⚡️ Xalqaro tibbiy kuzatuv dasturi muvaffaqiyatli yakunlandi

📚 Impuls tibbiyot institutining 11 nafar iqtidorli talabalari hamda 1 nafar professor-o‘qituvchisi Turkiyaning Balıkesir universiteti tibbiyot fakulteti va klinikasida tashkil etilgan 1 haftalik xalqaro kuzatuv dasturini muvaffaqiyatli yakunladi.

🔬Dastur davomida ishtirokchilar klinik boshqaruv, dalillarga asoslangan tibbiyot, zamonaviy diagnostika va davolash protokollari hamda ilg‘or tibbiy texnologiyalar bilan yaqindan tanishdilar. Shuningdek, ular real klinik amaliyotlarda ishtirok etib, bir qator jarrohlik operatsiyalarida shifokorlar nazorati ostida kuzatuvchi sifatida qatnashdilar.

🥳 Yakuniy uchrashuvda universitet rektori Prof. Dr. Yücel Oğurlu, tibbiyot fakulteti dekani va bosh shifokor Dr. Bahadır Çağlar, bosh shifokor o‘rinbosari Dr. Süha Serin hamda xalqaro hamkorlik bo‘limi rahbarlari ishtirok etdi. Talabalarga dastur yakuni bo‘yicha sertifikatlar topshirildi.

🤝 Tomonlar kelgusida ERASMUS, TÜRKÜNİB va TÜBİTAK dasturlari doirasida hamkorlikni kengaytirish bilan birga, professor-o‘qituvchilar malakasini oshirish, ilmiy tadqiqot almashinuvi va qisqa muddatli akademik tashrif dasturlari yo‘nalishlarida ham qo‘shma loyihalarni amalga oshirishga tayyor ekanliklarini bildirdi.

📌 Mazkur dastur talabalarning amaliy bilim va ko‘nikmalarini oshirib, kelgusida xalqaro hamkorlikni rivojlantirishga zamin yaratadi deb ishonamiz.

📞 55-510-50-15

Facebook | Instagram | Telegram

⚡️ Impuls tibbiyot institutida 1-kurs stomatologiya yo‘nalishi talabalari uchun xalqaro onlayn ma’ruza tashkil etildi.

📚 Mazkur ma’ruzada Buyuk Britaniyaning Birmingem universiteti professori, jamoat stomatologiyasi yo‘nalishidagi ekspert Dr. Vahid Ravaghi ishtirok etdi.

🎯 Ma’ruza davomida og‘iz bo‘shlig‘i kasalliklarining global epidemiologiyasi, tish kariyesi va periodontal kasalliklarning keng tarqalishi, ularning ijtimoiy va tibbiy ahamiyati hamda zamonaviy profilaktik yondashuvlar muhokama qilindi.

📌 Shuningdek, Jahon sog‘liqni saqlash tashkilotining global strategiyasi doirasida stomatologik xizmatlarni takomillashtirish, profilaktik choralarni kuchaytirish va jamoat salomatligini yaxshilash masalalari yoritildi.

Talabalar uchun ushbu ma’ruza xalqaro tajriba bilan tanishish, ilmiy bilimlarni kengaytirish va zamonaviy stomatologik yondashuvlar haqida tushuncha hosil qilishda muhim ahamiyat kasb etdi.

📕 Impuls tibbiyot instituti tomonidan xalqaro hamkorlikni rivojlantirish hamda talabalar uchun ilg‘or bilim va tajribalarni taqdim etish ishlari izchil davom ettiriladi.

📞 55-510-50-15

Facebook | Instagram | Telegram

⚡️ Impuls tibbiyot instituti va Belarus Respublikasining “Gigiyena, toksikologiya, epidemiologiya, virusologiya va mikrobiologiya ilmiy-tadqiqot instituti” (ГУ «РЦГЭиОЗ») o‘rtasida o‘zaro hamkorlikni rivojlantirishga qaratilgan anglashuv memorandumi imzolandi.

🎯 Mazkur hujjat Impuls tibbiyot instituti prezidenti, tibbiyot fanlari doktori, professor Baxtinur Xudanov hamda Belarus Respublikasi mazkur ilmiy-tadqiqot instituti direktori Sychik Sergey Ivanovich o‘rtasida imzolandi.

📚 Memorandum doirasida tomonlar tibbiyot va jamoat salomatligi yo‘nalishlarida ilmiy-tadqiqot faoliyatini rivojlantirish, epidemiologiya, gigiyena, toksikologiya, virusologiya va mikrobiologiya sohalarida hamkorlikni kengaytirish bo‘yicha kelishuvga erishdilar.

📓 Shuningdek, hujjatda qo‘shma ilmiy loyihalarni amalga oshirish, akademik almashinuv dasturlarini yo‘lga qo‘yish, professor-o‘qituvchilar va tadqiqotchilar o‘rtasida tajriba almashish, zamonaviy laboratoriya tadqiqotlari va innovatsion texnologiyalarni joriy etish kabi muhim yo‘nalishlar belgilab olindi.

🤝 Mazkur hamkorlik ikki tomonlama ilmiy salohiyatni mustahkamlash, tibbiyot sohasida zamonaviy bilim va texnologiyalarni joriy etish hamda xalqaro aloqalarni rivojlantirishga xizmat qiladi.

📌 Impuls tibbiyot instituti tomonidan xalqaro hamkorlikni kengaytirish va ilmiy-tadqiqot faoliyatini rivojlantirish borasidagi ishlar izchil davom ettiriladi.

📞 55-510-50-15

Facebook | Instagram | Telegram

⚡️ Oliy ta’lim boshqaruvini modernizatsiya qilishga bag‘ishlangan seminar o‘tkazildi

📚 Oliy ta’lim, fan va innovatsiyalar vazirligi hamda Britaniya Kengashi hamkorligida tashkil etilgan ikki kunlik seminarda 18 ta OTMdan 40 ga yaqin rahbar xodimlar ishtirok etdi. Tadbirda Advance HE ekspertlari Kim Ansell va Aaron Porter zamonaviy governance tamoyillari asosida oliy ta’lim muassasalarini boshqarish masalalari yuzasidan ma’ruza qildilar.

Seminarda Boshqaruv kengashlari kodeksini ishlab chiqish, GCAN milliy tarmog‘ini rivojlantirish, kengash a’zolari uchun o‘quv dasturlarini joriy etish hamda boshqaruv kengashi kotibi institutini yo‘lga qo‘yish masalalari muhokama qilindi. Impuls tibbiyot instituti vakillari ham faol ishtirok etib, hududiy OTMlarda boshqaruv samaradorligini oshirish, strategik qarorlar qabul qilish mexanizmlarini takomillashtirish hamda boshqaruv kengashi faoliyatini institutsional mustahkamlash bo‘yicha takliflar bildirdilar.

🎯 Mazkur seminar oliy ta’lim tizimida zamonaviy, shaffof va samarali boshqaruv modelini shakllantirishga qaratilgan tizimli islohotlarning amaliy davomi bo‘lib xizmat qiladi.

📞 55-510-50-15

Facebook | Instagram | Telegram