#Kitob_haqida

🔗Iztirob chaqinlari

Davomi. Boshi bu yerda

“Qon hidi” romanida odam urushni emas, urush odamni boshqarishi haqqoniy ko‘rsatilgan. Biz urush to‘g‘risidagi asarlarda qahramonlarning qo‘rqmasligi, chaqqonligi, topqirligi voqealar yo‘nalishini o‘zgartirib yuborishi tasvirlanishiga o‘rganganmiz. “Qon hidi” romanidagi: “...o‘q qay yondan kelayotganini aniqlab, tepkini bosdim. Ko‘rsatkich barmog‘imdan bosh­langan bir junbish tanamga yoyildi. Xursand bo‘lib ketdim” tarzidagi tasvirda urush o‘zgartirib yuborgan odam holati ishonarli berilgan. Urushning butun fojiasi ayni shu tasvirda oliy ifodasini topgan. Faqat ashaddiy qotilgina qondan junbishga tushadi va odam o‘ldirganidan xursand bo‘lib ketadi. Faqat urushdagina oddiy odam shu tarzda qotilga aylanadi. Urush kishisi odamga jon ato etolmagani holda kimnidir jonidan judo qilishga o‘zini haqli deb biladi. Bu holat ma’naviy tanazzulning oliy ko‘rinishidir. Urushning adolatlisi bo‘lmaydi. Qon to‘kib adolat o‘rnatish mumkin emas. O‘lim hisobiga kelgan baxt – baxt emas. Urush hamisha ilojsizlikdir. Romanda mana shu haqiqat yuksak mahorat bilan aks ettirilgan.

Abdurashid Nurmurodov qahramonlar holatini chuqur his etadi. Ularni ichdan biladi va har kimni ayni damdagi ruhiy holatiga muvofiq tarzda tasvirlaydi. Salomat opaga o‘g‘lining jasadi o‘rniga nimadir boshqa narsa olib kelishga bosh bo‘lgan bo‘yinbog‘li amaldorni jazolamoqchi bo‘lgan Vohidning holati aks etgan tasvir dahshatli haqqoniyati bilan kishini qo‘rquvga soladi: “O‘ldirgim kelardi. Qani u! U qarshimda, ammo onaning ezilib ketgan nigohi qarshisida bu ishni qilolmasligimni bilib, olomondan uzoqlashdim. Qabris­ton oralab ketdim. Qancha vaqt yurganimni bilmayman. Bexos qarshimda paydo bo‘lgan itni ko‘rib, o‘zimni ushlab turolmadim. Bir sakrashda ushlab, bo‘ynidan siqib, bo‘g‘a bosh­ladim. Tishlamoqqa shaylandi... It nafas ololmay bo‘g‘ilib, og‘zini katta-katta ochib, qorayib ketgan tish­lari orasidan uzun tilini chiqardi. Qip-qizil tiliga tikilib, yuragim o‘ynab ketdi. Vujudim rohatbaxsh charchoqdan so‘ng, orom olganday bo‘ldi”. Odam deb atalmish oliy yaratiqning vahshiyligidan paydo bo‘lgan holat naqadar dahshatli! Mohiyatan bulardan-da yovuzroq bo‘lgan bo‘­yinbog‘lilar jinoyatining ko‘lamidan tug‘iladigan va kishi hissiyotini titroqqa soladigan tasavvurdagi dahshat yanada kuchli! “Itdan battar”, degan sifat shunday holatga tushganlarga nisbatan ishlatilsa joizdir. Asarda odam tabiatining noturg‘un va o‘zgaruvchan, yomonlik tomonga og‘ib ketishga moyil ekanligi dillarni qo‘rquvga soladigan tarzda qabariq aks ettirilgan. Roman alangali iztirob og‘ushida yozilganligidan ifoda nochor, til g‘arib bo‘lgan o‘rinlarda ham ruhning yuksakligi, insoniy dardning ko‘lami tasvir ta’sirchanligini ta’minlagan.

Asar qahramonini ruhiy qutqudan tushirgan go‘rkovning muloyim so‘zlari tasviri kishini lol qoldiradi: “Uning og‘zidan yumalab tushayotgan so‘zlar, ko‘m-ko‘k maysalarga ko‘milgan qabr ichiga sochilib, xuddi marhumlarni ham allalab-erkalayotganday edi”. O‘zbek nasrida hozirgacha odam so‘zlashining bunday ifodasi berilmagan edi. Qahramonning lahzalik ruhiy holati chizgisi bo‘lgan manzara tasviri o‘zbek nasriy ifoda yo‘siniga yangilik olib kirdi. Romandagi: “Ularning mayin tortgan yuzlari, ko‘krakka qo‘yilgan qo‘llari “biz o‘zimizni yaxshi ko‘ramiz, boshqalar ham bizni yaxshi ko‘rishga mahkumdirlar”, deyayotganday bo‘lardi” tarzidagi ifodada ham adibning inson ruhiy holatini miqyosli bera olish salohiyati namoyon bo‘lgan.

Asarda yozuvchi faqat tasvirlash, aks ettirish bilan emas, balki mushohadalar, o‘ylar oqimini ifodalashi bilan ham yuksak badiiy natijalarga erishgan. Chunonchi, asardagi: “Bizning har birimiz tirik jonga miltiq o‘qtalganimizda o‘zga odamning barmoqlari tepkini bosardi” tarzidagi xulosalari juda nozik kuzatuv samarasidir. Bu tasvir inqiloblarni tayyorlovchilar, ijro etuvchilar va huzurini ko‘rguvchilar haqidagi mashhur qarashlarni esga soladi.

✍️Qozoqboy Yo‘ldosh, professor

Davomi bor

📚 @kitoblar_pdf

#Kitob_haqida

🔗Iztirob chaqinlari

Davomi. Boshi bu yerda

Romanda odamlardan “begona”lashgan, “taqdir mahbusi”ga aylangan, “tashlandiq avlod” maqomiga yetgan sobiq jangchining fojiali qismatini, adoqsiz va aksariyat holatlarda, tushunarsiz iztiroblari ishonarli aks ettirilgan. Bugun bilan yasholmaydigan, tinchlik vaziyatida risoladagiday kun kechirish, boshqalar bilan muomala-munosabatga kirishish yo‘lini bilmaydigan, ijtimoiy tartibotlardagi, o‘zaro munosabatlardagi, xizmat tizimlaridagi yolg‘on va adolatsizliklarga toqat qilolmaydigan Vohid timsoli retrospektiv yo‘sinda tasvirlangan. Negaki, unga o‘xshaganlarning buguni va ertasi yo‘q. Ular faqat kecha bilan yashashadi. Begona avlod tiriklikning emas, urushning qonunlariga, mantiqning emas, qirg‘og‘idan toshib chiqqan vahshiy hissiyotning talabiga rioya qilib yashashgagina qobil. Asarda bosh qahramonning ayni shu xususiyati bois suyumli ishidan, jonday farzandlaridan, oilasidan, jigarlaridan begonalashuvi jarayonining ruhiy kardiog­rammasi chizilgan. Butun roman davomida yaratishga emas, buzishga, o‘ldirishga o‘rganib qolganidan qiynalgan odam ruhiyati juda ishonarli tasvir etilgan.

Muallifning yutug‘i shundaki, asardagi bironta obrazni o‘quvchi idealidagi, tasavvurlardagi ko‘nikilgan qahramonlarga o‘xshatib tasvirlamaydi. Roman qahramonlari faqat o‘z individual tabiatlari xususiyatiga muvofiq harakat qilishadi. Bu xil tasvir prinsipi, ehtimol, kimlargadir yoqmasligi mumkin. Lekin yozuvchi o‘zining boshqalarga aslo o‘xshamaydigan qahramonlarini juda yaxshi biladi va ularning aynan shundayligiga kitobxonni ishontiradi. Bu jihat asardagi batalistik manzaralar tasvirida, ayniqsa, yaqqol ko‘rinadi. Ularda kechagina dovyurakligi bilan mashhur bo‘lgan jangchining bugun birdaniga qo‘rqoqqa aylanib qolgani, yaqindagina qo‘rqoq sanalguvchi askarning kutilmaganda qahramonga evrilishi ishonarli ko‘rsatilgan.

O‘zbek romanchiligida urush kishisi tabiatiga o‘zgacha yondashish, uni o‘zgacha rakurslarda ko‘rish va ko‘rsatish tamoyili yuzaga keldi. Buning qaldirg‘och namunalaridan bo‘lmish “Qon hidi” romani o‘zining badiiy haqiqati bilan milliy nasrimizning ulkan yutug‘i bo‘lib qoladi.

✍️Qozoqboy Yo‘ldosh, professor

📚 @kitoblar_pdf

#Nazmiy

📜 MEN NOLA QILAY SHOMU SAHAR…

Men nola qilay shomu sahar dod, eshigingda,
Jonimni beray, sho‘xi parizod, eshigingda.

Ul lolavu rayhonu suman, toqa qizil gul,
Ham sarv bukuldi, qadi shamshod eshigingda.

Xo‘boni jahon bo‘lsa taqi Yusufi Kan’on,
Sultonu amir bandayo, ozod eshigingda.

Zulfing seni bu jonima yuz domi balodur,
Jonim qushi sayd o‘ldi chu sayyod eshigingda.

Olam borisi lazzati husnungni topibdur,
Giryonu fig‘on, nolavu faryod eshigingda.

Savdoyi muhabbatga tushubman seni izlab,
O‘lturdi g‘aming, ko‘zlari jallod, eshigingda.

Ashkim to‘kubon hajru g‘amingda kecha-kunduz,
Vayrona vatan — manzul obod eshigingda.

Ul husnu jamoling o‘ti Mashrabg‘a tushubdur,
Parvonasifat quydi, parizod, eshigingda.

✍️ Boborahim MASHRAB

📚 @kitoblar_pdf

#Jadid_gazetasi
📰 Jadid gazetasi. 18(70)-son (2025-yil, 2-may)

😎Avvalgi son

😎Barcha sonlar

📚 @kitoblar_pdf

#Tavsiya

‌Markesni toabad unutilishdan saqlaguvchi asar!

...U o’zining bu qizga bo’lgan muhabbati tufayli o’lmasligini bilardi. Ishq bois o’lish uning qismatiga bitilmagan edi. U o’z hukmdorligi endigina boshlangan paytlarda kechki payt bir bashoratchi folbinga suvga qarab fol ochirgan edi. Sehrli suv odamning kaftida yozilmagan narsalarini ochib beradi. Qarta yoki qahva quyqasida fol ochganda ham, umuman, boshqa hech narsada bularni bilib bo’lmaydi. Faqat azal suvining oynasigina taqdirning sirli sinoatlarini o’qib berishi mumkin. Azal suvi oynasida o’shanda u o’z o’limini ko’rdi, qanday o’lishini ko’rdi, tabiiy o’lim bilan uyquda jon berishini bildi. Majlislar zalida qo’shni xonada o’zini yerda
yuztuban ko’rdi...

Nobel mukofoti lauerati Migel Anxel Asturias roman haqida "Lotin Amerikasi romani bu — asrlar qa'ridan kelayotgan alam-iztirob nidosidir" degan edi.

📘 Buzrukning kuzi
👤 Gabriel Garsia Markes

💽Kitobni yuklab olish

🔥 - o‘qidim
😎 - o‘qiyapman
👍 - o‘qish rejam bor

📚 @kitoblar_pdf

#Tavsiya

📖 Shayx Muhammad Sodiq Muhammad Yusuf. "Ijtimoiy odoblar"

Shayx Muhammad Sodiq Muhammad Yusuf rohimahullohning "Ijtimoiy odoblar" nomli asarlarida, hayotimizga tatbiq qilishimiz zarur bo'lgan, eng kerakli mavzular keltirilgan. Jumladan: kiyinish odoblari, ovqatlanish odoblari, uyali telefon odoblari, internet odoblari, ilm olish va ta'lim berish odoblari, shuningdek, yana ko'plab foydali ma'lumotlar kitobdan joy olgan.

Musulmon kishi hayotidagi har bir amaliga e'tibor qaratishi lozimligi barchamizga ayon. Masalan, oddiy suv ichish odoblariga nazar tashlasak, turgan joyida bee'tiborlarcha suv ichib ketaverishi, issiq choyni sovutish maqsadida unga puflashi, tuyaga o'xshab bir ko'tarishda barchasini yutib yuborishi, musulmon axloqiga to'g'ri kelar ish emas.

Yana eng kerakli masalalardan biri bu kiyinish va internetdan foydalanish odoblari.
Inson internet tomon qadam bosar ekan, ko'zlagan maqsadi ilm, manfaat olish bo'lishi kerak. Tayinli biror ishi bo'lmasa, hordiq qilyapman deb foydasiz va behayo narsalarni ko'rib o'tirishi, o'z vaqtini bekorga sovurib yuborishi noto'g'ridir.

Kiyinish odoblariga kelsak, har birimizga ma'lumki, musulmon kishining kiyinish borasida o'z talablari mavjud. Ya'ni o'zini hurmat qilgan inson yopiqroq kiyinishga urinadi. Dinimizning asosiy shartlaridan biri bo'lmish ozodalikka katta e'tibor qaratadi.

Kitobdan shu va shunga o'xshash eng kerakli mavzularni topishingiz mumkin. Zero musulmon amali ila go'zaldir. Amali bo'lishi uchun esa, avvalo, odoblarni o'rganishi lozim. Islom diniga doir odoblar esa, keng tushunchali odobdir. Uning har birini Alloh qodir qilganicha o'z hayotimizga tatbiq qilishimiz darkor.

🔥 - o‘qidim
😎 - o‘qiyapman
👍 - o‘qish rejam bor

📚 @kitoblar_pdf

​​#Kitobdan

Yangi til butkul qabul qilingan, eski til batamom unutilgan paytda ingsotsga yot tafakkurni ifodalab bo'lmay qoladi, zero, tafakkur tilga qaramdir.

"1984"
Jorj Oruell

📚 @kitoblar_pdf

#Savodxonlik

Soʻzning gumon shaklini hosil qiluvchi qoʻshimcha — bu -dir qoʻshimchasi. -dur shakli faqatgina ogʻzaki nutqda keng qoʻllaniladi.

Balki shundaydur? ❌
Balki shundaydir? ✅

✍️ xatoliklar

📚 @kitoblar_pdf

#Adabiyot

📍Bobur shaxsiyatining jozibasi

Tarix haqiqatini avlodlar ongiga singdirishning eng taʼsirchan usuli uni badiiy asarlar tiliga koʻchirmoqdir. Zero, chinakam badiiyat namunasi oʻtmish voqeligini oʻquvchining nainki ongiga olib kiradi, balki bir vaqtning oʻzida qalbining tub-tubiga joylaydi. Dunyoda bizning xalqimiz darajasida muazzam tarixga, jahon tamadduniga beqiyos hissa qoʻshgan buyuk mutafakkirlarga boy millatlar koʻp emas. Binobarin, shonli tariximizni, benazir ajdodlarimizning ibratga loyiq hayot yoʻlini badiiy asarlar orqali avlodlar maʼnaviy mulkiga aylantirish yozuvchi va shoirlarimiz oldida turgan dolzarb vazifalardandir. Taniqli adib Xayriddin Sultonning “Boburiynoma” asari ana shu maqsadga xizmat qilishi jihatidan muhim ahamiyatga ega.
Zahiriddin Bobur siymosiga bolalikdan mehr qoʻygan, “Tole yoʻqki…” ruboiysini maktabda oʻqib yurgan kezlaridayoq qalbiyu shuuriga joylagan, mashhur “Boburnoma”ni qayta-qayta mutolaa etishni odatga aylantirib, bundan koʻngli cheksiz lazzat tuygan adib mazkur asarigacha ham badiiy nasrda bu ulugʻ shaxs hayotini yoritish yuzasidan boy ijodiy tajriba toʻplagani maʼlum. “Oy botgan pallada”, “Panoh” hikoyalari, “Tavba”, “Boburning tushlari” badialari va nihoyat, “Saodat sohili” qissasi “Boburiynoma” maʼrifiy romani yaratilishida adabiy-estetik zamin vazifasini oʻtagan.
Roman kompozitsiyasi oʻziga xos. Asarda moziy va zamonamiz voqealari almashinib keladi. Roman voqealarining bu tarzdagi ichki qurilishi oʻquvchining eʼtiborini bir maromda ushlab turadi. Natijada kitobxon mutolaa jarayonida toliqmaydi, aksincha, qiziqishi tobora ortib boradi. Bu – asarning birinchi va muhim fazilati. Ikkinchisi – asar syujetida buyuk Sohibqiron Amir Temur, Umarshayx Mirzo, Boburshoh, uning aʼyonlari, farzandlari Humoyun, Komron, Askariy mirzolar, Gulbadanbegim, saltanatining davomchilari boʻlgan nevaralari, ulugʻ zamondoshi Hofiz Koʻykiy va boshqa tarixiy siymolar qatori zamondoshlarimiz – asrimizning mashhur adibu shoirlari Asqad Muxtor, Pirimqul Qodirov, Erkin Vohidov, Abdulla Oripov, talabchan, mohir muharrirlar Vahob Roʻzimatov, Mahmud Saʼdiy, Boburning Hindistondagi hozirgi avlodlaridan Ziyouddin Tusiy, xalqaro Bobur ekspeditsiyasi rahbari Zokirjon Mashrabov, ekspeditsiya aʼzolari hamda safar davomida muloqot qilishga toʻgʻri kelgan turli mamlakat va millat vakillari obrazlari ishtirok etadi. Eng faol obrazlardan biri – muallif obrazi. Muhimi, har bir obraz, har bir badiiy detal yagona maqsadga – Boburning shaxs, shoir, shoh va mutafakkir sifatidagi siymosini inkishof etishga xizmat qiladi. Bu uslub asar voqealarini, garchi turli zamon va makonlarda kechgan boʻlsa-da, yaxlit bir tizimga birlashtirib turadi.
Asarda “Boburnomaga” mos ifoda uslubi tanlangan. Voqealar sanalarining aniq qoʻyilishi, adib kundaliklaridagi qaydlar bilan “Boburnoma” uslubida oʻzaro mutanosiblik kuzatilishi, bugungi zamon kishilari obraziga berilgan tavsifning ular xarakterini yaqqol ochishi, tabiat va jamiyat hodisalari oʻrtasidagi tasvirning muvofiqligi, ifodaning sanʼatkorona ekani buning isbotidir. Jumladan, asarda Boburshohga oid “Oy botgan pallada” hikoyasining chop etilishi voqeasi bilan bogʻliq holda mashhur adib Asqad Muxtorga mana bunday taʼrif beriladi: “… Yoshlik chogʻidan yetimlik bilan oʻsgan, shu bois inson qadrini hamma narsadan yuksak tutar edi. Xoksor va magʻrur edi, bir-biriga zid bu ikki xislat uning tabiatida ajib bir tarzda uygʻunlik topgan edi. Asli fargʻonalik edi. Bu goʻzal insonning sharofati tufayli “Guliston” jurnali mustabid bir tuzumdagi erkin fikr orolchasiga oʻxshar edi. Bunda musahhihdan tortib bosh muharrirgacha fikr va insoniy munosabat bobida teng, demokratiya degan narsa ayni shu maskanda mujassam edi”.
Shuni taʼkidlash kerakki, “Boburnoma”ga xos bunday uslub asarning anʼana doirasida qolganini anglatmaydi. Muallifning ijod konsepsiyasiga, shuningdek, moziy hamda zamon voqeligiga yondashuv mezonlariga koʻra uni ijodiy anʼananing yangilanishi sifatida baholash mumkin.

✍️ Shuhrat Sirojiddinov,
Nurboy Jabborov

👉 Kitobni o‘qish

📚 @kitoblar_pdf

#Nazmiy

📜 HAR KISHINI DARDI BO‘LSA

Har kishini dardi bo‘lsa, yig‘lasun yor oldida,
Qolmasun armon yurakda, etsun izhor oldida.

Andalibi benavodek nola-yu afg‘on bila
Doimo yig‘lab turarman ayni gulzor oldida.

Mansuri Xallojdek ichib sharobi antahur,
Charx urub, yig‘lab turarmen ushbu dam dor oldida.

Har kishi bir juraye no‘sh aylasa bu bodadin,
Ul qiyomatda qilur arzini Jabbor oldida.

Telba Mashrab, qilmag‘il sirringni zohidga ayon,
Aytib-aytib yig‘lagaysan oshiqi zor oldida.

✍️ Boborahim MASHRAB

📚 @kitoblar_pdf

#Tavsiya
​
Dorian Grey kim o‘zi?

🔗 O‘tgan asrda kitobxonlar uni adolatli jazoga tortilgan, vasvasaga berilgan gunohkor deb e’tirof etdilar.
Bugungi kun o‘quvchisi esa Dorian Greyni butun borlig‘ini, qalbini, ruhini abadiy yoshlik uchun qurbon qilgan takabbur, ayni paytda nochor va zaif qahramon sifatida tanidilar.
Kiborlar oilasida dunyoga kelgan, onameros husni tavajjuh egasi bo‘lgan Dorian baxtli-saodatli yashashi uchun yetarlicha imkoniyatga ega bo‘lgani holda taqdirning beshafqat hukmi bilan yuzma-yuz keldi.

«Go‘zal narsaning ortida hamisha biron bir fojia yashirinib yotadi. Eng kamsuqum, eng arzimas bir gulning gullashi uchun ham dunyolar to‘lg‘oq azobini boshdan kechirmoqlari zarur», deydi asar qahramonlaridan biri.

🔗Darhaqiqat, Dorian Greyning go‘zal siymosi ortida ham ul­­kan fojia yashirinadi: qalb o‘ladi, ruh mangu yo‘qoladi. Iflos ishratxonalar, davomiy maishatlar, o‘g‘rilik, jamiyatdagi qalang‘i-qasang‘ilarning qabihligi endi uning xayolida go‘zallikka, bunday razolatlar esa doimiy ehtiyojga aylanadi.

🔗Oskar Uayld adabiyotga ana shunday murakkab tabiatli qahramon timsolini olib kirdi va u orqali inson xohish-istaklarining chegarasini, hayotiy muvozanatning buzilishi qanday oqibatlarga olib kelishini yuksak badiiy mahorat bilan ko‘rsatib berdi.

Kitob haqida:
Muallif: Oskar Uayld
Tarjimon: Ozod Sharafiddinov

💽Kitobni yuklab olish

🔥 - o‘qidim
😎 - o‘qiyapman
👍 - o‘qish rejam bor

📚 @kitoblar_pdf

#Kitob_haqida

📍"Boburiynoma" asari haqida

Asar ibtidosidanoq oʻquvchining qiziqishi ortadi, u roman syujetining ichiga kirganini sezmay ham qoladi.
Taqdir Bobur zimmasiga yuklagan masʼuliyatni adib quyidagicha obrazli tasvirlaydi: “Uning podshohlik qismati goʻyoki temuriylar saltanatining oyi botib, Movarounnahr osmonida yangi, porloq yulduz paydo boʻlganini eslatardi. Chunki u tarix osmonida oy botgan pallada namoyon boʻlgan edi”. Bobur va uning avlodlari hozirgi Hindiston, Pokiston, Afgʻoniston va Bangladesh mamlakatlarining aksar hududlarini oʻz ichiga olgan ulkan saltanatga asos solib, temuriylar hukmronligi tarixini uch yarim asrdan koʻproq muddatga uzaytirdi.
Bobur va boburiylarning Hindistondagi bunyodkorlik faoliyati “Boburiynoma”da zoʻr muhabbat bilan tasvirlangan. Bu jihatdan “Boburiynoma” va “Boburnoma”da kuchli mutanosiblik kuzatiladi.
Asarda ruhiy tahlil va mantiqiy tafakkur uygʻunligi badiiyatning yuqori boʻlishini taʼminlagan. Adib “Boburnoma” sahifalarida haqiqat Bobur hayotining bosh mezoni, asl mohiyati sifatida koʻrinishi, u oʻzgalarning faoliyati, xatti-harakatlarini qandoq talablar asosida baholasa, bu talablarni, eng avvalo, oʻziga qoʻyib koʻrishi, yaʼni pichoqni oldin “oʻziga urishi”ni alohida taʼkidlaydi. Boburshohning tavbasi tasviri bu fikrni tasdiqlaydi. Har qanday holatda, oʻz aybu nuqsonlari xususida ham faqat va faqat rost soʻzni yozgan, haqiqatning koʻziga tik qaray olgan Bobur ruhiyati “Boburiynoma”da mukammal tasvirlangan.

