Iqtidorli talabalar bo‘limi — yangi imkoniyatlar sari qadam!

Iqtidorli talabalar bo‘limi — bilimli, faol va tashabbuskor talabalarni aniqlash, qo‘llab-quvvatlash hamda ularning salohiyatini ro‘yobga chiqarishga xizmat qiluvchi yangi imkoniyatlar maskani.

Bu yerda siz o‘z iqtidoringizni namoyon etish, ilmiy izlanishlar olib borish, tanlov va olimpiadalarda ishtirok etish, startap g‘oyalaringizni rivojlantirish hamda xalqaro imkoniyatlarga yo‘l olish imkoniga ega bo‘lasiz.

📌 Bo‘lim sizga qanday imkoniyatlarni taqdim etadi?

🔹 Iqtidorli talabalarni qo‘llab-quvvatlash
Talabalarning qiziqishi, bilim va yutuqlari aniqlanib, iqtidorli talabalar bazasi hamda shaxsiy rivojlanish shakllantiriladi.

🔬 Ilmiy faoliyat
• ilmiy maqola va tezis yozishga ko‘mak;
• konferensiyalarga tayyorgarlik;
• ilmiy rahbarlar bilan ishlash;
• ilmiy to‘garak va yosh tadqiqotchilar klublari;
• grant loyihalarida ishtirok etish imkoniyatlari.

🏆 Tanlov va olimpiadalar
Talabalar fan olimpiadalari, “Eng faol talaba”, “Eng yaxshi ilmiy maqola”, “Eng yaxshi startap”, “Eng yaxshi innovatsion g‘oya” va boshqa nufuzli tanlovlarga tayyorlanadi.

💡 Startap va innovatsiyalar
Yangi g‘oya va loyihalarga ega talabalar uchun:
• startap loyihalarini rivojlantirish;
• Startaplar klubi;
• grant va tanlovlarga yo‘naltirish;
• inkubatsiya va akseleratsiya dasturlari;
• investorlar va soha mutaxassislari bilan uchrashuvlar tashkil etiladi.

🎖 Stipendiya va rag‘batlantirish
Iqtidorli talabalar Prezident stipendiyasi, nomli davlat stipendiyalari, universitet stipendiyalari, xalqaro grant va stipendiyalarga tavsiya etilishi mumkin.

🌍 Xalqaro imkoniyatlar
• xalqaro konferensiyalar;
• talabalar almashinuvi;
• Erasmus+ va boshqa xalqaro dasturlar;
• xorijiy grant, tanlov va loyihalarda ishtirok etish imkoniyatlari.

🌐 Xorijiy tillar va klublar
English Club, Speaking Club, Debate Club, IT Club, Book Club, Liderlar klubi, Yosh tadqiqotchilar klubi hamda Media/SMM klubi kabi yo‘nalishlarda o‘z ustingizda ishlash imkoniyati.

🤝 Mentorlik tizimi
Yuqori natijalarga erishgan talabalar tajribasini boshqa talabalar bilan bo‘lishib, ularning ilmiy, ijodiy va shaxsiy rivojlanishiga ko‘maklashadi.

📁 Shaxsiy portfolio
Har bir iqtidorli talabaning yutuqlari, sertifikatlari, loyihalari va muvaffaqiyatlari elektron portfolio shaklida jamlanadi.

✨ Iqtidor — imkoniyat bilan uyg‘unlashganda katta yutuqlarga aylanadi!Sizda g‘oya, bilim va maqsad bo‘lsa, biz uni rivojlantirishda siz bilan birgamiz!

📩 Murojaat uchun: @ipu003
📞 Tel: +998 94 454 11 12

📞Aloqa markazi:
+998752306060 (Qashqadaryo)
😎 Yozish
+998557056060 (Samarqand)
😎 Yozish

💠Litsenziya Nº 194419 25.12.2023

📍Manzil: Qarshi shahri, Gungon MFY, Jayxun ko‘chasi, 11A-uy

📍Manzil: Samarqand viloyati, Samarqand tumani, Jo‘yi soy MFY, Yasmin ko‘chasi, 11-uy

🕊 Telegram|📱 Instagram|🌍 Web-sahifa

🏅 E’TIROF VA E’ZOZ!

