علم و کتاب

[4/6, 9:17 AM] Abdul Mateen Muniri: مولانا عبداللہ مغیثی اور ملّی کونسل

معصوم مرادآبادی

آل انڈیا ملی کونسل کے صدر اور ممتاز عالم دین مولانا عبداللہ مغیثی گزشتہ رات میرٹھ کے ایک پرائیویٹ نرسنگ ہوم میں انتقال فرماگئے۔ انتقال کے وقت ان کی عمر تقریباً 90 برس تھی۔ وہ کئی سال سے مختلف عوارض میں مبتلا تھے۔ مولانا مغیثی ضلع میرٹھ کے اجراڑہ قصبے میں واقع ایک بڑے مدرسے گلزارحسینہ کے مہتمم تھے اور علاقہ میں اپنی دینی اور ملی سرگرمیوں کی وجہ سے بہت مقبول تھے۔انھوں نے معربی یوپی کے کئی اضلاع میں دینی مدارس کا جال پھیلایا اور درجنوں مدرسو ں کی سرپرستی کی۔وہ آل انڈیا مسلم پرسنل لاء بورڈ کی مجلس عاملہ کے بھی رکن تھے اور اس کے اجلاسوں میں شرکت کے لیے دور دراز کا سفر کیا کرتے تھے۔ ان کے دست راست مولانا آس محمد گلزارقاسمی ہمیشہ ان کے ہم سفر رہتے تھے۔
میں ذاتی طورپر مولانا عبداللہ مغیثی کو برسوں سے جانتا تھا۔وہ مجھ سے بڑی شفقت فرماتے تھے۔ مجھے یاد ہے کہ جب برسوں پہلے ایک گروپ نے جمعیۃ العلماء سے ٹوٹ کر ملی جمعیۃ تشکیل دی تھی تو مولانا مغیثی اس کے قافلہ سالاروں میں تھے۔دیگر اکابرین میں مولانا وحید الزماں کیرانوی، مولانا سیداحمد ہاشمی اور دیگر افراد شامل تھے۔ اس سلسلہ کا عظیم الشان جلسہ دہلی گیٹ کے پاس ہوا تھا اور مولانا مغیثی اسٹیج پر بیٹھے ہوئے نمایاں لوگوں میں شامل تھے۔ جب اخباری فوٹو گرافر تصویریں لے رہے تھے تو انھوں نے اپنے چہرے پر رومال ڈال لیا تھا۔ یہ وہ زمانہ تھا جب ہمارے علمائے کرام صحیح معنوں میں تصویر کشی کو حرام سمجھتے تھے۔
مولانا مغیثی کی اصل سرگرمیاں آل انڈیا ملی کونسل کی صدارت سے شروع ہوئیں جس کے وہ عرصہ دراز سے صدر تھے۔ ملی کونسل کے بانی ڈاکٹر منظورعالم ان کے بہت قدردان تھے، لیکن جیسے جیسے ڈاکٹر منظورعالم کی بیماری کی وجہ سے ان کی گرفت ملی کونسل پر کمزور ہوئی تو مولانا مغیثی کو دیوار سے لگانے کی کوششیں شروع ہوگئیں۔ مجھے یاد ہے کہ 2024 کے عام انتخابات کے بعد جب ملی کونسل نے کانسٹی ٹیوشن کلب میں مسلم ممبران پارلیمنٹ کو استقبالیہ دیا تو اس تقریب کی صدارت کے لیے مولانا مغیثی اپنی بیماری اورآزاری کے باوجود دہلی تشریف لائے۔مگر مجھے یہ جان کر تعجب ہوا کہ اگلے روز جب اس استقبالیہ جلسے کی روداد اخبارات میں شائع ہوئی تو اس میں کہیں بھی مولانا مغیثی کا نام نہیں تھا۔ پروگرام کی خبر ملی کونسل کے دفتر سے پریس ریلیز کی صورت میں بھیجی گئی تھی۔ یہ مولانا عبداللہ مغیثی کے ساتھ ملی کونسل کے نئے ارباب اقتدارکا سلوک تھا، جسے دیکھ کر مجھے بہت افسوس ہوا۔
