Amaliyot davomida talabalar Tibbiyot fakulteti, simulyatsion markazlar, anatomiya laboratoriyalari, mikrobiologiya va tibbiyot muhandisligi kafedralari, shuningdek, patologik anatomiya bo‘limlarida o‘quv-amaliy jarayonlarda ishtirok etishmoqda.

Talabalar simulyatsion (simulation-based training) texnologiyalar orqali klinik ko‘nikmalarni takomillashtirish, ilmiy laboratoriya muhitida eksperimental tadqiqot metodlari bilan tanishish hamda interaktiv o‘qitish uslublarini o‘rganish imkoniga ega bo‘ldilar.

Ushbu tashrif tibbiyot turizmi, biotibbiyot muhandisligi va xalqaro akademik integratsiya yo‘nalishlarida yangi imkoniyatlar ochadi hamda ikki oliy ta’lim muassasasi o‘rtasidagi ilmiy va amaliy hamkorlikni yanada mustahkamlaydi.

So‘nggi yillarda tibbiyotga jami 230 trillion so‘m (20 milliard dollar) yo‘naltirildi; shu jumladan joriy yilda 45 trillion so‘m ajratildi — 2016-yilga nisbatan 6 baravar ko‘p. Natijada hududlarda 187 ta yangi poliklinika va shifoxona ishga tushirildi, 1 244 ta muassasa rekonstruksiya qilinib, zamonaviy jihozlar bilan ta’minlandi.

Birlamchi tibbiyot quvvati 60 foizga oshib, aholiga tibbiy xizmat ancha yaqinlashdi. Endilikda 400 dan ortiq yuqori texnologik diagnostika va davolash usullari hududlarda qo‘llanilmoqda; yuzlab murakkab amaliyotlar viloyat markazlarida, kam invaziv operatsiyalar esa tuman darajasida amalga oshirilmoqda. Prezident ayniqsa 45 ta tumanda buyrak ko‘chirish amaliyotining yo‘lga qo‘yilishini sog‘liqni saqlash sohasidagi muhim yutuq deb baholadi. Yurtimizda o‘rtacha umr davomiyligi erkaklarda 71 dan 73 yoshga, ayollarda 76 dan 77,5 yoshga oshgani — xalq salomatligi sohasidagi yirik natija hisoblanadi. Bu yutuqlarda 600 mingdan ortiq fidoyi tibbiyot xodimlarining hissasi alohida qayd etildi.

Shu bilan birga, samaradorlik masalalari ham muhokama qilindi: so‘nggi besh yilda ixtisoslashgan markazlarga 7,5 trillion so‘m ajratilib, minglab zamonaviy uskunalar olib berilgan bo‘lsa-da, ularning quvvatidan atigi 25 foizdan foydalanilayotgani achinarli. Raqamlashtirish, xalqaro hamkorlik, klinik protokollarni yangilash va iqtidorli jamoa shakllantirish bo‘yicha ishlar kuchaytirilishi zarurligi ta’kidlandi.

Prezident shu yig‘ilishda qishloq va olis hududlarda yashovchi millionlab odamlar ham tibbiyotdagi o‘zgarishlarni his qilib qolayotganini, xalqaro tashkilotlar va reyting markazlari ham buning e’tirof etayotganini qayd etdi hamda yechimini kutayotgan masalalarni ochiq muhokama qilishni taklif qildi.
Bugungi yig‘ilish — salomatlikni mustahkamlash va tibbiy xizmatlarni yanada samarali qilish yo‘lida muhim qadam.