“Boburiynoma” – koʻp yillik ijodiy izlanish, katta mehnat va zahmat natijasi oʻlaroq yaratilgan badiiy-maʼrifiy asar. Boburshohni yoʻqlab besh asr muqaddam Hindistonga borgan Hofiz Koʻykiy haqida ensiklopediyadan maʼlumot olgan adib bu ikki buyuk siymo uchrashuvi, muloqotlarini badiiy asarga aylantirish uchun tinimsiz izlanadi. Manbalardan qimmatli tarixiy maʼlumotlarni yigʻadi, oʻz ijodxonasida qayta ishlab, tarix voqeligini badiiy haqiqat darajasiga koʻtaradi.
Ayonki, “Boburiynoma” – buyuk shoh, benazir shaxs va qismati murakkab mutafakkir obrazi toʻlaqonli tasvirlangan asar. Toʻgʻri, bungacha ham Zahiriddin Bobur va uning avlodlari hayotiga doir “Yulduzli tunlar”, “Avlodlar dovoni” singari romanlar yaratilgan va ular tarixiy voqelikni badiiy haqiqatga aylantira olgan yuksak saviyali asarlar sifatida eʼtirof qozongan edi. Biroq zamonning, taraqqiyotning shiddati bilan hamqadam yurish oson boʻlmayotgan bugungi kunda Boburday buyuk shaxs siymosi tasvirlangan yangidan yangi nasriy, sheʼriy asarlarga ehtiyoj har qachongidan kuchayib borayotgani ham rost.
 
✍️ Shuhrat Sirojiddinov,
Nurboy Jabborov

👉 Kitobni o‘qish

📚 @kitoblar_pdf

#iqtibos

‌U insonni hasad, g'araz va nafratdan ozod qiladi

"...Har kuni ajalning qo’lidan tutib, tentirab yuraman. Ajalning kafti mening kaftlarimdan haroratliroq tuyiladi. Har oqshom, menga qariyb qirq yildan buyon hamrohlik qilib kelayotgan sodiq xizmatchimga xayrli tun tilarkanman, undan mening ertalab uyqudan uyg’onmasligimni so’rab, Tangriga tilovat qilishini o’tinaman. Endi mening bu dunyodan haqim qolmadi va unga ortiqcha yuk bo’lishni istamayman. Mening hayotim to’kis, qiziqarli kechdi, uning nihoyasini ham xotirjamlik bilan qarshi olaman. O’lim meni qo’rqita olmaydi…"

📘 AJAL TA'QIBI
👤 Somerset Moem

📚 @kitoblar_pdf

#iqtibos

Sulton Abdulhamidning xorijiy siyosatdagi tutumi shu edi: Rossiyani idora qilmoq, Angliya bilan ortiqcha muammo qilmaslik, Germaniya bilan murosada bo'lish, Avstriyaning ko'zi Makedoniyada bo'lishini unutmaslik, boshqa davlatlar bilan iloji boricha yaxshi aloqa saqlash, Bolqondagi bolgar, serb va yunonlar orasida nizo va ixtilof yaratish. Sulton Abdulhamid ruslarning boshimizga solgan falokatlarini yoddan chiqarmaydi.

✍️ "Sulton Abdulhamidning sirdoshi"
Tahsin Poshsho

📚 @kitoblar_pdf

#Savodxonlik

Tarkibida X harfi bo‘lgan nutqimizda keng qo‘llaniladigan so‘zlar. A harfi

Arxiv
Arxitektor
Axborot
Axloq
Axtarmoq
Axlat
Axir
Axiri

©️xatoliklar

📚 @kitoblar_pdf

#Jadid_gazetasi
📰 Jadid gazetasi. 19(71)-son (2025-yil, 9-may)

😎Avvalgi son

😎Barcha sonlar

📚 @kitoblar_pdf

#Jadid_gazetasi
📰 Jadid gazetasi. 20(72)-son (2025-yil, 16-may)

😎Avvalgi son

😎Barcha sonlar

📚 @kitoblar_pdf

#Taqriz

📖 «Muqaddas» – sevgi yo‘lidan ayriliq manziliga borgan yigit haqida qissa

Haqiqiy muhabbat bebaho tuyg‘u. U qalbni yangilaydi, dilni poklaydi, yurakni jo‘shtirib, jismni g‘ayratlantiradi. Sevib qolgan inson o‘zini har narsaga qodir va tayyordek his qiladi. Borayotgan yo‘li to‘g‘rimi yo egri farqlolmay, faqat sevgisi tomon intila boshlaydi. Ko‘plab xatolarga ham sevgi sabab yo‘l qo‘yiladi.

Odil Yoqubovning «Muqaddas» qissasi bosh qahramoni Sharifjon ham sevgiga olib boradigan yo‘ldan yuryapman deb o‘ylardi...

📌Syujet:

Sharifjon zavodda ishlaydi. Ishxonasidan ta’til olgan vaqti imtihon kunlariga to‘g‘ri kelgani uchun o‘qishga topshirib ko‘rmoqchi bo‘ladi. Imtihonga borib kelib yurarkan, Muqaddas ismli qizni sevib qoladi. Ular bir-biriga yordam berib yuradi va Muqaddas ham Sharifjonni yoqtirishini bildiradi. 4 ta fandan imtihon topshirishadi. Muqaddas 18 ball, Sharifjon esa 16 ball to‘playdi. Afsuski, eng kamida 17 ball to‘plagan abituriyent o‘qishga qabul qilinardi.