Iqtisodiyot va pedagogika universiteti professor-o‘qituvchisi Murtazova Sahodat Bo‘riyevna “Oliy ta’lim a’lochisi” esdalik nishoni bilan taqdirlandi.

Sahodat Bo‘riyevna Murtazova 1993-yilda Qarshi agrar-iqtisodiyot institutida laborant sifatida mehnat faoliyatini boshlagan. Oliy ta’lim tizimidagi 33 yillik samarali faoliyati davomida laborant, kabinet mudiri, kafedra assistenti, katta o‘qituvchi kabi lavozimlarda faoliyat yuritib, tarix fanlari bo‘yicha falsafa doktori (PhD), dotsent va professor darajalariga erishdi.

Shuningdek, u Respublika “Ma’rifat” targ‘ibotchilar jamiyati a’zosi hamda xalq deputatlari Qashqadaryo viloyati Kengashi deputati sifatida ham faol ishtirok etib kelmoqda.

Ustoz va murabbiylar kuni arafasida O‘zbekiston Respublikasi Oliy ta’lim, fan va innovatsiyalar vazirining tegishli buyrug‘iga asosan “Oliy ta’lim a’lochisi” esdalik nishoni bilan taqdirlangani — ustozning ko‘p yillik fidokorona mehnati, ilm-fan va ta’lim rivojiga qo‘shgan hissasining munosib e’tirofidir.

Universitetimiz jamoasi Sahodat Bo‘riyevna Murtazovani ushbu yuksak e’tirof bilan samimiy muborakbod etadi! Ustozga mustahkam sog‘liq, oilaviy xotirjamlik, ilmiy-pedagogik faoliyatida yangi yutuqlar va kelgusi ishlarida ulkan muvaffaqiyatlar tilaymiz!

📞Aloqa markazi:
+998752306060 (Qashqadaryo)
😎 Yozish
+998557056060 (Samarqand)
😎 Yozish

💠Litsenziya Nº 194419 25.12.2023

📍Manzil: Qarshi shahri, Gungon MFY, Jayxun ko‘chasi, 11A-uy

📍Manzil: Samarqand viloyati, Samarqand tumani, Jo‘yi soy MFY, Yasmin ko‘chasi, 11-uy

🕊 Telegram|📱 Instagram|🌍 Web-sahifa

⚡️Xorijiy va nodavlat oliy ta’lim tashkilotlari talabalari uchun davlat granti tanloviga arizalar qabuli boshlandi

Arizalar 2026-yil 10-oktabrdan 17-oktabrgacha (shu kuni ham) qabul qilinadi.

Ariza topshirish uchun havola: https://my.uzbmb.uz

Tanlovda kimlar ishtirok etishi mumkin?
xorijiy OTMning O‘zbekistondagi filiallari va xususiy OTMlarda bakalavriat taʼlim yo‘nalishlarining kunduzgi ta’lim shakliga qabul qilingan talabalar.

Talabalar tegishli ta’lim yo‘nalishlari uchun belgilangan fanlar majmuasi bo‘yicha saralash test sinovida ishtirok etadi. Test sinovlari Bilim va malakalarni baholash agentligi tomonidan o‘tkaziladi.

Muhim! Tanlov natijasida davlat grantiga tavsiya etilgan talabalarga grant butun o‘qish davri uchun ajratiladi. Bunda grant olgan talabalar o‘qishni tamomlagach, belgilangan tartibda davlat yoki davlat ulushi mavjud tashkilotlarda kamida 3 yil ishlab berish majburiyatini oladi.

🇺🇿 @nodavlattalim — nodavlat oliy ta'lim muassasalari haqida rasmiy xabarlar!

#kun_hikmati

Vaqt – insonning eng qimmat boyligidir.

🪶 Teofrast