‏"يومه ضحك..
‏طاح الكلام من السكوت
‏والوقت وقّف مندهش
‏عيّا يفوت
‏يومه ضحك
‏كل الجماد اللي على الشُرفة حيا
‏إلّا أنا .. بغيت أموت"

‏"لا وقفت وايديني في مخابيّي
‏اعرف ان في عيوني شي ،ما قلته"

‏"ياكثر مايفرق حضورك عن الغير.. مثل المطر مهما هطل ما اكتفينا"

‏اي والله يحق لك يا ام العيون الوساع
‏ الزوم والغطرسه والهيمنه والكبر

‏شيخة جمالٍ تسبب للعذارى صداع
‏ وشيهانةٍ ما لها عن مجد اهلها وكر

‏صورتك فيها جمال اليوسفيات ضاع
‏واسمك حروفه ما تترك للاسامي عذر

‏ والليل لو تلبسينه ستر فوق الشعاع
‏ شعاع طلتك ما بيني وبينه ستر

و تمرني مثل أكتوبر، مابين الشهور
‏غريب وأسرارك أسرار و زمانك زمان

وأنا على موعدك عقرب شعوري يدور
‏أخاف لا جت سبع و أخاف لا جت ثمان

بعض الأماكن أسميها أماكن شعور
‏عظيم يا هالشعور إللي يعيش في مكان

‏يا كبر قدرك يا رفيقي عن الناس
‏ما يشبهك في طبعك إلا المرايا

‏هي تعكس الأشياء بدقّه ومقياس
‏وأنت تعكس طيبك وبيض النوايا"

‏"بغتنمش انتي.. الفرص ملحوق عليها"

يبي بُعدي
و دمعه بلّل ثيابي ..

ليلةٍ عنوانها
وجد من حدّه زمانه على اللي ما يبيه

ما ودّي الزمن يمشي وهو من عمرنا يسرق
‏أخاف أموت في حبك .. ووصلك ما تهيّا لي

*‏لو كان بيدي لَنصبت خيمتي مقابل ربيع وجهك إلى الأبد

‌‏«عسى ما لك ديارٍ في هواها يتعب العسَّاس
‏يا وجهٍ في تفاصيله لقت روحي مرابعها»

‏أتذرّى في ذرى اللي من وصل له مايضام
‏واحدٍ من دون الناس . . قلبه حبّني

‏وأنتثر في وسط صدرٍ كل ماجيته حطام
‏يجمع شتاتي دفاه وفي ضلوعه موطني

‏حمدتك على خير وحمدتك على مكروه
‏وسبحانك اللي لا ألتجى عبدك انصفته

‏أجي لك بـ وجهٍ ساير الناس ما شافوه
‏على شان وجهٍ ساير الناس.. عارفته

أدري إنك
في بدايات الليالي الباردة ودّك تجيني
وتعتبر جرحك "خطيّه" تعتذر عنها وعودك

وأدري إن الفقد يكوي داخلك، وأدري تبيني
وأدري لو كابرت باقي "لي ملامح في شرودك"

ياخسارة لو خسرت العمر وعدّيتك سنيني
وياحسافة لو وهبته دافي إحساسي فـ برودك

للأسف هذي حقيقة .. مابقى شيء بـيديني
من يدينك ضاع شوفٍ مانظر إلا صدودك

شوف ما خلّيت حاجة تحفظ أيامك بعيني
وصار عادي لو أشوفك ضامي وتذبل ورودك

كل جرح وله طبيب، وعالوجع؟ ربي يعيني
وكل صبرٍ وله زمانٍ ينتهي خارج حدودك

ولا حشى مالي رجوع كان قلبك محتريني
وكان تبكيني ندامة؟ روح جعل الله يزودك

لي مع الأيام موعد، دونك ويأبى حنيني
مابقى بعيون شوقي حاجةٍ عذبة تزودك

‏في رحابك صار لأيامي تهاويد و تماشي
‏كل حاجه كامله وياك وإن كانت قليلة

‏بتعيش وتموت ماشفت الخطا مني
‏ارقى عن الهون واخلاقي بعد ترقى

‏من عرفني حبيب و من عرفني خدين
‏راح عمره يحب إيديه وجه و قفا

‏سمعت إنه تمعّن في الوجيه وما لقى شرواي
‏و أعرف إنه يعيش متيّمي و يموت ملهوفي