Ertaga hamkasbimiz Furkan yillik iznga ketyapti, naq 15 kun dam oladi, bizdagi “otpuska”ga to‘g‘ri keladi bu...

Ertalab sartaroshga borolmabdi, qarasam siqilib o‘tiribdi. Kechki 3 da qishloqqa ketyapman, sochlar bir ahvol, yakshanba bo‘lgani uchun birorta ochiq “Kuaför” topolmadim, deydi.

Ishxonaning otopark qismida “oto Kuaför” bor edi, deyarli har kuni ko‘zim tushadi, yarim kechagacha ochiq turadi.

Ish kamayganda pastga tushib qarab keldim, ochiq ekan yakshanba bo‘lsa ham. Yaxshilik qilmoqchi bo‘ldim-da!

Siqilma dedim, o‘zim senga sartarosh topib beraman, ishdan keyin borsang ham ochiq bo‘ladi, ham yaqinimizda dedim. Bola xursand bo‘ldi.

Hozir ish tugadi va olib bor yoki manzilini ayt dedi, hamrohlik qildim. Oto Kuaför qarshisiga borib, “mana!” dedim faxrlanib.

Yigit kulishniyam, yig‘lashniyam bilmasdi. Men uni otoparkning sartaroshi deb o‘ylarkanman, xuddi vokzallarda maishiy xizmat ko‘rsatish shoxobchalari bo‘lganidek. Bu esa “moyka” ekan🤦‍♂

@Ijoddardi

Ertalabdan kayfiyatim zo‘o‘o‘o‘r, chunki...

Kecha Sitora Migros' marketdan 2 ta oltilik pampers buyurtma beribdi, har biri 32 tadan. Chegirma ketyapti ekan, ayni “razmer”dan ikkita olasiz, bittasiga pul to‘laysiz. U ikkisini 360 tlga olgan, donasi 180 liradan to‘g‘ri keladi...

Migros' qimmatroq market, ming chegirma qilsayam odatda boshqa do‘konlardan arzon bo‘lmasdi. Shunga ozgina ko‘nglim bo‘lmadida, xo‘p deb qo‘ydim. Necha kunga yetadi bu desam 4-5 kun dedi...

Ertalab uyga bozorlik qilaman deb A101 ga kirsam, biz doim oladigan 5-6 lik pamperslar 219 liradan 265 ga ko‘tarilibdiku. Uyga qaytishim bilan Migros'dan to‘rtta beshlik, to‘rtta oltilik pampers buyurtma qilib qo‘ydim, 1-2 soatda yetkazishadi.

Uyda jami 10 ta taglik bor, bu kamida 15-20 kun qulog‘im tinch degani. Ishga ketyapman, jahldor avtobus haydovchisining qovog‘idan ham nur yog‘yapti go‘yo, xuddi hamma baxtli, mehribon, xushchaqchaq, menga o‘xshab! :)

Aka hamma joyda 265 liralik pampersni 180 TLdan olib g‘amlab qo‘ydi-da😎

@Ijoddardi

Bugun dushanba, ish eng kam bo‘ladigan kun, o‘o‘o‘tiribman. Ertaga esa seshanba, dam olish kunim. Muncha baxtlimaaan😂

Safinaning pasporti ham tayyor bo‘lib qoladi, topshirib kelganmiz, qochoq qolmasdan kimlik ovolamiz, Xudo xohlasa!

Kecha avans olganman, tez orada yillik izn pulimniyam taxlab berisharkan. Har oyning birinchisida tushadigan Sitoraning “Barınma” puliyam kechikayotgandi, mish-mishlarga ko‘ra bugun-erta tashlab berisharkan uniyam.

Kamiga, ishxonadagi ovqat ham achchiq bo‘lmabdi-da. Usta xayol bilan qalampir o‘rniga qizil bolgar kukunidan qo‘shgan ekan, qip-qizil rang bergan shunchaki, maza!

