🧕 Muslimalar kundaligi
1.61K subscribers
3.68K photos
3.56K videos
4 files
6.89K links
Download Telegram
К У Л И Б Ю Р И Н Г

Бугун бошланг бир ўзгача ажиб кунни,
Ёдга олманг ҳеч зулматли қора тунни,
Унутинг сиз барча алам, ғам-қайғуни,
Кулиб юринг, кулиш сизга ярашади.

✍Каримбек Асатуллаев

Қаҳ-қаҳ уринг кулгулардан порлаб осмон,
Чарақласин кўзингизда яшин ҳамон.
Ёноқларда табассумлар бўлинг омон,
Кулиб юринг, кулиш сизга ярашади.

✍Олия Равшанова

Кўнгил очинг, қовоқ ўйиб сиз турмасдан,
Жах,л қилиб, асаб бўлиб, сиз юрмасдан,
Барчасини ичга ютиб сиз турмасдан,
Кулиб юринг, кулиш сизга ярашади.

✍Каримбек Асатуллаев

Табассумлар ярашибди ёноқларда,
Порлаб турган ул қора кўз қароқларда.
Севинч яйрар қалблардаги адоқларда,
Кулиб юринг, кулиш сизга ярашади.

✍Олия Равшанова

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍5❤2
This media is not supported in your browser
VIEW IN TELEGRAM
ДУМҒАЗА» ТАОМИ
Керакли масаллиқлар:


🥓 1-2 та мол думи
🧂 Туз, мурч, зира
🧂Лавр япроғи, кашнич уруғи
🥔 1-2 кг картошка
🧅 4-5 дона пиёз

 Мариновка учун:

🧂 Туз, мурч, зира, кашнич уруғи

Тайёрланиши:
  1 кун олдин мариновка қилинган мол думини қайнатиб, сувини тӯкиб юборамиз. Яна 3 стакан сув солиб, 3 соатга димлаб қӯямиз. Орада туз, мурч ва лавр япроғи солиб, яна қопқоғини ёпиб қӯямиз. Суви тортилиб, думғазанинг ёғи чиққач, ӯз ёғида қизартириб қовурамиз.
Картошкаларни артиб, туз, зира ва кашнич уруғи сепиб, алоҳида қозонда бутунлигича қизартириб қовуриб оламиз.
Думғазанинг устидан тӯғралган пиёз, зираворлар ва 1 пиёла сув солиб, 15 дақиқага димлаб қӯямиз.
Вақт ӯтгач, бир марта аралаштириб олиб, қизарган картошкаларимизни соламиз ва яна аралаштирамиз. 0,5 пиёла сув солиб, яна 15 дақиқага димлаб қӯямиз.

🍽 "Думғаза" таоми тайёр! Ёқимли иштаҳа!!!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍7
Бир адибдан сўрашди:
- «Ҳикматларнинг энг гўзали қайси?»
- У деди: «Етмиш йилдан бери китоб ўқиб, мана бу сўзлардан гўзалроғини топмадим:
- «Тоатнинг машаққати кетади, савоби қолади.
Гуноҳнинг лаззати кетади, жазоси қолади».
- Хўш, сен ўзинг учун қайси бирини танладинг?


✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍9
💥Бугун, 4-сентябр Дунёдаги энг чиройли ва мехрибон Опалар куни нишонланмоқда

Опа - бу иккинчи она, меҳрибон сирдош, ҳеч қачон сотиб кетмас ишончли дўст

Опаларимиз доимо соғ-омон бўлсинлар...

Яқинларга улашинг ❤️⤵️

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍5
Media is too big
VIEW IN TELEGRAM
😭 Juda taʼsirli, albatta eshitib koʻring

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍6🥰1
Менга хаёт бағишла:
Диёра борган сари Шириндан нафраталана борарди. Қаердан ҳам Сарвар акам билан учрашиб қолган ҳаммасига у айбдор дея ўйларди. Сарвар эса кетган кунидан бошлаб бир марта бўлсада Диёрани йўқлаб қўймади. Мессенжерига йўлланган хабарига ҳам қисқагина " Менда ҳаммаси яхши, 10 кундан сўнг бораман", деган жавоб келган эди ҳолос.

Аёлни эътиборсизлик ўлдирар экан.  Диёра эса камситилишу эътиборсизликдан неча бора озор чекарди. Эри унинг ёнгинасида ўзгасини эслаб турадию қандай озор чекмасин. Аммо буларнинг барига қўл силтаб ҳам кета олмайди. Борадиган ери йўқ. Ҳомиладор ҳолида ким ҳам уни қабул қиларди. Ўзига очилиши керак бўлган эшикларни аллақчон худбинлиги эвазига ёпиб бўлди.

Қайнонаси ҳам уни кўришни хоҳламайди. Ҳаммага ўша писмиқ Ширин керак. Ширинни ўлдириб қўйганда яхҳси бўлар экан. Тинчгина Сарварга эгалик қилиб юраверарди. Ҳеч ким ундан нафратланмасди. Қайтага жон жон деб келин қилишарди. Диёра шошди. Озгина шошқалоқлиги оқибати мана нималарга олиб келди. Энди минг бора пушаймон бўлмасин фойдаси йўқ. Ҳаттоки гапини ўйламай гапирадиган беўй опаси ҳам Диёрадан юз ўгиирб ўтирибди. Укасидан эса умид қилмаса ҳам бўлади.

