бўлган завқ шавқ бизларни жон таслим қилдириб юборай дейди, чунки бу маконни Аллоҳ азиз қилиб қўйган.

Аллоҳим! Имконияти йўқ, заифҳол, касалманд, лекин пок ниятли зотларга ҳам ана шу жойларга боришни насиб қил!

Жума муборак азизлар!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

Duolarda jam bo‘lgan muhabbat

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi