Tanlovning asosiy maqsadi — o‘zbek tilining boyligi va betakror go‘zalligini keng targ‘ib etish, pedagoglarning imloviy savodxonligini sinovdan o‘tkazish, yozma nutq madaniyatini yuksaltirish hamda ona tilimizga bo‘lgan hurmat va ehtiromni yanada mustahkamlashdan iborat.

Tanlovda universitet rektori Bozorov Otabek Nashvandovich ham faol ishtirok etdilar. Rahbariyat vakillarining professor-o‘qituvchilar bilan bir qatorda ushbu bilimlar bellashuvida qatnashishi tadbirning ahamiyatini yanada oshirib, ona tiliga hurmat va savodxonlikka e’tibor universitet jamoasi uchun muhim qadriyat ekanini namoyon etdi.

Bellashuv davomida ishtirokchilar o‘z bilim va ko‘nikmalarini namoyon etib, imlo qoidalariga rioya qilish, so‘zlarni to‘g‘ri yozish hamda savodxonlik borasidagi mahoratlarini sinovdan o‘tkazdilar.

Mazkur tanlov nafaqat bilimlar bellashuvi, balki ustozlarning kasbiy mas’uliyati, til madaniyati va ona tiliga bo‘lgan sadoqatini namoyon etuvchi muhim ma’rifiy tadbir bo‘ldi.

Zero, savodxon ustoz — ma’rifatli avlod poydevori! Ona tiliga ehtirom ko‘rsatish, uning sofligi va nufuzini asrash hamda kelajak avlodga yetkazish barchamizning sharafli vazifamizdir.

Suhbatda Qashqadaryo viloyati IIB Kiberjinoyatlarga qarshi kurashish boshqarmasi mas’ul xodimlari Umirzoqov Azizbek va Qarshiyev Sarvar ishtirok etib, kiberjinoyatlarning keng tarqalgan turlari, internet orqali sodir etiladigan firibgarliklar, bank plastik kartalari va shaxsiy ma’lumotlarni himoya qilish masalalari yuzasidan batafsil ma’lumot berdilar. Shuningdek, ijtimoiy tarmoqlardan foydalanishda ehtiyotkorlik choralariga alohida e’tibor qaratildi.

Tadbir davomida talabalarga shubhali havolalarga kirmaslik, SMS orqali yuborilgan tasdiqlash kodlarini begonalarga bermaslik, shaxsiy ma’lumotlarni ishonchsiz manbalarga oshkor qilmaslik hamda internet firibgarligiga duch kelganda tegishli organlarga murojaat qilish bo‘yicha muhim tavsiyalar berildi.

Bunday profilaktik tadbirlar yoshlarning huquqiy va raqamli savodxonligini oshirish, internet muhitida hushyorlikni kuchaytirish hamda kiberjinoyatlarning oldini olishda muhim ahamiyat kasb etadi.

Tadbirda kafedra professori D. Kamolov, dotsent N. Sharopova, universitet Axborot-resurs markazi direktori M. Turdiyeva, ARM bo‘lim boshlig‘i Z. Yusupova hamda talabalar ishtirok etdi.

Tadbir davomida kitobxonlik madaniyatini yuksaltirish, yoshlarning ilm-ma’rifatga bo‘lgan qiziqishini oshirish, milliy va ma’naviy qadriyatlarni asrab-avaylash hamda kitob mutolaasining shaxs kamolotidagi ahamiyati haqida fikr-mulohazalar bildirildi.

Shuningdek, tarixiy merosimizni chuqur o‘rganish, buyuk ajdodlarimizning ilm-fan rivojiga qo‘shgan hissasi va talabalarning mustaqil bilim olishida kutubxonalarning o‘rni alohida ta’kidlandi.

Tadbirning eng muhim jihati — Tarix yo‘nalishi 4-bosqich talabalari tomonidan universitet Axborot-resurs markaziga kitoblarning beg‘araz taqdim etilishi bo‘ldi.

Mazkur ezgu tashabbus kutubxona fondini boyitish, talabalarning ilmiy va ma’naviy salohiyatini oshirish hamda yoshlar o‘rtasida kitobxonlik madaniyatini keng targ‘ib etishga xizmat qiladi.

Tadbir yakunida ushbu xayrli tashabbusni amalga oshirgan talabalarga minnatdorlik bildirildi.