#Jadid_gazetasi
📰 Jadid gazetasi. 3-son (2026-yil, 16-yanvar)

😎Avvalgi son

😎Barcha sonlar

📚 @kitoblar_pdf

Muvaffaqiyatga oid kitoblar

📙 1. Jo Vitale eng sara asarlari

📕 2. Jim Ron eng sara asarlari

📗 3. Bodo Shefer eng sara asarlari

📘 4. Jon Kexo eng sara asarlari

📔 5. Robert Kiyosaki maktabi

📙 6. Vavilonlik eng boy odam

📕 7. Baxt va boylikka erishishning yetti yo'li

📗 8. Pul, muvaffaqiyat va Siz

📘 9. Vaqt - bu pul

📔 10. Biznes - bu men uchun

📙 11. Yaxshidan buyuklik sari

📕 12. Oldiniga hamma qoidalarni buzing

📗 13. Pul topishning ulkan sirlari

📘 14. Qanday qilib aqlli, sog'lom va boy bo'lish mumkin?

📔 15. Kambag'allikni tark etishni istaysizmi?

📚 @kitoblar_pdf

​#sheʼr_soʻz

UCHAYOTGAN ODAM

Tobora tushlarim qiziq tus olar,
tobora qichqirar qush tushlariday.
Koʻpincha uchaman,
uzoq uchaman
shundoq teraklarning uch-uchlarida.
Sezaman,
tigʻdayin shoxlar jismimni
oʻzimning qonimga boʻyar, alhazar.
Yuragim qamalgan qushday potirlar,
quvar qon hidini olgan kalxatlar.
Shundoq bir shum holat iskanjasida
yerning tortish kuchin yengmoqchi boʻlib,
silkiyman qontalash qanotlarimni,
ming bor tirilaman,
ming bora oʻlib.
Yuksakda bir olam — moviy ranglarda,
ozod ruhlar uchun boshpana bergan.
Uchib ketolmasdim,
goʻyo jismimni
koʻrinmas rishtalar bogʻlagan yerga.
Shundoq bir shum holat iskanjasida
yurak oʻynogʻidan sovuq ter bosib,
uygʻonar ekanman,
oylab oʻylayman
gʻaroyib tushlarning taʼbir, maʼnosin.
Nega men uchaman,
qayga uchaman,
nega takrorlanar gʻaroyib tushlar?
Demak, qachonlardir qanotim boʻlgan,
demak ajdodlarim toʻralgan qushdan.
Haftalab oʻylayman,
oylab oʻylayman,
ne uchun qushlarga tortar qonlarim?
Qachondir bahaybat qush edim, desam,
nega siz kulasiz, ogʻajonlarim!
Qush edim,
oʻt bilan oʻynashgan bir qush,
balki oʻt kuydirgan qanotlarimni.
Shu xolos, yillarcha urindim bekor
oʻqiyman deb, kuygan yodim xatini.
Men qushman,
qachondir yerga qulagan,
keyincha zaminga moslashgan jismim.
Gʻaroyib tushlarim esa, shubhasiz,
yodimning kuymasdan qolgan bir qismi…
Goh esa oʻngimda
kuymasdan qolgan
xotiram parchasi sabab boʻlarmi,
gavjum shaharlarning koʻchalarida
qanotday yozilib ketar qoʻllarim.
Qayga uchish kerak,
bilmayman, ammo
bilarsiz bemalol uxlayotganlar —
silkinib-silkinib kulayotganlar?!
Bilsangiz,
shu tobda jismu jonimni
zaharga aylanib, yoqar qonlarim.
Qushday boʻzlab uchdim boshlaringizda,
qushligin unutgan, ogʻajonlarim!
Zora eslasangiz,
zora tilagim,
balki nasib boʻlar sizlar-la uchmak.
Hozircha kechirdim, saqlamadim kek,
chunki men odammas,
chunki men qushman.

