O‘zbekiston yoshlar ittifoqining boshlang‘ich tashkiloti tomonidan hisobot-saylov yig‘ilishi o‘tkazildi.

“Talaba yugur” — 24-sentyabr kuni Qashqadaryo viloyatidagi oliy ta’lim muassasalari talabalari o‘rtasida tashkil etilgan sport musobaqasida universitetimiz talabalari faol qatnashib, qizlar jamoasi 1-o‘rin, yigitlar jamoasi esa 3-o‘rinni egalladi.

Kiberxavfsizlik — Qashqadaryo viloyati Kiberxavfsizlik boshqarmasi mas’ullari universitetga tashrif buyurib, professor-o‘qituvchilar uchun internet va raqamli xavfsizlik, kiberxatarlardan himoyalanish bo‘yicha tushuntirish ishlarini olib bordilar.

Milliy qadriyatlar — universitetimiz talabalari milliy liboslarda tashrif buyurib, milliy o‘zligimiz va qadriyatlarimizga bo‘lgan hurmatini namoyon etdilar.

“Yosh kitobxon” — talabalarning kitobxonlik madaniyatini oshirish va intellektual salohiyatini rivojlantirish maqsadida tanlovga tayyorgarlik ishlari olib borildi. Tanlov 29-sentyabr kuni universitetning 613-xonasida bo‘lib o‘tishi belgilangan.

Yoshlar uchun imkoniyat — “Zakovat”, “Munozara”, “Mushoira”, “Teatr studiyasi” va “Yosh kitobxon” kabi to‘garaklarga talabalarni jalb etish ishlari davom etdi.

Talabalar nigohida IPU — “Nega aynan Iqtisodiyot va pedagogika universitetini tanladingiz?” mavzusida talabalar bilan samimiy suhbatlar tashkil etilib, ularning universitet, ta’lim va talabalik hayoti haqidagi fikrlari jamlandi.

Universitet hayoti — auditoriyalardagi darslar bilan bir qatorda, talabalar o‘rtasidagi samimiy suhbatlar, yangi tanishuvlar, do‘stlik va unutilmas lahzalar bilan ham mazmunli kechmoqda.

Sport muhiti — universitetning futbol, basketbol va voleybol maydonlarida talabalar uchun sport bilan shug‘ullanish, bo‘sh vaqtni mazmunli o‘tkazish va jamoaviy ruhni mustahkamlash uchun yaratilgan imkoniyatlardan foydalanilmoqda.

Bir hafta — ko‘plab voqealar, yangi taassurotlar va munosib natijalar!
Iqtisodiyot va pedagogika universitetida har bir kun — yangi imkoniyat, har bir tashabbus esa yangi natijalar sari qadam.

Bizni kuzating: