🧕 Muslimalar kundaligi
1.61K subscribers
3.68K photos
3.57K videos
4 files
6.89K links
Download Telegram
Умид онасини феълини шу ёшига қадар яхши тушуниб қолган бўлсада, аммо шу топда унинг ўзини бу таҳлит тутишига ҳайрон бўлиб қолганди. Ахир онаси эмасмиди Шаҳзода воқеасидан сўнг, Осиёни келин қилишга астойдил рағбат қилган. У айни дамда онаси ўзини нега бу таҳлит тутаётганига ҳайрон бўлди, бироқ саволларига жавоб олишга энди кеч бўлганди, сабаби Осиё ва онаси улар томонга яқинлашиб қолишган эди. 

  -Ассалому алайкум...-Латофат ва Осиё Сурайё опага тенгдан салом беришди,- узр куттидириб қўйдик чоғи...

  - Ҳеч қиси йўқ,- деди Сурайё опа алик олар экан,- таомил шу-да, қиз томоннинг кеч қолиб келиши азалдан бор гап,-у шундай дея туриб бор ташаббусни ўз қўлига оларкан, Осиёга кўз қирини ташлаб сўзида давом этди,- ёшларга руҳсат берайлик-а? Улар айланиб келишгунча ҳув анави кафеда ўтира турамиз. 

    Осиё бошини қуйи эгганча кўзларини ердан олмасди, унинг юраги нима учундир Сурайё опанинг қаршисида кеч кузги изғиринда шоҳида ёлғиз қолган барг каби дир-дир титрарди. Қиз Умиднинг онасини бундай тасаввур қилмаган эди. Унинг назарида Сурайё опа ҳокисоргина, камтар, сўзлаганда сўзлари қулоққа ҳуш ёқадиган мунис аёл бўлиши керак эди. Ҳар ҳолда Латофат аяси уни кимсан профессор Ибрагимовнинг аёли деганда Осиё  хаёлида Сурайё опага ана шундай чизгилар чизиб қўйганди. Унинг назарида илм аҳлларининг аёллари уларнинг ўзига ўхшаш, юз-кўзидан маърифат, зиё нури таралиб турадигандек бўлиши лозим эди. Бироқ бу аёл бўйни-ю билаклари, бармоқларини тиллаларга кўмиб олганидан руҳан зиё эмас, балки бойликка ружу қўйгандек туюлди Осиёга. Қиз Сурайё опани ўз аяси билан хаёлан солиштирар экан, беихтиёр юраги орқага тортиб кетгандек бўлди. "Бу аёлга бас келиш қийинга ўхшайди,-ўйлади Осиё,-назаримда улар билан бутунлай бошқа оламмиз. Бу аёлни одамни ўзидан итарадиган нимасидир бор экан. Қандайдир кибрлимилар-ей? Гўёки "Қадам босганим учун ер мендан миннатдор бўлсин" дейдиганлар хилиданга ўхшаяптилар. Ёки мен адашяпманми? Балки ҳали инсонларга баҳо бера оладиган даражада пишмагандирман? Ахир Умид акани неча ойдан буён таниган бўлсам, у кишининг табиатидаги фазилатларига доимо тан бериб келганман. Онаси ёмон инсон бундай яхши бўлмаса керак? Умуман олганда оналарнинг ёмони бўлмайди деган гап бор. Фақат кимлардир ўзларини яхши томондан кўрсатгиси келмаса керак. Гўёки шундай қилинса обрўси тушиб қоладигандек. Ундан кейин..."

   -Учрашувга хаёл суришга келдингизми? 
   Осиё Умиднинг сўзларидан ўзига келгандек бўлди, тезда ўзини қўлга олиб йигитдан узр сўрашга ўзида куч топди: 

   - Узр...

   - Билсам бўладими, нималарни ўйлаяпсиз? 

   Осиё худди ўғирлик устида қўлга тушгандек қизаринди. Ахир хаёлидан ўтганларни ёнидаги йигитга айтиб бўларканми? 

  - Ўзим шунчаки,- гапни бурди Осиё,- ажойиб одатларимиз бор-да?! Йигит билан қизни бир, икки бор учрашувга чиқарамиз-у, сўнгра "Ёқдими?!- Ёқди!" деб тақдирларини боғлаб қўяқоламиз. Менимча бир умр бирга яшайдиган инсонни бундай танлаш нотўғри.

   - Ҳа, баъзи чет давлатларда йигит билан қиз бир-бирларига тўғри келишларини йиллаб ўрганишар экан. Хаттоки орада фарзандли ҳам бўлишлари мумкин экан. Орадан йиллар  ўтиб қарашса- ки табиатлари тўғри келмас экан! Ва шу билан хайр-хўш! Иш турмуш қуришгача етиб бормаганидан ҳурсанд ҳолда алоқани дўстона узиб қўяқолишар экан.

  - Йўғей, -дудуқланди Осиё, - мен... мен бундай демоқчи эмасдим. Шунчаки...