✍️ Shavkat Rahmon

📚 @kitoblar_pdf

#Savodxonlik

Telefon raqamlari imlosi

Telefon raqamlarini yozish borasida hech qayerda aniq koʻrsatmalar berilmagan (yoki biz bilmaymiz), shu bois ularning imlosida koʻproq mantiqqa tayanishga toʻgʻri keladi.

1. Odatda avval telefon soʻzi yozilib, ikki nuqta qoʻyiladi, keyin esa bir joy tashlab raqam kiritiladi.

2. Telefon soʻzini qisqartirib yozish mumkin, bunda unga nuqta va ketidan ikki nuqta qoʻyiladi, ikki nuqtani qoʻymasa xatolik hisoblanmaydi: tel.: yoki tel.

3. Xalqaro qoʻngʻiroqlar boʻlishi mumkin boʻlgan tashkilot raqami boʻlsa, raqamni davlat kodi bilan yozish kerak: +998...

4. Orqadan ikki raqam sanab, ikki marta chiziqcha (defis) qoʻyiladi: 98 765-43-21

5. Odatda operator kodi qavsga olinadi, lekin bu mantiqan toʻgʻri emas. Oʻzi qavs ichiga toʻldiruvchi va qoʻshimcha maʼlumotlar kiritiladi. Oʻzbekistonda 2019-yildan beri operator kodini termasdan qoʻngʻiroqlar amalga oshirib boʻlmaydi. Avval bu qoʻshimcha maʼlumot edi, hozirda asosiy maʼlumotga aylangan. Shuning uchun operator kodini qavsga olmagan maʼqul:
(98) 765-43-21 ❌
98 765-43-21 ✅
+998 98 765-43-21 ✅

©️xatoliklar

📚 @kitoblar_pdf

#Jadid_gazetasi
📰 Jadid gazetasi. 4-son (2026-yil, 23-yanvar)

😎Avvalgi son

😎Barcha sonlar

📚 @kitoblar_pdf

#Tavsiya

Sevgi naqadar buyuk tuyg'u...
Rashod Nuri Guntekin bu tuyg'uning buyukligini isbotlab beruvchi o'tkir qalam sohibi, turk adabiyoti namoyondalaridan biridir. (“Choliqushi” asari bilan tanish o’quvchilar bizni darrov anglashdi)

Muallifning zamon sinovlariga dosh bergan, elga manzur eng sara asarlarini tavsiya qilamiz! O’qing, maza qiling!

📕 1. Choliqushi

📘 2. Oqshom quyoshi

📙 3. Otash kechasi

📔 4. Xotin dushmani. To'kilgan yaproqlar

📗 5. Rashod Nuri Guntekin eng sara asarlari

📚 @kitoblar_pdf

##Savodxonlik

Boqimanda

Aslida, boqimanda soʻzi yoʻq, barcha lugʻatlarda boqimonda shaklida keltirilgan. Faqatgina 1995-yilda nashrdan chiqqan va hozirda muomalada boʻlmagan imlo lugʻatida boqimanda soʻzi bor.

Xoʻsh, “boqimonda” soʻzining maʼnosi nima?
Bu soʻzning boqmoq soʻziga hech qanday aloqasi yoʻq, arabcha boqi(y) va tojikcha monda soʻzlaridan hosil qilingan.

Oʻzbek tilining izohli lugʻatida yozilishicha, boqimonda — bu:
1) qoldiq qarz, undirilmagan, toʻlanmay qolgan soliq va shu kabilar (har gal eski yilning boqimondasi yangi yilga oʻtaverib, jonga tegdi. “Mushtum”);
2) eski, avvaldan yigʻilib qolgan (idora hovlisidan oʻn ikki tonna boqimonda axlatlar chiqarib tashlandi. N. Aminov, “Qahqaha”).

Unda birovning boqimida boʻlgan, dardisar odamni nima deb atash mumkin?
Bunday odam boqimonda emas, boqindi deyiladi.

Toʻlanmagan qoldiq, qarz:
Boqimanda ❌
Boqimonda ✅

Birovning boqimidagi odam:
Boqimanda ❌
Boqindi ✅

©️xatoliklar

📚 @kitoblar_pdf

#Savodxonlik
#Imlosi_qiyin_soʻzlar

Xayol
Halqa
Shilliqqurt
Ishtaha
Xonaki
Nuqtayi nazar
Qatʼi nazar
Masshtab
Jahldor
Mahsi

📚 @kitoblar_pdf

#Nazmiy

📜 SHUKR DEYSAN SEN QACHON?

Ta’magirni tortqilab,
Nafsi qo‘ymas deydilar.
Nokas o‘zi to‘ysa ham,
Ko‘zi to‘ymas deydilar.

Boq bir yorug‘ olamga —
Kimlar zo‘rg‘a kun ko‘rar.
Odamlar bor, bog‘dagi
Bulbuldan ham pul so‘rar.

Yolg‘on dunyo — bu dunyo,
Arzon dunyo —bu dunyo.
Ne-ne hokim, beklardan
Qolgan dunyo — bu dunyo.

Kiprikdan ham qisqadir
Molu dunyo yo‘llari.
Ibrat bo‘lsin, Iskandar
Ochiq ketgan qo‘llari!..

Uzat deysan, ber deysan,
Hech qo‘ymading, odamzod.
Tuya to‘ydi, fil to‘ydi,
Sen to‘ymading, odamzod.

Shukr qilar hattoki
Qumursqa-parrandalar.
Shukr deysan sen qachon,
Xom sut emgan bandalar?..

Bu uch kunlik dunyoda
Savlatingta kerilma.
Qasr qurma, bog‘ qoldir,
Davlatingga kerilma.

O‘z elingni qaqshatsang,
Xor bo‘lasan o‘zing ham.
Bir kun shu el mehriga
Zor bo‘lasan o‘zing ham!..

✍️Muhammad YUSUF

📚 @kitoblar_pdf

Puankare haqida

Puankare teoremasi atrofida ko‘p qiziq voqealar sodir bo‘lgan. Ushbu teoremaning isbotini topganga 1 mln dollar va’da qilingan. Perelman degan daho uning isbotini topgan. Lekin 1 mln dollardan voz kechgan va... ham ilmi, ham xarakteri bilan tarixda qolgan. Bular ko‘pchilikka ma’lum gaplar.

Abduqayum Yo‘ldoshning "Puankare"sida yana bir qiziq tarix bayoni bor – balki hayotda bo‘lgandi, balki bo‘lmagan. Muhimi, asarni o‘qiy turib tug‘iladigan fikrlar. Masalan:
Olim nima uchun olim? Faqat ilmi bilan odam olim bo‘la oladimi?
Haqiqiy olim ilmini sharoit, vaziyat va muhitga yedirmay, asl va katta maqsad sari yo‘naltira olgan odamdir.

“Puankere” qahramoni nima uchun teorema isbotni topa olmadi? Balki isbotni topgach 1 mln dollardan voz kecha oladigan xarakteri bo‘lmagani uchundir...

Balki olimni, ilmni avaylaydigan muhit bo‘lmagani uchundir...

Balki yonida uni tushunadigan insoni bo‘lmagani uchundir...

Balki yonida uni tushunmaydigan inson bo‘lgani uchundir...

Bu savollarga kitobni o‘qib har kim o‘zicha javob topadi.

📚 @kitoblar_pdf

​​#ramazon_kundaligi

"Gunohlarimiz va oqibatimiz haqida tafakkur qilishga naqadar muhtojmiz. Ramazon tafakkur va tavba qilish zamonidir. Ramazon jannatga kirish eng mumkin bo'lgan davrdir. Robbimiz bilan bizning oramizni gunohlarimiz uzoqlashtiryapti. Ilk fursatda" Riyozul solihiyn"dan yoki boshqa kitobdan tavba haqidagi hadislarni o'qib, Robbimizga qaytishga qaror qilaylik".

