🧕 Muslimalar kundaligi
1.61K subscribers
3.68K photos
3.57K videos
4 files
6.89K links
Download Telegram
#Ривоят
Собит деган солиҳ йигит боғ ёнида таҳорат олаётганида ариқда бир қизил олма оқиб келади. Олмани олиб, ярмини ейди ва шу пайт хаёлидан: "Эгасининг розилигини олмасдан нега едим?", деган адолатли фикр кечади. Шу ниятда олма оқиб чиққан боққа киради ва боғбонга бўлиб ўтган воқеани баён қилади.
— Олмамизни ижозатсиз еганингнинг жазоси шуки, — дейди боғбон унинг диёнатли одам эканини билиб, — тили, кўзи, оёқ-қўли йўқ бир қизимиз бор, шуни никоҳингга оласан.

Собит ноилож рози бўлади. Тўйдан кейин гўшангага кириб кўрсаки, келин бўлмишнинг хусну малоҳатда тенги йўқ! Қочиб ҳовлига чиқади.
— Бу менга ваъда қилинган қиз эмас-ку?
— Нега энди? — изоҳ беради қизнинг отаси. — Бу - ўша қиз. Тили йўқ деганим - фосиқ сўзни айтмайди, кўзи йўқлиги - Қуръондан ўзгага боқмаган, оёқ-қўли йўқлиги - ёмон ишга юрмаган.

Бу бахтли никоҳдан ўғил дунёга келади. Исмини Нўъмон қўядилар. У олти ёшида подшоҳ ҳаётига оид бир масалани ҳал қилиб, "Имоми Аъзам" унвонини олади. Шунда онаси дейди:

— Менинг ўғлим аслида уч ёшида Имоми Аъзам бўларди, лекин сўрамай ейилган ўша яримта олма ҳаққи у олти ёшга чўзилди.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍20❤2😭2
🧕 Muslimalar kundaligi
#БАҲОР_ҚАЙТГУНЧА қараб қарғаб қолди: - Ҳе, мамул деган тилингга тирсак чиқсин! Ҳе, балогинанинг кўнгдалангига учра-я?! -сўнг афсус билан қўшиб қўйди,- балоям ҳазар қилади бу алвастидан. Шайтоннинг урғочисига опалик қилади бу! Сурайё опа "Нима…
#БАҲОР_ҚАЙТГУНЧА

Умидга бу сафар кимга уйланишининг аҳамияти қолмаган эди. У эндиги турмуши фақат ота-онасининг кўнгил ҳуши учунлигини аниқ билар эди.
Умиднинг розилик билдирган жавобидан сўнг Сурайё опага яна жон кириб қолгандек бўлди. У қариндош-уруғлари, гапчи дугоналари орасида келинликка номзод дараклашни бошлаб юборди. Келин бўлмиш ҳам тезда топила қолди. "Атиги уч ой турмуш қурган экан, кейин эрининг иккинчи хотини борлигини билиб ҳаётлари бузилиб кетган" деган маълумот билан Мафтунанинг қўлини сўрашга борган Сурайё опа уйга бир олам таассурот билан қайтди.
-Вой, адаси, у қизнинг ўзи бир жаҳон, ҳусни бир жаҳон экан,-деди у эрига оғзидан бол томиб,-онасини айтмайсизми? Бўлажак аёл қуда қизининг ёнида она эмас, унинг опасига ўхшаб турибди. Гап-сўзлари бир маъноли. Меҳмон кутишига-ю, умуман гап йўқ.
- Ҳамма гап ўғлингда қолган,- деди Адҳам ака ҳафсаласизлик билан,-унга ёқса бўлди. Яшайдиган у...
Умидга эса юқорида таъкидлангандек бу ёғига ким билан яшашнинг аҳамияти йўқ эди. У Мафтуна билан туззук-қуруқ гаплашиб ҳам кўрмай тўйга розилигини билдириб юборди.
Тез орада тўй куни ҳам белгиланди. Тўйнинг асосий ҳаражатларини Мафтунанинг катта корпорациянинг раҳбари бўлмиш отаси ўз орзу-ҳавасини пеш қилиб бўйнига ола қолди. Гарчи Умиднинг ҳам, Мафтунанинг ҳам иккинчи турмуши бўлишига қарамай тўйнинг барча урф-одатлари бекаму кўст ўтказилди. "Оғзи қийшиқ бўлса ҳам бойнинг боласи гапирсин" деганлари рост экан. Мафтуна яна оҳорли оқ кўйлак кийди, эр кўрган жувон бўлишига қарамай яна илк бор тўйи бўлган бўй қиз каби юзига ҳаррир тутиб давра тўрида бошини эгиб ўтирди. Сўнг эса қиз тарафнинг ҳоҳишига кўра "Келин салом" маросими ҳам, ч
"Чаллари"," Куёв чақирди" -буларнинг бари-бариси таомилга кўра бўлиб ўтди. Сурайё опанинг қайтадан сўнгги русмдаги мебеллар билан безатилган хоналари энди бошқача жило соча бошлади. "Чаллар" да Мафтунага, "Куёв чақирди" да Умидга совға сифатида калити топширилган чет элнинг фалон минг долларлик енгил машиналари ҳовлида савлат тўкиб ўз жойига эга бўлдилар.
Энг қизиғи "Келин салом"дан сўнг бўлди. Қиз тарафдан узатишиб келган аёллар йўлга тушар эканлар янги қуда Махсума Сурайё опани бир четга тортди:
- Опажон. Сизга" Қизим бироз эркароқ" десам, "Қанча эркалиги бўлса мана менга тан" дедингиз. Ростини айтсам қизим шу ёшга киргунча бир дона туҳум ҳам қовурмаган, бир дона рўмолча ҳам чаймаган. Сабаби бунга уйимизда ҳожат бўлмаган. Бу ишларни қилиш учун уйимизда ҳизматчиларимиз бор. Шу сабаб Мафтуна қизим келинлик хизматларини қилиб чарчаб қолмаслиги учун Карима опани қолдириб кетаяпмиз. У киши бундан буён сизларнинг ҳам хизматингизда бўлади.
Янги қудасининг сўзларидан Сурайё опанинг оғзи очилиб ҳанг-манг бўлиб қолган эди. Бошида Карима опанинг уйларида юриши, рўзғорига аралашиши эриш туюлган бўлса-да, кейинчалик бунга ўрганиб кетган Сурайё опа "Яхшиям шу Карима бор экан" деб ўзига ўзи кўп бора такрорлайдиган бўлди. Карима опа сидқидилдан ишлар, ҳар олти ойда Мафтунанинг отаси долларда тўлайдиган хизмат ҳаққини ҳалоллаб олар эди. Агар Карима опа бўлмаса сочлари тўзғиб пешингача ухлаб ётадиган Мафтунанинг айби очилиб қолган бўларди. У Мафтунанинг ўрнига тонг ўтмай кўча ҳовлиларни ярақлатиб супуриб, сув сепар, нонушта тайёрлар, Умиднинг кийим-бошини ювиб, дазмоллаб ишга кузатар, кичкина Мунисани фалон пуллик боғчага олиб бориб, қайтиб олиб келар эди.
Дарвоқе Муниса... Ҳозир мактабга қатнаётган бу қизча у вақтда боғча ёшида эди. Мафтуна келин бўлиб тушганидан ўн беш кун ўтиб "Аммажонисини соғиниб ичикиб қолибди" деб бир-икки кунга ташлаб кетилган қизалоқнинг келинининг ортидан "Ойижон" дея эргашганда Сурайё опа ҳайрон қолмаган эди. "Ҳаа, дея ўйлаган эди ўшанда Сурайё опа,-Мафтуна акасининг қизига хўпам меҳр берган экан-да" . Бироқ орадан бир хафта, икки хафта, бир ой ўтса-да қайтиб уйига олиб кетилмаган, камига Умидни "Адажон" деб чақира бошлаган қизалоққа тикилиб Сурайё опа:
- Умид, бу қиз аммасини соғиниб ичикар экан-у, нега ўз онасини соғинмайди?- дея ҳайрон бўлиб сўради.


/87
👍25😁1💔1
#БАҲОР_ҚАЙТГУНЧА

Муаллиф: Гулбаҳор Рахматуллаева (Хазонрезги)

38-қисм

Умид истеҳзо билан мийиғида кулимсиради:

- Онасининг ёнида бўлгандан кейин соғинмайди-да, ойи!? Ҳалиям тушунмадингизми? Бу қиз Мафтунанинг ўз қизи-ку!? Ҳайрият-ки, бошқалардан эмас, никоҳли биринчи турмушидан бўлган экан.

- Вой шўриим, вооой ўлмасаам...-юзини тимдалади Сурайё опа,-нега? Нега қизи борлигини айтмабди бизга?

- Сиз совчиликка борганингизда ундан ёки онасидан "Мафтунанинг боласи борми?" деб сўраганмидинглар? Сўрамаганинглардан кейин айтишмаган-да?! Сиз сўраган саволларга жавоб беришган улар...

- Ахир... Ахир Мафтунани дараклаган Салимахон ҳам унинг болалик жувон эканлигини аймаганди? Атиги уч ой турмуш қурган деб...
- Ойи. Биринчидан Мафтунани боласи борлигини кўпчилик билмас экан. Мунисани ҳақиқатдан ҳам акасини қизи деб овоза қилишган экан халққа. Ким билсин бу қиз келажакда онасининг бахтига тушов бўлмасин дейишгандир-да. Иккинчидан, гапингиз қизиқ, ойи. Уч ой турмуш қурган одам фарзандли бўлолмайдими? Ҳамма мен эмас, тўрт йилда ҳам битта тирноққа зор бўлган,- сўнгги сўзларни айтар экан Умиднинг чеҳрасига изтироб ифодаси қалқиб чиқди, бироқ тез орада ўзини қўлга олди,-хуллас, ойи, мана сизга тайёргина ўзингиз орзу қилган набира. Ўз оёғи билан бувижон деб ҳаётингизга кириб келганини хатто сезмай ҳам қолдингиз. Дуо қилиб турсангиз шу қизнинг ортидан қўшалоқлашиб ўғил набиралик ҳам бўларсиз.

Умид ортиқ гапирмай ташқарига йўл олди. У Мафтунанинг телефонда аллақайси дугонасига "Фууу, ҳали бери фарзанд кўрмоқчи эмасман, ёшликда ҳаётдан завқланиб яшаб қолиш керак. Авваламбор бунинг чорасини кўриб қўйганман, қолаверса эрим биринчи турмушидан боласи бўлмагани учун ажрашган. Ким билсин айб балки унинг ўзидадир, йўқса хотини ҳиёнат қилиб қўлга тушмагунча унинг жавобини берган бўлмасмиди? Тили қисиқ жойи бордир-ки, ўзи ҳам шунча йил қисиб юрган. Собиқ кундошим ҳам бекорга ҳиёнат қилмагандир?" деган сўзларини эшитиб қолиб адо-и тамом бўлган, бироқ тили ўн беш қарич Мафтунанинг олдида ўзини оқлашга ҳафсала ҳам қилмаган эди. Сабаби Умид оқлаган тақдирда Мафтунанинг олдида қадри янада паст тушишини, ўзини гуноҳкор деб тан олгудек бўлишини ҳис қилар эди. Шу тариқа уч ойга қолмай Умид билан Мафтунанинг омонатгина қурилган турмушлари ич-ичидан дарз кета бошлаганди.

Сурайё опа Умиднинг ортидан жавоб қайтара олмай изтироб билан сўзсиз тикилиб қолди. У вазият бутунлай ўз измидан чиқиб кетганлигини, тақдир Сурайё опанинг ҳисларини ҳам унинг ўзи каби ўйин қила бошлаганини англаб ичи куяр эди.
"Тағин ҳам Умид Осиёнинг фарзанд кўрганидан хабари йўқ,- ўртаниб ўйланди Сурайё опа,- билганда борми?
Айтишларича, фарзанд онасини елкасида опичлаб Ҳажнинг барча амалларини бажартирса онасининг бир кеча оқ сут бериб қараган ҳаққини адо этар эмиш... Мен эса фарзандида ҳеч қандай ҳаққи қолмаган нобакорман.
Тунов куни Санобар опам "Чўчқанинг гўшти нимага ҳаром биласанми?" деб сўрадилар. Мен қайдан билай деб елка қисдим. Уларнинг айтишларича чўчқа қорни очса ўйлаб ўтирмай нафси кўйида ўз боласини паққос тушурар эмиш. Улар яна айтдилар-ки, қуён янги болалаганда болаларини шунчалар яхши кўрар экан-ки, муҳаббати ичига сиғмаганидан жўшиб уларни еб қўяр экан. Мен-чи мен? Булардан қайси бирига ўхшайман? Шу даражада ўзимни ўйлайдиган ҳудбинман-ми ёки боласини қаттиқ яхши кўрганидан абгор қилишгача олиб борадиган ноинсофми? Эээ, нима фарқи бор? Ҳар икки ҳолатда ҳам фарзанд қисмати фожиа билан тугаганидан кейин...
Ёшлигимизда маҳалламизда Ҳуррият опа деган қўшнимиз бўлгувчи эди. Ўша аёл ёш болаларни шунчалик яхши кўрар эди-ки, йўлида учраган ширинтойларни маҳкам мижиб қучоқлар, юз-бўйнилари кўкариб қолгунча қаттиқ ўпар эди. Кейинчалик билсам ўша аёлнинг уч ўғли бебахт бўлибди.
Айтишларича ҳамма нарсанинг ортиқчаси бўлар эмиш-у, аммо меҳрнинг ортиқчаси бўлмасмиш. Мен эса бугун меҳрнинг ҳам ортиқчаси ортиқча экан деган тўҳтамга келдим. Ҳудди-ки ҳаёт фаолияти учун зарур бўлган тузнинг, шакарнинг, уннинг ортиқчаси ортиқча бўлгани каби...

