مسح حلو العمر في لحظتين وغادر وما قال
‏عذر يجبر عزا ملح السنين وكبر هقواتي

‏عطاني جرح للذكرى تزول الروح ما ينزال
‏عطاني جرح ما يطري على بال انكساراتي

تضحكني الذكرى وأنا جوفي حطام
‏ضحكة حزين في .. طرفها شجاعه

‏"لبست ثوب الصمت وأختصرت الكلام
‏لو أنه في صدري مثل.. دبك الخيول"

احسب انك تيمم فـ اتجاهي ، وين ما يممت
‏و اثر لا انته ورايه فـ الطريق و لا انت قدامي
‏- سعد بن جدلان

‏يا ليل ما بعدك سوى شرواك .. ليل
‏قمراك كل دمعٍ نسيته .. هلته

‏بكرّه ولا فيني من الرحمه قليل
‏لي قلب كل ما حب حاجه .. خلّته

ماطرى لي طاري إنّك بتصبح لي خصيم
‏ليتني داري و حطيت من / صوبك ذرى

‏"عليه من السرور اللي ما هو في وجهي البكاي
‏و عليه من السلام اللي ما هو في ليل تودیعه"

‏يا رب .. يالواهب المنّان ، هوّن على المنجرح جرحه

‏" طاري على حزه عصر
‏و جماد ارواح .. و سكوت

‏ِاحس روحي " تختنق "
‏يا رب هالحزه تفوت
‏ِ
‏مو بس انا حتى العصر
‏لا جا العصر .. ودّه يموت "

اللي هقيته بيستقعد لسود الليال
قدّام عينه يضايقني الزمان .. وقعد

عادي يموت الكلام وتنخلق "عادي"
مع إن كل ما سكتّ تضيق بي روحي

‏ما أشبه إلا الحمام الخايف، الهادي
كل م ارتفع للسما ردّتني جروحي!

‏أضحكي لي ياليالي العمر .. دام العمر مره
‏وأسقي جفافٍ تفرع وأحتضن زهرة شبابي

‏أنفضيني منه ماضي روح بـ خيره وشره
‏وأدفني لي ذكرياتٍ عمرها طول عذابي

‏قولي إن الليل مهما طول الشمس بتمره
‏ونشوة الأحلام مهما طولت ؟ بـ تدق بابي

‏"لا ذكرت الله و لطفه في حياتي
‏أبتسـم لو المواقف موجعة"

‏كل ما طلّ وجه البرد طلّ الحنين
‏الشتا كل وجه ٍغاب يسأل عنَه

‏يعزف ⁦ الليل⁩ناي الذكريات الحزين
‏والسهر ما يخلًي جرح ما يحضنه

لك الله يا أحن المخاليق وش قساك
‏وش اللي نزع ضحكة لقانا وكفنها؟

‏وش اللي تغير وآخر أيامنا وش جاك
‏وش اللي حداك لكلمةٍ ما تثمنّها؟

‏وعلى الروح ياقطعه من الروح من قوّاك؟
‏وهي روحٍ أدنى ما تسويه يطعنها

تدري وش اسوء من مسافات الظلام ؟
‏حبس الملام بداخلك من دون صوت

‏وبين السكوت و بين في صدري كلام
‏مات الشعور اللي هقيته ما يموت !

‏"كنت احسب أن الغلا زال واثره، لايزال"

‏بعد طالت مشاوير الحياة و سجوّ السالين
‏نويت أعيش فـ الدنيا و أسايرها ولا أمداني

‏ترجعني لـ خيبات الظنون و زلة الغالين
‏و أطوّفها على شان الهوى ما هو على شاني

‏وأنا ماني غشيمٍ فـ التعامل و أعرف الغاوين
‏أجامل و أتشيّم و الخطأ ما هو بـ يخفاني

‏ولكن كل ما ذعذع هواك أشوف شوف العين
‏ملذات السنين و ما بقى من عمري الفاني

‏تحاليت الجروح اللي تجيني من إيدينك لين
‏دريت إن كل جرحٍ في حشاي أغلى من الثاني

‏"أسافر من محطات الخيال لـ وقفة التفكير
‏واغني باللحون إللي صداها يطرب أسماعي

‏جناحي ذكرياتي والسما فكرة وأحب أطيّر
‏كرهت الواقع إللي يحبس افكاري في قاعي

‏جفيت الليلة إللي تشغل الخاطر عن التعبير
‏وسكنت الليلة إللي في دجاها يظهر إبداعي

‏قريت الصفحة إللي كان في روحي لها تأثير
‏لقيت سطورها ماحرّكت قلبي من اضلاعي

‏كثر ما كنت أخاف المفارق صرت أشوفه خير
‏مثل ما كنت أخاف من البحر قبل اطلق شراعي

‏غديت أودّع المقفي ولا أحب أسمع التبرير
‏أشوف إن التفاصيل الكثيرة ما لها داعي

‏فـ أنا يا اللي تظن إني بدونك ما أحسن التدبير
‏هجرتك وأشتعل نور الحياة و زانت اوضاعي

‏فلا شكراً على وقتك ولا اعذرني على التقصير
‏أنا من يوم فارقتك تلاشت معظم أوجاعي"