Shavkat Rahmon haqida xotiralar.

Piyolamda choy ichmaganmi?

Abdulla Qahhor domla aytmoqchi, Shavkat aka birovni yoqtirmasa, «botinkasining ipigacha yomon ko‘rardi». Ammo birovni yomon ko‘rsa, maydalab g‘iybat qilmas, nari borsa «ablah odam», derdi-qo‘yardi.

Bir kun xonamizga kim davra to‘riga o‘tsa o‘shanga poxol solib, lagan tutib yuradigan bir yozuvchinamo kimsa kirdi. Nashriyot rahbariyatida o‘zgarish bo‘lgan edi. Yangilarni «Falonchiyevich ja unaqalar»da deb ancha ko‘klarga ko‘tarib o‘tirdi. Kimsa kirgan zahotiyoq koridorga chiqqan Shavkat aka, u ketgandan so‘ng qaytdi. Bir pasdan so‘ng choy damlab stoliga olib borib qo‘ydim.

— Mening piyolamda haligi choy ichdimi? — deb so‘radi.

— Ha, keyin tuz bilan yuvib keldim, — dedim gap nimadaligini fahmlab.

Shavkat aka indamay qo‘lidagi piyolani «qars» etkizib ikkiga bo‘ldi-da, axlat chelakka tashladi…

✍️ Qutlibeka Rahimboyeva

📚 @kitoblar_pdf

​O, so'ngsiz daqiqalar! Yana xirillash eshitiladi. Odam jon berishi uchun qancha muddat kerak? Bilamanki, uni qutqarib qolishning iloji yo'q. Avvaliga, uoyoqqa turib ketadi, deb o'zimni ishontirmoqchi bo'laman, lekin tushga yaqin yaradorning o'limoldi ingroqlari bu umidni chilparchin qiladi. To'pponchamni yo'qotib qo'ymaganimda otib tashlagan bo'lardim. Xxanjar urishga qo'lim bormaydi. Idrokim xiralasha boshlaydi. Qornim och, chidab bo'lmaydigan darajada och, yig'lavoray deyman

"G'arbiy frontda o'zgarish yo'q", Erix Mariya Remark

📚 @kitoblar_pdf

​​#tavsiya

▫️Biror narsa iffat kabi ayolning qadrini oliy qilolmaydi.

▪️ Agar chiroyli ayol gavhar bo'lsa, aqlli ayol xazinadir.

▫️ Ayol asli uy to'rining bekasidir, chunki qimmatbaho, nozik va tezda sinib qoladigan shisha idishga o'xshaydi.

▪️Xato yo'ldan to'g'ri yo'lga o'tish uzoq, ammo juda go'zal sarguzashtdir.

Ushbu kitob Allohni Robb, Islomni din va Muhammad sollallohi alayhi vasallamni payg'ambar deb bilgan barcha muslimalar, haq yo'ldan yurgan qizlar, o'z so'zlari ila yomonliklar bilan kurashayotgan murabbiyalar, farzandlarini taqvoli, sunnatga muvofiq tarbiya qiladigan va ularga yaxshilikni suydiradigan onalar hamda dilshikast va mahzuna ayollarga bag'ishlanadi. Ularga bunday deymiz: Baxtli kunlar yaqin, Allohning ulug' ajrlari berilishi tayin va gunohlar o'chirilishi bor, shodlaning va baxtiyor bo'ling!

Nomi: Dunyodagi eng baxtli ayol
Muallif: Shayx Oiz al-Qarniy

📚 @kitoblar_pdf

#Savodxonlik

TOShKENT yoki TOSHKENT?

Baʼzi sabablarga koʻra soʻzlarni bosh harflarda yozishga toʻgʻri kelib qolishi mumkin, masalan, soʻzga urgʻu berish, uni matndagi boshqa soʻzlardan ajratish uchun. Sarlavhalar ham koʻpincha bosh harflarda yoziladi. Shunday holatlarda sh va ch harflarini qanday yozish kerak, degan savol koʻpchilikni qiynaydi.