"Ramazon risolasi", Nuriddin Yildiz

📚 @kitoblar_pdf

#Savodxonlik

Akademik

Akademik soʻzi qaysi boʻgʻinga urgʻu qoʻyilishiga qarab ikki xil maʼnoni anglatishi mumkin.

Akade‌mik (ot) — urgʻu e (e) tovushiga qoʻyilsa, bu soʻz fanlar akademiyasininig aʼzosi, yuksak ilmiy unvonga ega insonni bildiradi: akade‌mik Naim Karimov 1932-yilda tugʻilgan, yigʻilishda akade‌miklar, olimlar, professor oʻqituvchilar ishtirok etdi.

Akademi‌k (sifat) — urgʻu i tovushiga qoʻyilsa, bu akademiyaga oid, oliy oʻquv yurtidagi taʼlimga oid yoki nazariy degan maʼnolarni anglatadi: akademi‌k litsey, akademi‌k bilimlar, akademi‌k yil, akademi‌k tadqiqotlar, akademi‌k teatr.

Demak:
Akade‌mik litsey ❌
Akademi‌k litsey ✅

©️xatoliklar

📚 @kitoblar_pdf

#Savodxonlik

​​Nur ustiga nur

Bu iborani ko‘pchilik to‘g‘ri qo‘llaydi. Lekin yanglish ishlatadiganlar ham talaygina. Balki, sizning ham qulog‘ingizga chalingandir: “Nur ustiga a’lo nur”.

U asli arabcha “nur ala nur” iborasining tarjimasidir. O‘zbekchasi – nur ustiga nur, yanada yaxshi, ko‘ngildagidan ham a’lo kabi ma’nolarni anglatadi.

Izohli lug‘atga ko‘ra, nur alo nur shaklida ham qo‘llash mumkin:

Ixtiyor o‘zingizda, qutlayman desangiz aytib ko‘ring, xo‘p desa – nur alo nur.
M. Ismoiliy, “Farg‘ona tong otguncha”.

❗️ Lekin bu tarzda qo‘llash eskirgan, bugungi tilda uchramaydi. Mabodo shu shaklni ishlatish kerak bo‘lib qolsa, a’lo emas, alo deb yozing. Alo arabchada ustiga demakdir, a’lo esa – eng yuqori; buyuk ma’nolarini beradi. Eng yaxshisi, o‘zbekcha ifodaga mosi nur ustiga nurdir:

Buni bilib olganim nur ustiga nur bo‘ldi.
Agar yuz foiz natija ko‘rsata olsangiz, nur ustiga nur.

📌 Demak:

Nur ustiga nur ✅
Nur ustiga a’lo nur, nur a’lo nur ❌

©Orif Tolib

📚 @kitoblar_pdf

#sheʼrsoʻz

KOʻZIMGA TOʻQINAR MALOLAT, TUMON,
Cheksizlik qoʻynida yalangʻoch sukut,
Ruhimda muallaq, jimlik bezabon –
Neki oʻtgan boʻlsa barchasin unut.

Zarba gali senda, mayli koʻray men,
Ovoz ber qaydasan oʻlmas toqatim,
Yo sukunat kafaniga oʻray men,
O saodat, yoʻq mening saodatim.

Faqat bordir soqov sukunat,
Saodatin izlab chiqqan bir shoir –
Men qachon bagʻringga yetgayman, faqat,

Yoril tosh, ey yoril tosh, yoril, axir,
Oʻlimning qoshida yoril, ayt, baqir,
Chaqmoqlarga aylan endi sukunat.

