Manzil: Qarshi shahri, Gungon MFY, Jayxun ko‘chasi, 11A-uy
Mo‘ljal: Nasaf mashina bozori yo‘lida
Aloqa markazi: +998 75 230 60 60

Universitetimiz manzilini topishda qiyinchilikka duch kelsangiz yoki qo‘shimcha ma’lumot hamda yo‘nalish bo‘yicha yordamga ehtiyoj sezsangiz, Aloqa markazimizga murojaat qilishingiz mumkin. Mutaxassislarimiz sizga zarur ma’lumotlarni taqdim etib, mamnuniyat bilan yordam berishadi.

Tanlovning asosiy maqsadi — Mustaqillik yillarida mamlakatimizda amalga oshirilgan bunyodkorlik ishlari, yoshlar uchun yaratilayotgan imkoniyatlar, Vatanga muhabbat va milliy qadriyatlarni ijodiy ishlar orqali keng targ‘ib etishdan iborat.

Tanlov nominatsiyalari:
📸 “Eng yaxshi fotoalbom”
🎵 “Eng yaxshi qo‘shiq”

Tanlov muddati: 2026-yil 4-sentabrga qadar.
Tanlovda ishtirok etish uchun Ma’naviyat bo’limi boshlig’i Oybek Ikromovga va fakultet dekanlariga murojaat qilishingiz mumkin.

Eng munosib ijodiy ishlar saralanib, g‘oliblar universitet tomonidan munosib rag‘batlantiriladi.

Aziz talabalar! O‘z ijodingiz, iste’dodingiz va Vatanga bo‘lgan muhabbatingizni namoyon etish imkoniyatini qo‘ldan boy bermang!

Tadbir davomida Qashqadaryo viloyati hokimi Murotjon Berdaliyevich Azimov so‘zga chiqib, Qashqadaryo viloyatida tashkil etilgan qator ta’lim muassasalari, xizmat ko‘rsatish obyektlari hamda bugungi kunda amalga oshirilayotgan keng ko‘lamli bunyodkorlik va islohotlar haqida davlatimiz rahbariga batafsil ma’lumot berdi.

Jumladan, Qarshi shahrida qiymati qariyb 400 milliard so‘mni tashkil etuvchi Iqtisodiyot va pedagogika universitetining zamonaviy bino va inshootlari barpo etilgani alohida ta’kidlandi. Mazkur zamonaviy majmuada 20 mingdan ortiq talabaning tahsil olishi uchun munosib shart-sharoitlar yaratilgan bo‘lib, 700 nafar aholini daromadli ish bilan ta’minlash ko‘zda tutilgan.

Ushbu bunyodkorlik ishlari Prezidentimiz rahnamoligida mamlakatimizda, xususan, Qashqadaryo viloyatida ta’lim tizimini rivojlantirish, yoshlar uchun zamonaviy imkoniyatlar yaratish va aholi bandligini ta’minlash borasida amalga oshirilayotgan izchil islohotlarning amaliy ifodasidir.