Festival doirasida turli sohalarda muvaffaqiyatga erishgan mutaxassislar ishtirokida qiziqarli uchrashuvlar, foydali suhbatlar hamda mahorat darslari tashkil etiladi.

🎤 Festival spikerlari:

🔹 Umida Olimova — oliy ma’lumotli jurnalist.

🔹 Umida Zayniddinova — ginekolog-reproduktolog.

🔹 Yodgoraxon Karimjonova — etiket bo‘yicha ekspert.

🔹 Asal Ziyodova — yosh tadbirkor, “Bolalar akademiyasi” maktabi asoschisi.

📍 Festival haqida ma’lumot:

📅 Sana: 15-oktabr, 2026-yil
⏰ Vaqt: 10:00
🏛 Manzil: Iqtisodiyot va pedagogika universitetining yangi binosi, 2-qavat, faollar zali.

Ishtirok etish bepul!
Oldindan ro‘yxatdan o‘tish talab etilmaydi!

Anjumanda 30 dan ortiq xorijiy oliy ta’lim muassasalari vakillari, shuningdek, mamlakatimizning yetakchi olimlari, professor-o‘qituvchilari, ilmiy tadqiqotchilari va mutaxassislari ishtirok etdilar.

Tadbir davomida iqlim o‘zgarishi, suv resurslari tanqisligi, sun’iy intellekt, axborot xavfsizligi hamda zamonaviy ilm-fan va texnologiyalar rivojining dolzarb masalalari yuzasidan fikr-mulohazalar almashildi. Ishtirokchilar o‘z ilmiy izlanishlari natijalarini taqdim etib, muhim masalalar bo‘yicha taklif va tavsiyalarini bildirdilar.

Shuningdek, anjuman doirasida xalqaro ilmiy aloqalarni mustahkamlash, o‘zaro tajriba almashish hamda kelgusidagi hamkorlik istiqbollarini kengaytirish masalalariga alohida e’tibor qaratildi.

Anjumanning yakuniy qismida Iqtisodiyot va pedagogika universiteti rektori Bozorov Otabek Nashvandovich xorijiy davlatlardan tashrif buyurgan mehmonlarga samimiy minnatdorlik bildirib, ularning anjumandagi faol ishtiroki va ilmiy hamkorlikni rivojlantirishga qo‘shgan hissasini e’tirof etdi. Tadbir yakunida xorijiy mehmonlarga universitet nomidan esdalik sovg‘alari topshirildi.

Mazkur xalqaro anjuman ilm-fan taraqqiyoti, innovatsion yondashuvlar va xalqaro hamkorlikni rivojlantirish yo‘lidagi muhim qadamlardan biri bo‘ldi.