- Диёрахон, уйдагилариз келишмайди. Неча кундан бери кузатаман. Кўнглизга олманг- у, бормилар аслида?

Диёра ўзи шундан қўрқиб турганди. Битта яримтаси сўраса нима деб жавоб бераман дея ўйларди.

- Улар узоқдалар. Ўшанга айтмай қўя қолгандим.

- Ҳмм, тўғри қилибсиз. Лекин нега телефонда ҳам гаплашмайсиз?

Диёра ичидан зил кетди. Ҳамхонасининг бу гаплари уни асл Диёрага қайтарди.


- Тушунмадим. Бу билан нима демоқчисиз? Ўзи умуман сизни мен билан нима ишингиз бор? Мен сиздан бирор нима сўрадимми, терговчилик қиласиз? Ундан кўра камроқ ғийбат қилиб жимгина ётинг.

- Воой во тилликкина экансизу, мен сизни жим юради соддагина деб ўйлаб адашибманда.

- Бўлди қилинг. Бировни ҳаёти билан сизни ишингиз бўлмасин.

Хонада уч киши жойлашиб олишганди. Диёра ўзи билан ўзи овбора бўлиб улар билан унчалик ҳам ҳамсуҳбат бўлган эмасди. Шериклари эса ундан сал олдин келишгани учун анчагина синашта бўлиб қолишган, суҳбатларини кети узилмасди.

- Тўғри гап туққанингга ёқмайди. Сизга ёқармиди?

- Огоҳлантириб қўяй, агар ҳозир чакагингни юммасанг, қайнонанг келганда уни нималар деб ёмонлаганингнию ишдан қочиб шу ерга келиб ётганингни ҳаммасини айтиб бераман. Кўрамиз кейин ким ёмон бўлиб қоларкан.

- Тавба, тавба. Бўлди гапирмадим.
Диёрага гапириш бефойдалигини билдими Лазиза тескари қараб краватига ётиб олди.

Диёра хонадан ўзига овқат олиб келиш учун чиққанди у кетиши билан икки ҳамхона яна ғийбатни бошлаворишди.

- Лазиза дугон тили заҳар эканда буни.

- Нимасини айтасиз Хамидахон. Жим юргани билан ичидан пишган экан.

- Ҳа асти сўраманг. Қўлларида жарақ жарақ пул. Ҳамишараларни ҳам оғзини мойлаб қўйишга улгурган бу.

- Қайсидир бойни ўйнаши бўлса керакда. Мана ҳеч кимга кераги йўқ бўлиб ўтирибдию.

Ана шу пайт пули эсидан чиққани учун қайтган Диёра эшик ортидан ҳаммасини эшитди. Охирги гаплар эса уни қуюшқондан чиқишига сабаб бўлди.

- Ифлос. Манжалақи, сен кимни ўйнаш деяпсан. Кўрсатиб қўяман сенга мени бузуққа чиқариш қанақа бўлишини. Ташқарида уйингдагилар келганди. Мендан кўрасан энди.

- Илтимос ўзизни босинг. Билмай гапириб қўйибмиз.

- Сен умуман жим бўл. Сариқ машак. Сени ҳам масалангни ҳал қиламан ҳали.
Диёра шундай деганча Лазизага ҳам эътибор бермай уни қайнонаси олдига кетди.

- Лазиза қайнонанг унга ишонсачи?

- Кийиняпманку бораман. Гапиртиргани қўямайман.

Бахтга қарши Диёра хонадан чиқиб, шифокор ҳузурига кирди. Лазизани қайнонасига гапириш ниятида ҳам эмасди.
Врачни хонасига келиб эшикни таққилатди.

- Ассалому алейкум. Доктор кирсам майлими?

- Келинг Диёрахон. Нима гап? Бирор жойингиз безовта қиляптими?

- Йўқ ҳозир анча яхши бўлиб қолдим. Илтимос мени бир кишилик хонага ўтказинг.

- Ие нега?

- Хонадошларим жуда кўп гапирар экан менга тинчлик керак.
👍37❤2😭1
- Хўп мен унда айтиб қўяман сизни яккалаш хонасига ўтказишади.

- Хўп рахмат доктор.

****


Лочин Чаман момони бемор кўришга элтиб ўзи машинасида ортга қайтаётганида олдинидан Жамила чиқиб қолди. Лочин бееътибор ўтиб кетмоқчи бўлганди аммо қизнинг ўзи қўл кўтариб қолди. Балки гаплашишни мавриди келгандир дея Лочин машинасини Жамиланинг олдида тўхтатди.

- Ассалому алейкум Лочин ака яхшимисиз?

- Ваалайкум салом. Рахмат яхши. Менда бирор гапинг бормиди.

- Йўлим сизлар тарафда эди мени ҳам ола кетинг. Ўша кундан бери оёғим оприб турадиган бўлиб қолган.

Лочин хушламасада Жамилани машинасига ўтказишга мажбур бўлди.

- Ўтирақол. Фақат тезроқ бўл уйда қиладиган ишим бор.

- Лочин ака нега бунақа совуққонсиз? Олдинлари бунақа эмасдиз?

- Мен сени тушуна олмаяпман. Сенга севги изҳор қилдимми? Ёки бўлмаса уйланаман дедимми? Нега ортимдан ҳар хил гапларни гапириб юрибсан?

- Сиз ҳам менга бефарқ эмассизку.

Қиз йигитнинг гапларидан ёшланган кўзларини артди.

- Сен эсингни еб қўйибсан. Сенга яхши гапирганим бу кўнглим бор дегани эмас. Ёшсан чиройлисан, ўзингга мосроғини севсанг бўлмайдими?

- Нима қилай ўшс кундан бери ҳаёлимдан чиқмайсиз. Бу гапларимдан кейин мени енгилтак деб ўйларсиз. Нима деб ўйлашингиз мени қизиқтирмайди. Муҳими мен дилимдагими айтдим.

- Буни унут. Мен сени севмайман. Мени аёл кишига бўлган ишончим сўниб бўлган.

- Менга бир бора имкон беринг. Ҳаммаси яхши бўлади мана кўрасиз. Сиз ҳам севиб қоласиз.

- Сен ҳали ҳаёт нималигини билмайсан. Ҳаётинг олдинда. Уни устига мен уйланганман. Сен эса бўз йигитга муносибсан.


Лочиннинг бу сўзлари Жамила учун уйланган бўлмаганимда сенга мос бўлардим деган маънони англатди. Қалбидаги оташ янада кучайди.


- Етиб келдик. Ўзи қаерга бормоқчи эдинг?

- А? Ҳая Гулнигорлани уйига кетяпман. Рахмат сизга.

- Гапларим эсингда турсин. Ҳали ўзингга мосини учратасан.

- Мен фикримдан қайтмайман.

- Эсингни йиғиб ол.
 
Жамила тушгач Лочин машинасини Чаман момони дарвозасига келтириб тўхтатди. Унинг шошаётгани бежизга эмас Ширинни дорисини вақти келганди. Шунинг учун ҳам

30 дақиқалик йўлни 15 дақиқада босиб ўтди.

Ширинни хонасига кирганда эса уни йиғлаб ўтирганига гувоҳ бўлди.


- Ширин нега йиғлаяпсиз? Бирор жойингиз безовта қиляптими?

Ширин индамай ўтираверди.

- Бўлди йиғламамг ҳаммаси яхши бўляптику, анча соғайиб қолдингиз. Яна озгина чиданг ўтиб кетади.


Ширин эса яна кўз ёшларига эрк берди.

- Кўнглимни бузиб юбораяпсиз. Бўлди йиғламанг. Бўлмаса қаеридир оғриган деган фикрга келаман.

Ширин ўзи билмаган ҳолда йўқ деб юборди.

Лочиннинг кўзлари катта бўлиб кетди.
Хурсандчиликдан

Бақириб юбораёзди.

Гарчи Ширин паст боғиқроқ бўлсада гапирганди.

- Ё Аллоҳ ўзингга шукр. Ширин... Ширин сиз гапирдингиз! Уддаладингиз.

Ширин эса энди хурсаднчиликдан йиғларди.

- Йиғлоқи қизалоқ. Бўлдида энди. Бўлмаса анави аччиқ тарвуздан яна ейишга мажбур қиламан. Қани ақлли қиз бўлиб ўтирингчи. Мен ҳозир дамламангизни олиб келай.

Лочим мисоли қуш бўлиб учиб дамламани олиб келиб Ширинга ичирди. Бемаза бўлган бу тамлардан зериккан қиз афтини бужмайтирди.

- Ана ўзгариш катта бўляпти. Аллоҳ хоҳласа ўн кунга бормай тузалиб кетасиз. Кейин менга ўнг қўлизни ўйнатиб бир паловхонтўра пишириб берасиз. Сизни пазанда деб  чечам ҳадеб мақтайдилар. Мен асл жавоҳирнинг қадрига етаман. Қани мени имтиҳонимдан ўта олармикансиз.

Ширин бирозгина жилмайиб қўйди. Қани эди ўша кунлар келса . Бир ош эмас бошқа овқатларни ҳам пишириб берарди. Чунки унга ҳаёт бағишлаётган инсонларга хизмат қилиш у учун ҳам шараф.

****


Жамилани кўпчилик ўша куни Лочин билан кўрганди. Бу эса қишлоқда яна ҳам гап сўзлар урчишига сабаб бўлди. Энди ким кўрса Лочиндан тўй қачон деб сўрайдиган бўлди.

Жамила бўлса Лочинни ўйламай туролмас, ҳар бир орзусини ўзича Лочин билан боғларди.
👍25
Лочин Гулнигорни акаси билан биргаликда чўпонлик қиларди.  Мирали билан анчагина синашта бўлиб қолганигами бемалол ҳамма мавзуда гаплашишарди.

- Лочин бу дейман Самад қассобга куёв бўламан дебсанда?

- Яна шу гапми? Қаердан чиқди яна бу гап?

- Ўзинг Жамилани машинангда олиб юрар эканингку. Кейин синглимга айтибди уйланганман деб менга ўзларини тенг кўрмас эканлар. Лекин менга фарқи йўқ сиздан воз кечмайман дедим дебди.

-Ғирт жинни эканку бу. Мен унга ўзингга моси учрайди дедим. Мендан умид қилма дедим. Тўғриси у қиз мени умуман қизиқтирмайди. Мен аёлларга ишонмайман. Кейин уйланиш ниятим йўқ ҳали.

- Унда бирор йўлини топда у билан орани очиқ қил.

