​3-4 kun oldin ishxonada kola ichib o'tirsak bitta aka kolani qopqog'ini sekin cho'ntakka solyapti. Nega unaqa qilyapsiz deb so'rasak, kolani aksiyasi bo'layotgani, yutuqqa Nissan mashinasi qo'yilganini aytadi.

Bolalikda qopqoq o'ynaymiz, katta bo'lganda ham qopqoqqa ishonib, uni yig'ib yuradigan xalqqa aylanib qoldik, afsuski...

👉 @Iqtisodplus

Ushbu memni tayyorladimu, lekin nima deb izohlashni bilmadim...

👉 @Iqtisodplus

Hindistonda aholi ko'pligi sababli, uysiz bolalar ham talaygina. Bu esa o'z-o'zidan maktabga bormagan, savodsiz bolalarning ko'payishiga sabab bo'ladi.

Mumbaydagi agentliklardan biri "Har bir bola hisoblashni bilishi kerak" shiori ostida turli shakllarda bunday bolalarga yordam berib kelmoqda. Rasmda shu kabi kreativ yondoshuvlardan biri.

👉 @Iqtisodplus

Yaqinda maishiy texnika xaridini xohlab, "Texnomart" magaziniga bordik. Konsultantning aytishicha, muddatli to'lovga olish xaridor uchun qulay ekan. O'ylab qarasak, gapida jon bor. Lekin muammo, doimiy propiska kerakmish. Propiskali shogirdimga aytsam, u rozi bo'ldi. Tushlikdan keyin birga keldik va pasportni bersak, propiskadan ham katta muammo paydo bo'ldi: shogirdim 25 ga to'lishi uchun 2 oy bor ekan. Hafsalamiz pir bo'ldi. Bu holatdan so'ng, u yerdan naqdga ham xarid qilgimiz kelmadi. Nailoj.

Biz fikrdan qaytmadik. To'g'ri "BOSCH" do'koniga bordik. Har tomonlama biz uchun qulaylikni topgandek edik. Mashhur brend, ishonchli texnika, qolaversa, 20% chegirma ham bor ekan. Umuman biz kutmagan ajib ishlar bo'ldi.

Xaridni tugata turib, yuqoridagi suratga ko'zimiz tushdi. Unda kompaniya asoschisi Robert Boshning "Ishonchni yo'qotishdan ko'ra, pulni yo'qotish yaxshiroqdir" degan iqtibosi yozilgan ekan.

© Namoz Rasulov

👉 @Iqtisodplus

​Kanalimizda ilgari berilgan ayrim qiziqarli maqolalar dayjesti. Oldin o'qimaganlar uchun esa ayni muddao)

1) XX asr. Sankt-Peterburgdagi o'zbek boyvachchasi. O'qish
2) Marshall rejasi nima? O'qish
3) Nemis mo'jizasi qanday amalga oshgan? O'qish
4) Yapon mo'jizasi haqida. O'qish
5) Kadrlardagi kelajak kompaniyasi. O'qish

👉 @Iqtisodplus

​Xitoydagi buxgalterlarning ish jarayoni. Aytish mumkinki, Chin-Mochin o'lkasi nafaqat robotlarni rivojlantirmoqda, balki odamlari ham ularga parallel ravishda rivojlanmoqda.

———

Boshlangan yangi hafta omadli kelsin! 7 kun, 168 soat! Maqsadlar sari olg'a!

👉 @Iqtisodplus

​Bugun ko'plab telegram kanallarda Davlat statistika qo'mitasining O'zbekistonning 2020-yildagi demografik holatiga bag'ishlangan ma'lumotlari aylanmoqda. E'tirof etilayotganligiga sabab esa virus sababli vafot etganlarning anchadan beri oshkor qilinmayotgan o'lim statistikasini shu orqali aniqlashga imkon tug'ilganidir.

Ko'plab rivojlangan davlatlarda koronavirusdan o'lganlar sonini aniqlashda oldingi yillarga nisbatan ko'payib ketgan o'limlar soniga nisbatan hisoblashayotgan edi. Bundan xulosa qilsak:

2017-2019 yillar ichida o'rtacha o'limlar soni 156,7 mingni tashkil etgan ekan. 2020-yildagi holat bilan o'rtadagi farq esa 18,9 mingga teng.

Agar shu hisoblash shaklidan kelib chiqsak, 2020-yilda koronavirus sababli o'lganlar 18,9 mingni tashkil etar ekan.

Bu qanchalik haqiqatga yaqin bo'lishi mumkin?

