“ONA TILIM FAXRIM MENING”
 
IIV Samarqand akademik litseyida 21-oktabr — O‘zbek tiliga davlat tili maqomi berilgan kun munosabati bilan o‘quvchilar o‘rtasida “Insholar” tanlovi tashkil etildi.
 
Tanlov davomida o‘quvchilar yozgan insholarida ona tilimizning boyligi, go‘zalligi va betakrorligi, uning millat ma’naviyati va o‘zligini namoyon etishdagi o‘rni, shuningdek, o‘zbek tilini asrab-avaylash va uning rivojiga hissa qo‘shish borasidagi fikr-mulohazalarini bayon etdilar.
 
O‘quvchilar tomonidan yozilgan insholar mazmun-mohiyati, mustaqil fikrlash darajasi, savodxonligi va ijodiy yondashuvi asosida baholandi. Tanlov yoshlarning ona tiliga bo‘lgan hurmatini mustahkamlash, ularning ijodiy qobiliyatlarini namoyon etish va davlat tiliga e’tiborini yanada kuchaytirishda muhim ahamiyat kasb etdi.
 
Kanalimizga qo‘shiling 👇👇👇
 
https://t.me/IIVsamAl

“ICHKI ISHLAR ORGANLARI — TINCHLIK VA OSOYISHTALIK POSBONLARI”
 
IIV Samarqand akademik litseyida 25-oktabr — Ichki ishlar organlari xodimlari kuni munosabati bilan o‘quvchilar ishtirokida “Ichki ishlar organlari — tinchlik va osoyishtalik posbonlari” mavzusida davra suhbati tashkil etildi.
 
Davra suhbatida litseyning huquq fani o‘qituvchisi U. Norqulova o‘z ma’ruzasi bilan ishtirok etib, Ichki ishlar organlarining mamlakatimizda jamoat tartibini saqlash, fuqarolar xavfsizligini ta’minlash, huquqbuzarliklarning oldini olish, qonun ustuvorligini mustahkamlash hamda fuqarolarning huquq va erkinliklarini himoya qilish borasidagi faoliyati haqida batafsil ma’lumot berildi.
 
Shuningdek Ichki ishlar organlari xodimlarining sharafli va mas’uliyatli kasbiy faoliyati, ularning xalq osoyishtaligi va jamiyat barqarorligini ta’minlashdagi o‘rni haqida alohida to‘xtalib o‘tdi.
 
Kanalimizga qo‘shiling 👇👇👇
 
https://t.me/IIVsamAl

📚“Zakovat” — bilim va tafakkur bellashuvi” 📚
 
IIV Samarqand akademik litseyida Ichki ishlar organlari tashkil etilganligining 35 yilligi hamda 25-oktabr — Ichki ishlar organlari xodimlari kuni munosabati bilan pedagog xodimlar o‘rtasida “Zakovat” intellektual o‘yini tashkil etildi.
 
Intellektual o‘yin davomida ishtirokchilarga tarix, huquq, mantiq, umumiy dunyoqarash hamda ichki ishlar organlari faoliyatiga oid turli savollar berildi. Jamoalar o‘z bilim va tajribalariga tayangan holda savollarga javob berib, zukkolik, topqirlik va tezkor fikrlash borasida o‘zaro bellashdilar.
 
Tadbir qiziqarli va ko‘tarinki ruhda o‘tdi. Unda o‘qituvchilar o‘zlarining nafaqat kasbiy bilimlarini, balki keng dunyoqarashi, tahliliy fikrlashi va jamoa bilan ishlash qobiliyatlarini ham namoyon etdilar.

Yakuniy natijalarga koʻra:

🥇o‘rin –“ Ziyokor” jamoasi
🥈o‘rin –“ Renessans” jamoasi
🥉o‘rin “Tafakkur” jamoalari qo‘lga kiritdi.
 
Kanalimizga qo‘shiling 👇👇👇
 
https://t.me/IIVsamAl