Yigitning ruhi tushib ketadi. O‘qishga kirolmaganidan ham ko‘ra Muqaddas bilan o‘qiyolmay qolishidan ko‘proq siqilayotgandi. Aslida, o‘qimagan taqdirda ham tayyor ishi, ajoyib hamkasblari bor edi. Ammo unga Muqaddasdan ayrilish juda og‘ir botdi. Lekin Muqaddas yigitning ko‘nglini ko‘tarib, keyingi yil imtihongacha sadoqat bilan kutishga va’da berib, uylariga – Bekobodga ketdi.

Sharifjon ishxonasiga tomon yo‘l oldi. Hamkasblarini sog‘inganini his qildi. O‘qishga ishxonadagilarga bildirmay topshirganidan vijdoni qiynalib yurgandi. Ayniqsa, Sulaymon akaga buni qanday aytishni bilmayotgandi. Sharifjonning otasi injiner edi. Mashinasozlik zavodida Sulaymon aka bilan ishlagandi. Urushga ham ikkisi birga ketadi. Sharifjonning otasi qaytmaydi. Onasi Rahima esa hozirgi o‘gay otasiga turmushga chiqadi. Otasi boshqa ekanini yaqinda bilgan yigit padarining kasbini davom ettirishga ahd qilib, Sulaymon akaning yonida ishlay boshlaydi.

Ishxonaga borib, hamkasblarini ko‘rib uyga qaytsa, ota-onasi uni kutib o‘tirganini ko‘radi. Sharifjon inshodan uch olgandi. O‘gay otasi institutda o‘qituvchiligi uchun amallab domlalar bilan gaplashib, inshosini qayta yozdirish uchun uyga olib kelgandi. Bunday noqonuniy ishga avvaliga yigit ko‘nmaydi. Ammo onasi «Otangning orzusi seni o‘qitish, injiner qilish edi», deb turib olgani uchun va ayniqsa, Muqaddas bilan besh yil birga, bir kursda o‘qishni o‘ylagani uchun inshoni qayta yozishga kirishadi...

Bir necha kun o‘tgach institutga boradi. Buyruq chiqibdi. Ammo ro‘yxatni qarab Muqaddasning ism-familiyasini topolmadi. Hayron bo‘lib, dekanatga yo‘l oladi. Yo‘lda Muqaddasni uchratadi. U ham dekanatga chiqib ketayotgandi. Uyoq bo‘lib-bu yoq bo‘lib bilishsaki, Muqaddasning o‘rniga Sharifjon o‘qishga qabul qilingan bo‘ladi...

Haqiqatni bilgach yigit esankirab qoladi va qilib qo‘ygan ishining oqibati qanchalar dahshatli ekanini anglaydi. Muqaddasga tushuntirmoqchi, bunday bo‘ladi deb o‘ylamaganini aytmoqchi bo‘ladi. Ammo «Mening o‘rnimda boshqasi bo‘lgandayam bu qanchalik adolatsizlik bo‘lishini his qilmayapsizmi?» degan javobni oladi.

Muqaddas ketadi. O‘qishdan ham, shahardan ham, Sharifjondan ham...

📌Tahlil:

Ko‘p hollarda bilib-bilmay xudbinlik qilib qo‘yamiz. Ammo bu xudbinligimizning badali qancha bo‘lishini, kimlarning hayotiga qanchalik daxl qilishini bilmay qolamiz. Sharifjonda ham ayni shu holat yuz berdi. Muqaddas haq edi. Muqaddas emas, boshqa abituriyentning o‘rniga qabul qilingan taqdirda ham bir insonga jabr bo‘lmasmidi? Necha yillik mehnatlari, yana bir yil umri nohaq kuymasmidi? O‘qishga kirdim deb xursand bo‘lib ketib, ikki-uch kundan so‘ng kirolmaganini bilgach tushkunlikka tushmasmidi? Aynan shunday oqibatlarni o‘ylash kerak emasmi?!

Sharifjon-ku mayli, yosh ekan. G‘o‘rlik qilibdi, sevgidan boshi aylanibdi. Ammo uning onasi-chi? Marhum otasi o‘g‘lini o‘qitishni orzu qilgandir, lekin bu ish noqonuniy tarzda amalga oshishini istamagandir. Umuman olganda, kattalar doim o‘z armonlarini bolalari orqali ushaltirishga urinadi. Aslida bu katta xato. Bolaning o‘z fikri, dunyoqarashi, mustaqil tanlovlari bo‘lishi kerak. Rahima ham aynan shu yo‘ldan bordi. Erini ham, o‘g‘lini ham qing‘ir ishga majburladi. Bu yil kirolmagan bo‘lsa, keyingi yil kirishi mumkin edi-ku. O‘g‘li ham allaqachon shunga ahd qilib bo‘lgandi...

Yaqin yillargacha o‘qishga kirish imtihonlarida soxtalik, qing‘irlik holatlari judayam ko‘p kuzatilardi. Alifni ham bilmaydigan bolaga tayyor ishlangan testlarni olib kirish, telefon ishlatishiga ruxsat berish, yordamchi ma’lumotlardan foydalanishiga yo‘l qo‘yish kabi noqonuniy choralar har qadamda uchrardi. Bularni ko‘rib turgan haqiqiy abituriyentlar tushkunlikka tushib qolganlari ham bor gap. Aynan qing‘ir yo‘l bilan o‘qishga kirgan bolalarning ballari eng yuqori ko‘rsatkichlarda qayd etilardi. Haqiqiy mehnat qilgan, o‘z kuchi bilan imtihon topshirgan bola esa shartnoma asosida qabul qilinib, yillab nohaq mablag‘ to‘lardi.