Ishxona “muhasebechi”si keldi boya, “Çalışma izni” uchun kerakli hujjat va ma’lumotlarni olib ketdi. Erta-indin “başvuru” qilamiz, uzog‘i ikki haftada bir yillik ruxsatnomang tayyor bo‘ladi, dedi.

Rasm esa uydagi gyo‘zallik, chegirmalar bor bo‘lsin!

Ichimdagi maraz odamcha “X-Factor”dagi Fazliddinga o‘xshab aksent bilan qo‘shiq aytib yuribdi ertalabdan beri: Haaaaydi so‘o‘o‘o‘yleeeeee... :)

@Ijoddardi

Ertalab uyg‘onib kerishsam, Mahdi kuzatib turgan ekan, bir jilmaydi-da, darrov xuddi mendek kerishishni boshladi...

Ovqatlanayotganda ham xuddi mendek suviga non botirib yeydi. Suvni stakanda ichsak, bo‘sh bardakni ko‘tarib suv so‘rab qoladi. Baklajkada ko‘tarib ichganimni ko‘rganda takrorlayman deb to‘kib qo‘ygandi...

Safinani qanday erkalayapmiz, yig‘laganda nima deb ovutyapmiz, qanday mimikalar qilyapmiz... hammasini kuzatib o‘tiradi. Biroz o‘tmasdan o‘rganib, aynisini takrorlayotgan bo‘ladi...

Rakovina quvuri yorilganida tuzatganimizni ko‘rgandi. Shundan beri uydagi klyuch va boshqa temir-tersaklarni yashirib yuramiz, oyna-poynani urib sindirmasin deb :)

Ayasining ovqatini maqtasam, uyam “Vaaau!”, “Zo‘y!” deb ishtaha bilan yeb qoladi. Aniq bilaman, ovqating yaxshi chiqmabdi desam Mahdi ham yemaydi...

Qo‘limdagi po‘choq-mo‘choqni chiqindi idishiga solsam, darrov uyni yig‘ishtirishga tushib qoladi. Kerak narsalarniyam idishga oborib soladi. Yerga tashlasam, axlatdagi “musor”larniyam pashshalab, aylantirib uyga sochib chiqqandi...

Ishdan charchab borganda kiyimlarimni veshilkaga ilish yoqmasdan yerga tashlardim. Dam olish kunimda e’tibor berdim, parkdan qaytgach shartta ust-boshini yechib, oyoq ostiga otib ketdi...

Bunday misollar ko‘p, esimga kelmagani qancha. Anglaganim, biz farzand tarbiyalamayapmiz, aksincha, u bizni tarbiya qilmoqda. O‘zimizga ko‘zgu tutmoqda!

Bolam o‘rganmasin deb uyg‘ongandan tortib kundalik yumushlarimiz, xatti-harakatlarimiz va og‘zimizdan chiqayotgan har bir jumlani nazorat qiladigan bo‘lganman. Sendan oladigan o‘rnaklarimiz ko‘p, Mahdi...

@Ijoddardi

Bayram arafasi ish kamaygan, onda-sonda buyurtma keladi, ham bu issiqda hech kim baliq yemaydi-da...

Kitob do‘konimizga post qo‘yaman deb telegramga kirsam, Jontemir aka kanalida she’riy konsert You Tube'ga chiqqanini yozibdi.

Shartta havolaga bosib, naq ikki soatligi uchun telefonni qulay yerga joylashtirdim-da, oshxonaning bir burchagida ko‘rishni boshladim.

Ishxonada turk, arab, afg‘on, turkmanlar bor, yonimdan o‘tgan-qaytgan telefonga qaraydi va “Ne biçim adam bu?!”, “Dervişi nereden buldun?”, “Adam ne yapmaya çalışıyor, bir de iki saatmış a!” deyishadi.

“Shoir!”, deyman, she’r o‘qiyapti, konsert beryapti, muxlislari tinglayapti deb tushuntiraman. Hozir ham bormikan bunday odamlar, bu boshqa nima ish qiladi, nahotki faqat she’r bilan yashab bo‘lsa deb hayratlanishadi kapitalizm suyak-suyagigacha singib ketgan “robot odamlar”...