  - Сизни тўғри тушундим, Осиё. Ҳижолат бўлманг. Биз шарқликлар учун оила муқаддас даргоҳ. Ёшлар учун асосий қарорни катталар қабул қиладилар ва бу аскарият ҳолда ўзини оқлайди. 
  Мана сиз билан мени шу учрашувга чиққунимизгача неча бор ҳар томонлама ўйлаб, суриштириб кейин бир тўҳтамга келишган. 

52

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍62❤6
This media is not supported in your browser
VIEW IN TELEGRAM
🌹Ассалому алайкум !

Қадри баланд қадрдонларим. Барчангизга  Чоршанба тонги  хайрли бўлсин ! 🍃🌸🍃

Ушбу тонг  барчангизнинг  хонадонингизга файз ва барака олиб  келсин. 🍃💖🍃

Янги бошлаган ишингизни ёки  кечаги амалга  ошмай қолган  режаларинизни бугун  албатта  ривожини  беришини
Қодир Аллохдан  сўраб қоламан !

Ушбу тонг  дилингиздаги  барча гина  аразни, ғам ташвишни ўрнига  , шоду хуррамликни  ва  табассум ила бойитсин..

Азиз Қадрдоним
Янги Гўзал Тонг барчангизга  хайрли бўлсин ! 💐🥰💐


✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍3🥰2
Қайнона......

Қайнона --- бу ўша сизни севган ёрингизни дунёга келтирган аёл....!

Қайнона --- бу йиллаб тўй қиламан , келин тушураман деб ўзини ва фарзандларини ризк,ини қийиб пул тўплаган, сарпо йиққан аёл....!

Қайнона --- Сизни келин қилиб тушургунича хаёлида мингта қизни жамлаб, мингтани ичидан сизни
фарзандига лойиқ кўрган аёл ....!

Қайнона --- Эрингиз учун жонини беришга тайёр бўлган аёл....!

Қайнона --- сизни қанча койиса хам, фарзандларингизни сиздан - да ортиқроқ яхши кўрадиган аёл....!

Қайнона --- сал қўполроқ бўлса-да, хаёт фанидан дарс бераётган, эртага энг намунали аёл, она бўлишингизни чин дилдан хохлаётган аёл....!

Энди ўйланг.... шунча яхшилик қилган ва қилаётган аёлни ёмон кўришга хаққимиз борми ...?

Дилора Осман қизи

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
❤10👍4👏2
​#умр_манзаралари

БОНУ (ҳикоя)

Тақдир тақазоси билан бугун бир эҳсон дастурҳонида иштирок этишимга тўғри келди.

Таклиф қилинган хонадон жуда файзли экан. Остонадан оёқ босиб ичкарилашдан кўнгил яйрайди.
Мен ва олдинма - кетин келган аёлларни тўрдаги уйга олишди. Бу хона янги тушган келинга аталган меҳмонхона эканлиги ярақ - ярақ қилган янги жиҳозларидан кўриниб турибди.
Меҳмонхона ташриф буюрган аёллар билан деярли тўлай деб қолибди. Безатиғлик столни айланиб таниш - нотаниш аёллар билан кўриша кетдик.
Стол тўрида бир гуруҳ юзларидан нур таралган ҳожи оналар жой эгаллашибди. Уларни бундай атаганимга ҳайрон бўлманг. Ҳожи оналарни таниб олиш жуда осон-да . Кимга қанақа билмадим- у, мен учун уларнинг чеҳраси офтобнинг ердаги аксини эслатади. Кўнгил қурмағур ҳам улар билан кўришаётганда ўз сўзини пинҳона шивирлайди: "Илойим мен ҳам сизларга ўхшай" ...
Дуои фотиҳа ўқилди . Сўрашиб - исташиб бўлганимиздан сўнг даврабоши Муборак Ҳожи она чиройли , ибратли ҳикоят айтиб бердилар. Уларнинг ҳикоятлари тугаганда мезбон келинчаклар бежирим ҳалли косаларда барчага манпар тарқата бошлашди.
- Овқатдан бош тортиш айб , аммо менга ёғсиз қилиб озроқ сузинг , пархезда эдим,- дедилар Муборак Ҳожи она тавозе билан ийманибгина.

- Аммажон , ичақолинг буни Бону опам пиширганлар ...

Хонадон келинчагининг сўзи бир уй аёлга бунчалик таъсир қилади деб ўйламагандим .

Барча бирдан ҳаяжонга тушиб кетди. Барчанинг зумда кайфияти кўтарилди.
Салобат билан тўрда қўр тўкиб ўтирган Муборак Ҳожи она ҳам безовталаниб қолдилао :

- Нима ? Бону ? Бону қизим шу ердами ? Тез қизимни чақирақолинг...

Мен бир уй аёлни ҳурматига сазовор бўлган Бонунинг кимлигига қизиқдим.

Аста ёнимдаги суҳбатдошимдан шивирлаб сўрадим "Ким у ?"

Суҳбатдошим "Хозир кўрасиз " дегандек им қоқди .

