🧕 Muslimalar kundaligi
1.61K subscribers
3.68K photos
3.57K videos
4 files
6.89K links
Download Telegram
😍 Fasonlar

✿•┈┈┈┈┈••ৡ🌸🌸🌸ৡ•┈┈┈┈┈•✿
YAQINLARINGIZGA HAM ULASHING 👇
https://t.me/+47zmpAgeAI81NWVi
👍2
АЁЛ...

☘ Аёл қизлигида ота-онасига  жаннат учун эшик бўлади
❕Далил:
Расулуллоҳ соллаллоҳу алайҳи васаллам шундай дедилар:
- Кимнинг учта қизи ёки опа-синглиси бўлса, уларга яхшилик қилса албатта жаннатга киради!
(Термизий ривояти.)

☘ Аёл турмушга чиққанида эрининг динини комил қилади.
❕Далил:
Расулуллоҳ соллаллоҳу алайҳи васаллам шундай дедилар:
- Банда уйланса динининг ярмини комил қилибди. Қолган ярмида Аллоҳдан тақвода бўлсин!
(Байҳақий ривояти.)

☘ Аёл она бўлганида жаннат унинг оёғи остида бўлади.
❕Далил:
Муовия ибн Жаммоаҳ  Расулуллоҳ соллаллоҳу алайҳи васалламдан ғазотга чиқиш учун изн сўради. Шунда у зот:
- Онанг борми?- дедилар. У:
- Ҳа,- деган эди:
- Бориб онангга қара, жаннат унинг оёғи остида!- дедилар.
(Насоий ривояти)


✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍15
🧕 Muslimalar kundaligi
🔥#ПРЕМЪЕРА 🔥 Янги асар : Муаллиф: Гулбаҳор Рахматуллаева (Хазонрезги) #БАҲОР_ҚАЙТГУНЧА 1- қисм 🥀Япроқсиз қолдим, деб танангни кестирма. Зеро, олдинда баҳор бор...          Мавлоно Румий Осиё уйқусидан яна нафаси…
#БАҲОР_ҚАЙТГУНЧА

Инсон пешонасига ёзилган тақдиридан қочиб қутила олмас экан.
Бунга ҳар доим " Қайтиб иккинчи бор турмуш қурмаганим бўлсин" дея ўзига ўзи таъкидлаб юрадиган Латофат Икромжонга турмушга чиққанида амин бўлганди.
Ўшанда Латофатни аср намозига яқин Икромжоннинг уйига ортиқча дабдаба-ю, ҳашаматларсиз тушириб келишди. Жувон билан бирга ҳамроҳ бўлиб келган ўн чоғли аёллар куёв томондаги мезбонлар томонидан қуюқ- суюқ зиёфат қилингач икки соатларда ортга қайтиб кетишди.
- Латофатхон , бери келинг! - Икромжоннинг катта опаси Раҳимахон бир чеккада ийманиб турган аёлни ёнига чорлади ,- ўзим сизни Осиё қизингиз билан таништириб қўяй.

Латофат бугундан бошлаб қайинэгачи мақомини олган бу аёлнинг оғзидан "Қизингиз" деган сўзни эшитгач , юраги бошқача уриб кетганди.
"Энди мен ҳам онаман-ми ? -юзлари лов- лов ёнди аёлнинг,-
ишқилиб у қиз мени худди ўзимдек қабул қилармикан?"

- Осиё-ююю? - Раҳимахон опа даҳлиз ўртасидаги хона эшигини очиб ичкарига овоз берди,- болам , кирсак мумкинми ?

- Ассалому алайкум...

Латофатга ичкаридаги қизнинг овози аранг эшитилди. У қизнинг овозини эшитгани ҳамоно оёғидан мадор қочгандек туюлди ўзига

Раҳимахон опа буларни пайқамагандек Латофатга боши билан "кирамиз" деган ишорани қилди.
Латофат ичкарига қадам босганда чоғроқ хонанинг бир бурчагида турган оппоқ юзли , бўйчан ўспирин қизга дуч келди. Қиз белигача ўсиб тушган сочларини орқадан битта қилиб ўриб ташлаб қўйган , қоп- қора қошлари , ўсиқ киприклари , шаҳло кўзлари хиёл чўзиқ юзига ўзгача кўрк бағишлаб турарди.

- Осиё , қизим , сенга айтган Латофат опанг шулар бўладилар ,- деди Раҳима опа ёшига ярашган ўктамлик билан ,- бугундан бошлаб сизлар билан яшайдилар. Қани танишиб олинглар-чи ?

Осиё ердан кўзини узмай Латофатга салом берди :

- Ассалому алайкум ...

- Валейкум ассалом ,- Латофат кўзлари йиғидан қизарган қизнинг саломига алик олар экан бўғзини қайноқ алланима куйдириб ўтгандек бўлди ,- менинг исмим Латофат .

- Сен Латофатни опа ёки ая десанг ҳам бўлади ,- деди Раҳимахон опа Осиёга "тушундинг-а ? " деган маънода ,- ана танишиб ҳам олдинглар. Бундан буёғига аҳил бир оила бўлиб яшайверасизлар. Қизим , хонангда қамалиб олмасдан ошхонага чиқиб қарашиб юбор. Хўпми ? Ҳаммаёқни ювилмаган идиш босиб кетибди .

- Хўп... - Осиё аммасига хўп деган бўлса-да турган жойидан қимирламади.

Раҳимахон амма Латофатни хонадан эргаштириб олиб чиқиб кетар экан , жувон бу ерни тарк этгиси келмаётганини ҳис қиларди...

Эртаси куни меҳмонлар тарқалиб , Икром ака ишга кетгач Латофат ва Осиё уйда ёлғиз қолишди.
Мактабда кузги таътил кунлари бўлганлиги учун дадасини ишга кузатган Осиё хонасига кириб кетганча шу бўйи ҳовлида қайтиб қорасини кўрсатмади.
Қурилишда прораб бўлиб ишлайдиган Икром ака тушликка уйга келмаслигидан хабардор бўлган Латофат кун ярмида Осиёнинг хонасини журъатсизгина тақиллатди:

- Осиё ... Осиё ...

