HAYOT BU

Bir kun xursand yashash
Qanchalar qiyin,
Bir kungina —
Tongdan shomgacha.
Hayot har lahzasi,
Har oni o‘yin,
Boshqacha,
Boshqacha,
Boshqacha...

Qara,
Tongda o‘pgan edim yuzingdan,
Endi qo‘l siltadim,
Begona misol.
Yorug‘ dunyoda-ku,
Ko‘rkim o‘zingsan,
Bir kunda eng baxtli,
Eng baxtsiz Ayol!..

Asli
Menga sening kulgung azizdir.
Jilmaysang —
Jahonim jilmaygani shu.
Tonging bahor edi,
Oqshoming kuzdir,
Seni sevamanu
Ammo, hayot — bu.

Ey mening sevgilim,
Osmoningdan tush,
Sevgi — yomg‘ir bosgan
Kitobdagi bayt.
Sen — mening
Qo‘ynimda to‘lg‘ongan oqqush,
Men — sening dardingga
Yetmagan sayyod!..

✍️Muhammad YUSUF

📚 @kitoblar_pdf

✍️ Said Ahmad
📖 "Ufq"

Said Ahmadning “Ufq” trilogiyasi o‘zbek xalqi hayotining uchta muhim tarixiy davrini — Katta Farg‘ona kanali qurilishidagi qahramonona mehnat, urush yillaridagi og‘ir sinovlar va urushdan keyingi tiklanish davrini bir butun maishiy va falsafiy lavhalarda birlashtirgan yirik epik asardir. Asar turli taqdirlar, hijron alamlari va insoniy kechinmalarning teran tasviri bilan o‘zbek adabiyotida muhim o‘rin tutadi.

📚 @kitoblar_pdf

​"Ketishim kerak bo‘lgan insonning yonida juda uzoq qolib ketdim. Bu mening xatoyim." ©️

📚 @kitoblar_pdf

​— Sening hech sevgiling bo'lganmi?
​— Sevgili deganda nimani nazarda tutyapsan?
​— Oddiy sevgili-da.
​— Bo'lmagan.
​— Nega?
​— Vaqt yo'q edi.
​— Faqat vaqti bor odamning sevgilisi bo'ladimi?
​— Biroz naqd (pul) ham muhim.

📚 @kitoblar_pdf

Qadimdagilar qanday ham go'zal aytgan;
"Avval rafiq, ba'd-at-tariq"
— avval yo'ldosh, keyin yo'l...

📚 @kitoblar_pdf

✍️ Shavkat Rahmon

🖋BUZILGAN DEVORLAR

Qadimda mevalar yetilgan paytda
savob deb yashagan komil ajdodim
musofir chanqog‘in bossin deb atay
buzib qo‘yar ekan bog‘lar devorin.

Eron dashtlaridan Xitoyga qadar
devori buzilib yotgan bog‘ edi,
bu boqqa musofir kirgan daf’ada
astoydil sevingan elim bor edi.

Bor edi
bu elning xudo bezagan,
kamolga tutashgan oltin chog‘lari,
qarg‘ishlar qarg‘aday qo‘ngan yerlardan
qaltirab axtardim o‘shal bog‘larni.

Axir, yer yutdimi...
komil insonlar
qoldimi sarg‘aygan afsonalarda?
Metin devorlarda — chaqirtikonlar,
qulflar shodasi — darvozalarda.

Bir qo‘limni berdim, yesin chayonlar,
boshqasin uzatdim kalamushlarga,
yuragim gullarin otdim ayamay ko‘zlari qotirma padarkushlarga.

Bitta gul yuziga yuzimni bosib, og‘ringan chog‘imni tog‘lar ko‘rmasin.
Endi bu holimni moziydan toshib,
devori buzilgan bog‘lar ko‘rmasin.

Girvatday aylanar zulm dunyosi...
qa’ridan anqirdi qora ter hidi,
go‘yoki bu qadim yo‘llar xudosiz, go‘yoki butun bir elim berk edi.

Berk edi,
berk edi,
cheksiz devorlar
ichida ingrardi cheksiz bir sho‘rlik,
tinimsiz mushtladim darvozalarni,
oshiq qo‘llarimni qonatib bo‘ldim.