/88
👍38👏2❤1😍1
🧕 Muslimalar kundaligi
#БАҲОР_ҚАЙТГУНЧА Муаллиф: Гулбаҳор Рахматуллаева (Хазонрезги) 38-қисм Умид истеҳзо билан мийиғида кулимсиради: - Онасининг ёнида бўлгандан кейин соғинмайди-да, ойи!? Ҳалиям тушунмадингизми? Бу қиз Мафтунанинг ўз қизи-ку!? Ҳайрият-ки, бошқалардан…
#БАҲОР_ҚАЙТГУНЧА

Сурайё опа куни кеча шифокор қабулига борганда унинг "Учта" оқ"дан ўзингизни тийинг, сизнинг касалингизда бу оқлар жуда ҳавфли" деганда ҳайрон бўлганди. Унинг ҳолатини кузатиб турган шифокор батафсил тушунтириб берди. Учта оқ булар- туз, шакар, ун ва улардан тайёрланган маҳсулотлар бўлиб, қанд касаллигида уларнинг истеъмол қилишда эҳтиёт бўлиш кераклигини обдон уқтирган эди.
Шифокор қабулидан чиққан Сурайё опа битта нарсани фаҳмлаб қолди. У қанд касалига чалинганидан буён айнан ана шу "учта оқ"га борган сари ружу қўйиб бораётган экан. "Демак,- ўзича хулоса чиқарган бўлди Сурайё опа,- инсонга ўзичалик ҳеч ким душманлик қилолмайди. Инсоннинг асл душмани унинг нафси, кибри, манманлиги... Мана мен ҳам борлиқни ўз кўзим билан ўзим истагандек кўришни истаб Умид ва Осиёнинг ҳаётини ўз қўлларим билан барбод қилдим. Бунинг ортидан энг кўп азият чекаётган ҳам ўзим. Умид, Осиё ва бошқалардан фарқли мен энг олий жазога раво кўрилдим. Бу виждон азоби... Умримнинг охиригача таъқиб қиладиган ва қутилишим мумкин бўлмаган оғир дард бу..."
Сурайё опа Мафтуна мисолида ўз жазосини олаётганини тан олиб турар эди. Камига эри унга бир оғиз таъна қилмаса ҳам ораларидаги аввалги илиқлик энди йўқ, Адҳам ака уни ўз ҳолига ташлаганча бутунлай ўз олами билан бўлиб кетган эди. Афтидан Адҳам ака Осиё воқеасини айнан ўз аёли уюштирганлигини фаҳмлаган, бироқ Сурайё опанинг оғир дардга чалингани учун ўтган ишларни ковлаштирмай барини тақдир измига топшириб қўя қолган эди.

Тақдир эса Адҳам ака сингари кўнгилчан эмас эди. У адолатли эди ва аста-секин барини ўз ўрнига қўйишни бошлаганди...

Тез орада Сурайё опа Мафтунага қўшилиб Карима опанинг ўз хонадонларида бежизга пайдо бўлмаганлигини фаҳмлади. Карима опа ўз номи билан тозаловчи эди. Унинг асосий вазифаси супур-судир, йиғ-тер эмас, балки Мафтунанинг ҳурмача қилиқларини беркитиш-ортини тозалашдан иборат бўлиб, кези келганда тан олиб айтиш керак-ки, Карима опа бу вазифасини қойилмақом уддалар эди. Сурайё опа кўп ой, кўп кунлар давомида келинининг сигарет чекиши, ичкилик ичиши, тунлари нобоп давраларда юришини таҳмин қилиб келди, бироқ уни фош қилишга аввалги қуввати, тўғрироғи журъати йўқ эди. Начора, зўр зўрни кўрганда бўйнини қисар экан-да. Сурайё опа энди Мафтунага бурнидан ошириб бирор сўз айтса, бир оғиз сўзининг дамида ош пишадиган казо-казо қудалари ўғлига азият бериб қўйишидан чўчир эди. Мафтуна эса аста-секин чирмовиқдек ўрмалаб бутун танани эгаллаб олгач ўзлигидан дарак бергувчи бедаво дард каби беҳузур аёл эди...
Умид эса бу муаммоларга ўзича ечим топди. У Мафтуна билан турмуш қурганининг иккинчи йили дастлаб "Москвада малака ошириб келаман" деб йўлга отланди-ю, шу кўйи малака оширишдан сўнг у ерда ишлаб қолиб кетди. Шунга ҳам икки йилдан ошиб кетибди. Икки йил ичида уч марта келиб кетган Умиддан бугун уйга бутунлай қайтиши ҳақида хабарни эшитган Сурайё опанинг юраги соғинчдан орзиқиб кетганди.
"Ойи, ҳозир Москва вилоятидаман. Дўстим Колянинг уйида меҳмондамиз,- деди Умид тўлқинланиб, -насиб қилса кечга йўлга чиқамиз. Орадаги майда-чуйда ишларни битириб, узоғи индинга ўзимизнинг уйда бўлиб қоламан"

-Умид, болам...-энтикди Сурайё опа,- сени шунчалар соғиндим-кии. Дийдорингга етишга икки кун бор экан. Ана шу икки куннинг ўтишини айт энди?! Майли сен яхши кўрган егуликларни тайёрлаб вақтни ўтказишга ҳаракат қиларман...
Пешиндан сўнг Сурайё опа Каримани ёнига олиб бозор-ўчар қилиб келди. Кечки овқат вақтида ўғлининг қайтишини айтиб эридан суюнчи олган Сурайё опа таомдан сўнг бугун қаттиқ толиққанини ҳис қилиб хонасига кириб ўрнига чўзилди.
Дарровда кўзи илинган Сурайё опа туш кўрибди.
Тушида қоп-қора булут қоплаган ваҳшатли ботқоқлик эмиш. Ботқоқ ўртасида ўғли Умид белигача ботқоққа ботган, нуқул "Ойиии, ойиии, мени қутқаринг!" - дея зорланиб қўлларини олдинга чўзиб талпиниб илтижо қилар ва борган сари ботқоққа чўкиб борар эмиш... Аввал елкасигача, кейин бўғзигача ботган Умиднинг кўп ўтмай оғзига ботқоқ массаси тўлиб уни бутунлай ўчибди...

/89
👍27👏2❤1
#БАҲОР_ҚАЙТГУНЧА

Сурайё опа ўғлининг ҳалокатини кўриб турар эмиш-ку, аммо томоша қилишдан бошқа ҳеч бир ишга ярамас эмиш...

У Умиднинг билқ-билқ қилиб ботқоқлик қаърига чўкиб кетаётганига ортиқ чидай олмай ўзини ботқоқ қаърига отибди. Бироқ кўринмас аллақандай кучлар уни жойига қайтариб олиб келиб қўйиб яна жигарпорасининг ҳалокатини кўришга мажбур қилар эмиш.
Оҳирида ботқоқ қаърида Умиднинг икки қўли қолибди. Улар ҳам онаси томонга бир, икки бор ожизгина силкиниб талпинибди-ю...

Сурайё опа ғарқ терга пишиб кўзини очганида дераза ортида ўзи каби ҳомуш тонг элас-элас бўзариб келар эди.

У оғир-оғир нафас олиб атрофга назар ташлар экан, биринчи хаёлига келган нарса "Ҳайрият, тушим экан" деган фикр бўлди. Сурайё опа томоғи қаттиқ қақраб кетганидан тумба устида турган графиндаги сувдан олиб ичмоқчи бўлди, бироқ тинимсиз титраётган бармоқлари билан буни уддалай олмади. У эридан ёрдам сўраб чап курагида чим-чим санчаётган аччиқ оғриққа аранг бас келиб, базўр ёнига ўгирилди. Бироқ эри ўрнида йўқ, у ором оладиган жой бўм-бўш эди...

- Адаси...- Сурайё опа эрини чақирмоқчи бўлди, бироқ овози ўзига ҳам эшитилмади.

Сурайё опа шу аҳволда ўз аҳволига ҳўрлиги келиб қанча вақт ётди билмади. Бир вақт даҳлиздан Адҳам аканинг ҳунук овозда ҳўнграб, ўкириб йиғлаётганини эшитиб, кўрган туши ёдига тушди:

- Умииид!

Сурайё опанинг бу сафар ҳам овози чиқмади.

Бироқ бу сафар Адҳам аканинг овози баралла эшитилаётган эди:

- Отанг ўлсееен, болааам! Отангинанг ўлсееен, болажоним!

Сурайё опа ётган жойида теварак-атроф чирпирак бўлиб қуюндек айлана бошлади. У ҳатто ўзи ётган диваннинг бу қадар тезлик билан чириллаб айланишига бас кела олмай тўшагини маҳкам чангалламоқчи бўлди, бироқ бу ишнинг уддасидан чиқа олмай юраги бўғзига қадалди. Шу орада чирпирак бўлиб айланиш аста секинлаша бошлади ва яна ботқоқда "Ойиии, ёрдам беринг!" дея илтижо қилаётган Умид кўринди. Сал аввал қимирлашга мадори бўлмаган Сурайё опа бу сафар танасидаги мислсиз куч қаердан келаётганини билмай ўзининг Умиднинг бағрига отди. Бу сафар боласини бағрига боса олган Сурайё опа юрагида бошқача қониқиш туйди. Миясининг аллақаерида "Индинга Умид болам уйга қайтар экан" деб эрига айтган суюнчили хабар "йилт" этди ва шундан сўнг ҳеч нимани ҳис қилмай қўйди...

🔳 🔳 🔳

- Аёлингиз у дунё остонасидан қайтди. Илтимос уни эҳтиёт қилинг, уйғонганда фақат яхши, кўнгилни кўтарадиган гаплардан гапиринг...

Сурайё опа кўзини очмай тепасида турган бегона инсоннинг сўзларини эшитиб хаёлга толди.
"Қаерда эшитган эди-я бу сўзларни? Жудаям таниш? Қачон эшитганди? Ҳа, ёдига тушди! Бу сўзларни бундан саккиз йил аввал Умид ўз жонига қасд қилиб базўр ҳаётга қайтаришганда уни даволаган шифокор айтганди. Ўшанда Умид...