Ичкаридан жавоб эшитилмагач Латофат аста эшикни итарди. Осиё ўз ўрнида ухлаб ётарди. Латофатни диққатини қизнинг қандайдир нарсани қучиб ухлаб ётгани тортди.

Латофат аста ортига қайтаётганида ичкарида ниманидир ерга тушиб синган овози эшитилди.
Жувон жонҳолатда изига бурилди.
Ичкарида Осиё уйқудан кўзларини очган , изтироб билан ҳозиргина қўлидан тушиб чил- чил синган ойнали рамка синиқларига боқиб турар эди. У Латофатга кўзи тушган заҳоти гиламга чўккалаганча бир қўли билан суратни олди-ю , иккинчиси билан шиша синиқларини тўплай бошлади.

- Иии , эҳтиёт бўлинг ! - Латофат ўзини унутиб қизнинг ёнига отилди,- қўлингизни кесиб оласиз-ку бунақада ?!

Осиё қилаётган ишидан тўхтаб қаршисида тиззалаганча куйиниб гапираётган аёлга тикилиб қолди. Қизнинг нигоҳларидаги мунг Латофатни кўнглидаги гапларни тўкиб солишга ундар эди :

- Мени кечиринг ... Бари мени деб бўлди. Тушлик вақти бўлди , қорнингиз очгандир деб ўйлабман. Сизни бунақа чўчитиб юбораман деб ўйламабман.

- Мен чўчимадим,- хўрсинди Осиё , - баъзан уйқуда шунақа нафасим бўғилиб уйғониб кетаман.

/2
👍45❤9
Дуолар ижобати бериладиган кун - ЖУМА аҳли - Азизларим!
Сизларнинг орангизда қалбига Аллоҳнинг назари тушган покиза қалблилар бор...

Дуоси мустажоблар бор...

Сўрагани қайтарилмайдиганлар бор...

Очиқ кафти - Очиқ Қуръонга ҳамроҳ инсонлар бор...


ДУО ҚИЛИНГ:

Умид билан қалбан Аллоҳга ёлбораётганлар...

Шифосини кутаётганлар...

Кўнглини дунёда қолдириб кетаётганларидан узилишни истамаётганлар...

Шу дуойингиз сабабли- енгиллик топсин, ҳузур, шифо, осойишталик, сокин қалб, рози-ризолик уларнинг қалбига ором берсин...

Маҳзун кишини кўрсангиз унга ҳам Аллоҳдан бахт-саодат тилаб дуо қилинг!

Таниган ва танимаган кишининг ҳаққига дуо қилаверинг!

Фаришталар хар дуонгизда
"Сенга ҳам бўлсин" деб айтади...

Мўмин-мўминнинг дуои-жонини қилади, қилса-савоб олади...
Ўзи ҳам шу дуодан униб-ўсади...

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍5
This media is not supported in your browser
VIEW IN TELEGRAM
🤲 ДУО ҚИЛИНГ, АЗИЗЛАР...

​​Жума кунида дуолар ижобати бериладиган фурсат бор, уни қўлга киритишга ҳаракат қилинг!

ЖУМА АЙЁМИНГИЗ
МУБОРАК БЎЛСИН, АЗИЗЛАР!

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍2
#БАҲОР_ҚАЙТГУНЧА

Ҳозир ҳам ҳаво етишмагандан силтаниб...

- Сув ичасизми ? Мен ҳозир сув олиб келаман...

Ўрнидан туришга тараддудланган Латофатни Осиё қўли билан тўхтатди :

- Керак эмас. Мен яхшиман. Бари ўтиб кетди. Ёмон ётиб қолганман шекилли.

- Бу аёл ... - беихтиёр Осиёнинг қўлидаги расмга ишора қилди Латофат ,- ойингизмилар ? Майлими , бир кўрсам ..

Осиё Латофат ҳудди ундан жонини сўраган каби қўлидаги суратни аранг ҳоҳламайгина узатди.

- Жуда чиройли аёл эканлар ,- суратга маҳлиё бўлганча деди Латофат,- айтишларича кўз инсон қалбининг ойнаси дейишади . Ойингизнинг қалблари жуда гўзал эканлиги кўзларидан маълум...- Латофат шундай деб Осиёга жилмайди,- айтганча сиз уларга жуда ўхшар экансиз.

Латофат шундай деб суратни Осиёга қайтариб берди ва ўзи "мен ҳозир" деганча ўрнидан туриб ташқарига чиқиб кетди. Зум ўтмай қўлида супурги ва елим куракча кўтариб келган Латофат шиша синиқларини супуриб олар экан Осиёга сўз қотди:

- Қорнингиз ҳам очиб кетгандир ? Йўқ демасангиз бирга тушлик қилардик ?

Осиё "розиман" деган каби бош ирғади...

- Осиё... - деди тушлик вақти Латофат ,- мен бу ерларни яхши билмайман. Хўп десангиз овқатланиб бўлгач , маҳаллангиз гузарини бир айланиб келардик.

Осиё узоқ ўйланмай "Майли" дея бош ирғади.

Латофат Осиёларнинг маҳалласи Чилонзор метро бекатига анчайин яқинлигини билгач қизни у томонга бошлади.

- Осиё ...

- Ҳаа ..

- Ҳалиги суратни рамкаси синиб қолганди- ку , янгисини сотиб олсак яхши бўларди. Барибир рамкада турса яхши-да , ҳам кўримли бўлади, ҳам янада қадрли...

Осиё Латофатга жавоб қайтармади, бироқ аёлни энг яқин суратхона томонга бошлади...

Суратга рамкани Латофат танлади . Тўқ шокалад рангидаги рамка Осиёга ҳам маъқул тушди.
Ортиқча гап- сўзларсиз уйга қайтган Латофат ва Осиё келишиб олишгандек бирга кечки овқатга тайёргарлик кўриша бошлашди .

- Суратни рамкага жойладингизми ?

- Ҳаа ,- деди қиз ортиқча ҳаяжонларсиз ,- жойладим.

- Жуда яхши ... Руҳсат берсангиз масаллиқларни қовуриб , сув солиб бўлгач , уни кўриб чиқсам ...

- Сизга битта савол берсам майлими ? - Латофатга жиддий тикилди Осиё ,- нима учун менга бунчалик ёпишиб олдингиз ? Ё мен орқали дадамни кўнгилларига йўл топаман деб ўйлаяпсизми ? Агар ундай бўлса мени ўртага қўшишингиз шарт эмас... Мен шундоқ ҳам сизларнинг муносабатингизга қаршилик қилмайман. Фақат мени бу муносабатингизга аралаштирмасангиз бўлди,- Осиёнинг охирги сўзлари титраб чиқди ,- ўз ҳолимга қўйинг, илтимос...

#давоми_бор

Муаллиф: Хазонрезги

/3
👍34❤6
#БАҲОР_ҚАЙТГУНЧА

Муаллиф: Гулбаҳор Рахматуллаева (Хазонрезги)

2- қисм

    Осиёнинг сўзларидан қаттиқ таъсирланган Латофат ўзини орқага ташлади. У ошхонадаги ўриндиққа ўтирганча юзини кафтлари орасига олди.
    Латофат бир муддат шундай ўтиргач ўзига ўзи гапирган каби сўзлай бошлади:

   - Ким учундир турмушга чиқиш балки  ҳавасдир. Ҳурсандчиликдир. Бироқ аксарият иккинчи қайта турмушга чиқадиган аёллар учун бундай демаган бўлардим. Бундан бу ёғига икки инсоннинг орасига тушиб яшаш кимга ҳавас дейсиз ? Бир вақтлар ҳаётда бир-бирларисиз яшашларини тасаввур қила олмайдиган, умриларининг охиригача бирга яшамоқчи , қўша қаримоқчи бўлган  инсонлар , тақдир бўлиб ногоҳон  ўлим сабаб ажралишга мажбур  бўлсалар , вақт ўтиб яна  қайта турмуш қуришга-да мажбур қилинсалар , уларга иккинчи жуфт бўлиб келган инсонга осон деб ўйлайсизми? Улар эндиги умр йўлдошларининг юрагидаги ҳотира дея аталмиш туйғу залворида кунда эзилишлари тайин ... Ҳар ҳолда менинг мисолимда шундай.  Аслини олганда сиз ва менинг аҳволим , чорасизлигимиз деярли бир хил. Сиз отангиз , аммаларингизнинг юзидан ўтиб бир сўз дея олмаган бўлсангиз , мен ҳам кексайиб қолган ота- онамни ранжита олмадим. Ўзимга қолса бундай ҳаёт йўлини танламаган бўлардим,- Латофатнинг мижжаларидан ёш думалади,- менингдек ўттиз беш ёшда ҳаётни яна тоза варақдан бошлаш осон иш эмас.
     Мен шу чоққача барига кўниккан , тақдиримга тан ҳам бериб бўлган эдим. Ҳаётда умид билан кутганим ягона дилбандимни ҳатто совуқ дийдорини кўришдан ҳам мосуво бўлган ва қайтиб ҳеч қачон она бўлолмайдиган аёл яна ниманиям орзу қилиши мумкин деб ўйлайсиз ?
     Отам эса бу фикримга қарши чиқдилар . Бу сафар улар "Орзу қилишга , умид билан яшашга ҳар бир инсоннинг ҳаққи бор" деб ўз сўзларида  қатъий туриб олдилар. "Яримта кўнглингни ўзинг каби ярим кўнгиллар билан бир бутун  қиласан" дедилар улар. "Инсон "Тақдирим шу  экан" деб борига кўнаверса , ҳаракат қилмаса ер юзи умидсизларга тўлиб кетмайдими ? Биринчи турмушингни бўлмагани сен учун бир синов эди. Сен бу синовни енгишга ўзингда куч топишинг керак" деган ҳам яна  улар.
    Мана сиз ... Ўзингизни бир менинг ўрнимга  қўйиб кўринг.  Дадангизни жуда яхши кўрганингиздан уларга қарши гапириб кўнгилларини оғритгингиз келмаган. Уларга "Илтимос , бу аёлга уйлангманг" деганингизда, дея олганингизда  мен ҳам ҳозир қаршингизда бундай бечораҳол турмаган бўлар эдим.
    Кўрдингизми ...
   Мен ҳам сиз каби қизман. Мен ҳам сиз каби ўзи отамни яхши кўраман ...
     Осиё Латофатнинг юрагидаги дардларни ҳис қилиб жойида тек қотган эди.
     У ортиқ гапира олмай қолган Латофатдан кечирим сўрагиси келаётганлигини ҳис қилди .

   - Опа ... Мени кечиринг,- оғир ютинди Осиё,- сизга тушунтиришни ҳожати йўқ , барини яхши ҳис қилар экансиз. Мен ҳам ойижонимдан айрилиб ...
    Осиё ортиқ гапира олмай бўғилди, унинг нафаси тиқилиб келар эди. Қиз шошилинч ташқарига йўл олди. У ошхона эшигини очиб салқин  ҳаводан ўпкасини тўлдириб нафас олди . Бироз шундай туриб енгил тортгач ортига ўгирилди :

   - Рамка суратга жуда мос тушди. Сиз жудаям дидли аёл экансиз . Раҳмат...

   -Осиё ...

   - Ҳаа ...

   - Мени она ўрнида қабул қилишингиз шарт деб ўйламайман. Она - ягона зот. Унинг ўрнини ўзидек тугал босувчи иккинчи бир инсон топилиши қийин масала.
    Агар сиз эсини энди таниётган қизалоқ бўлганингизда балки ўзимни оналик деган туйғу учун ишонтирмоқчи бўлган бўлармидим.
    Бироқ буларнинг барчасига қарамай  иккимиз яхши дугона бўлишимиз мумкин. Дардкаш , кўнгилдош дугоналар.  Нима дейсиз ?
    Осиё ҳазин жилмайди:

  - Унда орадаги тўсиқни олиб ташлаш керак .

   - Қандай тўсиқни айтаяпсиз , Осиё ?

   - Мени бегоналар каби сизламанг . Сенлаб гапиринг , майлими ? Бу биринчиси ...

  - Розиман ,- юзларига табассум ёйилди Латофатнинг ҳам ,- иккинчиси нима ?

   - Иккинчиси дадамлар ҳар қандай таомни , у қуюқ бўладими , суюқми , салат билан ейишни яхши  кўрадилар. Улар ҳадемай ишдан қайтиб қоладилар .


                   /4
👍34❤2
#БАҲОР_ҚАЙТГУНЧА

Муаллиф: Гулбаҳор Рахматуллаева (Хазонрезги)

   - Унгача улгуришга ҳаракат қиламан ,- деди Латофат чаққонлик билан ишга киришар экан ,- раҳмат сизга.
     - Сенга денг ! Сееннгааа! Ҳозир нимага келишгандик?
     - Вой узр !

Осиё ортга қайтди :

- Сизга қарашиб юбораман ...

Ишдан қайтган Икром ака уйига ўзгача файз кирганини ҳис қилиб , елкасидан тоғ ағдарилгандек бўлди :

"Ҳайрият ... Латофат ва қизим тил топишиб олганга ўхшашяпти"

...

Осиё Латофатни бир йилга яқин опа деб чақириб юрди. Келаси йил кузнинг ҳудди шундай кунларида қорни тўсатдан оғриб қолган Осиёга тез ёрдам чақиртирдилар.
Қизни қорин соҳасини текшириб кўрган шифокор "афсус" дегандек бош чайқади . У дард исканжасида тўлғаниб турган қизга уч, тўрт хил савол берди- ю , Икром ака билан Латофатга юзланди :

- Ўйлашимча қизингизнинг бачадонида киста борга ўхшаяпти. Оғриқлар ва берилган саволларга олинган жавоблар шунга ишора қиляпти .

- Йўғ-ей ? - эр- хотин бараварига ажабланиб қолишди ,- ахир Осиё ҳали мактаб ўқувчиси , унда киста қаердан бўлсин ?

- Сизларни яхши тушундим ,- деди шифокор кафтдек қоғозга нималарнидир шошилиб ёзар экан,- биринчидан , мен кистага ўхшаяпти дедим, айнан ўзи деганим йўқ. Иккинчидан "мактаб ўқувчисида киста пайдо бўлмайди" деган хулоса ҳеч қаерда ёзилмаган. Киста исталган ёшдаги инсонда учраши мумкин. Вақтида даволанса бўлгани. Асорат қолмайди. Ҳозирча мана бу оғриқ қолдирувчи дориларни олиб ичириб турасиз . Эрталаб тонг отгач , клиникага олиб бориб аппаратга тушириб яхшилаб текширтирасиз. Аниқ ташхисни улар қўйиб беришади.

Шу кеч дорилар таъсирида оғриқ анча ортга чекинди. Осиёнинг кўзи уйқуга кетди. Эртаси куни у ўша дорилардан яна бирин- кетин ичди-ю "Анча яхшиман , уйқум келяпти, клиникага кечроқ борармиз " деганча кўзларини беҳол юмди. У қорни оғримаётганини , шунчаки беҳоллигини айтиб кун бўйи ётоқдан бош кўтармади.
Ярим тунга бориб Осиёнинг иситмаси кўтарилиб кетгач, Латофат Икром акани қўярда қўймай тиғизлаб қизини шифохонага олиб боришга кўндирди. Шифокорлар тез ёрдам врачининг ёзиб қолдирган аломатлари ва ўз ташҳисларига таяниб "Осиёнинг қорин бўшлиғидаги ўзгаришларга ҳамда иситмалашига ҳақиқатда ҳам ёрилишга келиб қолган киста сабаб бўлган" деган хулосага келдилар . Осиёни зудлик билан операция столига олдилар.

Операция тўрт соатдан ошиқ давом этди.
Бу вақтда Икром ака ва Латофатнинг бўлари бўлди .
Ниҳоят операция якунлангани ва уни ўтказган жарроҳ беморнинг ота-онани кўрмоқчи эканлигини хабарини беришди.

- Қизим яхшими ? - Икром аканинг шифокорга берган илк саволи шу бўлди .

- Биз қўлимиздан келганини қилдик,- деди шифокор жиддий оҳангда,- яширмайман , қизингизни аҳволи анча жиддий. Унинг қорин бўшлиғини очганимизда ҳеч қандай кистага дуч келмадик.

- Унда ?

- Келинг сизларга содда тилда тушунтириб беришга ҳаракат қиламан. Қизингизни кўричаги буралиб , мадда йиғиб, яъни йиринглаб ёрилиб кетган . Кейин ўша мадда аралашган масса қорин бўшлиғига тарқалган. Натижада у ердаги аъзолар , айниқса ичакларга кучли зарар етказган, уларнинг чиришига сабаб бўлган. Биз операция жараёнида ичакларни айрим жойларни кесиб ташлашга мажбур бўлдик.
Хуллас, бу ёғига нажот Аллоҳдан. Насиб қилса қизингизнинг аҳволи ижобий томонга ўзгарса , яна қайта операция қилишга тўғри келади . Бироқ ...

- Доктор , юракни тоширманг ! - Икром аканинг овози ҳавони қилич каби кескир кесди

- Сизлардан бор ҳақиқатни яширмайман. Аҳвол ўта жиддий. Қизнинг қонига инфекция тушган бўлиши мумкин. Энди унга кучли антибиотикларни қўллашимиз зарур. Бизнинг қўлимизда бори эса ...

- Энг яхши дорини қаердан топишни айтинг ? - Икром ака ўрнидан туриб кетди,- рўйҳатини ҳам ёзиб беринг ...

- Бу дориларнинг кичиккина флакони фалон сўм туради ,- шифокор "чорасизман" деган каби қўлларини ёзди.

- Топилса бўлгани , доктор , илтимос тезроқ сўраганимизни айтинг . Вақтни йўқотмайлик...

#давоми_эртага
         /5
👍43❤9
✨✨✨
ХАЙРЛИ Т У Н АЗИЗЛАРИМ!!!
✨✨✨
Юлдузларни етаклаб,
🌙 ой ҳам чиқди осмонга.
Демак, Аллоҳга шукур, етишибмиз оқшомга.
Сизга ҳайрли оқшом...
ҳайрли тун қадрдон.
Тонгда сизни уйғотсин,
саҳар айтилган А з о н!!!

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍4❤1
ОМАДИНГИЗ  БОР  ЭКАН...

• Агар бугун эрталаб соғ-саломат уйғонган бўлсангиз, дунёдаги 330 миллион инсондан бахтлироқ экансиз!
• Агар бу тонгни танда дардсиз кутиб олган бўлсангиз, айни дамда 1 миллиард инсондан омадлироқ экансиз!
• Уруш таҳликаси ва хавф-хатарсиз, ҳаётингизга таҳдидсиз кун кечираётган бўлсангиз, 500 миллион инсондан толелироқ экансиз!
• Музлатгич ва жавонларингизда озиқ-овқат, эгнингизда кийимингиз ва тунда ухлаш учун уйингиз бўлса, дунёдаги 3 миллиард инсон сизга ҳавас қилади!
• Чўнтагингизда ёки ҳисоб рақамингизда пулингиз бўлса, дунёдаги омади кулган 1 миллиард инсондан бирисиз!
• Ушбу мақолани ўқий оляпсизми, демак, дунёдаги 2 миллиард саводсизнинг бири эмассиз!
• Ота-онангиз, турмуш ўртоғингиз ва фарзандларингиз ёнингизда, оилангиз аҳил бўлса, Сиз дунёдаги энг бахтли инсонлар қаторидасиз!

Берган неъматлари учун Яратганга шукур айтинг!


✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍9
Media is too big
VIEW IN TELEGRAM
Hamir hasip

❇️Kerakli masalliqlar:

200 gr suv
1 osh qoshiq tuz
1 ta tuxum
Un
1 piyola guruch
300 gr mol goʻshti
200 gr qoʻyni ichki yogʻ
3 ta piyoz

❇️Tayyorlanishi:

Idishga tuz, suv, tuxum solib aralashtirib, un solib qattiqqina hamir qoramiz. Hamirni tindirish uchun olib qoʻyamiz.
Qozonga yogʻ solamiz. Biroz qizigach yuvilgan yuruch solib bir ikki qovurib, suv va tuz solib 5.10 daqiqa dimlab chalaroq pishirib olamiz.
Nachinkasi uchun mol goʻshti, piyoz, va qoʻyni ichki yogʻini mayda qilib toʻgʻrab tuz, murch, zira va oʻsimlik yogʻi, va chala pishgan guruchimizni solamiz.
Tingan hamirimiz yoyib, videoda koʻrsatilgandek kesib boʻlaklarga boʻlib olamiz.
Qiymamizga shakl berib hamir hasiblarimizni tugib olamiz.
Oʻsimlik yogʻiga tekizib qasqonga terib olamiz.
Oʻrta olovda 30.35 daqiqa davomida pishirib olamiz.
Hammaga birdek yoqadigan hamir hasib taomimiz tayyor boʻldi. Yoqimli ishtaha.

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍7
​#ҚАРҒИШ (воқеавий ҳикоя)

   

    Аваз ака навбатдаги заҳри -қотилни пуллаб бўлгач, харидор бўлмиш Фарруҳнинг ортидан  ширин керишганча дарвоза ҳатлади :
 
   -Мазза! -у шундай деб гапини давомини ичида айтди,-ҳадемай шу кетишда итимнинг туваги олтиндан бўлиб кетиши аниқ...

   - Ҳаа дадаси , минг қўйлик бойдек оғзингизни таноби қочган? Тинчликми ? - дея сўради эрининг ортидан хонага кирган  аёли бир чойнак чойни хонтахтага олиб келиб  қўяр экан.

  - "Сенга нима ?" дердим-у , аммо ҳозир кайфиятим яхши , шунга сазанг ўлмай қўя қолсин, - талтайди Аваз ака, - қисқаси янги бизнесим гуллаб - яшнай бошлади.

  Жамила опа гап нима ҳақида кетаётганини англамай эрининг оғзига анграйди  , бироқ кўп ўтмай барига тушунди.

   - Дадасиии , - деди у бўшашиб ,- шу ишингизни қўяқолинг. Кўнглим  ҳеч чопмаяпти-да шу ишга, негадир доим ҳижил бўлгани бўлган. Худдики шунинг  ортидан бир фалокат бўладигандек.

    Э нафасинг қурсин сени ,- асаби бузилди Аваз аканинг , - нафасинг ҳам  ўзингга ўхшаган совуқ. Ундан кўра минғир - синғир қилмасдан жон худо де. Бир пайтлар бир бурда нонга зор бўлганинг эсингдан чиқдими ? Ё қорнилари  тўйиб қолдими ?

   - Дадасиии.  У кунлар эсимдан чиққани йўқ. Бироқ яна шуниси ҳам эсимдаки у вақтлар кўнглим тинч , жуда тўйиб кетмасам ҳам еган - ичганимда ҳаловат бор эди.

   - Уфф , бу хотин зоти на иссиққа кўнади , на совуққа,- биқнади Аваз ака,- ўзи сен- ҳазрати олияларига нима ёқади?
   
   - Менгами ? - мўлтиради Жамила опа ,- менга қолса шу зормандани сотманг. Мен ўша эс- хушдан айирадиган  таблеткаларни сотиб  олаётган болаларни  ота- оналариининг қарғишидан қўрқаман. Ахир ўзимизнинг ҳам ўстираётган икки ўғлимиз бор. Қарғишнинг касри уларга...

   - Ўчир овозингни ! - ростманасига  жаҳли чиқди Аваз аканинг, - нима мен шу дориларни болаларга  мажбурлаб "ол!" деяпманми ? Олаётган ўзлари . Қолаверса бу таблеткалар ўткир кайф бермайди. Енгилгина сархуш қилади халос. Мендан сўрасанг бу ишим билан баъзи пулининг сассиғига чидамаётган калондимоғ ота- оналарнинг чўнтагини бироз шамоллатиб турибман холос. Қўрқма бунақалар қарғасаям қарғиши ўтмайди. Ўзи ким- у , қарғиши нима бўларди  ?

    - Дадасиии... "Ўрмонга ўт кетса хўл- у  қуруқ  баравар ёнади" дейишади. Адашганлар орасида ҳалол одамларнинг фарзандлари йўқ дейсизми ? Ахир ...

   - Ўч ! Ваъзхонликни бас қилиб ,  бирпас мени ўзи ҳолимга қўй! Озгина мизғиб олай,  - Аваз ака ўтирган жойида ёстиқни ёнбошига тортди ,- Азиз келса уйғотарсан. Ҳаво айниб турибди , кечга қолмай ҳашакларни пана жойга оламиз...

▪️▪️▪️

    Кўп ўтмай Жамила опанинг фарёди эрини уйғонишга мажбур қилди...
      Ўғли Азизни боя Аваз акадан сархуш қилувчи таблетка сотиб олган Фарруҳ машинасида уриб юборган эди...

    Азизни шомга чиқаришди...

   
#тамом.

    Муаллиф:     Хазонрезги


✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍18😢4👏1
🧕 Muslimalar kundaligi
#БАҲОР_ҚАЙТГУНЧА Муаллиф: Гулбаҳор Рахматуллаева (Хазонрезги)    - Унгача улгуришга ҳаракат қиламан ,- деди Латофат чаққонлик билан ишга киришар экан ,- раҳмат сизга.      - Сенга денг ! Сееннгааа! Ҳозир нимага келишгандик?      - Вой узр ! …
#БАҲОР_ҚАЙТГУНЧА

Муаллиф: Гулбаҳор Рахматуллаева (Хазонрезги)

3-қисм

- Майли , - деди шифокор ва стол устидан шапалоқдек қоғоз олиб , унга тез- тез ёза кетди,- мана бўлди. Керакли манзил энг охирида,- деди у ёзувни битиргач.

   - Бу дорилар қанча тураркин ? - сўради Латофат ташқарига чиқишгач , - дорихонага уларнинг нархини билиб борсак яхши иш бўларди . Вақтни йўқотмайлик дейман-да .

   - Ҳа тўғри айтасан ,- деди Икром ака қўлидаги қоғозни айлантириб кўрар экан ,- дорихонанинг манзили ҳам бизга чап - шаҳарнинг нариги бурчагида экан. Бир йўла пул билан бориб ишни битирсак яхши бўларди .
    - Яна бир қараб кўринг-чи , қоғозга дорихонанинг телефон рақами ёзилган эканми ?

   - Ҳа мана боракан,- деди қоғозни айлантириб кўрган Икром ака ,- иккита рақам ёзилиб , бирига Сардор , бирига Хуршида деб белгилаб  қўйилган.

   Икром ака йўл четига  ўтиб биринчи рақамга қўнғироқ қилди. Латофат унинг фикрини бўлмаслик учун сал берироқда сукут сақлаб жим турарди. Икром ака телефонда узоқ гаплашмади , тез орада бўшашганча аёлига яқин келди :

   - Латофат , у дорилар шифокор айтгандек жуда қиммат тураркан. Уйимиздаги пуллар уларнинг бешдан бирини ҳам сотиб олишга етмайди. Ака- укаларимдан сўрай десам , биласан яқинда кетма- кет тўй қилишди. Ишхонадаги ойликни ҳам ана шу тўйлар учун икки ойлигини олдиндан ёздириб олгандим.
    Майли ,- деди у ўртанганча ҳўрсиниб  ,- уйга борайликчи , бир- икки ўзига тўқ дўстларимдан қарз сўраб кўрарман.
  
    - Қарз сўрашга ҳожат йўқ ,- деди Латофат эрига ҳайриҳоҳ тикилиб ,-менинг  банкдаги ҳисоб рақамимда унча- мунча пул бор.  Сизга турмушга чиқмасдан аввал йиға бошлагандим бу пулларни. Турмушга чиққач ҳам "Ойлигингни ўзингга ишлат" деганингиздан сўнг яна  бироз  жамғаргандим. Очиғи бу пулларни аввал шунчаки бирор нарсага яратарман дея  йиққанман.  Кейинчалик эса Осиё ўқишга кирса керак бўлиб қолар деган мақсадни ўйлай бошладим. Мабодо контрактга кириб қолса деб-да.  Худо ҳоҳласа у кунларга ҳам пул топилар.  Ҳозир эса шошилишимиз керак .

    Икром ака оғир ютинди .
   - Насиб қилса пулларингни қайтараман. Барини ...

    Латофат эрини қўлини маҳкам қисди:

   - Албатта қайтарасиз. Ахир уларни ўз эгаси бор.

▪️▪️▪️

    Шифокорнинг  тахмини тўғри чиқди . Осиёнинг қонига инфекция тушиб кетган экан. Қизни ўзига келтиргунча , ички ва ташқи тикиш жойларидаги яллиғланишларни бартараф  қилгунча тиббиёт ходимларининг ҳам бўлари бўлди.

   - Наҳотки қиз шўрликнинг аҳволи шу даражага етгунча пайқамагансизлар? -бўлиб ўтган воқеаларни  эшитган қариндошларнинг ҳуноби ошди ,- одам деган ҳам шунчалик  бемалол, бепарво  бўлиши мумкинми ?

    Уларнинг дашномларига Икром ака изтироб ичида  жавоб қайтарди :

   - Кўричак деганлари ёрилгунча қаттиқ оғриқ бераркан . Ёрилиб кетса ундан у ёғига оғриқ инсонни  у қадар  безовта қилмасмиш . Камига қизим кучли оғриқ қолдирадиган дориларни қабул қилган. Осиёни дастлаб текширган шифокор ташхис қўйишда хатога йўл қўйган. Кейингилари эса "Корин бўшлиғи соҳасидаги безовталикка оғриқ қолдирадиган дори қабул қилмаслик кераклигини билмасмидингиз ?" дея бизга қанчалар дашном беришди. Ўзмизга қолса шундай бўлсин дебмизми ? Кўргилик-да , буям...

   - Энди бундай кўргилик деб қўл қовуштириб ўтиришингиз тўғри эмас. Ўша нотўғри ташхис қўйиб қизнинг ҳаётини жар ёқасига етаклаб олиб бориб қўйганларни судга бериш керак, токи қилган қилмишларига яраша жавоб беришниям билиб олишсин...

   - Осиёнинг бу аҳволга тушишига биз ҳам тенгдан айбдормиз. Ўша шифокорлар "Қизингизни тонг отиши билан клиникага олиб бориб ҳар томонлама текширувдан ўтказинг" деб кетишганди , биз бўлсак Осиёнинг "Бугун оғриқларим камайди , фақат  уйқум келаяпти" деган сўзларига алданиб ғафлатда қолдик. Тағинам қизим соғая бошлади. Шунисига ҳам шукр деб ўтирибмиз.

   -Икки ой ичида тўрт марта операция бўлди , қиз шўрлик . Тағинам бояқиш дардга оғир экан. Майли чивиндек жони омон бўлсин . Бу ёғи кўрганлари фақат ҳурсандчилик бўлсин.


                   /6
👍36
#БАҲОР_ҚАЙТГУНЧА

Муаллиф: Гулбаҳор Рахматуллаева (Хазонрезги)

   Бу вақтда Осиё бир кишилик палатада беҳол ётарди. У тушга яқин охирги операциядан чиққанди . Наркоз таъсири кета бошлаганда қўлларини силаб - сийпаб йиғлаб ўтирган аёлни дастлаб ўз онаси деб ўйлади. Кўп ўтмай хаёллари тиниқлаша бошлади , бироқ кўзини очишга мажоли келмади . Яқинидаги аёл эса ўпкаси тўлиб шивирлаганча гапирар , гапира туриб тинимсиз йиғлар ҳам эди :

   - Сен қийналгунча мен қийналсам бўлмасмиди , жоним қизим. Бу дунёда Аллоҳимни бергани мунчоғим - овунчоғим. Кўнгли тозам , беғуборим. Сен туфайли ҳаётда она деган шарафли номга сазовор бўлган аёлни куйдирмагин, ёлғизим. Сизникига илк келган кунимдан сени ўз қизим деб қабул қилгандим. Аллоҳим бир вақтлар нобуд бўлган қизим ўрнига , қилган сабрим , тўккан кўз ёшларим эвазига сени етказди деб ишонганман.
    Сенинг ушоқдек жонинг қийналгани сайин ўзимни қўйишга жой топа олмаяпман. Биргина дард сени не куйларга солса-я? Танангга неча бор пичоқ тегди , ниналар зарбидан оппоқ қўлчаларинг моматалоқ бўлиб кетди. Сен бўлсанг , бир оғиз "их" демайсан. Шунчалар ҳам сабрлимисан , шунчалар ҳам бардошлимисан, Осиёгинам ?

     Болам...

     Қизим...

    Ким нима деса десин , сен ўзимни қизимсан. Жонимни бир парчасисан.
   Илойим Қодир Эгам дардларингга шифо берсин. Тўйларингни даданг билан бирга кўрайлик. Мен хатто тушларимда ҳам сени оппоқ келин кўйлакда жилмайиб турганларингни кўраман ... Аллақаерда ўқигандим :"Ёруғ кунларни кутиб яшаш ҳам ибодат" дея...Мен ҳам ўша кунларни орзиқиб кутиб яшаяпман ...

     Осиёнинг кўнгли тўлиб кетди. У кўзларини очмоқчи , Латофатга "йиғламанг" демоқчи бўлди. Бироқ қуввати етмади. Бўғзидан сўз ўрнига инграган ҳирқироқ товуш сизиб чиқди.

   - Осиё... Шакарим ...Томоғинг қуриб кетдими ? Мен ҳозир...

    Латофат жонсарак бўлганча қизнинг қуруқшаган лабларини  намланган пахта билан хўллади .
    Лабларига босилган пахтадан сизиб кирган сув Осиёнинг юрагидаги оташга малҳам каби  босилгандек бўлди.

     Латофат эртаси куни тонггача Осиёнинг бошидан жилмади.

    Эрта тонгда палатадаги тумбага омонат суянганча  кўзи илинган Латофатга кўзи тушган Осиё уни  оҳиста чақирди:

   - Аяяя... Аяяяжооон ...

      Латофатнинг  кўзлари бир  зумда  очилди . У Осиё алаҳсираб марҳума онасини чақиряпти деб ҳавотирга тушганди. Латофат ўрнидан ирғиб туриб Осиёнинг пешонасига кафт босди :

   - Осиё , иссиғинг чиқяптими ?

   Осиё оғир қимирлаб Латофатни қўлини пешонасидан олиб юзига босди :

   - Аяяя ... Мен яхшиман ... Сиз кечадан буён тик оёқда жуда ҳориб кетдингиз. Илтимос , уйга бориб дамингизни олинг ...

   - Осиёёё...

   - Аяжоооон ...

     Айтдим- ку... Мен яхшиман ...

    Латофатнинг оёқларидан мадор қочди. У Осиёнинг кровати қаршисига  тиззалаб қолди :

   - Қиз... Қизиииммм . Жоним қизим ...Ўзимни қизииим ...

    Латофатнинг кўзларидан дувиллаб ёш қуйилар , бироқ унинг ўзи ҳозир буни англайдиган аҳволда эмасди ...

▪️▪️▪️

#орадан_икки_йил_ўтди

     Осиё  уйқусидан яна нафаси бўғилиб уйғониб кетди.
     У  ётган жойидан базўр қимирлаб шундоққина қўл етар ерда жойлашган дераза табақаларини очиб юборди. Қиш бўлишига қарамай ҳаво илиққина эди.
    Қиз ташқаридан ёпирилиб кирган оромбахш ҳаводан тўйиб
симирди.  Ҳозиргина кўрган туши таъсирида юраги ўйнаб , жисмини тер босган экан , зум ўтмай сал аввал илиқ туюлган ҳаводан танаси жунжикди...

    Осиё даҳлиз чироғини ёқилганини кўриб , шошилганча дарезани ёпди:
   "-Аямни ҳавотирга солмай..."

