#OAV_biz_haqimizda

😄 Navoiy telekanilining «Huquqiy jamiyat sari» dasturida Navoiy shahar “Inson” ijtimoiy xizmatlar markazi tomonidan fuqarolarga ko'rsatiladigan ijtimoiy xizmatlar, kam ta'minlangan oilalarga va nogironligi bo'lgan shaxslarga zarur koʻmaklar berilayotganligi bo'yicha ko'rsatuv efirga uzatildi.

🎬 Batafsil videoda bilib olishingiz mumkin.

📝Telegram 📝Facebook
🎞Youtube  🎖  ihma.uz

🟢 Ijtimoiy himoya milliy agentligi Navoiy viloyati boshqarmasi Axborot xizmati

Oilangiz “Ijtimoiy reyestr”ga kiritilmaganidan yoki “mahalla yettiligi” qaroridan norozimisiz? Apellyatsiya kengashiga murojaat qiling!

Vazirlar Mahkamasining 2026-yil 29-yanvardagi 35-son qaroriga muvofiq tuman (shahar) hokimliklari huzurida nizolarni hal qilish boʻyicha Apellyatsiya kengashlari faoliyat yuritadi.

Apellyatsiya kengashlari oilalarni “Ijtimoiy reyestr”ga kiritish bilan bog‘liq shikoyatlarni ko‘rib chiqadi.

Jumladan, “mahalla yettiligi” tomonidan rasmiylashtirilgan savolnoma, xulosa va dalolatnomalarni qisman yoki to‘liq bekor qilish, ularga o‘zgartirish kiritish majburiyatini “mahalla yettiligi” zimmasiga yuklash yuzasidan berilgan shikoyatlar ko‘rib chiqiladi.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

#faol_hayotga_qadam

🥹 Ijtimoiy himoya milliy agentligi Navoiy viloyati boshqarmasi tomonidan aholining ijtimoiy himoyaga muhtoj qatlamlarini qo‘llab-quvvatlash, ularning hayot sifatini yaxshilash va kundalik hayotida zarur ko‘mak ko‘rsatishga qaratilgan tizimli ishlar amalga oshirilmoqda.

👥 Xususan, yolg‘iz yashovchi keksalar, nogironligi bo‘lgan shaxslar hamda o‘zgalar parvarishiga muhtoj fuqarolarga qarab turish va tibbiy-ijtimoiy reabilitatsiya xizmatlari ko‘rsatilmoqda. Ushbu xizmatlar orqali fuqarolarning kundalik ehtiyojlarini qondirish, salomatligini tiklash va imkon qadar mustaqil hayot kechirishlarini qo‘llab-quvvatlashga alohida e’tibor qaratilmoqda.

↗️ Bunday sa’y-harakatlar har bir insonning hayoti, salomatligi va qadr-qimmatini e’zozlash, ijtimoiy himoyaga muhtoj fuqarolarni qo‘llab-quvvatlash hamda mahallalarda manzilli ijtimoiy xizmatlar qamrovini kengaytirishga xizmat qilmoqda.

🎬 Batafsil videoda...

📝Telegram 📝Facebook
🎞Youtube  🎖  ihma.uz

🟢 Ijtimoiy himoya milliy agentligi Navoiy viloyati boshqarmasi Axborot xizmati

Apellyatsiya kengashlariga kelib tushgan shikoyatlar hududlar kesimida tahlil qilindi.

Bugungi kunga qadar Apellyatsiya kengashlarga jami 1 642 ta shikoyat kelib tushgan.
Shundan:
✅ 510 ta (31%) — qanoatlantirilgan;
⏳ 572 ta (35%) — ko‘rib chiqish jarayonida;
❌ 560 ta (34%) — rad etilgan.

Eng ko‘p shikoyat kelib tushgan hududlar:
Qashqadaryo viloyati — 435 ta;
Xorazm viloyati — 179 ta;
Namangan viloyati — 175 ta.

