XOTIN-QIZLARNING HUQUQIY HIMOYASINI KUCHAYTIRISH MASALALARI MUHOKAMA QILINDI

🧠 Ijtimoiy himoya milliy agentligining Navoiy viloyati boshqarmasida xotin-qizlarning huquq va qonuniy manfaatlarini himoya qilish, muammolariga huquqiy yechim topish hamda sudlarda ularning manfaatlarini himoya qilish samaradorligini oshirishga bag‘ishlangan seminar o‘tkazildi.

👥 Unda boshqarma rahbariyati, Navoiy viloyat sudi va Fuqarolik ishlari bo‘yicha Karmana tumanlararo sudi vakillari, “Inson” ijtimoiy xizmatlar markazlarining huquqiy masalalar bo‘yicha ekspert-maslahatchilari hamda Oila va xotin-qizlar boshqarmasi mas’ullari ishtirok etdi.

💻 Seminar davomida sudlarga da’vo arizalarini kiritish tartibi, protsessual hujjatlarni tayyorlash hamda xotin-qizlarning huquqlarini himoya qilish mexanizmlarini amaliyotda qo‘llash masalalari ko‘rib chiqildi.

🤝 Shuningdek, idoralararo hamkorlikni kuchaytirish, murojaatlar bilan ishlash samaradorligini oshirish va xotin-qizlarga ko‘rsatilayotgan huquqiy yordam sifatini yaxshilash yuzasidan fikr almashildi.

📝 Telegram 🎞 Youtube 

🟢 Ijtimoiy himoya milliy agentligi Navoiy viloyati boshqarmasi Axborot xizmati

Litva tajribasi: xalqaro o‘quv dasturi yakunlandi

🧠 19–23-oktabr kunlari Litvaning Vilnyus shahrida O‘zbekiston Respublikasi Prezidenti huzuridagi Ijtimoiy himoya milliy agentligi tizimi xodimlari uchun tashkil etilgan xalqaro o‘quv dasturi o‘z yakuniga yetdi.

Jahon bankining INSON loyihasi doirasida Litva ijtimoiy xodimlar assotsiatsiyasi bilan hamkorlikda tashkil etilgan besh kunlik dasturda 19 nafar Agentlik tizimi xodimi ishtirok etdi. Ishtirokchilarning asosiy qismini “Inson” ijtimoiy xizmatlar markazlari direktorlari va direktor o‘rinbosarlari tashkil etdi.

✅ Dastur davomida ishtirokchilar Litvada ijtimoiy xizmatlarni munitsipal darajada tashkil etish va boshqarish, oilalar va bolalarni qo‘llab-quvvatlash, idoralararo hamkorlikni yo‘lga qo‘yish hamda jamoaga asoslangan ijtimoiy xizmatlarni rivojlantirish bo‘yicha tajriba bilan tanishdilar.

🔮 Vilnyus, Panevėžys va Širvintos hududlarida tashkil etilgan o‘quv tashriflari ishtirokchilarga ijtimoiy xizmat ko‘rsatuvchi muassasalar faoliyatini bevosita kuzatish, amaliy yondashuvlarni o‘rganish va Litva tajribasini O‘zbekiston sharoitida qo‘llash imkoniyatlarini muhokama qilish imkonini berdi.

✅ O‘quv dasturi yakunida barcha ishtirokchilarga sertifikatlar topshirildi.

Mazkur dastur xalqaro tajriba almashish, mutaxassislarning kasbiy salohiyatini oshirish va O‘zbekistonda aholiga ko‘rsatilayotgan ijtimoiy xizmatlar sifatini yanada takomillashtirish yo‘lidagi muhim qadamlardan biri bo‘ldi.

💻Instagram      📝Facebook
📝Telegram        🐧xcom
🎞YouTube         🎖istc.uz

🧠 Xatirchi tumanida ijtimoiy xodimlarni yangi ijtimoiy xizmatlarning mazmun-mohiyati bilan yaqindan tanishtirish, shuningdek, nogironligi bo'lgan fuqarolarga mos xizmat turlarini to‘g‘ri belgilash ko‘nikmalarini shakllantirish maqsadida o‘rganish va tanishuv uchrashuvlari tashkil etildi.

👥 Uchrashuvlar davomida ijtimoiy xodimlar “Erta aralashuv”, “Kunduzgi parvarish” va “Yangi kun” ijtimoiy xizmatlari faoliyati, ularning asosiy vazifalari, xizmat ko‘rsatish tartibi hamda ushbu xizmatlardan foydalanishi mumkin bo‘lgan fuqarolar toifalari bilan yaqindan tanishdilar.

↗️ Shuningdek, fuqarolarning individual ehtiyojlarini aniqlash, ularning holatidan kelib chiqib tegishli ijtimoiy xizmatlarga yo‘naltirish hamda manzilli qo‘llab-quvvatlashni tashkil etish masalalariga alohida e’tibor qaratildi.

📝 Telegram 📝 Facebook
🎞 Youtube  🎖  ihma.uz

🟢 Ijtimoiy himoya milliy agentligi Navoiy viloyati boshqarmasi Axborot xizmati