- Сенам ғалати гапирдингку. Орада ҳеч гап бўлмаса қандай очиқ қиламан.
👍12❤1
Менга хаёт бағишла:
- Бунча гап қаердан чиқяпти бўлмаса?

- Бир куни тоғдан қайтаётганда оёғи қайрилиб кетганди ўшанда ёрдам берганман. Кейин бир икки саломига алик олдим савол берди жавоб бердим шу.

- Уйланиб қўяқол унда. Бутун умр сўққабош ўтмайсанку.

- Сен барибир тушунмайсан. Менга уйланишни кераги йўқ. Шундай юрганим яхши. Ҳеч қандай муаммоларсиз.

- Жамила ҳам билсанг кўчада қолмаган. Қишлоқни энг олди қизи. Сал эркалигини айтмаса уйлансанг бўлади.

- Бу гапни бошқа гапирма. Мени принсипларимга мос эмас у.

- Қарада, тағин ўзинг биласан. Яхши қизни қўлдан чиқарма дейман. Мени қара иккита болам бор. Яқинда учта бўлади. Сен билан ёшимиз тенг бўлсада сенда битта ҳам йўқ. Ҳеч бўлмаса ота- онангни ўйла. Улар ҳам сени болаларингни ўйнатгилари келади.

- Укам фарзандли бўлган. Неваралари бор бундан кўнглим тўқ.

- Бўпти мен тоғни у тарафини қарайчи битта яримта қўйни илиб кетишмасин.

- Борақол. Эҳтиёт бўл.




Шу билан Жамила мавзуси тугамади. Уйига қайтганда Мирали синглисига тайинлади:

- Жамилага айт беҳудага Лочиндан умид қилмасин. Қиз бола сал ғурурли бўлсин. Лочин унга уйланмоқчи эмас. Ўзи умуман уйланиш нияти йўқ.  Гап сўз кўпаймасидан бу мавзуни ёпсин.


Шу куни Гулнигор бу гапларни Жамилага етказди. Аммо Жамила барибир сўзидан қайтадиганга ўхшамасди. Унинг ҳаёлига ўзининг фикрича зўр режа келди.

Дугонаси кетганидан сўнг дорихонадан бориб уйқу дори олиб келди. Дори блестеридан ҳаммасини бўшатиб олдию аммо икки донасини ичиб қолганини яширди. Бироз вақтдан сўнг уйқуга кетди. Хонага кирган онаси бўшаган дори блестерини кўриб бақириб юборди.

****


Чаман момо намоздан сўнг доимгидай Ширинни ёнига ўтириб олиб яна " ясин" ни ўқишни бошлади. Жиянига эътибор бериб қараса унинг лаблари пичирлаб қўшилиб ўтирган экан.  Чаман момо қарадию аммо сурани ўқишда давом этди. Охирига тугаш жойига келганда эса Ширин ҳам овоз чиқариб қўшилиб айтиб юборди. Келганига тўрт ой бўлганда унинг овози чиқди.

- Болам сен гапиряпсан. Сен кучлисан, қара анча жонланиб қолгансан.

- ра. ххма..ат амма.

Ширин дудуқланиб бўлсада рахмат айтди.

Чаман момо Ширинни қаттиқ қучиб олди.

- Ўзингга шукр. Аллоҳим ўзингга шукр. Ўзинг буюксан. Ҳамма нарсага қодирсан.
Чаман момо ҳам йиғларди. Севинч ёшлари эди бу.

Шундай хурсандчилик устига Лочин ҳам кириб келди.

- Ширин мен сиздан чечамни қизғона бошлаяпман. Ҳалитдан оёққа турмай туриб ёниздан кетқазмаяпсиз. Турсайиз умуман мен чечемсиз қолар эканманда.

- Лочин болам, гапинганг бор бўлсинда. Қара икковимизни меҳнатимиз бу. У гапиршни бошлаяпти.

- Хурсаднман. Ана энди асабини бузишимга одам топилди.

- Тентак, Ширинни қўрқитма. Қўрққанидан яна мум тишлаб олмасин.

- Ҳазиллашдим Ширин. Яна мендан хафа бўлиб юрманг.

- Хўў.ўп.

Ана шу пайт дарвозанинг қаттиқ таққилагани эшитилди. Ташқарига чиққан Лочин дарвозани очиши ҳамон юзига теккан муштдан орқага чекинди.

- Мараз кел бу ёққааа. Уяланмас экансан нега қизимни йўлдан урдинг? Жонигa қасд қилибди.

Давоми бор.

#менгаҳаётбағишла
#маюсгина


✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍48❤2
This media is not supported in your browser
VIEW IN TELEGRAM
✨✨ХАЙРЛИ ТУН✨✨

Хаётда кўп хатолар қилиб - қадрли инсонларимизни йўқотамиз...

Бошкаларга ёқишга харакат қиламизу - ўз яқинларимиздан қочамиз...

Арзимаган инсонларни кўкларга кўтарамизу - ўзимизга содиқ инсонларга панд берамиз...

Бизни қадрлаган инсонларни хафа қиламизу - аммо ўзимиз уларнинг узр сўрашларини кутамиз...

Уларга хозироқ хайрли тун тилаб узр сўранг!🌹❤️🌹

ТУНИНГИЗ ОСУДА ЎТСИН АЗИЗЛАРИМ.🌿🌺🌿

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍6❤3
This media is not supported in your browser
VIEW IN TELEGRAM
🌹Ассалому алайкум...
ва раҳматуллоҳи вабарокатуҳ!


🌹 Ҳайрли тонг! Пайшанба тонгги
муборак бўлсин...🌤

🌹Аллоҳ хар бир тонгни саодат
ила қарши олишингизни насиб
айласин

🌺ХАЙРЛИ КУН АЗИЗ ИНСОНИМ !

Яқинларга Улашинг.. 🌸

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍2❤1
This media is not supported in your browser
VIEW IN TELEGRAM
Отанинг уволи ҳақида таъсирли воқеа...

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍2
Инсон учун омаддан  кўра  дуо афзалдир.
Омад қидирган  инсоннинг  бахти у  омадга эришиши билан  тугайди.
Дуо топганлар бахти  улар билан бирга  юраверади.


✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍5❤3
Media is too big
VIEW IN TELEGRAM
Judayam yumshoq va momiqqina bulochka RETSEPI👇🏻👇🏻👇🏻👇🏻
Sut 500ml
Droja 1osh q
Shakar 80gr
Tuz chimdim
Tuxum 3ta
Oʻsimlik yogʻi 60ml
Vanilin
Маргарин 80%ли и‌оки саре‌г 80гр
Un salkam 1kg ketti
Tvorog 400gr
Tuxum oqi 1ta
Shakar 100gr
Gradus 190-200
Chiroyli qizarguncha
Har etapda oshirishni unutmang

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍6
Media is too big
VIEW IN TELEGRAM
Ota ...

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍4😢2
- Сиз аввал ўзизни босволинг. Ҳе йўқ бе йўқ келиб мушт кўтарасиз. Мен қизизга чегарадан чиқиб бирор нима демаганман.

- Унда нега ўзини ўлдирмоқчи бўлди?

- Қиз сизники, сизлар биласиз. Мeни тинч қўйинг.


- Йўўқ. Сен мен билан маҳкамага борасан. Ўша ерда ҳал қиламиз.

- Бўлмаса чечамни огоҳлантириб чиқаман.

Лочин Чаман момонинг олдига кириб бир иш билан кетаётганини тезда қайтишини айтиб кейин чиқди.

- Қани бошланг.

Лочин Самад қассоб билан биргаликда маҳкамага кириб борди. У ерда эса ўзининг номига ёзилган шикоят хатини ўқиб устидан бир челак муздек сув қўйилгандек бўлди.

Хатда Лочин Жамиланинг номусига тажовуз қилишда айбланиб қиз эса бунга чидолмай ўз жонига қасд қилгани ёзилганди.

- Бу... Бу яна қанақа майнавозчилик?

- Бу ерда ҳаммаси рўй рост ёзилган. Қилган қилғилиғингга яраша жавоб берасан.

Лочин мийғида кулиб қўйди. Улар Лочинни кимлигини билишмас эканда.

- Агар бу ёзган хатингиз ёлғонлиги исботланса қизингизга нисбатан жиноят иши очилишидан хабарингиз борми?


- Сен бизга пўписа қиляпсанми?

- Мен ҳақиқатни айтдим. Қишлоқда ўзингизни гап сўз қилганингиз қолади, ва сиз бу билан ҳеч нарса эриша олмайсиз.

- Кўрамиз. Керак бўлса қизимни олиб келаман. Сен уни ёшлигидан фойдалангансан. Гувоҳлар ҳам бор. Жамилани машинангда олиб юрганинг ва тоғдан бирга келганингни кўрганлар бор.


- Унда ҳаммасини йиғинг. Гаплашамиз.

- Сен билан тоғриликча келишиб олайлик. Яхшиси унга уйланиб қўя қол. Бўлмаса умрингни қамоқда чиритаман. Қамоқда ҳам билсанг керак сендақаларни нима қилишларини ?


- Сиз қаршингизда ким турганини унутиб қўйибсиз?

- Келишиб олдингизми?


Уларни сухбатини бўлмай ўз иши билан оввора бўлган милитиса нозири савол берди.

- Йўқ инспектор жаноблари. Мен бу одам билан келиша олмайман. Ёлғон яшиқ ёзилган хат билан мени қамоққа ололмайсиз.

- Сизни ҳибсга олишга мажбурмиз.

- Мен адвокат Лочин Холмуродович бўламан. Мен ҳақимда эшитмаган бўлишиз мумкин эмас.

- "Олмос" нинг ёнидаги " Адвокатурани бошлиғи, шундайми?


- Ҳа худди ўзи. Энди ўзиз айтинг қандай қилиб, қонунни сув қилиб ичиб юборган одам бу ишга қўл уриши мумкин?

- Тўғри мумкин эмас. Аммо биз буни текшириб кўрамиз?

- Экспертиза қилдингизми?


- Ҳа ҳозир жавоблари келади.

Бу вақтда эда Самад қассоб ўйга толиб қолганди. Қизини жуда кўп талтайтириб юборган. Дори ичиб қўйганидан кейин эса жуда қўрқиб қолди. Қизи эса Лочин менга уйланишга мажбур, менга зўрлик ишлатган дегач ички ишлар ходимларини чақирганди.  Ички ишлар ходимлари Жамиладан ариза олиб кейин Лочин чақиришларини айтди. Самад қассобнинг алами борлиги учун улардан олдин ўзи келиб қўя қолганди.

Жамила Лочинни қўрқитиб қўйсам менга уйланади деб ҳаёл қилганди. Лочинни эса адвокат эканидан умуман хабари йўқ эди.

- Мени устимдан шикоят қилишган бўлсада мен экспертиза ҳулосаларини кўрмагунимча ҳибсга олишингизга қўйманман. Бу қуруқ тухматдан бошқа иш эмас.

Экспертиза ҳулосалалари чиққач эса Самад қассоб нима қиларини билмай қолди. Қизига ҳеч ким тажовуз қилмаганини билгач эса кўпчиликни олдида изза бўлиб қолди. Ғазабланган ҳолда касалхонага отланди.

Ўша куни қизини касалхонага олиб бориб ошқозонини ювдиришганди. Кечадан бери Жамила касалхонада эди. Отаси Жамиланинг олдига борганида синглиси ҳам уни кўргани келган экан.

- Ассалому алейкум. Ака яхшимисиз?

- Ваалайкум салом. Шоҳида ўзинг яхшимисан.

-Кайфиятингиз йўқ. Тинчликми?


- Мен мана бу аҳмоқ жиянингни ҳозир бир нима қилиб қўяман.

- Нима бўлди яна?

- Лочинга тухмат қилиб ўтирибди.

- Ҳозир айтиб ўтируди. Бу туҳматмиди ҳали?

- Мен ўшанча одам олдида изза бўлдим. Яхшиям маҳалла оқсоқолларидан бирортасини олиб бормаган эканим бўлмаса бутун қишлоқ устимдан куларди.

- Жамила туппа тузук қиз бўлсанг бу нима қилиқ?

- Амма у менга умуман уйланмас экан. Ўз тенгингни топасан деди.

- Озгина ғурурли бўлсангчи. Бу нима қилиқ? Қиз болада ор номус бўлади. Сен эса ҳаммамизни бошимизни эгяпсан.

- Мен буни узоқ кутилган фарзандим дея жуда эркалатиб юборганман. Мана аҳвол. Бошимга чиқай деди.

- Ака хўп десангиз ўзим билан олиб кетаман.
👍27❤4
- Майли олиб кета қол. Яна бу ўз бошимча бирор иш қилиб қўймасин.

- Бир ойларча ёнимда олиб юраман.

- Жамила икки қулоғингга қуйиб ол. Охирги марта кечиряпман. Сен онамга ўхшагин дея онамни исмларини қўйганман. Сен эса умуман бувингга лойиқ невара бўлолмаяпсан. Мени ҳам қишлоқ олдида юзимни ерга қаратдинг. Ўша йигит сени ўз умрингга зомин бўлишингга арзийдими? Нима қиласан суймаганга суйкалиб. Мени ўрнимда бошқа киши бўлганида нақ ўлдириб қўярди.

Менга хаёт бағишла:
- Кечиринг дада, қайтиб бунақа иш қилмайман. Сизлар нима десангиз шу.


*


Жасур Сабони икки кун кузатди унда ҳеч қандай шубҳали ҳаракат кузатилмади. Аммо учинчи кун Жасурнинг телефони қизил чизиқ пайдо қилиб, ёниб ўча бошлади.  Қўнғироқни эшитганда эса  Жасурни дунёси остун устун бўлай деди. Энди бахтимни топдим деганда хиёнатга учраши, уни тушига ҳам кирмаган эди.

Сабо Мишка билан гаплашиб кўришиб олишга келишди. Мишка унга яна дори тайёрлаб қўйганини олдингиларини бериб бўлганми йўқми сўради.


- Бериб бўлганман. Бунча шошилмасанг?

- Энди бўладиган ишни бўлгани яхшида. Мен фикримдан қайтдим. Сен у балиққа турмушга чиқишинг шарт эмас.


- Нега бирдан қарорингни ўзгартирдинг.


- Мен ундан ҳам бошқа ёғлироқ, тоғрироғи пулни ҳидига чидолмай юрган битта лаққа балиқни кўзлаб қўйдим.


- Мишка бу ишга мени аралаштирма.


- Сендан бошқаси буни уддалай олмайди.

- Сенга ўтган гал ҳам айтдим. Бу ишлардан чарчадим.

-  Нимасидан чарчайсан  ялло қилиб яшаятган бўлсанг. Ҳеч ким сени хафа қилмаса.

- Ёлғизликдан чарчадим. Мен ҳам бир оилани бекаси бўлиб фарзанд кўргим келади. Мен сени ўйинчоғинг эмасман.

- Сен шу ерда хато гапирдинг. Ҳали бери болали бўлишингга эрта. Улгурасан ҳали.

- Аблах. Сени учратган кунимга минг лаънат бўлсин.

- Чакагингни юм. Мен бўлмаганимда ўлиб кетардинг ёки фохиша бўлиб кетардинг.

- Ҳозирам фохишадан кам жойим йўқ. Ундан кўра ўлганим яхши эди.


- Сени жуда асабларинг чарчабди. Гўзалим майли шу Жасурингни ишини битир сен билан дунё кезайлик. Маза қилиб дам олайлик.

- Ўргилдим сен билан дунё кезишдан. Ундан кўра ёлғиз тоққа чиққаним афзалку.

- Бунча нафрат қаердан. Севгимизга кўз тегдими?

- Севги? Қанақа севги? Ўртада сени буйруқларинг- у нафсингни жиловлай олмаслигингдан бошқа ҳеч нарса бўлмаган.