Кўп ўтмай хонага қўлини кўксига қўйганча ўттиз ёшлар атрофидаги оппоқ юзли, дилбаргина жувон кириб келди. У бирор- бир пардозсиз ҳам жуда латофатли эди.

Бир уй аёл гур этиб ўрнидан турди.

- Бу ёққа ўтинг , бу ёққа ўтинг,- йиғилганлар Бонуга жой кўрсатиб ўз тарафларига тортқилай бошлашди. Бону айланиб даврабоши Муборак Ҳожи онанинг ёнига етганда уни интиқ бўлиб кутиб турган онахон қаттиқ бағрига босди. Юзларидан шап - шап ўпганча , кўзларига ёш олди :

- Ўзим ўргилай сендан, бирам соғингандим. Сени кўрсам Фотима опамни кўргандек бўламан. Келақол ёнимга...

Мен нималарнидир тушунгандек бўлдим. Демак , Бону ҳожи оналарнинг азиз дугонаси бўлган марҳума аёлнинг қизи. Ўша аёл бу даврадаги барча меҳмонлар учун бирдек азиз бўлган...

Менинг ўйланиб қолганимни кўрган суҳбатдошим аста пичирлади:

- Бону Фотима опа деган аёлнинг ёлғиз келини бўлган. Фотима опа бир фалокат сабаб тўшакка михланиб қолган эдилар. Ўшанда Бону олийгоҳдаги ўқишини ташлаб уч йил қайнонасига қаради . Оқ ювиб , оқ таради. Шу йиллар мобайнида уйидан бир қадам ҳатлаб остонадан ташқарига чиқмади.
Охирги ярим йил Фотима опа ҳотирасидан айрилди . Кўпчилик қариндошлар :

- Бироз дам олиб олинг . Қайнонангизга биз қараб турамиз , барибир сизни танимайдилар- ку ,- дейишганда Бону :
- Мен-чи , менинг ҳотирам жойида-ку . Улар мени кимлигимни билмаслар , аммо мен уларни кимликларини жуда яхши биламан,- деган экан.

Вақти соати келиб Фотима опа Бонуни қўлида жон бердилар.

Шунга ҳам уч йил бўлибди. Бону ҳозир олийгоҳдаги ўқишини тиклаб , битириб ҳам олди. Яқиндан буён ишга тушиб ҳам олибди.

Бу аёллар эса қайнонасига берган меҳри сабаб уни жуда яхши кўришади. Мен ҳам..

Суҳбатдошимнинг сўзларини тинглар эканман Бонуга боқдим. У Муборак Ҳожи онанинг бағрига сингиб ўтирар ва ширин энтикиб қўярди.
Мен ҳам ўзимча унинг кўнглидан ўтаётган сўзларни ўқиётгандек бўлдим .
Чамамда у қайнона ойисини жуда яхши таниган бу аёлларга қараб :

- Ойижонимни кўрган кўзларингиздан ўргилай ... - деяётгандек эди.

#тамом

Муаллиф: Хазонрезги

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍29❤3🥰2
ҚУЁШДА ҚОРАЙМАЙ ДЕСАНГИЗ

✅ Бунда товуқ тухумининг оқи кўпиртирилади, кейин юз соҳа – бўйинга суртилади. 3-5 дақиқа ўтгач, уни илиқ сув билан ювиб ташланади. Тухум оқи қуёш нурларидан асрайди, тери пўст ташлашининг олдини олади.

✅ Петрушка кўкатини яхшилаб майдаланади, ундан 1 ош қошиқ олиб, 1 ош қошиқ қатиқ билан аралаштирилади. Кечки пайт, яъни қуёш ботганидан кейин юз, бўйин, қўлларга суртилади. Бу малҳам ниқоб - терини оқартириб, юмшатади, майинлик бахшида этади

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍3
PO'LATOVA GULHAYO

U DARDGA CHALINGANDA 14 YOSHDA EDI.
HOZIR QIZALOG'INING YOSHI 14 DA...
BIZGA YORDAM KERAK, 14 YOSHLI QIZALOQ ONASIDAN AJRALISHNI XOHLAMAYDI VA U SIZ YAXSHILAR KO'MAGIGA MUXTOJ. EHSONNING OZ KO'PI BO'LMAYDI. ILTIMOS QO'LINGIZDAN KELGANCHA EHSON QILING. ALLOH IKKI DUNYO SHU KICHIK EHSONINGIZNI SAVOBINI OLDINGIZGA DASTURXON QILADI INSHAALLOH.

