21-oktabr — O‘zbek tiliga davlat tili maqomi berilgan kun munosabati bilan Iqtisodiyot va pedagogika universiteti Iqtisodiy-ijtimoiy va muhandislik fanlari fakultetida ma’naviy-ma’rifiy davra suhbati tashkil etildi.

Tadbirda O‘zbek tili va adabiyoti kafedrasi professor-o‘qituvchilari X. Narxodjayeva, N. Mo‘minova hamda I. To‘rayeva ishtirok etib, ona tilimizning milliy o‘zligimizni anglash, ma’naviyatimizni yuksaltirish va yosh avlodni barkamol etib tarbiyalashdagi beqiyos o‘rni haqida fikr-mulohazalar bildirdilar.

Davra suhbati davomida talabalar o‘rtasida ona tili bo‘yicha qiziqarli QUIZ test sinovlari ham tashkil etildi. Intellektual bellashuv jarayonida talabalar o‘z bilim va salohiyatlarini namoyon etib, o‘zbek tilining boy imkoniyatlari, jozibasi hamda betakror xususiyatlariga oid bilimlarini mustahkamladilar.

Mazmunli muloqot va bilimlar bellashuviga boy tarzda o‘tgan tadbir talabalarda ona tiliga mehr va sadoqatni kuchaytirish, milliy qadriyatlarimizga hurmatni mustahkamlash hamda davlat tilining jamiyat hayotidagi nufuzini yanada yuksaltirishga xizmat qildi.

Ona tilimiz — milliy o‘zligimiz, ma’naviy boyligimiz va kelajagimiz poydevori! Uni asrash, ardoqlash va ravnaq toptirish har birimizning sharafli burchimizdir.

📞Aloqa markazi:
+998752306060 (Qashqadaryo)
😎 Yozish
+998557056060 (Samarqand)
😎 Yozish

💠Litsenziya Nº 194419 25.12.2023

📍Manzil: Qarshi shahri, Gungon MFY, Jayxun ko‘chasi, 11A-uy

📍Manzil: Samarqand viloyati, Samarqand tumani, Jo‘yi soy MFY, Yasmin ko‘chasi, 11-uy

🕊 Telegram|📱 Instagram|🌍 Web-sahifa

Davlat tiliga hurmat — milliy qadriyatlar va huquqiy madaniyat ifodasi

Iqtisodiyot va pedagogika universiteti Iqtisodiy-ijtimoiy va muhandislik fanlari fakultetida 21-oktabr — O‘zbek tiliga davlat tili maqomi berilgan kun munosabati bilan “Ona tili — inson qadri, milliy o‘zlik va huquqiy madaniyat timsoli” mavzusida ma’naviy-ma’rifiy tadbir tashkil etildi.

Tadbirda “Mahalla” xayriya jamoat fondining Qashqadaryo viloyat bo‘limi xodimlari hamda Inson huquqlari bo‘yicha vakil (Ombudsman)ning Qashqadaryo viloyatidagi mintaqaviy vakili Lola Saodatova ishtirok etdi.

Uchrashuv davomida davlat tilining jamiyat hayotidagi o‘rni va ahamiyati, ona tiliga ehtirom, milliy o‘zlikni anglash, inson qadrini ulug‘lash hamda fuqarolarning huquqiy madaniyatini yuksaltirish masalalari atroflicha muhokama qilindi. Ishtirokchilar tomonidan ona tilining millat ma’naviyati, tarixi va madaniy merosini saqlashdagi beqiyos o‘rni alohida e’tirof etildi.

Shuningdek, yosh avlod qalbida ona tiliga muhabbat, milliy qadriyatlarga sadoqat va davlat tiliga hurmat tuyg‘ularini mustahkamlash, yoshlarning huquqiy bilimlarini oshirish hamda ularni faol fuqarolik pozitsiyasiga ega shaxslar etib tarbiyalash muhimligi ta’kidlandi.

Ona tili — millatning ma’naviy boyligi, davlat tiliga hurmat esa Vatanga bo‘lgan ehtirom ifodasidir. Uni asrash, rivojlantirish va kelajak avlodga yetkazish barchamizning sharafli burchimizdir!

📞Aloqa markazi:
+998752306060 (Qashqadaryo)
😎 Yozish
+998557056060 (Samarqand)
😎 Yozish

💠Litsenziya Nº 194419 25.12.2023

📍Manzil: Qarshi shahri, Gungon MFY, Jayxun ko‘chasi, 11A-uy

📍Manzil: Samarqand viloyati, Samarqand tumani, Jo‘yi soy MFY, Yasmin ko‘chasi, 11-uy

🕊 Telegram|📱 Instagram|🌍 Web-sahifa