Умид...,- ўғли ёдига тушиб йиғлай бошлади Сурайё опа,- болам... Мени тириклайин ўлдириб кетган болам. Булар, мени нимамни эҳтиёт қилишлари керак? Ажал ҳам ҳазар қилган аёлман мен. Битта қабрга лойиқ кўрилмаган тирик мурда... Салкам беш ойдан буён ярим нимтаси ишламай тўшакка михланган мажруҳ. Яримта сўзни гапира олмай ғўлдираб қолган майиб... Аслида бу ҳам кам менга. Ҳали кўргилигим маромига етмаган шекилли кунда ажалимни сўраб ёлворсам-да ҳамон тирикман...
-Ҳаа, онаси? Яна йиғлаяпсанми? -шифокорни кузатиб хонага қайтган Адҳам ака унинг бошигаэгилди. Аёлининг кўз ёшларини авайлаб артар экан ўзининг ҳам кўнгли бузилди,- сен бунақа йиғлаб турсанг мен қандай қилиб симпозиумга бориб келаман? У ерларда ҳотиржам юра олмайман. Яхшиси сафарни қолдирсаммикан?

Сурайё опа" Йўқ" деган маънода бош силкиди:

-Ббб оооррр... ииингггг... Боооррр...

- Ҳўп, онаси, ўзингни қийнама. Фақат бир шарт билан бораман. Чароснинг айтганини қилиб дори ва овқатларинингни вақтида ичасан. Келишдикми?

- Кккеееелшш... иик...

- Жуда соз! Мен овқатдан хабар олайчи. Сенга ўз қўлларим билан бедана шўрва пишираётган эдим.

Сурайё опа эрининг елкалари осилиб букчайиб қолган гавдасига қараб ҳўрсинди:

#давоми_бор

/90
👍48❤6😢4🔥1🥰1👏1
✨ Хайрли тун, қадрдонларим!

✨ Барчамизни Аллоҳим доимо Ўз паноҳида асрасин!

✨ Тунингиз сокин бўлсин!🤲

✨ Ширин тушлар ҳамрохингиз бўлсин!🤲

Яқинларга улашинг ❤️⤵️

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍6
This media is not supported in your browser
VIEW IN TELEGRAM
🌸 АССАЛАМУ АЛАЙКУМ!

🌹 Аллоҳни сизга берганига розилик билан ҳаёт зийнатланади!

☺️ Табассум билан муаммолар енгиллашади!

📿 Истиғфор билан эҳтиёжлар қондирилади!

🤲 Дуо билан мушкуллар осон бўлади!

🌞 Яна бир тонг, яна бир умид, яна бир имконият берган Роббимизга ҳамдлар бўлсин!

☀️ Кунингиз хайрли барокатли, энг муҳими дунёю,охиратингиз учун фойдали ўтсин!

Яқинларга улашинг👇⤵️

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍2🥰1
....Сиз шундайин бахтли булингки бахт яратганга шукрона айтсин

....Сиз шундайин шодликка туйинг қайғу сиздан қочиб қутулсин

....Сиз шундайин севинг севилинг хижрон яралганига пушаймон есин

....Сиз армонни додини беринг омад сиз учун яралдим десин

....Эй сиз шу сузларим уқиетган кунглим қадрдони сиз дунёдаги энг бахтли инсонсиз

Бахт+омад+қувонч+жон саломатлиги+мухаббат деган дардга чалиниб қолинг асло даво топилмасин...


✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍7❤1
Jangchi. Akrom Malik.pdf
835.1 KB
📓 "Jangchi"
✍ Akrom Malik


📌 Akrom Malik “Jangchi” qissasi qadim Falastin, Shom va Isroil o‘lkalarida kechgan tarixiy voqealardan so‘zlaydi. Qahramonlar boshidan kechgan fojialar va ularning sabablari hech qachon eskirmaydi. O‘quvchi “Jangchi” qissasidan bugungi kuni uchun ibrat ola bilishidan umidvormiz.

©manfaati_book

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍3
👗 Milliy fasonlar

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍2🥰1
Media is too big
VIEW IN TELEGRAM
Mmmm….🤤🤤

Kerakli masalliqlar:

• 150 gr sut
• 1 osh qoshiq shakar
• 1 osh qoshiq droja
• 1 ta tuhum
• 160 gr un
• ta’bga ko’ra tuz
• 10 dona o’rtacha uzunlikdagi sosiska
• 200 gr atrofida sir (alsafi)
• 100 gr kfc uchun mo’ljallangan non talqoni
• o’simlik yog’i

Tayyorlanishi.

Iligan sutimizaga droja va shakarni solib apara qilib, oshirib olamiz.
Tuhum, tuz va un solib suyuqroq hamir tayyorlab olamiz.
Hamirimizni ustini yopib oshirib olamiz.
Hamir oshguniga qadar sosiska va sirni videoda ko’rsatilgandek shpashkaga tiqib olamiz.
So’ngra hamirimizga botirib olamiz.
Ustidan esa kfc uchun mo’ljallangan non talqoniga botirib olamiz.
Qizib turgan o’simlik yog’ida qizartirib pishirib olamiz.
Issiqligida tanovul qilamiz☺️

Tayyor bo’ldi.
Yoqimli ishtaha☺️
👍9
ГЎШАНГАДАН ЭШИТИЛГАН
ДОД ФАРЁД.....