👉 @Iqtisodplus

​San'atkordan to blogergacha hammani muhokama qilamiz. Ularning oila ichi masalalarigacha gap otamiz. Lekin o‘z pulimizni xizmatkorlarimiz bo‘lgan mansabdorlar talon-toroj qilayotgani haqida gap ochilsa, "taqvodorlik" yodimizga tushib, buni "g‘iybat, fitna, ig‘vo, noshukurlik..." deb ataymiz.

O‘zimiz siyosatning ichida yashab, "siyosatga aralashmayman" deganimiz uchun xizmatkorlarimiz ishtaha bilan pullarimizni yeydi.

Bosh Prokuratura bergan ma'lumot bu hali rasmiysi. Norasmiyini siz taxmin qiling!

Agar,
bu holat Yaponiyada bo‘lsa, Bosh vazir emaklab, tiz cho‘kib xalqidan kechirim so‘raydi;
bu holat Janubiy Koreyada bo‘lsa, xalqi Prezidentning iste'fosini talab qiladi;
bu holat G‘arb davlatlarida bo‘lsa, xalqi Bosh vazirning "patini yuladi"...
Chunki u xalqlar byudjet mablag‘i o‘z puli ekanini, davlatning egasi xalq ekanini biladi va amaldorlar xalqning xizmatkori-mardikori ekanini idrok qiladi.

"Dunyoni yomonlik qilganlar emas, ularni jimgina tomosha qilganlar barbod qiladi" — Albert Eynshteyn

© Facebookdan olindi.

👉 @Iqtisodplus

Shveytsariyadagi deflatsiya.

O'n yildirki Shvetsariyada deyarli inflyatsiya kuzatilmaydi. Har yili mamlakatda pulning qadri oshmoqda. Mahsulotlar va xizmatlar esa yildan yilga arzonlashib bormoqda.

👉 @Iqtisodplus

​Marketologlar Aleksandr Belyaevning "Havo sotuvchisi" asaridan ilhom olgan ko'rinadi.

Siz rasmda ko'rib turgan idishda Qozog'iston havosi sotilayotgan ekan. Vatanini sog'inib, bu mahsulotni buyurtma qiladiganlar ham yo'q emas albatta.

Eng qiziq joyi bu havoning tarkibi ekan. Unda qozoq havosi 20%, Medeu tog'i havosi 25%, beshbarmoq hidi 5%, issiq bo'g'irsoq hidi 5%, dashtlik hidi 10%, Qozog'istonning mehmondo'stlik ruxi 35% ekan. 😄

Adashmasam bizda ham musaffo osmon havosi sotuvga qo'yilgan edi. Lekin uning tarkibi to'liq havoning o'zi edi.

Chet eldagi yurtdoshlarimizga vatan havosini eslatish uchun sof havoning o'zi kamlik qiladi. Unga biroz osh va somsa havosini, shuningdek ko'mir yoki tappi va metan isini ham qo'shish kerak((

👉 @Iqtisodplus

​Akkauntim biosidagi "Memento mori" so'zlari ma'nosini ko'pchilik so'rashar edi. @Buni_biling kanali shu haqida batafsil ma'lumot yozishibdi. Qiziqqanlar uchun:

"Memento Mori" — bu falsafiy fikr bo'lib, uning mazmuni inson doimo o'lim haqida eslashi kerakligini anglatadi. Bu ibora kimlarnidir oldinga yurishga undaydi, kimlargadir esa zulm o'tkazadi.

Siz, o'z orzularingizni ro'yobga chiqarishga intiluvchi shaxs sifatida o'z vaqtingiz qadrini va hayotning cheksiz emasligini, uning tugashini chuqur anglashingiz, shunday ekan Memento Morini eslatma sifatida yodda tutib, uni oldinga undovchi narsa deb qabul qilishingiz lozim.

Har qanday qiyin va og'ir holatga tushib qolganingizda ham, o'lim haqidagi hayollar har qanday tashqi faktorlardan ustun keladi, shunday ekan har qanday holatni yengib o'tishga yordam beradi.

Hattoki qadimgi Rimda ham bu ibora zafarli yurishlar paytida aytilib kelingan.

Hayotning oxiri borligini anglab yeting, bu narsani harakatni boshlash uchun, o'z ambitsiyalaringizni hozirdanoq ro'yobga chiqarish uchun stimul sifatida qabul qiling.

👉 @Iqtisodplus

​Marketing — bu insonning aqliy faoliyatini o'chirib qo'yib, ulardan pul olish san'atidir.

1950-yillarda Amerikadagi firmalardan biri mijozlar uchun noodatiy tovarlarni taqdim etishni boshlaydi — quloq va burundagi yunglarni tozalaydigan apparat! Bunaqa ortiqcha narsalar uchun o'rta va past qatlamdagi aholi pul sarflamasligi tayin edi. Lekin boyligini ko'z-ko'z qilib, bunday elementar apparatlar uchun ham pul sarflaydigan zodagon mijozlar topiladi!

