‌💢💢💢



تئز گَـل،
اۆره‌ییم کؤرپه اۇشاق‌تک
تلَـسیر

چیلپاق آغاج اۆستۆنده‌کی
یارپاق‌تک
اسیر...

✍#آتیلا_حاجیزاده


#ایمگه‌لر_کانالی
✔️✔️✔️
👇👇👇
@imgalar

‌💢💢💢


دئییرم، یادداشێم ائله اوْلسون کی، منه دۆننیمی خاطرلاتماسێن...

✍ #بختیار_واهابزاده


📸 #تانسو_خیاوی - پاییز 1403 - خیاو شهری


#ایمگه‌لر_کانالی


✔️✔️✔️
👇👇👇
@imgalar

💢💢💢



آزادلیق نغمه‌سی🕊

بورانلی هاوادا مئهلی شوشه‌یم
یازگینان آغلاییم قوی یاواش- یاواش
آزادلیق کلمه‌سی گولدانا دوشسون
دیرچه‌لیم من آتیم بوی یاواش- یاواش

گولومو نازیک اَل قیز-گلین دَرسین
سئوینجک ساریشین ساچینا هؤرسون
قالانین آل بَزَک مندیله سَرسین
اوره‌کده ائله‌سین توی یاواش- یاواش

بوی آتسین ائلیمده آزاد سَرولر
یئنه قیها چکسین شَن تَذَرولر
قوْووشسون بیربیره غریب حرفلر
اؤزگورلوک اولونسون خوی یاواش- یاواش

توخوموم سپیلسین باغچا- باغلارا
تؤکولسون آخیشان گور بولاغلارا
آزادلیق جالانسین یاشیل داغلارا
یازاق اؤزگورلوگه سؤی یاواش- یاواش

یئریمیز بیز دییه‌ن آزاد یئر اولسون
قلبیمیز بیر اولسون، اینسان بیر اولسون
اینسانی سئومه‌ین گؤزلر کور اولسون
اوچوشا تَلَسسین گؤی یاواش- یاواش

✍ #سحر_خیاوی

تَذَرو: قارقاول


#ایمگه‌لر_کانالی
✔️✔️✔️
👇👇👇
@imgalar

💢💢💢


چتینلیکده اوْلسان
«دوْستون» قاپێسینی دؤی.
قاپێ آچێلماسا دا
گؤزلرین مۆطلق
آچێلاجاق...

✍ #صمد_وورغون


#ایمگه‌لر_کانالی

✔️✔️✔️
👇👇👇
@imgalar

💢💢💢



🔳 #رحمتلیک_مهندس_غلامرضا_امانی


آختارما بیر آووج توْرپاغام ایندی
وطن توْرپاغینا قاریشمیشام من

ائله یاشاییرام، گؤرنلر دئییر:
غملی طالعیمله، باریشمیشام من


مکانێن جنّت بؤیۆک انسان🕊🥀


#ایمگه‌لر_کانالی

✔️✔️✔️
👇👇👇
@imgalar

‍ 💢💢💢




بیر گۆن حیاتیم‌دا یئل‌لر قوپاجاق
عؤمۆر اؤز تاغین‌دان سالاجاق منی
نئچه ایل اۆستونده گزدیییم توْرپاق
بیر گۆن‌ده قوْینونا آلاجاق منی


قبریمدن گؤیه‌رن اوْت‌ایلان کۆلک
یاییب گؤیرده‌جک دره‌ده، دۆزده
بلکه سینه‌م اۆسته بیتن بیر چیچک
گزه‌جک نه‌قدر سینه‌لر اۆسته


عؤمۆرده بیر بوْرجدور اَللی ایل، یوۆز ایل
بدبخت‌دیر آز یازیب، چوْخ یاشایانلار
شاعر دوْست! عؤمرۆنۆ یاشیندا دئییل
یازدیغین نغمه‌نین عؤمرۆنده آختار

✍ #ممد_آراز


#ایمگه‌لر_کانالی

✔️✔️✔️
👇👇👇
https://telegram.me/imgalar

💢💢💢



📚 «سنسیز یالقیز قالیب تبریز»
شعر توپلوسو

دووارلار اۆز- اۆزه گلیر بو گئجه
دووارلار سؤز- سؤزه گلیر بو گئجه
دووارلار گؤز- گؤزه گلیر بو گئجه
بو گئجه دووارلار آراسیندایام.
                  

قارانلیق قلبیمی الینه آلیر
شاعیرلیک رویامی بئلینه آلیر
گۆدۆکچۆ شعریمی دیلینه آلیر
بو گئجه روحومون چاراسیندایام.
            

یالقیزلیق جیسمیمی قیلینج­لایارکن
رویالار فیکریمی سوْنوج­لایارکن
کیمی دانلایارکن،  او سۆچ­لایارکن
بو گئجه دونیانین هاراسیندایام؟
       

"بارازا" اوره‌ییم داریخدی آخ ­ائی...
"لوایی" بو گئجه اویاخدی آخ ائی...
"امانی" شعریمه قوْناخدی آخ ائی...
  بو گئجه شعریمین یاراسیندایام. 

✍ #سعید_موغانلی

(بو شعر، رحمتلیک مهندس غلامرضا امانی‌نین دونیادان کؤچدویو گون ائوین زندانیندا یازیلیب و او سئویملی انسانین اولو روحونا اتحاف اولوب.

#مهندس_امانی‌نین روحو شاد، اۇلو یوْلو دوامی 🥀🥀


#ایمگه‌لر_کانالی
✔️✔️✔️
👇👇👇
https://telegram.me/imgalar

💢💢💢

ساری بۆلبۆلۆن سسینی؛ ساری،
آلا بۆلبۆلۆن آغلاییشینی؛ آلا،
آسما بۆلبۆلۆن گؤزیاشینی؛ آسما دۆشۆنردیم اوشاقلیقدا
و ال وورمازدیق،
حیه‌طیمیزین آغاجلاریندا توْخونان قوش‌یووالارینا

قوْناغا حددیندن آرتیق اوز وئریب،
هئچ ایشینه مانع اوْلمادیغیمیز ایللردن بیری،
آسما بۆلبۆلۆن یوواسینا گؤره،
آسلاندی آلچا بوداغیندان قوْناق
سیندی بوداق
داغیلدی آسما بۆلبۆلۆن یوواسی

ساری، آلا، آسما یوْخ،
اوْ گۆنکۆ سسینی قارا دۆشۆندۆم بۆلبۆلۆن
دیمدیکلرینده یوْخ،
سسینی گؤزۆنده گؤردۆم بۆلبۆلۆن

و قوشلار،
ظۆلۆم کیمین طرفیندن اوْلدوغونو یوْخ،
کیمین حیه‌طینده اوْلدوغونو گؤردۆلر

کۆسدۆ اوْ قارا سسدن،
قوشلار حیه‌طیمیزدن
قوشسوز قالان بوداقلار،
قورودو
آلتمیش گۆنۆن ایچینده



✍ #ابراهیم_ساوالان‌

«بایرام‌ آیی‌ ۱۳۹۹»

#ایمگه‌لر_کانالی

✔️✔️✔️
👇👇👇
https://telegram.me/imgalar

‍ ‍ 💢💢💢


#آیریلیق

من سنی حیاتدا داشا دَییشدیم
توْرپاغا دَییشدیم، مزارا دؤندون
من اؤز باهاریمی قیشا دییشدیم
چینارا دؤنموشدون، حاصارا دؤندون

بیر آنا بند ایمیش بو أبدیّـت
دوُیدوُم بوُزا دؤنن نفسیمی ده
آنامی ألیمدن آلان طبیعت،
گؤزو گؤتورمه‌دی، آلدی سنی ده

من بیر خجالتدن چیخا بیلمه‌دیم
بو گیزلی دردیمی آچیق دئسم‌ ده
سنه، سنه لاییق باخا بیلمه‌دیم
سنی، سنه لاییق دفن ائله‌سم ده

یئره سؤیکه‌دیلر مرمر اوزونو
قیشقیردیم: دایانین! أل ساخلادیلار،
من اؤزوم اؤرتردیم ائوده اۆزۆنۆ
بوردا، قبریستاندا توْرپاقلادیلار

سن گئتدین دَییشدی حیاتین اۆزۆ
گئتدی دادی- تامی، هر شئیی گئتدی
ائوی بَزَردین کی، گؤزل گؤرونسون
ائویمین أن گؤزل بزَگـی گئتدی

گئدیب دوست- قوْهومون قبری اۆستۆنه،
گول-چیچک قوْیوردوق ایکیلیکده بیز
«من سنسیز اؤلرم» دئمیشدیم سنه
هامیسی یالانمیش، یاشادیم سن‌سیز