Oradan bir qancha vaqt o‘tadi, atrofimda 4-5 kishi to‘plangan, yana ofitsiantu komi, avyorlar ham qiziqib kelishyapti. Ish yo‘q, bahona topildi ularga vaqt o‘tkazish uchun deb o‘ylayman.

Rasmga tushirish xayolimga kelmabdi. Bu manzarani ko‘rsatishim kerak edi sizga ham. Ularni bunday to‘planib, ekrandan ko‘zini uzmay tikilganini oxirgi marta “Galatasaray” va “Fenerbahche” o‘yinida ko‘rgandim. Qaysi fanatligidan, qaysi biri esa totalizator qimor o‘yinlarida pul tikkanidan :)

Pauzani bosdim. Menku taniyman bu bolani, azbaroyi qiziqqanimdan tomosha qilyapman, sizlar nega bunchalik termulyapsizlar desam, ustaboshimiz: “Aziz, vallohi nima deyotganini zig‘ircha tushunganim yo‘q, lekin she’r o‘qish ohangi boshqacha ekan, bu bolaning maza qilayotganini ko‘rib men maza qivordim!” desa bo‘ladimi :)

Haqiqatan zo‘r chiqibdi, she’rlar, musiqa, ohang, sahna, improvizatsiya, hatto Shahbozning “Hayyu chittigul”da Jontemir akaga jo‘r bo‘lolmay adashib ketgani ham tabiiy, samimiy. Oldindan rejalashtirilib, fit-fillion marta “repetitsiya” qilingan konsertlardan ancha baland voqea bo‘libdi bu!

Xayrli va bardavom bo‘lsin, kelasi she’riy konsertlarda qatnashish bizga ham nasib qilsin, aka. Maza qildim, ish, avans, oylik, ijara, kommunallar, dokument... deb yugurib yurgan holimda tin ovolishimga sababchi bo‘ldingiz. Yashasin, she’riyat, yashasin, adabiyot!

• Jontemir akaning “Janoza”sini ko‘rmaganlar bo‘lsa, havola: https://youtu.be/4dHvDD8B840?si=_S11kMDj0vdUPhIn

@Ijoddardi

https://www.instagram.com/ilhom_salimovv?igsh=bDFzNjZ6MW44cW5n

Doʻstlar, axiyri instagramda ham faoliyatni boshladim. Maqsad oʻsha-oʻsha: yaxshi kitoblarni tavsiya qilish. Haminqadar bilimimizni baham koʻrish.

Obuna boʻlib, qoʻllab-quvvatlaysizlar degan umiddaman. Ayniqsa boshida bu juda muhim.


https://www.instagram.com/ilhom_salimovv?igsh=bDFzNjZ6MW44cW5n

Kecha uyimizga mehmon keldi...

Zamira opa bilan anchadan beri tanishmiz, ilk marta telegramda kitob bahonasida gaplashganimiz kechagidek esimda. Opa ham unutmagan ekan u kunni :)

Biz turkcha kitoblar savdosini endi boshlagandik, bir mijoz turkcha o‘zbekcha lug‘at so‘radi. Narxini hisoblab bersam, mana bu kishida arzon, siz qimmat sotarkansiz, deb Zamira opaning e’lonini jo‘natdi.

Opaga yozdim, qayerdan olyapsiz bunaqa narxga, qaysi kargo bilan jo‘natyapsiz, biz yangi boshladik bu ishni, yo‘l-yo‘rig‘ini bilsangiz o‘rgating deb samimiy iltimos qildim.

Keyin opa kitob savdosi bilan shug‘ullanmasligini, o‘zlari bu kitobning hammuallifi ekanligi va nashriyot tomonidan xizmati uchun berilgan lug‘atlarni O‘zbekistonga eltib qo‘yganliklarini, kargosiz sotayotganini aytib kuldi.

