أخطيت ياخلي وانا مثلك أخطيت
‏مافادني صبري ولا فادك صبرك

‏لا تحسب اني كارهك يوم صديت
‏قلبي على حطه يدينك وخبرك

‏سويت كل حاجة تجيبك ولا جيت
‏وش باقي اسوي ؟ سوات الله أبرك

ودّعتك البارح مواديع الأبطال
‏رغم إني أشعر ف المعارك بـ صدري

مدرب ألوم الوقت ؟ و لا ألومك

ودّعته بكامل حناني الذي اعتاد عليه و بكيت أنا
حتى اللحظة الأخيرة كنت أرعى قلبه و أكترث له‏

أحس إني بديت أتثاقل الخطوة كأن الأرض ما
‏تتحمّل أقدامي تسيرني مقاديري على القسوة

‏ مع إني ما قسيت إلا على أحلامي عسى ما بيني
‏ وبين الفرح فجوة عسى ما ينتهي صبري وأنا ظامي

‏" الله .. يا لك بذاكرتي من الذكرى
‏صبحٍ على طلتك تضحك ذعاذيعه "

توحَّشتك وأحس أن الأراضي تنْطوي بي طي
‏عليك من الرَّحابة كثر ما صرت أختنق فيها

‏فقدتك والضياع الَّلي بعد فقدك ماهو بيدي
‏أنا في غبَّة وداعك وضايع في مراثيها

‏وأنا الَّلي دارت الدنيا وأنا قاعد مكاني بي
‏وأنا الَّلي حابسٍ في عيني الدمعة وألهِّيها

‏وأنا الَّلي لا اخْتلى حاكى طيوفك كنَّك له توحي
‏وأنا الَّلي يحضن ثيابك من الَّلهفة ويبكيها

‏وعلى وجهك سلام الله وآمانه لين يبْعث حي
‏وعليّ من الصبر ما يحبس دمُوعي ويداريها

سريتك على درب المواعيّد و الترحال
‏مشيت الدروب الموحشه وانت فبالي

إذا الأرض فيها حب.. لا زال فيها غلّ
‏تشيب الليالي، والمعاذير فـ أسمنَها

‏تصيب البشر لكن ما يعني ماهي بـ تْزل
‏إذا اهم حاجة .. ما تصدّي معادنها

‏عسى ذكرياتي في عيونك خفيفة ظل؟
‏عيونك هي اللي لا أزال أستحي منها

‏تشرّه ولا تعذْر، ترى ظروفي أخذ وخل
‏مخاوف سنيني (غيبتك) كانت أزمنها

‏تعال .. أجمع شْتات الحكي والعتاب وقل
‏من اللي مشرّد ضحكتك عن مواطنها؟

‏وقم وأرسم البسمة على أيام عمري، عل
‏إلى دارت الأيام من بعدك ! أضمنها

‏ورا صْدورنا حاجات تستاهل إنْها تْظل
‏حرام (الزعل) ما يجلس ألّا بـ أماكنها

‏- صالح بن حمد

بكيتك لين ما قاعي نبت عشبه تحت ماطاي
‏وعرفت اني مُحال أنسى ليالي طالت بخوفي

"كـل الديـار اللي بدونك منافِي.."

أنتي وأنا تشبه لنا أيام الأسبوع
‏قْراب لكن مستحيل نتواجه
‏عناد القثامي
‏Vs
‏أنا وأنت مثل السبت والجمعة
‏يا قربنا والصحيح أنّا بعيديني
‏مساعد الرشيدي

«يا حبيبي والدُروب الِّلي بدون نهايه
‏أجمل من الِّلي تاصَل فيها وترجع حافي»
‏—مزيد الوسْمي

بين حظٍ لك عليه و بين نفسٍ قلقه
‏ضاعت الاحلام—و الايّام من يأمنها ؟

‏أعتقد وصلت انا و الحظ لآخر حلقة
‏كل ما قلت: أستوت لي , قال: كثّر منها

أثر قلبك ما حس بقيمتي يوم أهيمه
‏وأثر عينك كفيفه ما تشوف أختلافي

‏«يا كثر صوّرك .. اللي ما نساها بالي النسّاي
‏لو ان عمري معك مرت سنينه مثل أسابيعه»
‏— عبدالله ناصر السبيعي

ما ودّي الزمن يمشي وهو من عمرنا يسرق
‏أخاف أموت في حبك .. ووصلك ما تهيّا لي

" يمَوت الأمَل لكَن ظنّون الغَلا تحييّه "
‏- محمد بن فطيس

" ضحيه عواصف ذهن مُتعب وتكّه زور
‏بواقع قوي أشوف بأن الخيال اقوى

‏أنا ابكي مسارح فكرةٍ مالها جمهور
‏لاجفّ القلم منها سجلاتها تطوى

‏يابو وجهٍ يعلّم مدى الشمس ويش النور
‏وشعرً يبين حاجة الليل للأضوى

‏إذا مانكتب لي في عذابك نعيم الجور ؟
‏هواي العذاب وكل نفسٍ وما تهوى "