«سنه صداقتدی بۆتۆن حیاتیم»
دئیردیم، باخاردین گولومسه‌یه‌رک
سنی قبریستاندا قوْیوب قاییتدیم
صداقت شُعاریم بو ایمیش دئمک

بو گون قبریستاندا گئجیکیب سحر
اۆستۆنه نور سپیر، قیزیل دان یئری
توْرپاق اوْت بیتیرر، آغاج بیتیرر
بورادا داش بیتیر، قبریستان یئری

بیر گؤزللیک ایتیب دوُمان ایچینده
دۆنیا امتحانمیش، ایشلری اوْوسون
ایلاهی بو قدر انسان ایچینده،
بیر انسان تاپیلمیر سؤز دئمک اوْلسون

فکیرلی قالخیرام اۆزۆ یوخاری
نه قدر یاخینسان، نه قدر اوُزاق!
تزه اوْت گؤیریب، اؤرتور جیغیری
ایتیرمک ایسته‌ییر قبرینی توْرپاق

من‌سیز داریخاردین ائوده هر دفعه
دؤزومسوز اوْلموشدو گئجه-گۆندۆزۆن
گئدنده دئییردین: «تئز قاییت ائوه»
بس نییه قاییدیب گلمیرسن اؤزون؟!

گـؤزوم یولــدا قالیب، قوُلاغیــم سس‌ده
گئدیبســن، قالمیشام من قوْنــــاق کیمی
سن یئــرین آلتیندا، من یئــــرین اۆسته
بیز آیری دۆشمۆشۆک کؤک-بوُداق کیمی..

✍#نریمان_حسن‌زاده
(حیات یولداشی‌نین اؤلۆمۆنه حصر ائتدیگی بیر شعر)

#ایمگه‌لر_کانالی
✔️✔️✔️
👇👇👇
https://telegram.me/imgalar

⚫️ مدرسه‌نین یوْلونداکێ اولدوز؛ دریا
 
✍️ یازان: #تانسو_خیاوی
 
 
«سلماس»ێن گؤزل بیر صاباحێندا، هر زامانکی کیمی مدرسه یوْلونا دۆشن شیرین بیر قێـز اوشاغێ واریدی؛ «دريا».
 
«دریا»نێن مدرسه کیفی، کتاب‌لارێ، دفترلری و رنگارنگ قلم‌لریله دوْلویدو. اۆره‌ڲی ایسه بیلیک* اؤڲرنمک، معلّمی – دوْستلارێ ایله گؤرۆشمک حسرتیندن دؤیۆنوردو.
 
اوْ، سحر یوخوسوندان اویانێـب، آناسێ‌نین اۆزوندن اؤپۆب، گۆله – گۆله‌ کیفی‌نی چیڲنینه آلمێشدی! خبرسیز کی، بوگۆن مدرسه یوْلو اوْنو بؤیۆک بیر ماجرایا و ابدی گؤڲ‌لره آپاراجاق.
 
غفیلدن قوْپان سئل، مدرسه یوْلونو بۆرودو... آجێلی بیر طالع‌سیزلیک، گؤزل – شیرین‌دیللی «دریا»نێ اؤز ایچینه آلدێ. قارانلێق و قایغێ‌لی ساعاتلاردان سوْنرا، آرتێق آختارماق باشلاندێ. هر کس بیر خبر گؤزله‌ییردی. اۆرک‌لر قوْرخو ایله دؤیۆنوردو.
 
نهایت، سئل دایاندێقدان سوْنرا، «دریا»دان بیر نشانه تاپێلدی... مدرسه چانتاسێ! آمّا بو چانتا اوْندان نئچه کیلومتر اوزاقدا – سکگیز کیلومتر آرادا –  یوْل کنارێندا تاپێلدی.
 
اوْ بالاجا، گۆلر‌اۆزلو قێـزین گۆلوش سسلرینه سوْن قوْیولموشدو. آرتێق گۆلوشونون سسی گلمیردی. دریا، «خانێم معلّم! من بو جمله‌نی باشا دۆشمه‌دیم آخی! و....» - دییه بیلمه‌یه‌جکدی.  
 
ایندی «دریا» بیزدن اوزاقلاردا، گؤڲ‌لرین أن پارلاق اولدوزودور. او، بولودلارێن آرخاسێندان بیزه باخێر و گۆلومسه‌ییر. اوْ آرامێزدا اوْلماسا دا، اۆرک‌لریمیزده ابدی یاشایاجاق.
 
