Kutubxona xodimlari va talabalar uchun mualliflik huquqiga oid o‘quv mashg‘uloti o‘tkazildi.

21-oktabr kuni Iqtisodiyot va pedagogika universitetida O‘zbekiston Respublikasi Adliya vazirligi tomonidan “Mualliflik huquqini himoya qilish oyi” doirasida tasdiqlangan chora-tadbirlar dasturining 17-bandiga muvofiq, “Kutubxona va mualliflik huquqi: kutubxonachi nimalarni bilishi kerak?” mavzusida o‘quv mashg‘uloti tashkil etildi.

Mashg‘ulot davomida kutubxona xodimlari va talabalar kutubxona fondlari hamda elektron resurslardan foydalanishda mualliflik huquqi talablariga rioya etish, adabiyotlarni nusxalash va raqamli shaklga o‘tkazishning huquqiy asoslari, shuningdek, foydalanuvchilarga axborot xizmatlarini ko‘rsatishda qonunchilik normalariga amal qilish masalalari bo‘yicha muhim ma’lumotlarga ega bo‘ldilar.

Shuningdek, intellektual mulk obyektlarini himoya qilish, plagiatning oldini olish, axborot manbalaridan to‘g‘ri foydalanish va akademik halollik tamoyillarini ta’lim jarayoniga keng tatbiq etishda kutubxonachilarning o‘rni va mas’uliyati alohida ta’kidlandi.

Mazkur o‘quv mashg‘uloti kutubxona xodimlari va talabalarning huquqiy savodxonligini oshirish, mualliflik huquqiga hurmatni kuchaytirish hamda universitetda akademik halollik va intellektual mulkni qadrlash madaniyatini rivojlantirishga xizmat qiladi.

📞Aloqa markazi:
+998752306060 (Qashqadaryo)
😎 Yozish
+998557056060 (Samarqand)
😎 Yozish

💠Litsenziya Nº 194419 25.12.2023

📍Manzil: Qarshi shahri, Gungon MFY, Jayxun ko‘chasi, 11A-uy

📍Manzil: Samarqand viloyati, Samarqand tumani, Jo‘yi soy MFY, Yasmin ko‘chasi, 11-uy

🕊 Telegram|📱 Instagram|🌍 Web-sahifa

“Millat tili — mustaqillik ramzi” nomli ma’naviy-ma’rifiy tadbir bo‘lib o‘tdi.

Iqtisodiyot va pedagogika universitetida 21-oktabr — O‘zbek tili bayrami kuni hamda o‘zbek tiliga davlat tili maqomi berilganining 37 yilligi munosabati bilan “Millat tili — mustaqillik ramzi” mavzusida ma’naviy-ma’rifiy, badiiy tadbir tashkil etildi.

Tadbirda universitet rahbariyati, professor-o‘qituvchilar hamda talabalar ishtirok etdi.
Bayram tadbiri davomida ona tilimizning milliy o‘zligimizni anglash, ma’naviy qadriyatlarimizni asrab-avaylash va kelajak avlodga yetkazishdagi beqiyos o‘rni alohida ta’kidlandi.

Tadbir doirasida filologiya fanlari bo‘yicha falsafa doktori, dotsent Dildor Bazarova tomonidan “O‘zbek tilining 37 yillik taraqqiyoti va jamiyatdagi mavqeyi” mavzusida ma’ruza qilindi. Unda davlat tilining jamiyat hayotidagi nufuzi, bugungi taraqqiyoti va istiqbollari haqida fikr yuritildi.

Shuningdek, O‘zbek tili va adabiyoti yo‘nalishi talabalari tomonidan ona tilimizni madh etuvchi she’riy kompozitsiyalar, milliy va badiiy raqslar, kuy-qo‘shiqlar hamda “O‘zbek tili va uning bo‘limlari” nomli ijodiy-ma’rifiy chiqishlar namoyish etildi.

Tadbirning qiziqarli qismlaridan biri “Bilimdonlar viktorinasi” bo‘lib, unda talabalar o‘zbek tili va adabiyotiga oid bilimlarini sinovdan o‘tkazdilar.

Bundan tashqari, O‘zbek tili va adabiyoti kafedrasi tomonidan e’lon qilingan “Jonajon o‘zbek tilim” tanlovi doirasida o‘tkazilgan “Eng yaxshi maqola”, “Eng yaxshi insho” va “Eng yaxshi videorolik” yo‘nalishlari g‘oliblari munosib taqdirlandi.

Ona tilimiz — milliy g‘ururimiz, ma’naviy boyligimiz va mustaqilligimizning muhim ramzidir!

📞Aloqa markazi:
+998752306060 (Qashqadaryo)
😎 Yozish
+998557056060 (Samarqand)
😎 Yozish

💠Litsenziya Nº 194419 25.12.2023

📍Manzil: Qarshi shahri, Gungon MFY, Jayxun ko‘chasi, 11A-uy

📍Manzil: Samarqand viloyati, Samarqand tumani, Jo‘yi soy MFY, Yasmin ko‘chasi, 11-uy

🕊 Telegram|📱 Instagram|🌍 Web-sahifa

2026-yil 21-oktabr kuni Iqtisodiyot va pedagogika universitetida ilmiy ishlar va innovatsiyalar bo‘yicha prorektor Farmonov Jasur Boyqarayevich hamda talabalar ishtirokida uchrashuv tashkil etildi.

Mazkur uchrashuv talabalarning ilmiy-tadqiqot faoliyatiga bo‘lgan qiziqishini oshirish, ularni ilm-fan va innovatsiyalar sohasidagi mavjud imkoniyatlar bilan tanishtirish hamda istiqbolli tashabbuslarini qo‘llab-quvvatlash maqsadida o‘tkazildi.

Tadbir doirasida tashkil etilgan seminar-treningda grantlar va stipendiya dasturlari, startap loyihalar va innovatsion tanlovlarda ishtirok etish, xorijiy oliy ta’lim muassasalarida tahsil olish imkoniyatlari, shuningdek, talabalarning ilmiy va innovatsion faoliyatini rivojlantirish masalalari yuzasidan batafsil ma’lumotlar berildi.

Uchrashuv davomida talabalar o‘zlarini qiziqtirgan savollar bilan murojaat qilib, tegishli yo‘nalishlar bo‘yicha tushuntirish va tavsiyalar oldilar.

Mazkur tadbir talabalarning ilmiy salohiyatini rivojlantirish, ularni ilmiy izlanishlar va innovatsion loyihalarga keng jalb etish hamda universitetda ilmiy faoliyat samaradorligini oshirishga xizmat qiladi.

📞Aloqa markazi:
+998752306060 (Qashqadaryo)
😎 Yozish
+998557056060 (Samarqand)
😎 Yozish

💠Litsenziya Nº 194419 25.12.2023

📍Manzil: Qarshi shahri, Gungon MFY, Jayxun ko‘chasi, 11A-uy

📍Manzil: Samarqand viloyati, Samarqand tumani, Jo‘yi soy MFY, Yasmin ko‘chasi, 11-uy

🕊 Telegram|📱 Instagram|🌍 Web-sahifa