1. UZOQ YILLIK SUYAK YEMIRILISHI (RAK)
2. BITTA BUYRAK ISHLAMEY QOLGAN
3. BOSH MIYADA MIGREN KASALLIGI
4. GEPATIT C
5. OSHQOZON ICHAK RAKI


𝐒𝐡𝐮𝐧𝐜𝐡𝐚 𝐝𝐚𝐫𝐝 𝐛𝐢𝐥𝐚𝐧 𝐪𝐚𝐧𝐝𝐚𝐲 𝐲𝐚𝐬𝐡𝐚𝐬𝐡 𝐦𝐮𝐦𝐤𝐢𝐧 𝐝𝐞𝐛 𝐲𝐮𝐛𝐨𝐫𝐚𝐝𝐢 𝐨𝐝𝐚𝐦 𝐛𝐞𝐢𝐱𝐭𝐢𝐲𝐨𝐫. 𝐔 𝐎𝐍𝐀... 𝐅𝐚𝐫𝐳𝐚𝐧𝐝𝐢 𝐮𝐜𝐡𝐮𝐧 𝐬𝐡𝐮𝐧𝐜𝐡𝐚 𝐲𝐢𝐥𝐝𝐚𝐧 𝐛𝐮𝐲𝐨𝐧 𝐱𝐚𝐲𝐨𝐭 𝐮𝐜𝐡𝐮𝐧 𝐤𝐮𝐫𝐚𝐬𝐡𝐢𝐛 𝐤𝐞𝐥𝐦𝐨𝐪𝐝𝐚, 𝐬𝐡𝐮𝐧𝐜𝐡𝐚 𝐩𝐚𝐲𝐭 𝐱𝐞𝐜𝐡 𝐤𝐢𝐦𝐝𝐚𝐧 𝐲𝐨𝐫𝐝𝐚𝐦 𝐨𝐥𝐦𝐚𝐝𝐢. 𝐓𝐞𝐥𝐞𝐠𝐫𝐚𝐦𝐝𝐚 𝐚𝐝𝐦𝐢𝐧𝐤𝐚𝐥𝐢𝐤 𝐟𝐚𝐨𝐥𝐢𝐲𝐚𝐭𝐢𝐝𝐚𝐧 𝐤𝐞𝐥𝐢𝐛 𝐭𝐮𝐬𝐡𝐠𝐚𝐧 𝐦𝐚𝐛𝐥𝐚𝐠' 𝐱𝐢𝐬𝐨𝐛𝐢𝐠𝐚 𝐝𝐚𝐯𝐨𝐥𝐚𝐧𝐢𝐛 𝐤𝐞𝐥𝐝𝐢. 𝐋𝐞𝐤𝐢𝐧 𝐲𝐢𝐥𝐥𝐚𝐫 𝐛𝐞𝐬𝐡𝐚𝐟𝐪𝐚𝐭. 𝐃𝐚𝐫𝐝𝐧𝐢 𝐲𝐢𝐥𝐥𝐚𝐫 𝐤𝐮𝐧 𝐬𝐚𝐲𝐢𝐧 𝐤𝐮𝐜𝐡𝐚𝐲𝐭𝐢𝐫𝐢𝐛 𝐲𝐮𝐛𝐨𝐫𝐝𝐢.

𝐀𝐙𝐈𝐙 𝐃𝐈𝐍𝐃𝐎𝐒𝐇𝐈𝐌, 𝐊𝐄𝐋𝐈𝐍𝐆 𝐁𝐈𝐑𝐆𝐀𝐋𝐈𝐊𝐃𝐀 𝐒𝐇𝐔 𝐀𝐘𝐎𝐋𝐍𝐈 𝐐𝐈𝐙𝐀𝐋𝐎𝐆'𝐈 𝐁𝐀𝐆'𝐑𝐈𝐃𝐀 𝐔𝐙𝐎𝐐𝐑𝐎𝐐 𝐌𝐔𝐃𝐃𝐀𝐓 𝐍𝐀𝐅𝐀𝐒 𝐎𝐋𝐈𝐒𝐇𝐈𝐆𝐀 𝐒𝐀𝐁𝐀𝐁𝐂𝐇𝐈 𝐁𝐎'𝐋𝐀𝐘𝐋𝐈𝐊
8600061021985774
Po'latova G.
+998911595003 Tel
👍3😁1
🧕 Muslimalar kundaligi
PO'LATOVA GULHAYO U DARDGA CHALINGANDA 14 YOSHDA EDI. HOZIR QIZALOG'INING YOSHI 14 DA... BIZGA YORDAM KERAK, 14 YOSHLI QIZALOQ ONASIDAN AJRALISHNI XOHLAMAYDI VA U SIZ YAXSHILAR KO'MAGIGA MUXTOJ. EHSONNING OZ KO'PI BO'LMAYDI. ILTIMOS QO'LINGIZDAN KELGANCHA…
5000, 10000 boʻlsa ham kam dimiy, befarq boʻmiy yordam qililik azizla

Ehsonning mukofoti faqat ehsondir. Yordam qiganladan Alloh rozi boʻsin. Birni bersa, oʻn karra qilib qaytarsin 🤲
👍4
Baxt ❤️

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
🥰7🔥1
О Л И Й    Б А Х Т

Бахт нима деб беришар савол,
Бойликми у, мансабми ё тахт?
Рад этаман барчасин, алҳол,
Тирикликнинг ўзи олий бахт!..

Кимга қолар инсон йиққани,
Ҳар бир бошда бир кун ўлим ҳақ.
Бахт бу - нафас кириб-чиққани,
Тирикликнинг ўзи олий бахт!..

Тақдир қаттол - ҳаёт бевафо,
Бир кун қурир навниҳол дарахт.
Умринг ўзи - беш кунлик дунё,
Тирикликнинг ўзи олий бахт!..

Эй, коинот сарвари, Инсон,
Эзгу ишга доим қилгин шаҳд.
Қадрига ет, экансан омон,
Тирикликнинг ўзи олий бахт!..


 Акрамжон  Азизов

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍9👏1
🧕 Muslimalar kundaligi
Умид онасини феълини шу ёшига қадар яхши тушуниб қолган бўлсада, аммо шу топда унинг ўзини бу таҳлит тутишига ҳайрон бўлиб қолганди. Ахир онаси эмасмиди Шаҳзода воқеасидан сўнг, Осиёни келин қилишга астойдил рағбат қилган. У айни дамда онаси ўзини нега бу…
Оилаларимиз, дунё қарашларимиз ва ҳаттоки сиз билан мен бир-бирига мос кўрилганмиз-ки, ҳозир шу ердамиз. Аммо бу билан иш ниҳоясига етгани йўқ. Мени-ку, биласиз, кўнглим сизга аён, бироқ сиз-чи? Сиз томондан қандай жавоб бўлади? Тақдиримиз сизнинг биргина "ҳа" ёки "йўқ" деган жавобингизга боғлиқ. 
    Осиё, авваллари "Менга турмушга чиқасизми?" деган саволга "Ихтиёрим ота-онамда" дер эдингиз. Мана ота-онангиз ихтиёрни ўзингизга берган вақт ҳам келди. Илтимос, яхшилаб ўйлаб кўриб жавоб беринг: 
 Умид қиздан сўзларига муносабат кутиб жим қолди. Бироқ Осиёдан узоқ муддат сас чиқмагач яна сўзлай бошлади: 

  - Инсон дунёга келар экан, унинг иккинчи ярми ҳам шу ҳаётда бўлар эмиш. Уларнинг ҳар иккиси балки бир неча йил фарқ билан ер ҳаётида учрашиш учун дунё юзини кўришар балки. Кўпчилик ўз жуфтини топиш учун кўп заҳмат чекишади. Баъзан эса тақдирларининг асл эгаларини топиш учун ҳаёт йўлларида бир неча вақтинчалик ҳамроҳларга ҳам дуч келишлари мумкин. Кимларнидир севдим деб ўйлайдилар-у, ҳақиқатда уларни севмаган бўлиб чиқадилар. Улар чин жуфтларини учратганларидагина асл севги қандай бўлишини ҳис қиладилар. 
   Бироқ... Бироқ менда бундай эмас. Мен сизни илк бор учратганимда асл севгим сиз эканлигингизни юракдан ҳис қилдим. Балки сизга ҳозирги сўзларим кулгили туюлар. Бироқ тунда уйқуга кетишдан аввал, саҳарда эса кўзимни очишим билан илк бор ўйлайдиган инсоним сизсиз. Қачон сизнинг қошингизга келадиган бўлсам, ўзимдан аввал кўнглим йўлга тушади, мени сиз томон оёқларим эмас, елкамдаги кўринмас қанотларим олиб келади, ёнингизга юриб эмас, сузиб келаман десам ишонасизми? Сиз бор шаҳарда яшаш мен учун бахт десам-чи?-Умид дилидаги сўзларни ипга маржондек тизиб борар экан, Осиё ундан ортда қола бошлади,-менга ишонишингиз учун яна нима дейишни истайсиз?- давом этди Умид,-нима десам менга буткул ишонасиз? 

   - Мен сизга ишонаман...

   Умид Осиёнинг деярли ярим шивир овозда берган жавобини эшитиб ортига ўгирилди

  - Мен сизга ишонаман...- такрорлади Осиё...

   Умид ва Осиё оналарининг ёнига қайтишганда Осиёнинг чап қўлининг номсиз бармоғида йигит совға қилган тилло узук ялт-ялт қилиб кўзни оларди. 

🔳 🔳 🔳

    Бари шу кундан бошланди. Қиз
томондан розилик олган Сурайё опа киши билмас ҳолда у тарафга ўз сўзини ўтказа бошлади. 
У дастлаб "Тўйни бир ойнинг нари-берисида ўтказиб оламиз" дея тихирлик қилишни бошлади, сабаби унинг бундан кўзлаб юрган ўз мақсади бор эди.

#давоми_бор

Муаллиф: Хазонрезги

       /53
👍25❤1😁1
🧕 Muslimalar kundaligi
Оилаларимиз, дунё қарашларимиз ва ҳаттоки сиз билан мен бир-бирига мос кўрилганмиз-ки, ҳозир шу ердамиз. Аммо бу билан иш ниҳоясига етгани йўқ. Мени-ку, биласиз, кўнглим сизга аён, бироқ сиз-чи? Сиз томондан қандай жавоб бўлади? Тақдиримиз сизнинг биргина…
Сурайё опа Умиднинг Шаҳзода билан тўйлари бузилганини узоқ қариндошлари, ўзи казо-казолар деб ҳисоблайдиган бизнесмен дугоналарига билдирмаган, балки уларга "Ўғлимнинг тўйи маълум сабабларга кўра бироз ортга сурилди" дея баҳона қилганди. Гарчи опа-синглиси Шаҳзоданинг онаси Лобархонга "Сизларни деб синглим оиласи билан буюртма қилинган рестораннинг фалон сўмлик ҳаражатига тушди, тикилган шунча пул оро йўлда куйиб кетди" дейишган бўлса-да, Сурайё опа бу мушкулотни ҳам ўз вақтида ечимини топиб қўйган, бир баҳона билан ўз навбатларини икки ой муддатга сурдириб қўйган эди. 
Бундай олиб қаралса Сурайё опа Умиднинг Шаҳзода билан тўйи бузилганидан ортиқча моддий қийинчиликка учрамаган, балки олдиндан режа қилмаган бўлса-да, пайтдан фойдаланиб қиз тараф қилиб келган қимматбаҳо мебел ва гиламлар билан уйини тўлдириб олган эди. Тўғри, эри ва ўғли бу матоҳларни эгасига қайтариб юбориш ҳақида бир неча бор талаб қилишди, бироқ Сурайё опа бўш келадиган аёл эканми, ўйлаб туриб бунинг ҳам чорасини топди. Эри ва ўғли навбатдаги галда ушбу мавзудан оғиз очганларида, ушбу буюмлар учун пулни ўзи берганлигини, улар оиласи учун она сутидек ҳалоллигини айтиб ёлғонлади ва ўз таъбири билан айтганда яқинларини "чакагини ёпди". 
    -Хайрли ишни ортга суриб бўлмайди,- деди у Латофатга навбатдаги қўнғироқни қилар экан,- эътирозга ўрин қолдирмай,- ўзингиздан қолар гап йўқ, юқори қон босимим бор. Тўйни ёзга сурсак иссиқ ҳавони юрагим кўтармайди. Бир неча йилдан буён ёз жуда иссиқ келяпти биласиз. Бунақа вақтда шаҳардан чиқиб кетиб тоғдаги дала ҳовлимизда жон сақлайман. Илтимос, менга ҳам тўйни татитинглар, салқингина баҳор ҳавосида икки ёшни бошини қовуштириб олайлик. Сизлар ҳеч нарсанинг мулоҳазасини қилманглар. Кўряпсизлар-у, ҳамма нарсани йигит тараф қиляпти. Биз ҳам адаси билан тўртта хонани келин тушишига тахт қилиб қўйганмиз.  Ёлғиз қизим деб жуда кўнглингиз бўлмаса парда билан чинниларини қиларсиз. 
     Латофат Сурайё опанинг таклифи билан парда тикадиган келинойисини ёнига олиб бўлажак қудасиникига келганда ўша "жуда бўлмаса" нинг ўзи бўлмаслигини тушуниб дами ичига тушиб кетди. Бошланишига у ўзи эҳтиром билан ҳурмат қиладиган профессор қудасининг уйи бу даражада хон саройидек муҳташам ва ҳашаматли деб ўйламагани учун ҳанг-манг бўлиб қолди.
 Ертўласи билан ҳисоблаганда уч қаватли бўлиб қад кериб турган бу иморатни кўрган одам Сурайё опанинг бизнесменлигидан бехабар бўлса "Профессор Ибрагимов Нобель мукофотини ютиб олган шекилли" деб ўйланиб қолиши тайин эди. Латофат ҳам Адҳам Ибрагимовнинг ҳокисор чеҳрасини кўз олдига келтириб уни бу таҳлит кошонада яшашини шуурига сиғдира олмай ҳаво етмай бўғриқиб кетди.
    Сурайё опанинг ўзи бош бўлиб меҳмонларни олиб хоналарни айлантириб чиқар экан, уларга осон бўлиши учун қайси хонага қайси рангдаги парда, қайси мебелга қайси чинни буюм безак бўлиб тушишини "ҳижолатомуз" тушунтириб уларнинг қўлига "птичка" белгиси қўйилган бир неча каталогни тутқазди. Шу онларда Латофат илк бор Осиёни эрга беришга шошилиб қарор қилганини тан олиб ичидан нимадир "чирт" этиб узилди. Ахир Осиё ёлғиз қизлари бўлгани билан Икром аканинг прораб, Латофатнинг оддий ўқитувчи бўлиб топганлари нима ҳам бўларди. Мана неча йиллар-ки, Икром ака ҳар ой топганидан ота-онаси билан бирга яшайдиган укаси ҳалокатга учраб ногиронлар аравачасига михланиб қолгандан буён уларнинг жўжабирдек оиласига улуш ажратади. Азалдан ортиқча латта-путтага ҳуши йўқ Латофат эса... Тўғри шу вақтгача ойлигидан орттириб Осиёга сеп қилиб бир нималарни ташлагани рост, бироқ у нарсалар қаёқда-ю, мана бу каталогдаги буюмлар қаёқда? 
   Барака топсин, Икром ака барини тўғри тушунди. У Латофатга ортиқча таъна қилиб ўтирмай, келаётган бозор куни матиз машинаси шартта бозорга олиб чиқиб сотди-ю, пулини Латофатнинг қўлига тутди: 

  - Қизимнинг сепини ҳеч кимдан кам қилма...