Тонг саҳарда аёл кишининг фарёди бутун маҳалланинг тинчини бузиб юборди. Энг ёмони, бу овоз куни кеча тўй бўлиб ўтган хонадан томонидан келаётган эди. Ана шу нарса кўпчиликни саросимага солиб қўйди. Ҳарқалай, қандайдир фожиа юз бергани аниқ эди.
...Зариф аканинг эндигина 17 ёшга кирган кўҳликкина қизига оғиз солганлар кўп бўлди. Хотинининг вафотидан сўнг етти боланинг ташвиши отанинг елкасига тушди. У баҳоли-қудрат барча фарзандларини уйли-жойли қилди. Фақат кенжа қизини сал йиғиниб, сўнг насиб қилса куёвга узатарман, деган ўйда эди. Бироқ совчилар эшикнинг зулфини бузиб юборгудек бўлишди...
Отанинг бошида минг бир хаёл айланарди: қизим бахтли бўлармикан?! Тенгини топармикан?! Ўшанда кимсан, Шарифбойнинг ўғлидан бир эмас уч марта совчи келганлиги дўстларини қувонтириб, душманларининг ҳасадини қўзғади.
Шарифбой билан қуда бўлишни унча-мунча одам орзу ҳам қилолмасди. Чунки бой-бадавлат, таги-тахтли бу хонадоннинг довруғи узоқ-узоқларга кетганди. Шу сабабдан бўлса керак, бўлғуси қуда бир томонда қолиб, Зариф аканинг ака-укалари-ю, қариндош-уруғлари унинг уйига серқатнов бўлиб қолишди.
-Шарифбой аканинг совчилари уч марта қулчиликка келишибди,- қайта-қайта такрорларди улар, - бошингга бахт қуши қўнгани шу эмасми?! Ўзинг бир бева-бечора бўлсанг, нимангга кериласан?! Худо бериб, қудалашиб қолсанг борми, еганинг олдингда, емаганинг ортингда бўлади. Шу баҳона бизнинг кукрагимизга ҳам шамол тегарди. Шуни тушунасанми, ўзи?!
Бироқ ота оёқ тираб туриб олди. Шундан сўнг ўртага казо-казо одамлар тушди, қўлини кўксига қўйиб, -Ака, энди шундай одамнинг сазасини ўлдирманг,- дея ялинишди. Маҳалла оқсоқоли ҳам унинг уйида кунда-шунда бўлиб қолди. Бироқ, ҳадеганда Зариф аканинг фикри ўзгармади.
Шундан сўнг унинг отаси Сафар бува орага тушди.
-Қани ўғлим менга айтчи, совчиларни нега қайтаряпсан? –деди у соқол-мўйловини силаб. – Биласан, қиз боланинг иши қийин, бир ўтирса-ўтириб қолади. Бошингга ёстиқ бўлармиди, ҳарна қутилганинг қолади. Ёки Шарифбойдай одамни назаринг илмаяптими?
Отасининг юзига ҳеч қачон тик қарамаган Зариф аканинг бу гал зардаси қайнагандан-қайнади-ю, бироқ ўзини босиб, гапира бошлади.
-Кўрпангга қараб оёқ узат деган гап бор ота,-деди у ерга тикилиб. –Шарифбой ака тадбиркорлик қилиб, ҳалоллик билан бойиган одам, уни ёмон деёлмайман. Лекин биз учун унинг охури баландлик қилади. Қизим хўрланмасин дейман-да, ота.
-Гапни чўзма, чайналмасдан гапир, бирор бошқа сабаби борми? Бу гаплариниг рад қилишга сариқ чақачалик ҳам важ-карсон бўлолмайди, - кескин гапирди отаси.
-Майли, сизга юрагимни ёраман, бўлмаса,-деди Зариф ака эшик томонга хавотирланиб қараб қўяркан.- Суриштирдим, ўғли гиёҳвандликка чалинган экан...
-Э, ҳали душманларнинг гапига лақиллаб юрибман, дегин,-тутоқиб кетди Сафар бува. – Кўролмайдиган одамлар кам дейсанми? Биров эшитмасин бу гапни, шундай одамнинг яккаю-ягона ўғли ёмон бўлармиди, қўйсангчи?
-Йўқ, ота мен ҳам бекор юрганим йўқ, ҳаммасини сўраб суриштирдим, - деди Зариф ака кескин оҳангда. – Бизга куёв бўладиган йигит бир ошнамнинг ўғли билан институтда бирга ўқиган экан. Ўша вақтдаёқ у шу "дард”га мубтало бўлган экан.
-Ҳей, латтачайнар,- дея отаси шаҳд билан ўрнидан турди. – Ёшликда нималар бўлмайди-а? Ўзимиз ҳам ёшликда фаришта эмасдик. Ичардик, чекардик, ҳа энди... кейинчалик, мана қолиб кетди-ку?! Обрўсини билмаган аҳмоқ. Ўзи сенинг миянг айниб қолибди. Хотининг ўлгандан кейин уйланмаганингни касри мана шу-да...