مولانا عبداللہ مغیثی مظلوم ملت کے ان قائدین میں شامل تھے، جن کا کوئی سیاسی یا نجی ایجنڈا نہیں تھا۔ وہ مخلصانہ طورپر ملی امور میں سرگرم رہے اور کبھی کسی منفعت کا تعاقب نہیں کیا۔ ان کا کردار ان کے قد کی طرح بلند تھا۔ وہ ہمارے معاصر بزرگوں کی آخری کڑی تھے۔ ان کا انتقال جہاں ملی قیادت کا نقصان ہے تووہیں مجھے ذاتی طورپر اپنے ایک کرم فرما کے بچھڑجانے کا غم ہے۔ اللہ تعالیٰ انھیں اپنے جواررحمت میں جگہ عطا فرمائے اور پسماندگان کو صبر جمیل۔آمین
[4/6, 9:24 AM] Abdul Mateen Muniri: محترمی و مشفقی معصوم مراد آبادی صاحب کی تحریروں کا پرانا گرویدہ ہونے کے باوجود مولانا عبداللہ مغیثی صاحب کے متعلق اُن کی اس تحریر پر سخت حیران ہوں. مجھے گزشتہ دس برسوں میں مسلسل ڈاکٹر محمد منظور عالم صاحب سے قریب رہنے کا موقع ملا ہے. اس دس سال کی مدت میں آل انڈیا ملّی کونسل کا کوئی اجلاس ایسا نہیں گزرا جس میں مجھے شرکت کا موقع نہ ملا ہو. ڈاکٹر منظور عالم صاحب کے کونسل کے جنرل سکریٹری ہونے کی حیثیت سے بالکل آخری وقت تک اُن کے پاس آنے والی کونسل کے افراد کی ہر چھوٹی بڑی اطلاع اور اس پر ڈاکٹر صاحب کا ردعمل بھی میرے علم میں ہے. اس ایک دہائی میں مَیں نے کبھی نہ دیکھا اور نہ محسوس کیا کہ مولانا مغیثی کو "دیوار سے لگانے" کی کوشش کی گئی ہو. بالکل آخری وقت میں ایک اجلاس کی پریس ریلیز میں اُن کا نام نہ ہونا، اتنے بڑے الزام کی دلیل کیسے بن سکتا ہے؟ جب کہ اس بڑے سیاسی اجلاس کی صدارت انھی سے کرائی گئی ہو.
مولانا کے صاحب زادے برادرِ مکرم مولانا عبدالملک مغیثی @⁨Malik Mughaisi⁩ اس بزم میں موجود ہیں. امید ہے کہ وہ کچھ دن بعد اس سلسلے میں ضرور اظہار خیال کریں گے، تاکہ جو غلط ہو وہ اپنی غلطی کی اصلاح کرلے.
اللہ تعالیٰ مولانا مغیثی کو دامنِ رحمت میں رکھے، معصوم مرادآبادی صاحب اور ہمارے دوسرے بزرگانِ علم و ادب کو عافیت کے ساتھ سلامت رکھے. آمین
[4/6, 9:25 AM] Abdul Mateen Muniri: معصوم مرادآبادی صاحب کی تحریر پر عزیز من اجمل فاروق کا مناقشہ اس لحاظ سے تو قابل اعتبار ہے کہ ڈاکٹر منظور عالم صاحب کے آخری ایام میں جتنی قربت اجمل میاں کو رہی وہ کسی اور کو (یا کم از کم گروپ سے وابستہ کسی دوسرے شخص کو) نہیں رہی ڈاکٹر صاحب مرحوم ملت کے بہی خواہوں میں

665 viewsAbdul Mateen Muniri, 03:57