Bu ham mayli, eng yuqori natija bilan kirgan zo‘rning bolasi alifniyam bilmay bitiradi va ertaga ishlash joyini rasvo qilishdan boshqasiga yaramaydigan kadr bo‘lib yetishadi. Oqibatda esa jamiyatda tartibsizlik, parokandalik, har bitta sohada tanazzul yuzaga keladi. Ayting-chi bunday jamiyatning kelajagi bo‘ladimi keyin?

Yozuvchi Sharifjon va Muqaddas timsolida shunday qing‘irliklar va ularning keyingi oqibatlarini ko‘rsatib bermoqchi bo‘lgan. Oqibat nima bo‘ldi? Sharifjon ham sevgisidan, ham obro‘sidan, eng yomoni, vijdonidan ayrildi. Beburd bo‘ldi. O‘ylanmay bosilgan birgina qadam butun orzularini barbod qilib, qalbida o‘chmas dog‘ qoldirdi. Agar yiqitilgan talaba Muqaddas bo‘lmagan taqdirda, hech narsa ochiqlanmagan taqdirda, Sharifjon o‘qishni tamomlagan taqdirdayam uning olgan diplomi, diplomi orqali topgan noni ham halol bo‘lmas edi.

Haq egasini taniydi. Halol tangani okean ostiga tushirib yuborsa-da, egasini topib keladi. Shunday ekan, har bir inson birovning haqqini o‘zlashtirishdan, o‘rniga ko‘z tikishdan, baxtsizligi evaziga baxt topishdan ehtiyot bo‘lishi lozim. Zero, barchasining javobi bor...

💽Kitobni yuklab olish

🔥 - o‘qidim
😎 - o‘qiyapman
👍 - o‘qish rejam bor

📚 @kitoblar_pdf

#iqtibos
​​#asardan_parcha

...Yigirma yoshimizda tomirimizda gupurib turgan qon soviydi, tomirimizda gurs-gurs urib turgan quvonch sadolari susayadi, tanimizdan kuch ketadi, tuyg‘ularimiz so‘nadi. Biz xunukdan-xunuk qo‘g‘irchoqlarga aylanamiz. Faqat bizni tark etmay, bizni bezovta qilib, biz bilan birga yashaydigan narsa xotiralarimiz bo‘ladi: o‘zini his qilish bilan yuragimiz orqaga ketadigan ehtiroslar haqidagi, yoshligimizda yon berib, tatib ko‘rishdan cho‘chigan vasvasalar to‘g‘risidagi xotiralar...

🔸🔺🔸

...Jismonan yoxud ruhan komil odamlarning taqdirida allaqanday bir shum qismat bo‘ladi – butun tarix davomida ana shunday shum qismat qirollarning noto‘g‘ri qadamlariga rahnamolik qilib kelganday. Boshqalardan hech narsa bilan ajrab turmaslik bexatarroq. Bu dunyoda hamisha tentaklar bilan badbasharalargina yutib chiqadi. Ular bemalol o‘tirib, boshqalarning kurashini tomosha qilaverish­lari mumkin. Ular g‘alabalar nashidasini surish imkonidan mahrum, lekin buning evaziga mag‘lubiyat alamini ham totmaydilar. Qani endi, biz ham hamisha ularga o‘xshab yashasak – tashvish nimaligini bilmasak, osuda, xotirjam hayot kechirsak, hamma narsaga loqayd bo‘lsak. Ular hech kimni halokat chohiga yetaklamaydilar va o‘zlari ham dushman qo‘lida halok bo‘lishmaydi...

🔸🔺🔸

...Boshqa odamga ta’sir qilmoq – unga o‘z qalbingni bermoqdir. U birovlarning fikri bilan o‘ylab, o‘zgalarning ehtiroslari bilan yona boshlaydi. Uning fazilatlari ham o‘ziniki bo‘lmaydi. Agar, umuman, gunoh degan narsa olamda mavjud deb faraz qilsak, gunohlari ham o‘zgalardan o‘zlashtirilgan bo‘ladi. U begona bir ohangning sadosiga aylanib qoladi. U o‘zi uchun yozilmagan rolni ijro etayotgan aktyorga o‘xshab qoladi. Yashashdan maqsad – o‘zligini namoyon etishdir. Biz o‘z mohiyatimizni to‘la-to‘kis namoyon etish maqsadi bilan yashaymiz. Bizning asrimizda esa odamlar o‘zlaridan o‘zlari qo‘rqadigan bo‘lib qolishgan. Ular eng oliy burch – o‘z oldingdagi burch ekanini unutib yuborishgan...

Muallif: Oskar Uayld
Tarjimonlar: Ozod Sharafiddinov

💽Kitobni yuklab olish

📚 @kitoblar_pdf