🔳 آللاه ملک اۆزلو «دریا»نین عائله‌سینه صبر و آراملێق عنایت ائله‌سین. باشلارێ ساغ اوْلسون.
 
🔶 آچێقلاما؛
 
بیلیک: اطلاعات – علم – معرفت
 
 
@MuncuqAz
https://t.me/Sancaq_media/8541

💢💢💢



🔷 خزانلار


بیر خزاندا،
پارلاق گۆنش دوْغدو.
بیر خزاندا،
بولوت گلیب گۆنو بوْغدو.
آتلایارکن خزانلارێ،
زامان بیزی قوْوالادێ.

گلدی زامان، کئچدی زامان،
آیرێ دۆشدوک یوُردوموزدان.
حسرت قالدێق
سرین - سرین بولاقلارا،
گۆل - چیچکلی اوْتلاق‌لارا


✍ #حبیب_ساهر


#ایمگه‌لر_کانالی
✔️✔️✔️
👇👇👇
@imgalar

💢💢💢



بویانیب خیالین آجی توستویه
باشیما دولونجا یاندی گؤزلریم
یاخیلدی دیلیمه بال کیمی اینان
شیرینسه بوغوردو ائلی سؤزلریم

یازایکن سئل کیمی آپاردی منی
قویلادی چیلله ده بوراندا قاردا
باشیمی دیزیمه ابدی قویدو
سانکی بیر سارماشیق آسیلدی داردا

دولاندیق خییاللا اولدوغون یئری
چیچکدیر هر طرف اوچور کپنک
دولاندین مئشه‌ده اصلان سایاغی
شکلینی بیرده چک آی قارا به‌بک

اسن یئل ایتی دیر سونور چیراقلار
ایچیمده سیزلاییر بیر اسکی یارا
هؤروگوم ایلان تک دولاشیق دوشوب
گؤره سن اوزانیر بو یوللار هارا

بویلانیب باخیرام سن گئدن یولا
مورگولو باخیشین هاردادیر جانیم
جانایین دویغوسو سنه آلیشمیش
یول گلمیر منیمله داماردا قانیم

✍ #جانای

#ایمگه‌لر_کانالی
✔️✔️✔️
👇👇👇
https://telegram.me/imgalar

💢💢💢


🔷 Özlədim

🎼 #Səlami_Şahin


#ایمگه_لر_کانالی

✔️✔️✔️
👇👇👇
@imgalar

💢💢💢


🔷 Özlədim

🎼 #Səlami_Şahin


#ایمگه_لر_کانالی

✔️✔️✔️
👇👇👇
@imgalar

‌💢💢💢



گؤز ایکی، قولاق ایکی، آغێز تک.
چوْخ گؤرۆب، چوْخ دینله‌ییب، آز دانێشماق گرک.

✍ #مولانا


#ایمگه‌لر_کانالی

✔️✔️✔️
👇👇👇
@imgalar

💢💢💢

سنی بیردن بیره یوْخ!
یاواش یاواش سئوه جه یم!

یاز گئجه سینده
روحوما توْخونان سرین هاوا کیمی
سنی یاواش یاواش نفس چکه جه یم

سنی بیردن بیره یوْخ
یئتیشمیش بیر شاراب کیمی
دامجی دامجی ایچه جه یم

آددیم آددیم یوخ
قاریش قاریش گزه جه یم سنی
شهرین دار کۆچه لری
قابارلاناجاق آیاقلاریمدا
سنی دوْداقلاریم لا یوْخ
گوزلریمله اؤپه جه یم

قوْی کئفلنسین داماریمدا آدام لار
دلی اوْلسون بالیغلی چایین، دلی بالیقلاری
تاواردا دوْلاشیب
اۆچ دوکاندا گزیب
زئینال دا ایته جه یم،
سنی سنده، ایته ایته سئوجه یم

آلا قاپی دا، سسلندیکده آذان سسی
سیزین قاپی دا دوراجاغام نامازا
کئفلی کئفلی، آشا آشا
داشاجاغام گوزلریندن
سنی سئویرم دئیه جه یم

بیردن بیره یوْخ
سنی یاواش یاواش سئوه جه یم



✍ #هاشم_فعال_موغانلی‌


#ایمگه‌لر_کانالی
✔️✔️✔️
👇👇👇
https://telegram.me/imgalar