Mashg‘ulotlar o‘qituvchi Jabborova Dilbar tomonidan olib borilib, dars jarayonida ingliz tilining grammatik xususiyatlari, so‘z boyligi va til birliklarining qo‘llanilishiga alohida e’tibor qaratildi.

Talabalar mavzu doirasida berilgan topshiriqlarni bajarish orqali o‘z bilimlarini mustahkamlash, grammatik qoidalarni amalda qo‘llash hamda yangi leksik birliklarni o‘zlashtirish imkoniyatiga ega bo‘ldilar.

Jumladan, Iqtisodiyot yo‘nalishining 1-bosqich 107, 108 va 109-26-guruh talabalariga katta o‘qituvchi To‘g‘aymurodov Jamoliddin tomonidan Falsafa fanidan mashg‘ulotlar olib borilmoqda.

Dars davomida talabalar falsafiy qarashlar, inson tafakkuri va jamiyat taraqqiyoti haqidagi bilimlarini boyitib, mustaqil fikrlash ko‘nikmalarini rivojlantirmoqda.
Sifatli ta’lim — yorqin kelajak poydevori!

Tadbirda O‘zbek tili va adabiyoti kafedrasi professor-o‘qituvchilari X. Narxodjayeva, N. Mo‘minova hamda I. To‘rayeva ishtirok etib, ona tilimizning milliy o‘zligimizni anglash, ma’naviyatimizni yuksaltirish va yosh avlodni barkamol etib tarbiyalashdagi beqiyos o‘rni haqida fikr-mulohazalar bildirdilar.

Davra suhbati davomida talabalar o‘rtasida ona tili bo‘yicha qiziqarli QUIZ test sinovlari ham tashkil etildi. Intellektual bellashuv jarayonida talabalar o‘z bilim va salohiyatlarini namoyon etib, o‘zbek tilining boy imkoniyatlari, jozibasi hamda betakror xususiyatlariga oid bilimlarini mustahkamladilar.

Mazmunli muloqot va bilimlar bellashuviga boy tarzda o‘tgan tadbir talabalarda ona tiliga mehr va sadoqatni kuchaytirish, milliy qadriyatlarimizga hurmatni mustahkamlash hamda davlat tilining jamiyat hayotidagi nufuzini yanada yuksaltirishga xizmat qildi.

Ona tilimiz — milliy o‘zligimiz, ma’naviy boyligimiz va kelajagimiz poydevori! Uni asrash, ardoqlash va ravnaq toptirish har birimizning sharafli burchimizdir.