Alifboda bu harflarning katta shakli quyidagicha berilgan: Sh va Ch.

Shunga koʻra, koʻpchilik TOShKENT soʻzini aynan shu koʻrinishda yozadi. Lekin bir narsani inobatga olish kerak: alifboda berilgan bosh harflar soʻzning toʻliq bosh harflarda yozilishini nazarda tutmaydi.

Shahar soʻzini SHahar koʻrinishida yozib boʻlmaydi, lekin soʻz toʻliq bosh harflarda yozilsa, Sh va Ch harflari ham SH va CH shaklda yoziladi.

Demak:
ShOSh ❌
SHOSH ✅

TOShKENT ❌
TOSHKENT ✅

AQSh ❌
AQSH ✅

ShHT ❌
SHHT ✅
(Shanxay Hamkorlik Tashkiloti)

ChIRChIQ ❌
CHIRCHIQ ✅

Asos: Kadastr qoʻmitasining “Oʻzbekiston Respublikasi geografik obyektlari nomlarining oʻzbek tilida yozilishi yoʻriqnomasini tasdiqlash haqida”gi Qarori.

©️xatoliklar

📚 @kitoblar_pdf

100 mumtoz faylasuf kitobidan

📚 @kitoblar_pdf

#Jadid_gazetasi
📰 Jadid gazetasi. 14-son (2026-yil, 3-aprel)

😎Avvalgi son

😎Barcha sonlar

📚 @kitoblar_pdf

Kelyapti yoki kelayapti?

Feʼlning hozirgi zamon shaklini yasash juda oson: soʻzning lugʻaviy (-moq) shaklidan -moq qoʻshimchasini olib tashlab, -yapti yoki boshqa tegishli shaxs-son affiksi (-yapman, -yapsan va h. k.)ni qoʻshib qoʻyasiz, xolos:

Kelmoq + yapti = kelyapti
Yozmoq + yapti = yozyapti
Yashamoq + yapti = yashayapti

Kelyabdi ❌
Kelyapti ✅

Ogʻzaki nutqda bitta a tovushi ortishi mumkin: kelayapti, ketayapti. Lekin yozuvda bunday boʻlmaydi.

Kelayapti ❌
Kelyapti ✅

©️xatoliklar

📚 @kitoblar_pdf

#Jadid_gazetasi
📰 Jadid gazetasi. 15-son (2026-yil, 10-aprel)

😎Avvalgi son

😎Barcha sonlar

📚 @kitoblar_pdf

#Nazmiy

📜 Yana qaytib keldim, chang to‘zgan,
Yo‘limizni sog‘indim, ona.
Tom ustida maysalar o‘sgan
Uyimizni sog‘indim, ona.

Aziz dargoh ostonasida
Sizni qalbim bilan quchayin,
To‘yib-to‘yib sopol kosada
Muzdek quduq suvin ichayin.

Har bir narsa yaqindir menga,
Har bir narsa menga qadrdon.
Qarab qoldingizmi yo‘limga
Issiq nonlar uzib tandirdan?

Koyimangiz meni bu safar
Unutdi deb uyni, dalamni,
Ne chora bir dil yonsa agar,
Sevib qolsam butun olamni.

O, qishloqning munis chiroyi...
Achchiq piyoz to‘g‘rayin o‘zim.
Dil sog‘inib yig‘ladi doim,
Hozir, mayli yig‘lasin ko‘zim.

Targ‘illanib bormoqda osmon,
Oppoq hidga to‘lmoqda bag‘rim.
Aytingiz-chi, bormi sog‘-omon
Shahlo ko‘zli mening targ‘ilim?

Og‘ushimda zangori sezgi,
Kiprigimda suyuq hayajon.
Ko‘zlarimda yumaloq sevgi,
Salomatman men ham, onajon!

Qaytib keldim yana. Chang to‘zgan
Yo‘limizni sog‘indim, ona.
Tom ustida maysalar o‘sgan
Uyimizni sog‘indim, ona.

✍️Rauf Parfi

📚 @kitoblar_pdf

#Kitobxon_fikri

📖​​Oskar Uayld - "Dorian Greyning portreti"

Boshimizdan kechirganlarimiz yuzimizda aks etadi. Nur yog'ilib turadigan, ko'rganda ko'z quvonadigan qiyofalar asta - sekin fayzini yo'qotadi. Ajinlar tushadi. Va shu bilan birga inson qilgan ishlarining nuqsi ham yuziga uradi. E'tibor berganmisiz, qarshingizdagi odam yosh, terisi tiniq, lekin fayz yo'q, uning tabiatida qandaydir jirkanchlik borligini ichki sezgi bilan his qilasiz.

Asar qahramoni Dorian Grey yosh, beg'ubor va bir ko'rishda barchaning mehri tushadigan darajada chiroyli, istarali. U o'z portretini kuzatayotgan va Lord Genri kabi bu dunyoning, bu odamlarning butun ikir - chikirlarini anglagan odam bilan suhbat jarayonida o'z yoshligining, husnining qudratini va bu bir kun o'tib ketishidan keyingi alamni anglaydi. Shunda qattiq larzaga keladi, o'zi qarib boraversayu, uning portreti doim shunday navqiron bo'lib qolsa. Nohaqlik. Qani edi qismat boshimga soladigan butun kechmishlar shu rasmga ta'sir etsa, u qarisa, xunuklashsayu, men abadiy shunday bo'lib qolsam, deb niyat qiladi. Bu amalga oshadi ham.

Hayot lazzatini bir tatib ko'rgan odam unga qattiq yopishib oladi. Dostoyevskiyning "Jinoyat va jazo" sida shunday fikrlar bor edi , so'zma - so'z eslolmayman, lekin ma'nosi aniq shunday edi : o'limga mahkum qilingan biri qatl oldidan,  agar meni eng baland tog'ning eng baland cho'qqisiga bir oyoqlab turg'izib qo'yishsa, shu ahvolda ming yil yashashga rozi edim, degan ekan.

Dorian hayotidagi birinchi xatosi, shafqatsizligidan keyin suratdagi qiyofasi o'zgarganini ko'radi. Shu kundan boshlab yigitning ruhiyati tubanlashgandan tubanlashib boradi va bu suratda aks etadi. Hech kim ko'rmasligi uchun portretni yashirib qo'yadi. Bunda ramziylik bor. Xuddi biz qalbimizni, o'y - xayollarimizni, asl qiyofamizni yashirganday, buni boshqalar bilib qolishidan qo'rqqanimizday.

Kamyuning Begonasini odamlar nimaga yomon ko'radi? Chunki "biz o'zimizda mavjud bo'lgan nuqsonlarga ega bo'lgan odamlarni yomon ko'rsak kerak ". Mersoning yashiradigan portreti, ya'ni boshqa qiyofasi yo'q edi. U ichida qanday bo'lsa, tashida ham aynan.


Hayot insonning qalbini shakllantirar ekan, buni jismini barbod etish hisobiga qiladi. Tabiatda hamma narsa mukammal, o'z qoidalari bo'yicha yashaydi, o'ladi. Biz aqlli bo'la borganimiz sari, kuch - quvvatimiz kamayadi. So'zlarimizga ma'no kirar ekan, husnimiz so'lib boradi. Qalbimiz shakllanganda sezamizki, jismimiz o'z umrini yashab bo'lgan bo'ladi.

