Iqtisodiyot va pedagogika universitetida yoshlar o‘rtasida ma’naviy-ma’rifiy dunyoqarashni kengaytirish, ularni turli yot g‘oyalar ta’siridan asrash hamda sog‘lom turmush tarzini targ‘ib etish maqsadida “Jaholatga qarshi ma’rifat bilan kurashamiz” shiori ostida ma’naviy-ma’rifiy tadbir tashkil etildi.

Tadbir davomida jaholatning salbiy oqibatlari, ma’rifat va bilimning inson hayotidagi o‘rni, yoshlarning mafkuraviy immunitetini mustahkamlash hamda ularni mustaqil fikrlashga undash masalalariga alohida e’tibor qaratildi.

Shuningdek, giyohvandlik — asr vabosi sifatida insoniyat salomatligi, jamiyat osoyishtaligi va yoshlar kelajagiga jiddiy tahdid soluvchi illatlardan biri ekanligi ta’kidlandi.

Yoshlarni zararli odatlardan yiroq bo‘lishga, bo‘sh vaqtlarini mazmunli tashkil etishga, ilm olish va kitobxonlikka intilishga chaqiruvchi fikrlar bildirildi. Zero, jaholatga qarshi kurashning eng samarali yo‘li — ma’rifat, bilim va yuksak ma’naviyatdir.

📞Aloqa markazi:
+998752306060 (Qashqadaryo)
😎 Yozish
+998557056060 (Samarqand)
😎 Yozish

💠Litsenziya Nº 194419 25.12.2023

📍Manzil: Qarshi shahri, Gungon MFY, Jayxun ko‘chasi, 11A-uy

📍Manzil: Samarqand viloyati, Samarqand tumani, Jo‘yi soy MFY, Yasmin ko‘chasi, 11-uy

🕊 Telegram|📱 Instagram|🌍 Web-sahifa

Iqtisodiyot va pedagogika universiteti Turkiyaning Konya Teknokent tashkiloti bilan hamkorlik memorandumini imzoladi

2026-yil 8-oktabr kuni Iqtisodiyot va pedagogika universitetida tashkil etilgan “Ilm-fan va texnologiyalarning dolzarb muammolari” mavzusidagi xalqaro ilmiy-amaliy anjuman doirasida universitet hamda Turkiya Respublikasining Konya Teknokent tashkiloti o‘rtasida hamkorlik memorandumi imzolandi.

Mazkur memorandum ikki tomonlama hamkorlikni rivojlantirish, xususan, biznes ta’limi, innovatsiyalar, boshqaruv va xodimlarni tayyorlash sohalarida o‘zaro aloqalarni mustahkamlashga qaratilgan.

Memorandum doirasida strategik hujjatlarni birgalikda ishlab chiqish, ta’lim va innovatsion faoliyat yo‘nalishlarida hamkorlik qilish, shuningdek, universitetning mavjud imkoniyatlari va resurslaridan belgilangan shartlar asosida foydalanish nazarda tutilgan.

Ushbu hamkorlik universitetning xalqaro aloqalarini yanada kengaytirish, ilm-fan, ta’lim va innovatsiyalar sohasida o‘zaro tajriba almashish uchun yangi imkoniyatlar yaratishga xizmat qiladi.

Iqtisodiyot va pedagogika universiteti xalqaro hamkorlikni rivojlantirish yo‘lidagi faoliyatini izchil davom ettirmoqda.

📞Aloqa markazi:
+998752306060 (Qashqadaryo)
😎 Yozish
+998557056060 (Samarqand)
😎 Yozish

💠Litsenziya Nº 194419 25.12.2023

📍Manzil: Qarshi shahri, Gungon MFY, Jayxun ko‘chasi, 11A-uy

📍Manzil: Samarqand viloyati, Samarqand tumani, Jo‘yi soy MFY, Yasmin ko‘chasi, 11-uy

🕊 Telegram|📱 Instagram|🌍 Web-sahifa