​​- Мени кечирасиз-у, ота, - Зариф аканинг энди чинакамига жаҳли чиқиб,- мени эмас, сизларнинг мияларининг айнаб қолганга ўхшайди. Шарифбойнинг пули кўп деб, қизимни ўтга ташлашим керакми?! Сиз билан биз бой бўлмасак ҳам худога шукур, кунимиз ўтяпти. Ҳали қизим ўтириб қолгани йўқ-ку, ота.
-Энди гап бундай,- кетишга тараддудланиб, эшик олдига бориб қолган Сафар бува, -агар сен айтгандай куёв гиёҳванд бўлса, Шарфбой Тошкентга бориб, уч кунда даволатиб, бинойидек одам қилиб олади. Эшитганман, шунақа зўр дўхтирлар бор экан. Ота рози – худо рози. Мени десанг, қизингни ўша
👍14👎1
​​хонадонга берасан, гап тамом – вассалом!
Давраларнинг тўрини бермай кариллаб юрган Шарифбой ака ҳам бирэмас, уч марта қўйган совчилари "қуруқ” қайтгач, ўйланиб қолди: "Ўзи нималар бўляпти, жон-жон деб қуда бўлади десам, Зариф ака нега унамаяпти. Бу ерда бир гап борга ўхшаяпти...” Охири у ўзини баъзан хавотирга соладиган айрим нарсаларни текшириб кўрмоқчи бўлди. Ўғлининг машинасига яшириб қўйилган шприцлар-у, аллақандай дориларни топиб олгач, у адои-тамом бўлди. Боёқиш қон босими ошиб кетиб, икки-уч кун ётиб ҳам олди. Дардини ҳатто хотинидан ҳам яширди. Бирор чора кўриш учун кеч бўлган, тўй куни аллақачон белгилаб қўйилганди. Тўй ўтгунча, ёпиғлиқ қозон ёпиқ қоладиган бўлди. "Ундан кейин бир чораси топилар” деган қарорга келди у.
Никоҳ тўйи кутилганидек, дабдаба билан ўтди. Куёв чимилдиққа киргач, янгаларнинг норозилигига қарамай, уларга жавоб бериб юборди. Келинчак унинг афт-ангори ўзгариб кетганлигини кўриб, зўрға таниди. Негадир йигитнинг кўзлари қизариб, юзи кўкариб кетган, бутун аъзои-бадани дағ-дағ қалтираётгандай эди.
-Ҳа, охири етишдим-а сизга, - деди куёвбола беўхшов тиржайиб, - тилло узук муборак бўлсин, жоним. Аммо дунёдаги энг бахтли келинчак бўласиз, бунга гарантия. Сизга ҳозир бир сирни очаман. Билганингиз маъқул, ахир энди менинг хотинимсиз. Лекин сиз қўрқманг...хўпми?..
Шундан сўнг у чўнтагидан шприц ва аллақандай дориларни чиқарди. Буни кўрган келинчак қўрққанидан юзини беркитиб олди.
-Энди қарайверсангиз ҳам бўлади,- деди куёвбола тирсагигача яланғоч қўлини букиб ушлаганча.
Орадан бироз вақт ўтгач, куёв аллақандай оқ кукунни зўр бериб ҳидлашга тушди.
-Энди бироз дам оламан, кейин эса мурод-мақсадимизга етамиз,- дея у тиржайиб, ўзини ўриндиққа ташлади. Нималар бўлаётганига ҳеч тушунолмаётган келинчак анча вақт унга тикилиб турди. Шу орада Зебузарнинг кўзи илингандай бўлди. Бироқ тезда чўчиб уйғонди. Нимагадир куёвнинг хуррак отиши тинган, келиннинг назарида у нафас ҳам олмаётганга ўхшарди. Шундан у хавотирга тушиб, минг бир истиҳола билан юзи докадек оқариб кетган куёв болани уйғотмоқчи бўлди. Лекин у "миқ” этган товуш чиқармасди. Ноилож, кулин унинг юзига қўлини қўйди-ю, музни ушлагандай сапчиб тушди. Келиннинг тамоғига тиқилган нарса фарёд бўлиб отилиб чиқди...
Бу воқеадан хабар топган Зариф ака зудлик билан қудасиникига етиб келганда қизи ҳовли ўртасида туриб, дод соларди. У отасининг бўйнига осилиб олди.
- Мени кечир қизим,- деди Зариф ака буғиқ овозда, - Отанг ўлсин болам, сени шу куйга солган отанг ўлсин ... Мени кечир, она-қизим...
Ердан тобут кўтарилганда, кенг ҳовлининг нариги четида гиламдаги чала ўчирилган "Тўйимизга марҳамат” деган ҳашамдор ёзув бир неча соатлар илгариги маъносини мутлақо йўқотган, у айни чоғда аянчли истеҳзога ўхшарди ...

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍18❤3🔥1