✍️ Rauf PARFI

📚 @kitoblar_pdf

#Tavsiya

Ushbu asar aslo qahramonlik haqida emas. Zero, shunday davrlar bo‘ladiki, tuzumlar qahramonlarini bemalol rad etadi, ularning jasoratiga ko‘z yumadi. Son-sanoqsiz qurbonlar ko‘zga ko‘rinmaydi, zabt etilgan marralar haqida so‘zlanadi, xolos. Inson qadri va sha’ni unutilgan, uni orzu-umidlar emas, qo‘rquv boshqaradi.

Asar qahramoni – oddiy o‘zbek qizi Jamila. Qismati bir-biriga o‘xshab ketadigan minglab askarlarning – qay biri bedarak yo‘qolgan, qay biri begona yurtlarda kafangado bo‘lgan, yana biri asirlik mashaqqatlarini tortgan – ramziy qiyofasi.

Jamila – qahramon. Yaratgan uni favqulodda sezgi va jasorat bilan siylagan. Butun salohiyati va iqtidorini dushmanga qarshi safarbar etadi. Qahramonliklar ko‘rsatadi. Ne kulfatki – tuzumning shafqatsiz ishlayotgan jazo mashinasi – uni ham o‘z komiga tortib ketadi. “Ulug‘ dohiy”ning mehnat lagerlaridan biriga hukm qilinadi.

Nemislarga asir tushgan sobiq Ittifoq asirlarining taqdirini eslang – Yevropa ozod etildi, Germaniya mavh etildi, sho‘ro asirlari esa Sibirga haydaldi. Ularning aybi – qurshovda qolgani va asirga tushgani.
Urush vaqtida frontlarda tuzilgan “jazo” batalonlarini yodingizga keltiring. Ularga hukm qilingan jangchilar tayyor nishon emasmidi?
Urushdan keyin ko‘cha-ko‘ylarda qarovsiz qolgan urush nogironlari haqida eshitgan bo‘lsangiz kerak. Shulardan muxtasar tarix tartib berib ko‘z oldingizga keltiring.  Urushda faqat g‘alaba qozonilmaydi. G‘oliblarni esa doim go‘zal hayot kutavermaydi.

Dorilomon kunlarga osonlik bilan yetib kelmaganimiz, qahramonlar har doim ham e’tirof etilavermagani haqida bu asar. Tabiiy, hammaga birdek manzur bo‘lmasligi mumkin. Biz ilg‘amagan kamchiliklarni sezishingiz mumkin. Bunisi o‘zimdan, kamina xodimingizdan, deb bilasiz. Ko‘nglingizga o‘tirsa, ta’sirlantirsa – qo‘limga qalam, dilimga ilhom bergan Yaratgandan ko‘rasiz.

✍️ Baxtiyor ABDUG‘AFUR

Kitobni o‘qish

📚 @kitoblar_pdf

​​#Tavsiya

Bu asar 1985-yilda Amerikalik yozuvchi Sidni Sheldon tomonidan yozilgan jinoyatchilikka oid romandir. Kitobdagi bosh mavzu mafiya tomonidan zug'umga uchragan qizning ulardan qasos olish uchun intilishlari hisoblanadi.

Asar bosh qahramoni Filadelfiyadagi muvaffaqiyatli bank xodimi Treysi bo'lib, uning onasi Yangi Orleandagi mafia tomonidan aldanib, qarzdor bo'lib qolganidan keyin o'z joniga qasd qildi. Treysi esa onasining aybsizligini isbotlash uchun mafiaga qarshi urush ochadi. Bu kurash davomida Treysi ma'lum muddat qamoqda ham bo'ladi, sevib ham qoladi.

Xo'sh, bu mafialar mavjud bo'lgan adolatsiz jamiyatdagi bir qizning qasos olish kurashi qanday yakun topdi? U sevgilisi bilan birga bo'ldimi? Shu kabi savollarga kitobni mutolaa qilish jarayonida javob topasiz.