- Бўпти. Гапни қисқа қилайлик. Жасурни тезроқ дозага ўргат. Яхшиси турмуш қуриш таклифига ҳам рози бўлавер. Фақат тўйни чўзиб турасан унгача эса дорига ўрганади. Кейин эса шу ердаги одамларимиздан бири билан учраштириб қўйсак қолгани ўз ўзидан ҳал бўлади.


- Унда эртага олдингга ўтаман. Ўшанда берасан.



Улар хайрлашиб алоқани узди. Жасур эса телефонни ушлаган кўйи жойида қотганди.

- Ойим тўғри айтган эканлар. Олдин яхшилаб текшириш керак. Оилани эплайдиган қиз эмас деб.

Жасурни боши қотиб қолди. Энди нима қилсин орани очиқ қилсинми, ёки арқонни узун ташлаб охири нима бўлишини куцинми?

Кузатувларидан шу аниқ бўлдики Сабо Мишка деганидан бошқа ҳеч кимга қўнғироқ қилмас қолганлари иш юзасидан бўлган суҳбатлар эди.

Менга хаёт бағишла:
Қани қанақа қилиб менга дорини бераркан деб Сабони кузатишга тушди. Сабо неча бора учрашган бўлсаларда унга ҳеч қандай дори бермади. Жасур эса ҳайрон. Телефондаги сўзлашувда дори беряпман деган. Аммо ҳеч қандай шубҳали ҳаракат қилмаяпти. Ҳаттоки сумкасиз чиққан вақтлари ҳам бўлди. Ўша кунлари Мишка билан гаплашганда дорини берганини тез орада Жасур ҳам дорисиз туролмай қолишини тинмай такрорларди.

Жасур эса ўзида ҳеч қандай ўзгариш сезмади. Буни текшириш мақсадида Сабо билан овқатланиб ўтриганларида унга соғлиғидан нолиди.

-Сабоҳат негадир бир неча кундан бери аҳволим яхши эмас.

- Нима бўляпти сизга?

- Бошим тинмай оғриб, бутун танам зирқирайди.

- Унда шифокорга кўрининг, шу аҳволда юраверасизми?

- Ўтиб кетар дея кутяпманда.

- Соғлиққа бееътибор бўлиш яхшимас. Эртадан қолдирмай бориб кўрининг.

- Хўп маликам. Сиз нима десангиз шу. Тўйни қачон қиламиз? Шундан гапир.

- Ҳали шошмасангизчи? Мени яхши билмайсизку. Тақдирингизни боғлайверасизми?


- Сендай қиздан ёмонлик чиқиши мумкинми? Мисоли фариштасану.

- Ошириб юбордингиз. Мен яхши аёл эмасман. Бўлмаса олдинги эрим мен билан ажрашармиди.
👍22❤5🔥1
Сабо ўтмишини эслаб жим қолди. Охирги вақтларда тез тез қилган ишларини сарҳисоб қилаётганди. Нима қилсин, қайси йўлдан юрса тўғри, ўйлаб сира ўйига етолмасди. У ҳам оддий аёллар уй бекаси бўлиб , бир этак болалари бўлишни, кимгадир керак бўлишни жуда жуда истаётганди.

Мана ҳозир ҳам унга бир қизни бахтли қила оладиган йигит турмуш қуриш таклифини беряпти. Аммо Сабо унга рози бўлса Мишка барибир тинч қўймайди. Яхшиси бу ишни якунламай туриб бу ердан қочиб кетиш керак. Бу хилда қачонгача ҳаёт кечириб юради. Эртага қариганда ҳеч кимга кераксиз бўлиб, кўчаларда ахлат титкилаб юрийдими? Ўзи ўшанақа аёлларни кўрса жирканади. Ундан ҳам шундай жирканишадими? У ўла қолса ҳам бундай ҳаётга рози бўла олмайди. Мишкадан қочиб кетиб янги ҳаёт қуради. Ҳеч кимни алдамайди.

*


Диёра касалхонадан чиқди ҳамки, уни биров сўраб келмади. Эрига ҳам касалхонага тушиб қолганини айтолмади. Уйга қайтганини эртасига эса Сарвар кириб келди. Диёра эрини соғинган эмасми, югуриб бориб ўзини уни қучоғига отди.


- Ассалому алейкум. Яхши бориб келдингизми?

- Ваалайкум салом. Яхши ўтирибсанми? Қийналиб қолмадингми?

- Кеч чиқдим касалхонадан.

- Нима бўлди? Бола яхшими? Қаеринг оғриди?

- Буйрагим безовта қилди. Ҳозир анча яхшиман.

- Унда яхши

Мен бироз дам олай. Йўл чарчатди.

- Кечга нима овқат қилиб қўяй?

- Ўзингга бирор нарса пиширақол. Мен ойим билан дадамни кўриб келаман.


Диёра ҳеч нима деёлмади. Билади, Сарвар уни олиб боролмайди. Келганидан кетаман дейиши эса уни кайфиятини тушириб юборди.

Ётоқхонага қараганди эри аллақачон ухлаб бўлганди. Эх Диёра сен нимани кутгандинг. Бировни эри олиб маза қилиб яшайман деб ўйловдингми? Мана оқибат, ҳеч кимга кераксиз, мехрга зор бўлиб ўтирибди. Лоақал сафарга кетганида ҳол ахвол сўраб қўйса бўларди. Аммо Сарвар буни ҳам қилмади. Диёрани бор йўқлигини унга аҳамияти йўқ.

