🏆 Ligada qatnashayotgan barcha ishtirokchilarga shaxsan o‘z nomimdan omad tilayman!

LIGA — bu shunchaki sovrin yoki iPhone uchun kurashadigan musobaqa emas.

Bu — o‘z irodangizni sinaydigan maydon.

Mardlar maydonda sinaladi.
Eng zo‘rlar esa dangasalikni, bahonalarni, “bugun qilmay qo‘ya qolay” degan fikrni yenga olganlardir.

Shuning uchun o‘zingizga bir savol bering:

“Men o‘zimni yenga olamanmi?”

14–20-sentabr kunlari shunchaki o‘zingizni sinab ko‘ring. Har kuni ozgina bo‘lsa ham oldinga qadam tashlang. 🔥

iPhone — maqsad bo‘lmasin.
Asosiy g‘alaba — o‘zingiz ustingizdan qozongan g‘alabangiz bo‘lsin.

Va unutmang: bu Liga endigina boshlanyapti. Hali hammasi oldinda!

Rustam Qoriyev

Men ham Ibrat Ligasidaman! 🏆🔥

Bu safar tomoshabin emas, ishtirokchiman. 😄

14–20-sentabr kunlari Ibrat Farzandlari bilan birga General English bo‘yicha o‘zim ham marafonga kirishdim.

Hozircha natijam unchalik maqtanadigan darajada emas — 0 XP 😅. Lekin gap hozirgi natijada emas, boshlashda.

Menimcha, Ibrat Ligasi shunchaki iPhone yoki sovrin yutish uchun tashkil qilinmagan. Bu — o‘zimizni sinash, irodamizni chiniqtirish va dangasalikni yengish uchun maydon.

Shuning uchun barcha ishtirokchilarga omad tilayman! 💪

Eng kuchli odam — eng ko‘p biladigan emas, boshlagan ishini oxirigacha olib boradigan odam.

Qani, ko‘ramiz-chi, men nechanchi o‘ringa chiqarkanman? 😎

Ibrat Ligasi boshlandi! 🏆
Maydonda ko‘rishamiz! 🔥

Telefonga qaramlikdan qutqaradigan asar tavsiya qilaman

Saʼdullo Quronovning «Galaktikada bir kun» fantastik qissasi bolalar va oʻsmirlar uchun juda mos asar. Unda oʼn ikki yoshli ixtirochi Ahmadning fazo boʻylab qilgan sarguzashtlari shunday tasvirlanganki, mutolaa davomida goʻyo qiziqarli kinofilmdek oʻziga rom etadi.

Ochigʻi, yoshim katta boʻlishiga va ko‘plab kitoblar o‘qiganimga qaramay, shaxsan bu asarni oʻqib (audio formatida tinglab) bir zumda bolaligimga qaytgandek boʻldim. Asar meni shu qadar oʻziga tortib ketdiki, xuddi Ahmad bilan birga fazo kemasida yulduzlar oralab sayohat qilayotgandek, bolalarcha hayrat bilan koinot sirlarini qayta kashf etgandek boʻldim. Katta yoshli odamni ham bosh koʻtarmay oʻqishga undaydigan bu shiddat va kashfiyot zavqi har qanday asarda ham uchrayvermaydi.

Agar farzandingizni, uka va singillaringizni telefonga qaramlikdan qutqarib, unda ilm-fan va kashfiyotlarga havas uygʻotmoqchi boʻlsangiz, aynan mana shu kitobni tavsiya qilaman.

Rustam Qoriyev

Aziz ustozlar va murabbiylar!

Sizlarni Ustoz va murabbiylar kuni bilan chin qalbimdan muborakbod etaman!

Ibrat Farzandlari bilan faoliyatimiz davomida bir narsani yanada chuqurroq angladim: bir insonga ilm berish — uning nafaqat bugunini, balki butun kelajagini o‘zgartirishdir.

Bizning yoshlar bilan qilayotgan har bir ishimizning zamirida ham ustozlarga bo‘lgan hurmat va ilmni ulashish g‘oyasi turadi.

Ustoz — bir insonni emas, butun avlodni o‘zgartiradi.

🌿 Bayramingiz muborak bo‘lsin, aziz ustozlar!

Rustam Qoriyev

🚨 SHOV-SHUVLI YANGILIK!

Ibrat Ligasida 44 034 XP bilan 1-o‘rinda borayotgan Samandarning ochkolarni g‘ayrioddiy tezlikda jamlayotgani e’tiborimizni tortdi. Tekshiruv natijasida u sun’iy intellekt vositalaridan foydalanib, liga qoidalarini buzgan holda ochko to‘plagani aniqlandi.

Shu sababli, Samandar musobaqadan chetlatildi.

📈 Endi barcha ishtirokchilar bir pog‘ona yuqorilaydi:
🥇 2-o‘rin → 1-o‘rin
🥈 3-o‘rin → 2-o‘rin
🥉 4-o‘rin → 3-o‘rin
…va shu tartibda davom etadi.

Ibrat halol raqobatni qadrlaydi va qoidabuzarliklarni aniqlashda davom etadi.

🔥 Intriga yana qaytdi. Haqiqiy kurash endi boshlanadi!

@ibratfarzandlari