Apellyatsiya kengashiga qanday murojaat qilish mumkin?
Apellyatsiya kengashiga shikoyat bilan murojaat qilish uchun hududingizdagi “Inson” ijtimoiy xizmatlar markaziga borib, tegishli ariza topshirishingiz mumkin.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

#tosiqsiz_muhit

🔮 Nogironligi bo‘lgan shaxslarga jamoat transportlarida qulay va to‘siqlarsiz muhit yaratish yo‘lida!

🧐 Ijtimoiy inspeksiyaning Navoiy viloyati boshqarmasi, Transport nazorat inspeksiyasi hududiy bo‘limi hamda Nogironlar assotsiatsiyasi va jamiyati hamkorligida avtobuslarda nogironligi bo‘lgan shaxslarga yaratilgan mavjud qulayliklar va xizmat ko‘rsatish sifati o‘rganildi.

✅ Nazorat davomida transport vositalarining kirish-chiqish imkoniyatlari, maxsus belgilarning mavjudligi, xizmat ko‘rsatish sifati va to‘siqsiz muhit talablari o‘rganildi.

✅ Bunday tadbirlar doimiy ravishda tashkil etib borilishi rejalashtirilgan.

📝 Telegram 📝 Facebook
🎞 Youtube  🎖  ihma.uz

🟢 Ijtimoiy himoya milliy agentligi Navoiy viloyati boshqarmasi Axborot xizmati.

Samarqand shahrida bo‘lib o‘tgan “Bolalar farovonligiga investitsiyalar: kelajak avlodlar uchun barqaror va adolatli taraqqiyot yo‘li” mavzusidagi Jahon sammiti doirasida tashkil etilgan “Dunyo bola nigohida” ko‘rgazmasi mahalliy va xorijiy mehmonlarda katta qiziqish uyg‘otdi.

Mazkur ko‘rgazma shunchaki ekspozitsiya emas, balki mamlakatimizda so‘nggi o‘n yil davomida bolalarning huquq va manfaatlarini himoya qilish, ularning farovonligini ta’minlash, sifatli ta’lim olishi, sog‘lom voyaga yetishi hamda jamiyatda munosib o‘rin egallashi yo‘lida amalga oshirilgan ishlar va islohotlarning o‘ziga xos ifodasidir.

Ko‘rgazmadagi har bir stend alohida mazmun va ma’noga ega. Ular orqali bolalarni ijtimoiy himoya qilish tizimidagi yangilanishlar, alohida ta’lim ehtiyojlari bo‘lgan bolalarni qo‘llab-quvvatlash, ijtimoiy xizmatlardan foydalanish imkoniyatlarini kengaytirish, bolalarni zo‘ravonlikning barcha shakllaridan himoya qilish hamda ularning har tomonlama rivojlanishi uchun yaratilayotgan shart-sharoitlar haqida ma’lumot olish mumkin.

Eng muhimi, ushbu ko‘rgazma orqali amalga oshirilgan islohotlarning markazida bola, uning manfaatlari, orzu-intilishlari va kelajagi turganini ko‘rish mumkin. Chunki har bir bolaning xavfsiz muhitda ulg‘ayishi, bilim olishi, o‘z qobiliyatlarini namoyon etishi va jamiyat hayotida faol ishtirok etishi uchun zarur sharoit yaratish davlatimizning ustuvor vazifalaridan biridir.

Har bir bola e’tibor, himoya va munosib hayotga loyiq. Bizning vazifamiz esa bu huquqlarni nafaqat e’tirof etish, balki ularning amalda ta’minlanishi uchun izchil harakat qilishdir.

📝 Telegram 📝 Facebook
🎞 Youtube  🎖  ihma.uz

🟢 Ijtimoiy himoya milliy agentligi Navoiy viloyati boshqarmasi Axborot xizmati

Isitish mavsumida ehtiyojmand aholi uchun moddiy yordam va kompensatsiyalar qamrovi kengaytiriladi

🖋 O‘zbekiston Respublikasi Prezidentining 2026-yil 28-oktabrdagi PF–236-son Farmoni bilan aholini yoqilg‘i-energetika xarajatlari bo‘yicha qo‘llab-quvvatlashga qaratilgan quyidagi choralar belgilandi.

