Suhbat davomida talabalar bilan ta’lim sifati, universitetdagi o‘quv jarayonlari, yaratilgan imkoniyatlar hamda yoshlarni qo‘llab-quvvatlash masalalari yuzasidan fikr almashildi. Talabalarning taklif va mulohazalari tinglanib, ularni qiziqtirgan savollarga atroflicha javob berildi.

Rektor yoshlarning fikr va tashabbuslari universitet faoliyatini yanada takomillashtirishda muhim ahamiyatga ega ekanini ta’kidlab, talabalar uchun munosib ta’lim muhitini yaratish, ularning bilim va salohiyatini ro‘yobga chiqarish borasidagi ishlar izchil davom ettirilishini qayd etdi.

Bunday ochiq muloqotlar talabalar va universitet rahbariyati o‘rtasidagi hamkorlikni mustahkamlash, mavjud masalalarni o‘z vaqtida aniqlash hamda samarali yechimlar ishlab chiqishga xizmat qiladi.

Iqtisodiyot va pedagogika universiteti — talabalar fikri va tashabbuslari qadrlanadigan maskan!

Tashrifda Sho‘rtan neft-gaz qazib chiqarish boshqarmasi direktor o‘rinbosari, bosh geolog Bahodir Ochilov, kadrlar bo‘limi boshlig‘i Behruz Jo‘rayev hamda korxonaning yetakchi mutaxassislari ishtirok etdilar.

Uchrashuvdan ko‘zlangan asosiy maqsad — “Neft va gaz ishi” ta’lim yo‘nalishi bitiruvchilarini ish bilan ta’minlash, ularning bandligini qo‘llab-quvvatlash hamda yosh mutaxassislarni bevosita ishlab chiqarish jarayonlariga jalb etishdan iborat bo‘ldi.

Muloqot davomida korxona vakillari va universitet mas’ullari o‘rtasida bitiruvchilarni ishga qabul qilish, ularning kasbiy salohiyatidan samarali foydalanish hamda oliy ta’lim va ishlab chiqarish o‘rtasidagi hamkorlikni yanada mustahkamlash masalalari muhokama qilindi.

Uchrashuv yakunlariga ko‘ra, “Neft va gaz ishi” ta’lim yo‘nalishining 4-kurs kunduzgi hamda 5-kurs sirtqi ta’lim shakllarida tahsil olayotgan talabalardan bir necha nafari korxonaning kadrlar zaxirasiga qabul qilindi. Shuningdek, ular universitetni tamomlagach, to‘g‘ridan-to‘g‘ri ishga qabul qilinishlari yuzasidan o‘zaro kelishuvga erishildi.

Ta’kidlash joizki, oliy ta’lim muassasasining asosiy vazifasi nafaqat talabalarga nazariy bilim berish, balki ularni zamonaviy ishlab chiqarish talablariga javob beradigan, o‘z kasbini puxta egallagan va mehnat bozorida raqobatbardosh mutaxassislar etib tayyorlashdan iborat.

Iqtisodiyot va pedagogika universiteti hamkor tashkilotlar bilan aloqalarni rivojlantirish, talabalar uchun munosib ish o‘rinlarini yaratishga ko‘maklashish va bitiruvchilar bandligini ta’minlashga qaratilgan tashabbuslarni izchil davom ettiradi.

Iqtisodiyot va pedagogika universiteti — sifatli ta’lim, mustahkam hamkorlik va munosib kelajak sari!