Hayron bo‘ldim, muallif o‘z kitobini sotayotganini ko‘rmagandim o‘sha paytgacha.

Shu-shu tanishib ketdik, tushunmagan narsamizni o‘rgatib, yo‘l-yo‘riq ko‘rsatib, ko‘p sohalarda yordamini ayamadi. Sitora ham opaning ilmiy rahbaridan dars oldi orada, Hacettepe'da o‘qigan ekanlar :)

Bu yil ham har yilgidek qurbonlik so‘yib, bir paket go‘sht berdilar. Bizni hech qachon esdan chiqarmaydi baraka topishsin. Kecha go‘sht bahona oilaviy tanishdik, xo‘jayini, farzandlari bilan kelishdi uyga.

Sitora palovxonto‘ra damladi, pirog pishirdi, men yordam berolmadim, to‘satdan O‘zbekistonga ketadigan yo‘lovchi chiqib qolib, kitoblarni topshirib keldim tushgacha. Deyarli Zamira opalar bilan barobar kirib keldim uyga :)

Ancha o‘tiribmiz o‘ziyam, rosa gurung qildik. Oilaviy ahilliklari va munosabatlariga, erish(ayot)gan yutuqlariyu natijalariga har qancha havas qilsak oz, ko‘z tegmasin ilohim!

Farzandlarining tarbiyasiga qancha havas qildik, ehheee. Nasib, bu mavzuda ko‘p gaplashamiz hali ular bilan, o‘rganadigan jihatlarimiz ko‘p.

Ayniqsa, mehmondorchilik so‘nggida dasturxonga duo qilaylik desak, dadasi katta o‘g‘liga “Sen mendan ko‘ra yaxshiroq o‘qiysan, duo qil, o‘g‘lim!” degani boshqacha ta’sir qildi. Bu manzarani menga ham o‘g‘lim bilan yashash nasib etsin!

Shunday ilmli, hayotda o‘z yo‘lini topgan insonlar bilan tanishtirib, yaqin qilayotgani uchun Xudoga qancha shukr aytsak oz. Borlaringizga shukr, Zamira opa, Alloh rozi bo‘lsin, bizni ham eng kamida sizlardek darajalarga yetkazsin!

P.s. Suhbat qizigandan qizib rasm tushish xayolimizga kelmabdi, shunday chiroyli kun faqat xotiramizda muhrlanib qoldi😊

@Ijoddardi

Naq to‘rt kun uyda bo‘ldim, bayram ta’tili, maza qilib dam oldim. Va kecha...

To‘satdan tushkunlik boshlandi. Ertaga yana ish, doimgi sug‘ur kuni, eski hammom, eski tos, chopa-chop, yugur-yugur. Qachon bir xotirjam yashaydigan paytlar kelarkan degan o‘ylar keldi miyamga.

Kechasi 11 lar edi. Hovlidagi skameykada xayol surib o‘tirsam, qo‘shni o‘zbek yigitlar kelib qoldi.

Tushdan keyin ko‘chaga chiqdik, ochiq restoranlarga kirib, hozirgacha ish qidirdik. Bayram tugab, hamma restoranlar ochilsa, yana izlaymiz, topolmadik deydi.

Biri ishga olmagan, biri maoshni kam aytgan, yana birida boshqa sabablar. Bizda ham baliq mavsumi tugagani uchun yangi xodim olishmaydi, tez orada yaqin-atrofdan ish topasizlar nasib bo‘lsa, deb taskin berdim.

Doim e’tibor qilganman, qachon noshukrligim ortib, miyamga har xil bo‘lmag‘ur fikrlar kelib boshlasa, ko‘p o‘tmasdan xulosa qildiradigan nimadir voqea ro‘y beradi. Ko‘p yashaganman bunaqasini.

Har bir holimizga shukr deb ertalabdan beri yaxshi kayfiyatda yelib-yugurib ishlab yuribman endi. Tushkunlik ham yo‘q. Ishimning boriga shukr, hademay “Çalışma İzni”m ham kelib qoladi!

@Ijoddardi