Сарвар ота онасини кўришга кетиб жуда кеч қайтди. Уйга келгач ҳам яна ўзини ётоққа отди.

- Сарвар ака, яна уйқиз келдими?

- Ҳа яна бошқа нима бўлиши мумкин?

- Биз ҳам бошқа эр хотинлардек суҳбатлашиб ўтрисак.

- Нимани суҳбатлашамиз?

- Ҳар ҳолда саҳоҳатга бордингиз. Қизиқроқ бирор нималардан сйтиб бермайсизми?

- Диёра бугун жуда чарчадим. Эртага гаплаша қолайлик.

Диёрани яна хўрлиги келди. Ноилож кўнишдан бошқа чораси қолмади.

- Хўп. Яхши дам олинг.

- Сен ҳам.

Сарвар шундай дедию Диёрага тескари қараб уйқуга кетди.

Сарвар эрталаб туриб нонушта қилиб ишга отланди. Шошилганидан телефонини уйда унутиб қолдирганди.

Диёра Сарварга ишхонадан телефон бўлгандагина эрининг телефони уйда қолганини кўрди. Шу вақтгача эътибор бермаган экан. Телефонни асосий саҳифасига Ширин кулиб турган расми қўйилганди. Галерияни кўраман деганди парол қўйилганди. Бир икки уринишдан сўнг Ширин исми билан паролни ҳам очди.

Телефонда жудаям кўп Шириннинг расмлари, бирида қизини кўтариб тушган, бирида эри унга муҳаббат билан термулиб турибди. Танишганларидан то ҳозиргача бўлган суратлар эди.  Диёра олдинига ҳамма расмни ўчириб юбормоқчи бўлди. Аммо кейин фикридан қайтди. Сарварни феълини жуда яхши билади. Уйдан чиқариб ҳайдашдан ҳам тап тортмайди
👍28🥰2❤1
***



Ширин анчагина ўзига келиб қолган, энди қўлларини ҳам қимирлатишга ҳаракат қиларди. Паст овозда дудуқланиб бўлсада ўз фикрини етказадиган бўлиб қолди. Чаман момо ўзининг қўллаган бу даво чорасидан жуда хурсанд.  Лочин ҳам анчагина табобатдан хабардор бўлиб олди. Қани эди ҳамма билимини Лочинга беролса эди, бу дунёдан бемалол кўз юмса ҳам бўларди. Доимги одатини қилиб Ширинга ҳадислардан айтиб турган эди кўчадан авзойи бузилган Лочин кириб келди.

- Болам нима бўлди? Кўринишинг бир ахвол?

- Ҳаммаси жойида.

- Ким келган экан сени чақириб? Менга ростини айт. Ёки бегона санаяпсанми?


- Чеча билмаганизгача қўймайсизда. Гапизни қаранг бегона санаяпсанми дейсиз. Бегона санасам шу ерларда юрармидим. Самад қассоб келиб олиб кетуди.

- Во ўлмасам. Уни сенда нима иши бор экан? Яна қизи масаласими?

- Қизи дори ичиб қўйибди.

- Тирикми?


- Тирик.  Ҳеч нима бўлмаган. Кеч қилган бу ишни. Кейин мени номимга шикоят хати ёзишибди. Туман марказига бориб келяпман.

- Нима деб ёзибди.

- Унга тажовуз қилибман. Шунга ўзини ўлдирмоқчи бўлибди. Яхшики шу соҳани одамиман. Экспертиза жавоби эса қизга ҳеч гап бўлмаганини тасдиқлади. Кейин келавердим.   Қассоб эса мулзам бўлиб қолди. Бориб қизини бир нима қилмаган бўлса бўлди.

- Хотинини уриши мумкин аммо қизига ҳеч нима қилмайди ҳавотир олма. Мен қассобни яхши биламан. Хотинини назарига илмайди. Бечора жуда яхши аёл. Аммо келганидан бери қассобнинг калтагидан боши чиқмайди.

- Чеча мен бироз муддат бу ерлардан кетсамми, деб турибман.

- Бу нима деганинг? Қаерга кетасан? Тошкентгами?

- Биласиз у ерга бормайман. Бошим қотди. Ёки чет элга ишлашга кетсаммикан? Бу ерда ҳам яшашга қўйишмайди шекилли? Жамила турмушга чиқса қайтиб келавераман. Мени деб яна ўзини бир бало қилиб қўймасин дейман.

- Айни менга керак бўлиб турган вақтинг кетасанми? Ширинни оёққа қўйишга кучим етмайди. Сен ёрдамлашмасанг бўлмайди. Уни оёқларини ҳаракатга келтиришга мен жуда қариб қолдим.

Давоми бор.




#менгаҳаётбағишла
#маюсгина
👍27❤4🥰2🔥1
Эртага ЖУМА!!!🦋
🌸
Илоҳий мўжизалар куни.
Осмоннинг тоқи фаришталар ташрифи учун очиладиган МУБОРАК КУН !!! 🤩🤩

Илоҳим ерга тушган фаришталар дуоларингизга ШОҲИД БЎЛСИН!!!

Гўзал ва хайрли тун тилайман. Яхши дам олинг азиз ДИНДОШИМ!!!

Яқинларга Улашинг.. 🌸

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍5🔥1