Dorianning bu portreti o'z vijdonini kuzatish uchun bir imkon ham edi. Chunki odam o'zining tubanlashuvini doim ham sezmaydi, sezsa ham tan olmaydi, o'zini o'zi oldida oqlaydi. Uning har qilmishi suratdagi qiyofasida aks etardi. Aks etardiyu odamlar bundan bexabar qolaverardi. Jazosiz qolgan jinoyatlar esa davom etaveradi. Biz Xudodan gunohlarimizni kechir deb emas, ularga jazo ber deb duo qilishimiz kerak. Bo'lmasa butun umr o'zimizni aldab yuraverib, qalbimiznida boy berib qo'yamiz.

"Dunyoni boshiga ursinmi inson, boy berib qo'ysa gar butun qalbini?!"

©

📚 @kitoblar_pdf

#Tavsiya

​​📕 "1985"

"1985" ikki qismga bo‘lingan bo‘lib, birinchi qism Oruellning "1984" asarining muhokamasi va tahliliga bag‘ishlangan, ikkinchi qismda esa Byordjessning kelajakdagi tasavvurlari yoritilgan.

"1985" ning asosiy qahramoni Bev tarix o‘qituvchisi bo‘lib, yetarli maosh olmagani va darslarda davlat aytgan tarixnigina o‘qitishga majbur bo‘lganligi sababli o‘z kasbidan voz kechib, shirinliklar fabrikasiga oddiy ishchi bo‘lib joylashadi.

Kunlarning birida uning rafiqasi - Ellen - davolanayotgan kasalxonada yongin chiqadi. Baxtga qarshi, o‘sha kuni yong‘inchilar kasaba uyushmasi zabastovka e’lon qilgan bo‘ladi va kasalxonada bemorlar tiriklayin yonib ketadi.

Ellenning vafotidan so‘ng Bev nosog‘lom tug‘ilgan o‘n uch yoshli farzandi Bessi bilan yolg‘iz qolib ketadi. Yong‘indan qutilishga urinayotgan Ellen Bevga go‘yo "Mening o‘chimni ol. Ularni jazosiz qoldirma" deganday bo‘lgani uchun, Bev kasaba uyushmalarga qarshi qattiq kurashishga ahd qiladi.

Tuzumga qarshi chiqqan Bev ongi past farzandi bilan ishsiz, pulsiz, boshpanasiz ko‘chada qolib ketadi. U qizini qandaydir bir "Qizlar Gʻamxo‘rlik Uyiga" topshiradi-da, uzi hayotda tirik qolishga, o‘rnatilgan tuzumni sal bo‘lsada o‘zgartirishga harakat qiladi. Uning harakatlari muvaffaqiyatli bo‘ldimi? Nima deb o‘ylaysiz?

Byordjessning kelajak haqidagi tasavvurlarini o‘qir ekansiz, ko‘plab joylarda ularning aniqligidan hayratga tushasiz. Misol uchun, yozuvchi kelajakda feminizm absurd darajaga kelib qolishini ko‘ra bilgan.

©

📚 @kitoblar_pdf

#Jadid_gazetasi
📰 Jadid gazetasi. 16-son (2026-yil, 17-aprel)

😎Avvalgi son

😎Barcha sonlar

📚 @kitoblar_pdf

#Tavsiya

📖Stefan Sveyg — "Qalb besabrligi" asari haqida fikrlarim.

Hayotingizda qachondir og‘ir dardga chalingan insonga chin dildan hamdardlik qilganmisiz? Yoki shunday inson sizga befarq emasligini aytganda qanday ahvolga tushgansiz?

Bunday hollarda oldingizda ikkita yo‘l bo‘ladi: birinchisi, unga hamdard bo‘lasiz, sevmasangizda sevgisini qabul qilasiz, ikkinchisi esa, xuddi qo‘rqoqlardek orqangizga qaramay qochasiz. Ikki yo‘l ham siz uchun yaxshilik keltirmaydi. Birinchisida o‘zingizni bilaturib qurbon qilasiz, ikkinchisida qo‘rqoq degan nomni olasiz.