Millionlar qalbini zabt etgan, millionlar nigohini o'ziga qaratgan o'tkir syujetli, kelajakdan so'zlovchi melodrama...

Nomi: Orziqib kutaman ertani
Muallif: Sidni Sheldon

👉Kitobni o‘qish

📚 @kitoblar_pdf

SAVOL

Hamma gaping to‘g‘ri, Aflotun,
Yerni chopish kerak, bo‘yash kerak romni.
Tokni ko‘mish kerak kechikmay, lekin
Nima qilsak ekan atomni?..

Kitob yozish kerak. To‘y qilish kerak.
Suvash kerak kelin tushadigan tomni.
Muolaja istab sanchib qo‘yar yurak,
Nima qilsak ekan atomni?

Dehqon bolalari — o‘ynar xirmonda,
Simga bog‘lab olib bir teshik jomni.
Uchuvchi kuladi ko‘rib osmonda,
Nima qilsak ekan atomni?..

Kulol ming asrlik gumbazni tiklar,
Jarroh tiriltirar o‘lgan odamni.
O‘rtoq matematiklar,
O‘rtoq fiziklar,
Nima qilsak ekan atomni?

Hatto, eng sevimli ayol quchog‘ida,
Unutolmayman men gunoh —xatomni.
Bir savol — xol bo‘lib yonar uning dudog‘ida:
Nima qilsak ekan atomni?..

Beshiklarni quchib aylanadi Yer,
Oqar yuzlaridan marjon-marjon ter.
Nima qilsak ekan atomni,
Nima qilsak ekan atomni?..

✍️Muhammad YUSUF

📚 @kitoblar_pdf

#Jadid_gazetasi
📰 Jadid gazetasi. 5-son (2026-yil, 30-yanvar)

😎Avvalgi son

😎Barcha sonlar

📚 @kitoblar_pdf

​​#Tavsiya

Ushbu kitoblarda Qur'oni Karim oyatlari, hadisi sharif va ulamolarimizning oila saodati sirlariga doir muborak ko'rsatmalari, pandu nasihatlari jamlangan.

Baxtli turmush qurish, farzandlarning jamiyatga foydali, ota-onasiga itoatli barkamol avlod bo'lib yetishmog'i uchun erkak nimalarni bilishi va nimalarga rioya qilishi kerak?

Ana shu kabi muhim savollarga ushbu kitobga javob topasiz. Sizga oilaviy baxt-saodat va farzandlar kamolini tilaymiz.

Ayollar uchun kundalik hayotda kerakli shariatga doir zarur masalalar, Payg'ambarimiz sollallohi alayhi vasallamning musulmon ayollarga qoldirgan muborak o'gitlari baxtli turmush kechirish istagidagi har bir oila uchun dasturulamal bo'lishidan umidvormiz.

Oilaviy saodat nuri yo'lingizni, xonadoningizni hamisha yoritsin!

Nomi: Musulmon ayolning eri va oilasi oldidagi vazifalari
Nomi: Musulmon erning ayoli va oilasi oldidagi vazifalari

📚 @kitoblar_pdf

#Savodxonlik

Onlayn va oflayn

Mana bu yerda inglizcha online soʻzini onlayn shaklida yozish kerakligini aytilgan edi. Uning zid maʼnoli offline soʻzini ham shu tarzda yozishimiz kerak: oflayn.

Ahamiyat bergan boʻlsangiz, bu soʻz bitta f harfi bilan yoziladi:
Offlayn ❌
Oflayn ✅

Bu ikki soʻzdan tashkil topgan murakkab soʻzlar chiziqcha bilan yoziladi: onlayn-muloqot, onlayn-axborot markazi, onlayn-soʻrovnoma, oflayn-brauzer, oflayn-savdo, onlayn- va oflayn-taʼlim.

Bu soʻzlar gapning boshida kelmasa, doim kichik harflarda yoziladi.

©xatoliklar

📚 @kitoblar_pdf