#xabar #ilmiy_amaliy_seminar #xorazm
🤝 САЙЁР ҚАБУЛ, МЕҲР-ОҚИБАТ ВА АМАЛИЙ КЎМАК – ХОРАЗМДАГИ ФАЙЗЛИ ЛАҲЗАЛАР

✅ Ўзбекистон мусулмонлари идораси раҳбариятининг бевосита халқ ичига кириб бориб ўтказаётган самимий мулоқотлари кўплаб муаммолар ечимига асос бўлмоқда. Хусусан, Хоразм сафари давомида муфтий Шайх Нуриддин Холиқназар ҳазратлари фуқароларни сайёр қабул қилиб, уларнинг ижтимоий-маиший муаммолари ва мурожаатларини жойида ҳал этиш чораларини кўрдилар.

📍 Жумладан, Урганч тумани “Тандирчи” маҳалласида истиқомат қилувчи Дурдипошша Юсупованинг хонадони томини ёпиш бўйича мурожаати ижобий ҳал этилиб, оилага тез фурсатда амалий кўмак кўрсатиш юзасидан мутасаддиларга тегишли кўрсатмалар берилди.

🟢Сафар чоғида раис ўринбосарлари, Қорақалпоғистон мусулмонлари қозиёти қозиси, Тошкент шаҳри ва вилоятлар бош имом-хатибларининг Хоразм вилоятидаги ҳудудлардаги аҳоли билан яқиндан мулоқотлари амалга оширилди. Шунингдек, улар ўзларига бириктирилган ҳудудлардаги масжидларга йўл олиб, имом-хатибларнинг маънавий-маърифий соҳадаги ишлари ва масжидларни бошқаришдаги фаолияти билан яқиндан танишди.

❔ Мазкур жараёнда имомларнинг халқ билан мулоқотлари, маърифий суҳбатлари, масжидларнинг куз-қиш мавсумига тайёргарлиги, тозалик ва озодалик, ёнғин хавфсизлиги чоралари ҳамда ҳужжатлар юритиш каби муҳим масалалар эътибор марказида бўлди. Ўрганишлар натижасида масжидлар жамоаларининг ишига ижобий баҳо берилиб, молиявий шаффофликни таъминлаш ва муқобил энергия манбаларидан унумли фойдаланиш бўйича муҳим ва амалий тавсиялар берилди.

📍 Хизмат сафарининг эътиборли жиҳатларидан бири бош имом-хатиблар вилоятнинг 13 та туман ва шаҳридаги 70 дан зиёд ижтимоий ҳимояга муҳтож, оғир беморлари бор ва эътиборга ташна оилалар хонадонида бўлди. Кўнгил сўраш баробарида уларга “Вақф” хайрия жамоат фондининг совғалари улашилди.

🎁 Шунингдек, Урганч шаҳридаги “Ғамхўрлик” интернат уйида бўлиб, жисмоний имконияти чекланган болажонлар ҳолидан хабар олинди. Уларга ширин сўзлар ва меҳрли далдалар билдирилиб, муассасага 2 та совутгич ҳамда турли ҳадялар тақдим этилди.

🤲 Кўрсатилган эътибор ва амалий кўмакдан кўнгли тоғдек кўтарилган ҳамюртларимиз бу хайрли ишлардан мамнун бўлиб, юртимиз тинчлиги ҳамда мутасаддилар ҳаққига хайрли дуолар қилдилар.

✅ Ўзбекистон мусулмонлари идораси
Матбуот хизмати

📱ISHONCHLI VA RASMIY MANBA📲 OBUNA BO'LING

▶️ YouTube | 📷Instagram | 🔵 Facebook

#ЯНГИЛИКЛАР_ВАҚТИ
#дайжест

📍 Қашқадарёда диний соҳа вакиллари иштирокида йиғилиш ўтказилди

...Қашқадарё вилоятида имом-хатиблар, имом-ноиблар ва отинойилар иштирокида йиғилиш бўлиб ўтди. Унда фаолиятда ижро интизомига қатъий риоя этиш, аҳоли мурожаатлари билан ишлаш тизимини такомиллаштириш ва маҳаллаларда маънавий-маърифий ишлар самарадорлигини ошириш масалалари муҳокама қилинди...
➡️ Батафсил

🗣 Бокуда Ўзбекистон ва Озарбайжоннинг муштарак тарихий меросига бағишланган халқаро анжуман ўтказилди

..Боку шаҳрида икки мамлакатнинг тарихий ва маънавий алоқалари ҳамда замонавий илмий ҳамкорлигига бағишланган халқаро анжуман бўлиб ўтди. Тадбир доирасида Ўзбекистондаги Ислом цивилизацияси маркази ва Озарбайжон Миллий Фанлар академияси ўртасида ҳамкорлик меморандуми имзоланди...
➡️ Батафсил

📖 Имом-хатиблар учун "Қуръон ва тажвид илми" бинар дарси ташкил этилди

...Диний таълим муассасалари педагог кадрлари ҳамда имом-хатиблар учун "Қуръон ва тажвид илми" мавзусида бинар дарс ўтказилди. Машғулот давомида Шайх Али Файзуллоҳ Махдум динимизда вақтнинг қадри ва ундан унумли фойдаланишнинг аҳамияти ҳақида маъруза қилди...
➡️ Батафсил

🗣 Ҳомиджон домла Ишматбеков: Муштарак маънавий қадриятлар икки халқни яқинлаштиради

...Ўзбекистон мусулмонлари идораси раисининг биринчи ўринбосари Бокудаги анжуманда сўзга чиқиб, қардош халқларни бирлаштириб турувчи маданий ва маънавий омилларга тўхталди. У Яссавий, Нақшбанд ва Бокувий каби буюк мутафаккирлар мероси туркий халқлар ўртасидаги алоқаларни мустаҳкамлашда муҳим ўрин тутишини таъкидлади...
➡️ Батафсил

📢 Хоразмда республика илмий-амалий семинари бўлиб ўтди

...Хоразм вилоятида соҳа мутахассислари ва илмий доира вакиллари иштирокида навбатдаги республика илмий-амалий семинари ташкил этилди...
➡️ Батафсил

📝 Баҳриддин Хушбоқов

✅ Ўзбекистон мусулмонлари идораси
Матбуот хизмати

📱ISHONCHLI VA RASMIY MANBA📲 OBUNA BO'LING

▶️ YouTube | 📷Instagram | 🔵 Facebook