Oshiq ko‘zlarim ham....
yovuz chaqnagan,
kimnidir so‘kaman, bandai g‘ofil,
axir o‘z yerimda daydib, chanqagan
sho‘rlik musofirman,
ulug‘ musofir.

📚 @kitoblar_pdf

#iqtibos
​"Seni sevishdan emas, buni senga aytishdan voz kechdim."

📚 @kitoblar_pdf

#Savodxonlik

Ibn yoki ibn?

Abu Ali ibn Sino deganda Sinoning oʻgʻli va Alining otasi degan maʼno hosil boʻladi, negaki arab tilidagi ibn (ibnu) soʻzi “oʻgʻli”, abu esa “otasi” maʼnosini beradi.

Shundan kelib chiqib, arabiy ismlarda kelgan ibn soʻzi bosh harf bilan yozilmaydi:
Abu Ali Ibn Sino ❌
Abu Ali ibn Sino ✅

Muhammad Ibn Muso ❌
Muhammad ibn Muso ✅

Agar ism qisqargan shaklda yozilsa va ibn soʻzi bilan boshlansa, bosh harfda yozilaveradi: Ibn Sino, Ibn Arabiy, Ibn Taymiya.

©️xatoliklar

📚 @kitoblar_pdf

Menga ayting, unutish qayerda sotiladi?
Oldingi yuzimni qayerdan topsam bo‘ladi?
O‘zimga qaytishning yo‘li qanday?

Mahmud Darvish

📚 @kitoblar_pdf

Ulug’ aql egalari o’z oldilariga maqsad qo’yadilar, qolgan odamlar o’z istaklari ortidan ergashadilar.

✍️ Vashington Irving

📚 @kitoblar_pdf

#Savodxonlik

IMXO

Bu soʻz lugʻatlarga kirib ulgurmagan boʻlsa ham, internetda juda koʻp uchratishimiz mumkin. Ingliz tilida IMHO — In my humble opinion, yaʼni mening ojizona/kamtarona fikrimcha degan maʼnoni anglatadi. Aytilgan gap shunchaki soʻzlovchining shaxsiy fikri ekanligini, u 100% toʻgʻriligiga yoki toʻgʻri boʻlib chiqishiga daʼvo qilmayotganini bildiradi.

Kirish soʻz sifatida gapning boshida ham, soʻngida ham ishlatish mumkin.

Abbreviatura orqali hosil boʻlgani eʼtiboridan bosh harfda yoziladi, lekin koʻp ishlatiladigan soʻzlardan biriga aylanib ulgurgani uchun kichik harflarda yozish holati ham uchraydi.

Misollar:
IMXO, Tramp prezidentlikni saqlab qololmaydi.
Harakat qilmang, baribir foydasi yoʻq. IMXO.
Albatta, bularning barchasi imxo.

P. S. Soʻzni rus tili orqali emas, ingliz tilidan toʻgʻridan toʻgʻri oʻzlashtiradigan boʻlsak, IMXO emas, IMHO shaklida yoziladi.

©xatoliklar

📚 @kitoblar_pdf

​#Parcha

O‘tkir Hoshimov ko‘chada moshinasini haydab ketayotgan edi, chorrahada DAN xodimi qizil tayog‘ini ko‘tarib, to‘xtatadi.
Mashhur adib shoshibroq turgan edi, tezroq qutilish uchun moshinadan yangi chop etilgan kitobini olib, dastxat bitish uchun so‘raydi:
— Ukajon, ismingiz nimaydi? - DAN xodimi taniqli yozuvchiga, uning qo‘lidagi tanish kitobga ajablanib qaraydi, so‘ng iymanibgina deydi:
— O‘tkir aka, kechirasiz, bu kitobingizni o‘tgan haftada ham yozib beruvdingiz...
— E, darvoqe...

"Do‘rmon hangomalari", Shodmon Otabek.

📚 @kitoblar_pdf

#Nazmiy

📜 SARATON

Yenglik ko‘ylaklardan voz kechdi shahar,
Yelkalar yalang‘och, yalang, och ko‘zlar.
Olislarda esa suvlar sepishar
Ko‘ylaklari bilan cho‘milgan qizlar.

Shahar qizg‘onmaydi xiyobonlarin,
Sun’iy ko‘liniyu qayiqlarini.
Ammo dil qo‘msaydi sokin bog‘larning
Olmalar oqizgan ariqlarini.

Shahar ko‘p narsani menga o‘rgatdi,
Hammasini sanab, aytib bo‘lmaydi.
Shu yerda suyagim va diydam qotdi,
Endi qishloqqa ham qaytib bo‘lmaydi.

Tongda derazamdan siniq nur tushar,
Ne tongkim, bugun ham namlidir ko‘zlar.
Axir tushimda ham suvlar sepishar
Ko‘ylaklari bilan cho‘milgan qizlar...

✍️Iqbol MIRZO

📚 @kitoblar_pdf

✍️ Aleksandr Dyuma
📖 Graf Monte Kristo (1-kitob)

Bu kitob - ko‘plar kutgan durdona. U jahon adabiyotidagi eng sara asarlar ro‘yxatiga kiradi. Garchand «Graf Monte Kristo» yaratilganiga bir necha asrlar o‘tgan bo‘lsada, undagi ulug‘vor g‘oyalar, o‘lmas tuyg‘ular, orzular va armonlar talqini sira-sira o‘z ahamiyatini yo‘qotmaydi.

Asardagi qahramonlar, ularning hayoti, kechinma va kechmishlari, voqealar zanjiri o‘quvchini kitobga ipsiz bog‘lab qo‘yadi. Ayniqsa, bosh qahramon Edmon Dantesning uzoq yillik uqubatlari, ana shu yillar samarasi o‘laroq, o‘zgacha inson bo‘lib yetishishi, bir vaqtlardagi jabr-sitam uchun intiqom kurashiga kirishishi bugungi kun o‘quvchisi uchun ham birdek maroqli.

📚 @kitoblar_pdf

✍️ Aleksandr Dyuma
📖 Graf Monte Kristo (2-kitob)

📚 @kitoblar_pdf

​#parcha

Buni tasvirlab bo‘lmaydi. Titrab-qaqshab, o‘kirib yig‘layotgan ayolning holatini ifodalashga so‘z ojizlik qiladi. Boyaqish yelkamda silkitib, qichqiradi: «U o‘lgan bo‘lsa, sen nega tiriksan?» Keyin yig‘i aralash javrab ketadi: «Nega sizlarni u yoqqa jo‘natishadi, axir, hali go‘daksizlar-ku!» Axiyri, stulga o‘tirib qoladi: «Uni ko‘rdingmi? Ko‘rishga ulgurdingmi? Qanday jon berdi?»
Yuragidan o‘q yeb, bir zumda o‘ldi, deyman. Ishonmaydi.
— Yolg‘on gapiryapsan. Hammasini bilaman. Qiynalib jon bergan. Ovozini eshitdim. Rostini ayt, men bilishim kerak.
— Unaqamas, — deyman men, — yonida edim. Joni darrov uzildi.
Endi avrashga tushadi:
— Ayt. To‘g‘risini gapir. Bilib turibman, meni ayayapsan, lekin battar qiynayotganingni sezmayapsanmi? Undan ko‘ra, aldama. Bexabarlikdan yomon narsa yo‘q, haqiqatni oshkor qil, har qancha og‘ir bo‘lsa ham, ayt. Bu men tasavvur qilayotganimdan ko‘ra afzalroq-ku.
Men hech qachon haqiqatni aytmayman. Aytolmayman. Ayolga rahmim keladi, g‘alatiroq ekan o‘zi: haqiqatni bildi nima-yu, bilmadi nima, Kemmerix qayta tirilmaydi-ku. O‘limni ko‘raverib, diydam qotib ketgan. Bitta o‘limga ham shunchalikmi? Sal dag‘alroq javob qaytaraman:
— Til tortmay o‘ldi. Og‘riqni sezganiyam yo‘q. Uyquga ketgan kishiday ko‘zlarini yumdi-qo‘ydi.
Ayol biroz sukut saqlab, yana so‘roqqa tutadi:
— Qasam ichasanmi?
— Albatta.
— Aziz avliyolarni o‘rtaga qo‘yib, a?
Yo tavba, aziz-avliyolar nima bo‘pti? Bu men uchun nisbiy tushuncha.
— Ha, tezgina jon berdi.
— Orqamda takrorla: «Agar gapim yolg‘on bo‘lsa, uyimga tirik qaytmay».
Takrorlayman. Bundan battar qasamlarni ham ichishim mumkin. Endi ishondi shekilli. O‘tirib, uzoq yig‘laydi. Keyin qanday bo‘lganini gapirib berishimni iltimos qiladi; men bir balolarni to‘qiyman, cho‘pchagimga o‘zim ham ishonib ketishimga bir bahya qoladi.

✍️ Remark, «G‘arbiy frontda o‘zgarish yo‘q» kitobidan

📚 @kitoblar_pdf

✍️ Ahmad Hodiy Maqsudiy
📖 "Ibodati Islomiya"

Mazkur kitobda iymon va islomning shartlari, shariatga doir muhim masalalar, xullas, har musulmon bilishi zarur boʻlgan maʼlumotlar diyorimiz musulmonlari amal qilayotgan hanafiy mazhabi asosida qulay uslubda, savol-javob tarzida batafsil yoritilgan.

📚 @kitoblar_pdf

#Savodxonlik

1-noyabrdan 5-noyabrgacha

“1-noyabrdan 5-noyabrgacha” jumlasini qisqaroq qilib “1–5-noyabr” shaklida yozsa ham boʻladi. Bunda faqatgina 1 va 5-noyabr emas, ularning orasidagi 2, 3 va 4-noyabr ham nazarda tutiladi.

Eʼtibor berish kerak boʻlgan joyi — raqamlar orasiga qisqa tire qoʻyiladi. Tire va chiziqcha haqida mana bu yerda maʼlumot berganmiz: https://t.me/kitoblar_pdf/3558

Faqatgina muayyan sanalarni koʻrsatish kerak boʻlsa, ular vergul bilan ajratiladi: 1, 2 va 5-noyabr.

Lotin alifbosida yil va oylarni koʻrsatuvchi raqamlardan soʻng -nchi qoʻshimchasini ifodalash uchun chiziqcha (-) qoʻyiladi: https://t.me/kitoblar_pdf/2868

©xatoliklar

📚 @kitoblar_pdf

#Savodxonlik
Oʻzlashgan va oʻzgargan soʻzlar

Tilimizda rus tilidan oʻzlashgan, lekin oʻzlashganda ham moslashib oʻzlashgan soʻzlar talaygina. Ularni bir qarashda oʻzimizning soʻzlar, deb oʻylashingiz ham mumkin. Quyida ularning baʼzilari:

Patnis — поднос (подносить)
Poson — фасон
Poʻrim — форум
Pudrat — подряд
Choʻt — счёт
Chor — царь

©xatoliklar

📚 @kitoblar_pdf

✍️ Oskar Uayld
📖 "Dorian Greyning portreti"

“Dorian Greyning portreti” Oskar Uayldning yagona romani hisoblanadi. Asar uch hafta ichida yozib tugatilgan ekan. Nashr etilgandan so‘ng tanqidchilarning keskin qarshiligiga va hatto muallifni sudga berishgacha yetib borgan. Biroq keng kitobxon ommasi tomonidan asarning yaxshi qabul qilganligi yuqorida ta’kidlangan to‘siqlardan o‘tib mana yuz yildirki, o‘z ahamiyatini boy bergani yo‘q.

Romanda san’at, sevgi va yangi gedonizm qarashlari bilan fentezi uyg‘unlashgan Dorianning fojiasiga guvoh bo‘lasiz. Eng murakkab vaziyat asarni tugatganingizdan so’ng yuzaga keladi: bo’lib o’tgan mudhishliklar sababchisi qilib kimni ayblashni bilmay qolasiz.

📚 @kitoblar_pdf