📌📌📌📌📌📌

🫰Ijtimoiy himoya milliy agentligi Namangan viloyati boshqarmasi binosida xotin-qizlarga nisbatan tazyiq va zo‘ravonlikning oldini olish, ularning huquq va qonuniy manfaatlarini ishonchli himoya qilish masalalariga bag‘ishlangan seminar tashkil etildi.

🟢Seminar Namangan viloyati sudining fuqarolik ishlari bo‘yicha sudlov hay’ati, viloyat hokimligi hamda Ijtimoiy himoya milliy agentligi viloyat boshqarmasi hamkorligida o‘tkazildi.

🟢Unda xotin-qizlarning huquqlarini ta’minlash, tazyiq va zo‘ravonlikdan jabrlanganlarga o‘z vaqtida ijtimoiy, huquqiy va psixologik yordam ko‘rsatish, shuningdek, sudlar hamda mas’ul idoralar o‘rtasidagi hamkorlikni yanada mustahkamlash masalalari muhokama qilindi.

🟢Shuningdek, sudlarga taqdim etiladigan da’vo arizalarini rasmiylashtirish tartibi, ularga ilova qilinadigan hujjatlar, jabrlangan xotin-qizlarning huquq va manfaatlarini tiklash hamda ularning ehtiyojlarini inobatga olgan holda adolatli qarorlar qabul qilish yuzasidan tushuntirishlar berildi.

☺️Ayniqsa, “Inson” ijtimoiy xizmatlar markazlari va fuqarolik ishlari bo‘yicha sudlar o‘rtasida samarali hamkorlikni yo‘lga qo‘yish, ma’lumotlar almashinuvini tezkor tashkil etish hamda muammoli vaziyatlarga kompleks yondashish muhimligi ta’kidlandi.

😮Seminar yakunida xotin-qizlarning huquqiy himoyasini kuchaytirish, ularga ko‘rsatilayotgan yordam sifati va samaradorligini oshirish hamda idoralararo hamkorlikni izchil rivojlantirish bo‘yicha ustuvor vazifalar belgilab olindi.

🟢Ijtimoiy himoya milliy agentligi Namangan viloyati boshqarmasi matbuot xizmati

Rasmiy sahifalarimiz:
📝 Telegram  📝 Facebook
💻 Instagram 🎞 YouTube