   Осиё ўрнига ётиб устига енгил пар кўрпасини тортди :

   "Қизиқ , - ўйлади у энтикиб,- яна ўша, илгари кўп бора кўрган  тушга ўхшаш тушни кўрдим. Авваллари бир тўда оппоқ отлар уюрини қандайдир сувлар юзасида чопиб бораётганини кўрар эдим. Отларнинг туёқлари остидан отилиб тўрт тарафга  тарқалаётган сувлар гўёки кўнгил ҳовурини босаётгандек , олдинда сени ёруғ кунлар кутаяпти деяётгандек бўларди.
    Бугунги тушим эса ... Бугун мен ўзимни интиқиб кутаётган инсон қаршисига шошиб кетаётгандек ҳис қилдим ...
Юрагим шунчалар ёруғ ... Дилим шунчалар равшан- кии...


          /7
👍52🔥2👏1
This media is not supported in your browser
VIEW IN TELEGRAM
Унутманг... Инсон тонгга фақат тун орқали етиб боради.

Аллоҳ хар бандани бахт қуёши нур сочган тонгларга етказсин.🤲

Хайрли тун, азизларим қадирдонларим...
Аллохга омонатсиз узизни эхтиёт қилинг!!!

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍6
This media is not supported in your browser
VIEW IN TELEGRAM
🌺 Aссалому алайкум. Якшанба тонги муборак бўлсин.

Соғ–саломат уйғотган Роббимизга ҳамдлар бўлсин!

✨Асл саодат нафас олиб турган ҳар онимизга шукр қила олишдир...
✨Шукр ва зикрга бой кун бўлсин!

Дам олиш кунингиз мазмунли ўтсин!

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍1
​​​​Фойдали маслаҳатлар✨

🌼 Ҳаром нарсалардан сақланинг, одамларни ибодатлироғи бўласиз..

🌼 Аллоҳ берган ризқига рози бўлинг, одамларни бойроғи бўласиз..

🌼 Кўп кулманг, кўп кулиш қалбни  (дилни) ўлдирар..

🌼 Аллоҳдан қўрқинг, яхши ишларни бирортасини кичик санаманг. Одамларга табассум қилиб, очиқ чеҳра билан яхшилик қилинг. Ҳеч кимни хақоратламанг..

🌼 Фарзандларингизга бир хил меҳрда бўлинг. Уларга кийим, емак (ва бойликларни) тенг тақсимланг..

🌼 Маст қилувчи ичимликлардан сақланинг, чунки у барча ёмонликлар калитидир..

🌼 Аллоҳ наздида энг яхши гап - рост гапдир..

🌼 Аллоҳ наздида бандаларнинг энг яхшиси - ўз оиласига фойдаси кўп тегадиган кишидир..

🌼 Аллоҳнинг наздида уйларнинг яхшироғи - етимлар иззат қилинадиган уйдир..

🌼 Ўзингизга ёққан нарсани ўзгаларга ҳам раво кўринг...


✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍11
#Хикоя

Бундан чамамда уч йил аввал энг азиз бўлган дугонамдан хол аҳвол сўраб келай деб, келин бўлиб тушган уйига бордим. Уйи кичикроқ эди, ҳамда умр йулдошининг қариндошлари билан бирга яшар экан. Ўша кунги зиёратимдан сўнг борди келдимиз узилди, лекин дойим бир биримиз билан қўнғироқлашиб хол аҳвол сўраб турар эдик. Умр йўлдошининг ишлари юришиб кетганидан хабарим бор эди. Шу орада яна бир бор дугонамни кўриб келишимга қулай фурсат туғилди. Лекин бу сафар янги уйига меҳмонга чақирди. Манзили пойтахтнинг энг шинам туманларидан бирида экан. Янги уйига секин аста кириб борар эканман, кетма-кет МашаААллоҳ табарокаллоҳ деган сўзларимни қайта-қайта такрорлаб уйига кирдим. Очиғини айтсам, бу шинам уйни кўриб жуда ҳам хайратда қолдим. Уй ичидаги мебелларни айтмайсизми, дабдабали энг сўнгги моделлар бўлиб, уларни фақатгина қурби етадиганларгина сотиб олиши мумкун. Бироз суҳбатлашиб бўлганимиздан сўнг, уни чин баракалар билан дуо қилганимдан сўнг ундан қандай қилиб моддий томондан бундай катта ўзгариш содир бўлганлиги ҳақида қизиқиб сўрадим.
- У менга деди:
Субҳаналлоҳ, ростини айтсам мен ҳам ҳозиргина шу ҳақда сенга айтиб бермоқчи бўлиб турган эдим.
- Ҳикоямиз шундан бошланди. Мен ва умр йўлдошим бундан икки йил аввал ётоқхонадаги тошойнамизга тремони устига пул йиғадиган кичкина сандиқча қўйишга қарор қилдик. Ҳар куни эрта тонгда туриб намоз ўқиб бўлганимиздан сўнг биринчи қиладиган ишимиз сандиқчамизга топган маблағимизни 500, 1000, 5000-сўм солиш эди. Хуллас, ҳар куни сандиқчамизга пул туширадиган бўлдик. Шундан сўнг умр йўлдошим ҳар ҳафта сандиқчани очиб, ундаги тўпланган маблағларни санамай чўнтакларига солиб қўярдилар. Сўнгра ҳар жума намозидан кейин уларни садақа қилиб юборар эдилар.
- Дугонам яна шундай деди:
Бу насиҳатни умр йўлдошим интернетдан топган эканлар. Аллоҳга қасамки, бу ишни бошлаган кунимизданоқ биз тинчлик ва омонликда яшаяпмиз. Умр йўлдошимга ризқ келадиган барча эшиклар ўз-ўзидан очилиб кетди. Аллоҳ таоло Қуъони Каримда айтганидек, Аллоҳга яхши қарз берадиган ким бор?! Бас, токи У зот унга берганини кўп марта кўпайтириб берса. Ва ҳолбуки, Аллоҳ ризқни тор қилур ва кенг қилур. Ва унгагина қайтарилурсиз. (Бақара сураси 245-оят).
- Мана кўриб турганингдек, Аллоҳга қасамки, бундай бўлиб кетишимиз ҳаттоки ҳаёлимга ҳам келмаган эди. Лекин Аллоҳ бераман деса, ҳайратга солиб бераверар экан. Атосини ҳеч қандай чегараси бўлмас экан. Аллоҳга беадад ҳамдлар ва шукрлар бўлсин.

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍24❤4🥰1