#Sharof_Rashidov

🧠 Ijtimoiy xodimlar uchun psixologik ta’lim va motivatsion trening tashkil etildi

😊 Jizzax viloyati Sharof Rashidov tumani “Inson” ijtimoiy xizmatlar markazi psixologi tomonidan o‘z ish faoliyatida turli qiyinchiliklarga duch kelayotgan hamda kasbiy kuyish holatini boshdan kechirayotgan ijtimoiy xodimlar uchun psixologik ta’lim va motivatsion trening o‘tkazildi.

💻 Trening davomida stressni boshqarish, hissiy zo‘riqishni kamaytirish, vaqtni to‘g‘ri taqsimlash hamda ish jarayonida sog‘lom va ijobiy psixologik muhitni shakllantirishga qaratilgan amaliy mashg‘ulotlar tashkil etildi.

🖋 Shuningdek, mashg‘ulotlarda nafas olish mashqlari, hissiyotlarni boshqarish, ijobiy fikrlash va guruhiy muloqot usullaridan foydalanildi. Turli psixologik metodikalar va energayzerlar orqali ishtirokchilarning kayfiyatini ko‘tarish, o‘zaro hamkorligini mustahkamlash hamda kasbiy motivatsiyasini oshirishga alohida e’tibor qaratildi.

💚 Zero, ijtimoiy xodimning ruhiy salomatligi va kasbiy barqarorligi — aholiga sifatli ijtimoiy xizmat ko‘rsatishning muhim omilidir.

📝Telegram | 💻Instagram

Ijtimoiy himoya milliy agentligi Jizzax viloyati boshqarmasi Axborot xizmati

Yuksak e’tirof — Agentligimiz xodimlari davlat mukofotlari bilan taqdirlandi

Bugun Ijtimoiy himoya milliy agentligida O‘zbekiston Respublikasi Prezidentining “Tibbiyot xodimlari kuni munosabati bilan soha xodimlaridan bir guruhini mukofotlash to‘g‘risida”gi Farmoniga muvofiq davlat mukofotlariga sazovor bo‘lgan Agentligimiz tizimi xodimlarini taqdirlash marosimi bo‘lib o‘tdi.

Mukofot sohiblarini Agentligimiz jamoasi nomidan samimiy tabriklab, ularning sog‘liqni saqlash va ijtimoiy himoya sohalaridagi fidokorona mehnati, kasbiga sadoqati hamda insonlar salomatligi va farovonligi yo‘lida qo‘shayotgan hissasini alohida e’tirof etdik.

Prezident Farmoniga muvofiq, Agentligimiz tizimining quyidagi xodimlari davlat mukofotlari bilan taqdirlandi:

✅ II darajali “Salomatlik” ordeni bilan

— Kayumov Taxir Pottaxovich - Nogironligi bo‘lgan shaxslarni reabilitatsiya qilish va protezlash milliy markazining bosh shifokori

— Elov Boymurod Dilmurodovich - Buxoro nogironligi bo‘lgan ayollar uchun “G‘amxo‘rlik” markazi shifokor-terapevti

✅ “Sodiq xizmatlari uchun” medali bilan

— Narzullayev Abdigafur Urakovich - Ijtimoiy himoya milliy agentligining Nogironligi bo‘lgan shaxslarning funksionalligini baholash boshqarmasi bosh mutaxassisi

✅ “Shuhrat” medali bilan

— Toshbo‘lova Muxayyo Egamqulovna - Jizzax nogironligi bo‘lgan ayollar uchun “G‘amxo‘rlik” markazining kichik tibbiy xodimi

Har bir mukofot ortida yillar davomidagi fidoyilik, mas’uliyat va insonlarga xizmat qilishdek ezgu maqsad mujassam. Bunday e’tirof nafaqat mukofot sohiblari, balki butun jamoamiz uchun katta faxr va yangi marralar sari intilish uchun rag‘batdir.

Barcha mukofot sohiblarini ushbu yuksak e’tirof bilan chin qalbimizdan tabriklaymiz! Ularga mustahkam sog‘liq, oilaviy baxt, farovonlik va sharafli faoliyatlarida ulkan muvaffaqiyatlar tilaymiz.

Inson qadri va farovonligi yo‘lida olib borayotgan ezgu ishlarimiz bardavom bo‘lsin!

Telegram | Facebook | Instagram

​#Dustlik

💚 Har bir bola e’tiborda — mehr va samimiyat ulashamiz!

😊 Do‘stlik tumani “Inson” ijtimoiy xizmatlar markazi psixologi va bir guruh xodimlari tomonidan kunduzgi parvarishlash xizmatidan foydalanayotgan bolajonlar uchun psixologik mashg‘ulotlar hamda samimiy muloqot soatlari tashkil etildi.

👫 Mashg‘ulotlar davomida:

✅ Bolajonlar bilan do‘stona suhbatlar o‘tkazilib, ularning ruhiy holatini qo‘llab-quvvatlash, o‘z xohish-istaklarini erkin ifoda etishiga qaratilgan psixologik mashqlar bajarildi.

👩‍👩‍👧‍👦 Bolalarda o‘zaro mehr-oqibat, do‘stlik, hamjihatlik va jamoada muloqot qilish ko‘nikmalarini rivojlantirishga alohida e’tibor qaratildi.

💚 Bolajonlar yuzidagi tabassum — eng katta natija! Har bir bolaning qalbiga mehr ulashish, ularni qo‘llab-quvvatlash va e’tibor bilan qamrab olishda davom etamiz.

📝Telegram | 💻Instagram

Ijtimoiy himoya milliy agentligi Jizzax viloyati boshqarmasi Axborot xizmati