    Сурайё опанинг бош дирижёрлигидаги тўй ҳам ўтди. Тўй куни кимдир икки ёшга ҳавас билан боқди, кимдир эса армон билан...
         /54
👍35❤2
🧕 Muslimalar kundaligi
Сурайё опа Умиднинг Шаҳзода билан тўйлари бузилганини узоқ қариндошлари, ўзи казо-казолар деб ҳисоблайдиган бизнесмен дугоналарига билдирмаган, балки уларга "Ўғлимнинг тўйи маълум сабабларга кўра бироз ортга сурилди" дея баҳона қилганди. Гарчи опа-синглиси…
Армон қилганлар сафининг энг бошида Латофатнинг тоғаси Бердиёр ака ва унинг аёли Салима келинойи туришарди. Бердиёр ака Осиёнинг тўйи ҳақидаги хабарни эшитгач икки юзи қоп-қорайиб, кўзлари ич-ичига ботиб, мунғайиб қолган кенжатойи Жавлонга куйиб аёлига дашном беришдан ўзини тия олмас эди: 

   - Сенга минг марта айтдим "Тошкандга тушиб Икромжоннинг қўйнига қўл солиб келайлик" деб. Сен бўлсанг қачон қараса оғзимга урдинг: "Латофатхон ундоқ дедилар, Латофатхон бундоқ дедилар, Осиё қизни ҳали бери узатишмас" экан деб. Мана узатишмагани. Сенам аёл бўлиб бўлиб бир бор "Хўп бўлади, отаси" десанг бирор жойинг камайиб-нетиб қолмасди. Ана ўшанда бизга бермай бошқага узатган тақдирларида ҳам бунчалик куймасди болам шўрлик. Менга қара, шу боланг қайсарликка олиб ҳудди катта акангга ўхшаб бир умр уйланмай ўтса уволи сени бўйнингда. Ундан кейин мендан яхшилик кутма.

   Салима опа эрининг охирги сўзларидан ўзини ортга ташлади: 

  - Вой гапингиз қурмасин, отаси?! Бу нима деганингиз? - деди у кўзлари олайиб,- э нафасингизни шамол учирсин-ей? Акам бошқа масала, Жавлонжонингиз бошқа масала. Акам у қизни неча йил яхши кўриб, оила қуришларига саноқли кун қолганда ажралиб қолиб шу куйга тушганлар. Жавлонжонга нима
қилибди? Қизни сўзини олмаган бўлса, ошиқ-маъшуқдек бирга юрмаган бўлса, ўртадаги сиз билан менинг "Шу қизни келин қиламиз" деган гапимизга бўла уйланмай ўтарканми? Хўп қизга дили кетса кетгандир, шу билан дунё тескари айланиб қолибдими? Ҳеч қиси йўқ ҳали Осиёдан ҳам яхшироқ қиз учрайди ўғлимизга, мана кўрасиз!

   - Ҳмм,- энсаси қотди Бердиёр аканинг,- тулкиям-чи, узумга бўйи етмагач пуф сассиқ деган экан. 
   -Вой, мен нима дедим? - астойдил эридан ўпкалади Салима келинойи, мен Осиёхонни ёмон демадим-ку? Шунчаки тақдир эмас экан деган маънода гапирдим, холос. Дарров ўзингиз ҳам нотўғри тарафга буриб юборверманг-да гапни?! Тақдир бўлмаса минг урининг қўлингиздан бир иш келмайди. Мен сизга айтсам...

  - Айтмай қўяқол, ўша гапингни,- беҳафсала қўл силтади Бердиёр ака,- сенга қоп-қоп гап бўлса. Ўша гапни керак жойда ишлатишни билганингда эди. Эҳ...

   Салима келинойи жаҳл билан қўл силтаб чиқиб кетган эрининг ортидан алам билан термулиб қолди.
     Унга иккинчи бора Осиёни оппоқ келин кўйлакда кўрганда алам қилди. "Вой-ей, бир қошиқ сув билан ютгулик париваш келин бўлибди-ю, бу қиз? - дея ўзидан ўпкалади у,- отаси айтгандек вақтида отни қамчиламаган мен аҳмоқ. Шундоқ қизни келин қилиб туширганимизда борми? -Салима келинойи соддадил бўлгани билан кўнглида кири йўқ аёл эди, у ўзларига келин бўлиш насиб қилмаган бўлса ҳам Осиёни чин дилдан дуо қилишни унутмади,- илойим бахтинг ўзингга ўхшаб чиройли бўлсин, гўзал қизим. Ҳар бандага ўғил-қизининг саодатидан ортиқ нимаям керак?!" 
 