Asar qahramoni leytinant Gofmiller xuddi shunday ikki yo‘lning orasida turibdi. Qiziq, u qaysi yo‘lni tanlaydi?

Asarni o‘qish jarayonida siz bemor insonnig ham, unga hamdard bo‘lishni xohlovchilarning ham, vrachlarning ham hissiyotlarini o‘zingizda his qilasiz, ularning kechinmalarini boshdan kechirasiz. O‘zim vrach bo‘lganligim uchun aynan asardagi vrach va bemorning munosbatlari, ularda kechayotgan kechinmalar meni befarq qoldirmadi. Asar bir necha yillar oldin yozilgan bo‘lsa ham undagi tibbiyot masalalari hozirgi kunga ham mos tushadi.

Asarning nomi ham bejizga "Qalb besabrligi" emas. Undagi har bir qahramonning qalbi notinch, har birida besabrlik, o'ylovlar...

Ushbu asar orqali men birinchi marotaba o‘zimga o‘xshaydigan qahramonni topdim. Bu leytinant Gofmiller. To‘g‘ri, hamma jihatlarimasku, lekin o‘xshaydi.

Asarni o‘qir ekansiz yuragingizdagi hamdardlik, ko‘ngilchanlik, «yo‘q» deya olmaslik kabi xususiyatlarga javob beradigan qismlarini jonlanganini beixtiyor sezasiz.

Asardagi barcha jihatlarni keltirmadim. Asar haqiqatdan o‘qishga arziydi.

✍️ Dildora Karimova

📚 @kitoblar_pdf

Birovning qalbida qisqa muddat sham yoqishing, so‘ng o‘chguncha umr bo‘yi uni tashlab qo‘yishing, hech kechirilmas gunohdir.

©️Lina Shaxshir

📚 @kitoblar_pdf

#Savodxonlik

Yuqori Chirchiq yoki Yuqorichirchiq?

1. Birinchi qismi sifat, ikkinchi qismi turdosh otdan hosil qilingan toponimlar (joy nomlari) qoʻshib yoziladi: Yangihayot, Yangibozor, Qizilgul, Achchiqtosh, Toʻgʻriyoʻl.

Turdosh ot nima? Bu bir turdagi narsa, voqea-hodisa, harakat-holat, oʻrin-joylarini ifodalovchi soʻzlar: kitob, daftar, choynak, qoshiq, oy, quyosh, supurgi, uy, darvoza, bola, daraxt.

2. Birinchi qismi sifat, ikkinchi qismi atoqli otdan hosil qilingan joy nomlarining har ikkala qismi bosh harf bilan ajratib yoziladi: Quyi Chirchiq, Koʻhna Urganch, Katta Doʻmbirobod, Oʻrta Osiyo.

Atoqli ot nima? Bu kishilarning ismi va familiyalari, geografik nomlar, yakka shaxs va yakka joylar nomlari.

Chirchiq — bu joy yoki daryo nomi (geografik nom), shu bois Yuqori Chirchiq soʻzlari ajratib yoziladi.

© xatoliklar

📚 @kitoblar_pdf

#Kitobdan

​​«Ey qizginam! Agar ahli fazl va ahli odoblarga nasihat kerak bo‘lmaganida, senga ham nasihat qilmasdim. Lekin nasihat – g‘ofilga eslatma, oqilga yordamdir.
Agar qiz bola ota-onasining kambag‘alligi sababligina erga berilishi kerak bo‘lganida, sen hech qachon uzatilmagan bo‘lar eding. Chunki otangning boyligi, martabasi yetarlidir. Lekin Alloh belgilab bergan hayot qonunlariga ko‘ra, ayollar erkaklar uchun va aksincha, erkaklar ayollar uchun yaratilganlar.
Qizginam! Endi sen o‘zing o‘sgan havodan ayrilding. O‘zing yayrab-yashnagan oshyondan chiqding va notanish joyga borib, avval o‘zing bilmagan sherikka uchraysan. U endi sening xojang, do‘sting va mahbubingdir.
Sen unga cho‘ri bo‘lsang, u senga qul bo‘ladi. Sen unga yer bo‘lsang, u senga osmon bo‘ladi. Sen uning uchun quyidagi o‘n xislatni ado etsang, oilada mas’ud va baxtiyor hayot kechirasizlar:

😎1. Qanoat sohibasi bo‘l, undan hayiqib tur. Ering uyga nima ko‘tarib kelsa, xushfe’llik va odob-nazokat bilan qabul qilib ol, tashakkur ayt.

😎2. Eringga hamisha itoatda bo‘l, amrlarini yaxshilab tingla va bajar.

😎3. Eringning nazari tushadigan joylarga e’tibor qil. U senda xunuklik ko‘rmasin. Uy ichi va hovlini nihoyatda ozoda va tartibli tut.

😎4. Eringning burniga hushyor bo‘l. Dimog‘iga sendan yomon hid kirmasin, faqat xushbo‘ylik sezsin.

😎5. Ovqatni vaqtida tayyorla, aslo kechiktirma. Ering uyga kelishi bilan, dasturxon sol.

😎6. Uning uyqu vaqtini, uyg‘onish paytini bilib ol. Chunki ochlik va uyquning buzilishi erkaklarning g‘azabini qo‘zg‘aydi.

😎7. Xojangning moli va ashyosiga e’tiborli bo‘l, isrof qilma, avaylab asra! Chunki uning mol-dunyosi senikidir.

😎8. Eringning qarindoshi va yaqinlarini izzat-hurmat qil. Bu bilan xojangni hurmat qilgan bo‘lasan.

😎9. Eringning sirlarini boshqalarga aytuvchi bo‘lma, uning ishonchini yo‘qotasan.

😎10. Xojangning amriga osiy bo‘lma, uning dinga to‘g‘ri keladigan barcha buyruqlarini ado qil. Shuni yaxshi bilib olki, xojang xafa bo‘lganda xursand ko‘rinishdan, u quvongan paytda g‘amgin bo‘lishdan o‘zingni ehtiyot qil!»

Amoma binti Horis ismli ayol o‘z qizining kelin bo‘lib, kuyovning uyiga uzatilishidan oldin saodatli oila asoslarini bayon qiluvchi nasihati.

📖“Baxtiyor oila” kitobidan

📚 @kitoblar_pdf

#Nazmiy

Bu Momo Hovodan ularga odat:
Ushlasa gul ushlar qo‘lini faqat,
Kuyovga chiqmagan o‘zbek qizlarin
O‘psa faqat shamol o‘par yuzlarin.
Bu Momo Hovodan ularga odat:
Nozik belda qiriqta kokili qavat,
Silasa yomg‘irlar silaydi faqat,
Ko‘rsa faqat osmon ko‘rar ko‘zlarin,
Jilmaysa nur yog‘ar gul yanoqlardan
Sir yashirar xatto qizg‘oldoqlardan.
Oftob botgandan so‘ng xilvat bog‘lardan,
Behuda izlamang sira izlarin
Kuyovga chiqmagan o‘zbek qizlarin
Ko‘ngli daryoday keng, mexri ulug‘vor,
Dugonasi Hayo, sinfdoshi or.
Ayting, farishtadan nima farqi bor,
Kuyovga chiqmagan o‘zbek qizlarin
Bardoshi oldida tog‘ oddiy tuproq,
Ular etagidan jannat bir qadam.
Beayb Parvardigor, degandek biroq
Yo‘q emas kichkina kamchiligi xam.
Sevadi, Kuyadi, Qiladi alam,
Dorga osing ammo aytmas birovga.
Aytmas sevishini sevganiga ham,
Tegib ketaverar boshqa kuyovga!!!!

✍️Muhammad YUSUF

📚 @kitoblar_pdf

​​#iqtibos

✍ Men o‘lolmayman, nahotki bir qizning sochlaridan silolmay o‘lib ketsam...

© Abdurashid Nurmurodov "Qon hidi"

📚 @kitoblar_pdf

​​#tavsiya

- Uyg'oninglar endi bu g'aflat uyqularidan. Ko'zlaringni ochinglar... Bu urush ikki millat o'rtasidagi urush emas. Bu urush salib bilan hilol, nasroniylik bilan musulmonlik o'rtasidagi jangdir. Agar bu jang tamom bo'ldi deb hisoblasak, qattiq yanglishgan bo'lamiz, kofirlarning yoqamizdan olishlariga imkon bergan bo'lamiz... Bizning dushmanlarimiz yashirin ravishda urushga hozirlik ko'rib boryapti. Dushman Bolqon yerlariga hisobsiz to'p, miltiqlar, nayzalar yuborayotir... Ammo biz poda emasmizki, o'zimizni bo'g'izlatishga yo'l qo'ysak... Yonajak ichimizdagi hamiyat otashin, yoqajak Ovruponi, rumlik Arximedning mexanik oynalari kabi shitir-shitir... Millatimiz allaqachon ochgan ko'zini... Anglagan do'stini, dushmanini... Bir kuni to'plandi Ovrupo nasroniylari, tuzdi bir ahli Salib qo'shinini. Yaratamiz biz ham bir Hilol qo'shinini... Ko'taramiz yashil bayroqni... Chaqiramiz, islom olamini shu bayroq tagiga...

"Bu holga tushib qolishimizga sabab asrlardan beri davom etgan zulm va zulmatning va hokazolarning..." deya uzundan-uzun qilib, aql o'rgatib o'tirmayman.. Soddagina: "Bizni bu holga qo'yganlar, boshqacha ta'bir bilan aytganda, yunonliklarni Onado'lining naq kindigiga qadar keltirganlar podshohlar-u softalardir", deyman.

Yashil kecha... Yashil bayroq...

Shohin afandining o'tgan asr 20-yillarida Turkiyadagi o'tish davrida boshidan kechirganlarini, orzularini hikoya qiladigan mazkur asarning nihoyasigacha yuz ochmaydigan yashirin voqealari haqida mutolaadan keyin fikrlashamiz.

Nomi: Yashil kecha
Muallif: Rashod Nuri Guntekin

📚 @kitoblar_pdf

​​#tavsiya

Bu shunday muhitki, axloqsizlik to'g'risida xotinlarning bir so'z aytishga haqlari yo'q. Bu shunday yerki, erlar xotinlari bilan istagancha muomala qilishga haqlari bor. Bu shunday makonki, erlar o'z xotinlari bilan yashamoq uchun lozim bo'lgan bir vosita kabi muomala qiladilar va istagan vaqtlarida uni rad qilmoqlari hamda almashtirmoqlari mumkin. Bu shunday mamlakatki, erkak xotinning har qanday nuqsonini ko'ra oladi. Lekin, xotin erning hech bir aybini ochishga haqqi yo'q...

Mazkur asar ikki kitobdan iborat bo'lib, o'tgan asr boshlaridagi voqealar qalamga olinadi. Oradan yillar o'tgan bo'lsa-da, undagi g'oyalar, o'lmas tuyg'ular, orzular va armonlar zanjiri hozir ham o'z ahamiyatini yo'qotmagan. Bosh qahramon Farruhning ezgulik va jaholat, nafs yo'lidagi talato'plarga qarshi kurashi, qasosga undagan turfa sarguzashtlari va Mahinga bo'lgan sof muhabbati ikki romanni bir-biriga uzviy bog'lab turuvchi umumiy syujet chizig'ini tashkil etadi.

Nomi: Qo'rqinchli Tehron
Muallif: Mushfiq Kozimiy

📚 @kitoblar_pdf