‏"أنت صباح الخميس.. اللي وراه إرتياح
‏ومقابل أحباب ما بين الفرح والطرب"

بطيّر القلب تطيير

يا جعلني ما أفقد وجودك ولا أبكيك

«إيه أحبّك والشعور الي وصل ويّاك حدّه
‏لو يلوموني عليه أقوم أجادل به وأحارب

‏قلبي الي شالته كفّك وعيّت لا تهده
‏والله إن ماياخذه عقبك مربين الشوارب »
‏❤️

وفي رواية أُخرى؛
حبيبي لو حقول المحبه تصير ألغام
‏أدوس الخطر لـ عيونك السود .. و آخاطر :)

شريتك في ليال تكسر الخاطر وبعت الكلّ
‏ وشفتك عند هقواتي عليك وفوق هقواتي

‏ ترحب مرحباي إن جیتني والمسهلا تنهلّ
‏ وتجتاح السوالف فـ الكلام وتهدم سكاتي

‏ تعاف الناس حب الناس لا قلّ الغلا وتمل
‏ وأنت مثل ما أنت.. عادك احلامي وغاياتي

‏وعسى أن تَهبني أعظم مما حلِمت

‏"خايف من الوقت ماني خايفٍ منك
‏ضامنْك .. بس الليالي وش يضمّنها"
‏Vs
‏"أخاف من غدر الزمن ما أخاف من غدرك
‏أدري بك أوفى من التاريخ لأجدادي"

ومن أشد المخاوف "بس أنا خايف علينا يا غلاي / لا يجينا يوم وأفقد مسمعك"

لك الولاية وورث القلب والبيعة
‏المُلك لله ثم إليك مولاتي

‏اعتبرني معطيات الواقع اللي يستثيرك
‏حبني مثل الخيال وخلني مثل المخيله

‏القبال اللي تشوفه قادر يحدد مصيرك
‏والقبول اللي لمسته منك يكفي عن قبيله

‏بعترف لك بالحقيقه كامله وانت وضميرك
‏بعد ماخضت الحياه بسكة الصبر الطويله

‏يوم مرتني حياتي كلها ماشفت غيرك
‏انت صورة كل مشهد وانت قصة كل ليله

‏مبارك عليكم الشهر ❤️
جعلنا الله وإياكم من صوَّامه وقوَّامه وينعاد علينا وعليكم بالصحة والعافية

‏ماهو حرام اقول أحبك ب رمضان
‏اي والله احبك مثل باقي الشهور

‏ان كان حبك ذنب يانور الزمان
‏اقول أنا أحبك.. واقول الله غفور

طوّل كلام الحب حتى نعسنا
وفي كل ليلة كانت أشواقنا غير

وبوقت واحد كل ابونا همسنا
أحبك.. أحبك.. ونصبح على خير

وإن حداك الوقت على الطيحة..لا تطيح إلا على صدري

وخايف أضرك هذي والله المصيبه
وهاقي أضرك ليه يا حبيبي أضرك؟

لا ياخذك بي الظن والشك والريبه
وأنا أسمى من على هـ الدنيا مرّك

انا اللي لو أحتالت دنيتك الغريبه
شرعت حضني وقلت قلبي مقرّك

أحبك وأحبك لو هي علي ضريبه
مستعد أضم فيك خيرك وشرّك