“YONG‘IN XAVFSIZLIGI OYLIGI”
 
IIV Samarqand akademik litseyida “Yong‘in xavfsizligi oyligi” doirasida Favqulodda vaziyatlar vazirligi (FVV) Samarqand viloyati boshqarmasi xodimlari ishtirokidatarg‘ibot-tashviqot tadbiri tashkil etildi.
 
Tadbir davomida o‘quvchilarga yong‘in xavfsizligi qoidalari, yong‘inlarning oldini olish choralari, favqulodda vaziyatlarda to‘g‘ri harakat qilish hamda xavfsizlik talablariga rioya etish bo‘yicha zarur tushunchalar berildi.
 
Shuningdek, amaliy mashg‘ulotlar ham o‘tkazildi. Mashg‘ulotlar davomida o‘quvchilarga yong‘in sodir bo‘lganda to‘g‘ri harakat qilish, xavfsiz hududga chiqish va yong‘in xavfsizligi vositalaridan foydalanish bo‘yicha amaliy ko‘nikmalar namoyish etildi.
 
Mazkur tadbir o‘quvchilarning favqulodda vaziyatlarda hushyorlik va mas’uliyatni oshirish, yong‘in xavfsizligi qoidalariga rioya qilish madaniyatini shakllantirish hamda hayotiy xavfsizlik ko‘nikmalarini rivojlantirishga xizmat qildi.
 
Kanalimizga qo‘shiling 👇👇👇 
 
https://t.me/IIVsamAl

DAVRA SUHBATI O‘TKAZILDI
 
IIV Samarqand akademik litseyida O‘zbekiston Respublikasi Ichki ishlar organlari tashkil etilganligining 35 yilligi hamda 25-oktabr — Ichki ishlar xodimlari kuni munosabati bilan davra suhbati tashkil etildi.
 
Davra suhbati davomida Ichki ishlar organlarining tashkil topish tarixi, faoliyati, mamlakatimizda tinchlik va osoyishtalikni ta’minlash, jamoat tartibini saqlash hamda fuqarolar xavfsizligini muhofaza qilish borasidagi xizmatlari haqida so‘z yuritildi.
 
Tadbirda litseyning tarix fani o‘qituvchisi O. Mo‘minov o‘z ma’ruzasi bilan ishtirok etib, Ichki ishlar organlarining shakllanish tarixi, taraqqiyot bosqichlari va jamiyat hayotidagi o‘rni haqida batafsil ma’lumot berdi.
 
Davra suhbati o‘quvchilarning tarixiy bilimlarini oshirish, ularda vatanparvarlik tuyg‘ularini mustahkamlash hamda ichki ishlar organlari faoliyatiga hurmat ruhini shakllantirishga xizmat qildi.
 
Kanalimizga qo‘shiling 👇👇👇 
 
https://t.me/IIVsamAl

“FUQAROLIK JAMIYATI G‘OYASINING RIVOJLANISHI”
 
IIV Samarqand akademik litseyida o‘quvchilarning huquqiy bilimlarini oshirish, ularda fuqarolik jamiyati haqidagi tushunchalarni shakllantirish hamda demokratik qadriyatlar, qonun ustuvorligi va fuqarolik mas’uliyatini mustahkamlash maqsadida “Fuqarolik jamiyati g‘oyasining rivojlanishi” mavzusida davra suhbatlari o‘tkazildi.
 
Davra suhbatida huquq fani o‘qituvchisi N. Ziyayeva o‘z ma’ruzasi bilan ishtirok etdi. Ma’ruza davomida fuqarolik jamiyatining mazmun-mohiyati, uning shakllanish va rivojlanish bosqichlari, inson huquq va erkinliklarini ta’minlashdagi o‘rni hamda jamiyat hayotida fuqarolarning faol ishtiroki haqida batafsil ma’lumotlar berildi.
 
Mazkur davra suhbati o‘quvchilarning huquqiy savodxonligini oshirish, fuqarolik pozitsiyasini shakllantirish va jamiyat hayotida faol ishtirok etish ko‘nikmalarini rivojlantirishga xizmat qiladi.
 
Kanalimizga qo‘shiling 👇👇👇 
 
https://t.me/IIVsamAl