   Осиёнинг келин кўйлагида кўриб маҳлиё бўлган фақатгина Салима келинойи эмасди. Унга никоҳ оқшомида кўзи тушган Сурайё опанинг қавми-қариндоши ҳам, дугоналари ҳам қизнинг чиройидан кўз уза олмай қолишганди. 
   - Вой-бў, Сурай, -деди Сурайё опанинг ўзига ўхшаган оғзи ботир, шалдир-шулдир катта аммаси Холисхон,- бу дейман келин олишниям бизнес қилиб юборибсан-ку? Сув ичса томоғидан, сабзи еса биқинидан кўринади деган подишоҳнинг қизларига ўхшайди-ю бу келининг? Аммо лекин ёлғизгинанг Умиджоннинг ҳам пешонаси ҳўпам ярқираган экан. 
    - Мани туққан болам чаканами, амма? -деди Сурайё опа гап келганда аммасини ҳам аяб ўтирмай,- ҳудди унинг бирор қусури бордек гапирасиз-а? Умиджон эмас, бу қиз жон десин шундоқ йигитга тегаётганига? Ўғлим ой деса ойдек, кун деса...

  - Ҳа бўлди, бўлди,- деди шарақлаб кулганча Холисхон аммаси,- билмай мақтаб қўйибман. Бу дунёда энг олийнасаб аёл сен, энг келишган йигит ўғлинг эканлиги ёдимдан чиқибди. Бўлди тавба қилдим. "Виновать, виновать..."
   - Шундоқ бўлсин, аммажон,- юзи ёришди Сурайё опанинг,- келинни келмасдан мақтайверманглар. 

             /55

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍25❤22😁1
This media is not supported in your browser
VIEW IN TELEGRAM
Ширин тилаклар....
Ассалому алайкум.....
Хайрли тонг....
❤️🌹❤️
Аста тонг отмоқда сокин, мусаффо,
Қалбингиз мунаввар нурларга ўранг,
Яшамоқ бахт эрур, тириклик сафо,
Гўзал кунларизга шукрона айтинг.
🌹
Ўткинчи хисларла яшаманг асло,
Кенгга кенг дунёдир, торлар учун тор,
Ғанимат ҳаммаси, ғанимат дийдор,
Гўзал кунларизга шукрона айтинг.
❤️
Умирлар ўткинчи, кунлар ғанимат,
Гўзал кунларизга шукрона айтинг.
АЛХАМДУЛИЛЛAХ....

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍3🥰3🕊1
This media is not supported in your browser
VIEW IN TELEGRAM
💥БУГУН 2️⃣МАЙ ПАЙШАНБА ТОНГИ МУБОРАК БЎЛСИН! 🌺🕊

☀️ Умримизни яна бир тонги муборак
ва хайрли булсин.
🌸 Аллохим хар бир қилаётган ишимиздан,босган хар бир қадамимиздан рози бўлсин.
🌸 Жисмингизга соғлик, қалбингизга хотиржамлик, тилайман.
🌸 Халол топганингиз фақат хурсандчилигу яхшиликка буюрсин
🌸 Ибодатларингиз ажру савобга тўла бўлсин.

         💐🕊ХАЙРЛИ ТОНГ🕊💐
            💐🕊 АЗИЗЛАР! 🕊💐


✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍4
This media is not supported in your browser
VIEW IN TELEGRAM
|•Eslatma☝🏻 |❗”𝗘𝘀𝗹𝗮𝘁𝗶𝗻𝗴” 𝘇𝗲𝗿𝗼 𝗲𝘀𝗹𝗮𝘁𝗺𝗮 𝗺𝗼’𝗺𝗶𝗻𝗹𝗮𝗿𝗴𝗮 𝗺𝗮𝗻𝗳𝗮𝗮𝘁 𝘆𝗲𝘁𝗸𝗮𝘇𝘂𝗿. (Zarriyot surasi, 55 ) 𝗔𝗹𝗹𝗼𝗵 𝗯𝗮𝗿𝗰𝗵𝗮𝗹𝗮𝗿𝗶𝗺𝗶𝘇𝗱𝗮𝗻 𝗿𝗼𝘇𝗶 𝗯𝗼’𝗹𝘀𝗶𝗻...

•▶️Videoyimiz keng tarqashi uchun like bosing va obuna buling!
قال رسول الله.
ﷺ: { مَنْ دَل عَلَى خَيْرٍ فَلَهُ مِثْلُ أَجْرِ
فَاعِلِهِ }  رواه مسلم
Payg'ambarimiz:  ﷺ  aytadilarki:
Kim bir yaxshilikka birovni yo'llab qo'ysa,
unga o'sha ishni qilganlik ajri bor.

𝗗𝗼'𝘀𝘁𝗹𝗮𝗿𝗶𝗻𝗴𝗶𝘇𝗴𝗮 𝗵𝗮𝗺 𝘆𝘂𝗯𝗼𝗿𝗶𝗻𝗴 📲

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍3❤1🥰1