✅ Noyabr oyida 1 million so‘mdan bir martalik moddiy yordam ajratiladi

Yordam quyidagi oilalarga beriladi:

✅ Ijtimoiy reyestrga kiritilgan oilalarga;
✅ reyestrga kiritilmagan, reyestr mezonlariga to‘g‘ri kelgan, oilaning o‘rtacha bir oylik daromadi minimal iste’mol xarajatlarining ikki barobarigacha bo‘lgan, “mahalla yettiligi” xulosasi asosida aniqlangan ehtiyojmand oilalarga;
✅ o‘zgalar parvarishiga muhtoj bo‘lgan yolg‘iz yashovchi hamda yolg‘iz keksalar va nogironligi bo‘lgan shaxslar reyestridagi fuqarolarga;
✅ yetim va ota-ona qaramog‘idan mahrum bo‘lgan bolalar yashayotgan oilalarga.

Qo‘shimcha ro‘yxatlar 15-noyabrga qadar shakllantiriladi. Mablag‘lar 30-noyabrga qadar fuqarolarning ijtimoiy yoki bank kartalariga o‘tkaziladi.

✅ Reyestrga kiritilmagan ehtiyojmand oilalar ham qamrab olinadi

Bunda oiladagi jon boshiga daromadi minimal iste’mol xarajatlarining 2 barobaridan oshmaydigan oilalar nazarda tutilgan.

Markazlashtirilgan isitish tizimiga ulangan ko‘p qavatli uylarda yashovchi oilalar uchun har bir a’zoga to‘g‘ri keladigan o‘rtacha oylik daromad chegarasi Qoraqalpog‘iston Respublikasi va viloyatlarda 2 barobar, Toshkent shahrida 3 barobar etib belgilangan.

Mazkur choralar ehtiyojmand oilalarning isitish mavsumidagi xarajatlarini yengillashtirish va ijtimoiy yordam bilan qamrovini kengaytirishga qaratilgan.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

Elektr, gaz va ko‘mir xarajatlari uchun yordam qamrovi kengaytiriladi

Farmon bilan ehtiyojmand oilalarning energiya va kommunal xarajatlarini yengillashtirish maqsadida yordam olish mezonlari kengaytirilib, kompensatsiya to‘lash muddatlari uzaytirilmoqda.

✅Elektr va gaz kompensatsiyasini olish imkoniyati kengaytiriladi

Kompensatsiya tayinlashda oilaning har bir a’zosiga to‘g‘ri keladigan o‘rtacha oylik daromad mezoni minimal iste’mol xarajatlarining 1,5 barobaridan 2 barobarigacha oshiriladi.

Bazaviy me’yor doirasidagi va undan ortiq iste’mol uchun belgilangan tariflar o‘rtasidagi farqni kompensatsiya qilish muddati 2028-yil 1-aprelga qadar uzaytiriladi.

✅Ko‘mir xarajatlari uchun yordam muddati uzaytiriladi

Ko‘mir sotib olish xarajatlarining bir qismini qoplash uchun moddiy yordam to‘lash 2029-yil 1-yanvarga qadar davom etadi. Ushbu yordamni ajratishda jon boshiga daromad mezoni minimal iste’mol xarajatlarining 1 barobaridan 2 barobarigacha oshiriladi.

✅Kommunal xarajatlarni qoplash bo‘yicha yordam qamrovi kengayadi

“Saxovat va ko‘mak” jamg‘armasi hisobidan kommunal xarajatlar va mavjud qarzdorlikni qoplash, ko‘mir yoki boshqa yoqilg‘i mahsulotlari bilan ta’minlash xarajatlari uchun yordam ajratishda ham daromad mezoni minimal iste’mol xarajatlarining 1 barobaridan 2 barobarigacha oshiriladi.

✅Gaz ta’minoti bo‘lmagan hududlar uchun elektr iste’moli me’yorini oshirish nazarda tutilgan

Tabiiy gaz bilan ta’minlanmagan hamda gaz yetib borishi qiyin bo‘lgan hududlardagi iste’molchilar uchun isitish mavsumida elektr energiyasi iste’molining bazaviy me’yorini 200 kVt·soatdan 350 kVt·soatgacha oshirishni nazarda tutuvchi hukumat qarori qabul qilinadi.

Ushbu choralar ehtiyojmand oilalarni qo‘llab-quvvatlash hamda isitish mavsumini qulay sharoitda o‘tkazishiga ko‘maklashishga xizmat qiladi.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

Qish mavsumida ehtiyojmand oilalarni qo‘llab-quvvatlash kengaytiriladi

2026-yil noyabr oyida 1 mln 17 ming oilaga 1 mln so‘mdan bir martalik moddiy yordam berilishi ko‘zda tutilgan. Bu qish mavsumida energiya xarajatlari ortadigan davrda ehtiyojmand oilalar uchun qo‘shimcha moliyaviy ko‘mak bo‘ladi.

Shu bilan birga, davlat yordamini olish uchun daromad mezonlari ham kengaytiriladi. Markazlashtirilgan isitish tizimidan foydalanuvchi oilalar uchun Toshkent shahrida — 3 MИХgacha, boshqa hududlarda — 2 MИХgacha bo‘lgan daromad mezoni qo‘llanilishi nazarda tutilgan.

Elektr energiyasi va tabiiy gaz bo‘yicha kompensatsiya muddati 2028-yil 1-aprelgacha uzaytiriladi. Gaz bilan ta’minlanmagan va tabiiy gaz yetib borishi qiyin hududlarda esa isitish mavsumida elektr energiyasining bazaviy me’yori 200 kVt·soatdan 350 kVt·soatgacha oshiriladi.

Qo‘llab-quvvatlash faqat joriy to‘lovlarni yengillashtirish bilan cheklanmaydi. 2027–2028-yillarda yana 3 mingta ehtiyojmand oila xonadonida energiya samaradorligini oshirish ishlari amalga oshirilishi ko‘zda tutilgan. Jumladan, uylarni issiqlikdan himoyalash, energiya tejamkor yechimlar va qayta tiklanuvchi energiya manbalarini joriy etish rejalashtirilgan.

Asosiy maqsad — ehtiyojmand oilalarning energiya xarajatlarini kamaytirishga ko‘maklashish, uy-joylarning energiya samaradorligini oshirish va davlat yordamini manzilli yetkazish.

🎬 Batafsil videoda ko‘rishingiz mumkin.

📝 telegram 💻 instagram
📝 facebook 🐧 xcom
🎞 youtube 🎖 ihma.uz

🧠 Navoiy viloyati Karmana tumanida faoliyat yuritayotgan zamonaviy kunduzgi parvarish markazida hozirda 20 nafardan ortiq nogironligi bo‘lgan bolalarga xizmat ko‘rsatilmoqda.

👫 Markazda bolalarning har tomonlama rivojlanishi uchun 10 dan ortiq xizmat turi yo‘lga qo‘yilgan. Jumladan, psixologik yordam, logoped mashg‘ulotlari, reabilitatsiya, tibbiy nazorat, ijtimoiy moslashuv hamda turli rivojlantiruvchi to‘garaklar muntazam tashkil etiladi.

👩‍👩‍👧‍👦 Mashg‘ulotlar davomida bolalarning individual ehtiyojlari va imkoniyatlari inobatga olinadi. Mutaxassislar ular bilan ishlash orqali mustaqil ko‘nikmalarini shakllantirish, muloqot qobiliyatlarini rivojlantirish va kundalik hayotga moslashishiga ko‘maklashadi.

Eng muhimi, ushbu xizmat ota-onalar uchun ham katta yengillikdir. Farzandlari malakali mutaxassislar nazoratida bo‘lgan vaqtda ota-onalar o‘z ish faoliyati, kundalik yumushlari va boshqa zarur masalalarga vaqt ajratish imkoniga ega bo‘ladilar. Shu tariqa, kunduzgi parvarish xizmati nafaqat bolalarni, balki ularning oilalarini ham qo‘llab-quvvatlashga xizmat qiladi.

📝 Telegram 📝 Facebook
🎞 Youtube  🎖  ihma.uz

🟢 Ijtimoiy himoya milliy agentligi Navoiy viloyati boshqarmasi Axborot xizmati