Biroq firma oyiga sanoqligina apparat sotardi. Bu firma uchun zarariga ishlamaydimi deysizmi? Unaqa emas! CHunki firmaning maqsadi boshqa bo'lgan. Ular mijozlarning ro'yxatini sotardi!

Ha mijozlar ro'yxati! Bu kabi apparatlarni faqatgina boylar olgan-ku! Demak bunday "yog'li" mijozlarning ro'yxatini tuzish kerak edi. Shunday qilib bu firma onda-sonda tashrif buyuradigan boyvachcha mijozlarning ro'yxatini tuzib borgan va bu ro'yxatni yana shu kabi prestijli mahsulotlar sotadigan firmalarga pullagan! Hammasi oddiy — Veblen effekti!

👉 @Iqtisodplus

Qo'pol qilib aytsam, aytiyaptiki, "O'zbeklarda eng zo'r tarixiy joylar bor. Lekin, chet ellik turistlardan pullarini olib qolishni bilmaydi. Kartadan pul ishlatishga deyarli imkon yo'q!"

Yana boshqasi izoh qoldiribdi:
The cash situation in UZ was a pain, roughly on par with other developing countries. Was easier in Tajikistan, Kyrgyzstan, and Kazakhstan, though! We just tried ATMs until one worked (Khiva, Bukhara, Samarkand, Tashkent). It was nice to feel like a millionnaire (in Som), though.

Bizdan ko'ra Qirg'iz, Tojiklarda ham ahvol yaxshi ekan.

To'g'ri, bu Turizm Qo'mitasininggina ishi emas. Lekin, nimadir qilinish kerak, axir.

Turizmga milliardlab ajratilsa-yu, lekin, oddiy karta tizimi joriy qilinmasa, hammasi bekor!

Manba: @XSB_iqtisod

👉 @Iqtisodplus

Rus blogeri Aleksandr Goprov o'z Youtube kanalida transportlar haqida, asosan turli mamlakatlarning metrolari haqida videolar joylab boradi. Dubay, Almata, Qatar, Baku, Moskva, Anqara, Tbilisi va Toshkent kabi o'nlab shaharlarning metro stansiyalari haqida batafsil roliklar va qiziqarli ma'lumotlar berilgan.

Yaqin yillargacha Toshkent metropolitenida syomka qilish mumkin emas edi (Eng axmoqona qoidalardan biri). Vaholanki metropoliten — mamlakatning muxim obyekti, turistlarni jalb qiladigan faktorlardan biri. Uni barchaga ko'rsatish kerak! Fors-major holatidagi evakuatsiya uchun boshpana deya yashirib kelish davr talabi emas hozir.

Metro o'z xarajatlarini qoplamaydigan transport bo'lsada, turizmga ixtisoslashayotgan ko'plab shaharlarda metrolar qurilmoqda. Maqsad daromad topish emas, turizmdagi infratuzilmani shakllantirishga qaratilgan.

Goprovning kanalidagi "Метро Ташкента - Нереальная красота станций" videosi eng ko'p ko'rilgan videolardan biri. Metrodan uzoq yillar foydalangan bo'lsamda, ushbu videoni ko'rganimdan keyin bizning metro dunyo bo'yicha eng chiroyli bekatlarga ega sanoqli shaharlar sirasiga kirishiga amin bo'ldim.

Tomosha qiling.

👉 @Iqtisodplus

Mashhur brendlarning reklama janglari kino olamiga ham ko'chmoqda!

Bilamizki, Coca Cola va Pepsi, McDonald's va Burger King kompaniyalari o'rtasida doimiy kurash kechadi. Ularning marketing yurishlari butun dunyo bo'ylab muhokama bo'ladi deb aytish mumkin.

Mashhur yozuvchi Stiven King qalamiga mansub "It" ("Оно") daxshatli filmi yakunida Burger King'dan master klass namoyish etilgan.

Ya'ni film yakunida titrlardan so'ng shunday yozuv chiqadi — "The moral is: Never trust a clown" ya'ni "Moral: Hech qachon masxarabozlarga ishonmang". Bu yozuvdan keyin esa Burger King logotipi paydo bo'ladi va tomoshabinlarni daxshatli film stresidan olib chiqadi)

McDonald's brendining ramzi masxaraboz ekanligini esa bilasiz...

👉 @Iqtisodplus

Kanalda infratuzilmalar haqida ko'p yozaman. Chunki rivojlangan mamlakatlarda aholi uchun yaratilayotgan qulayliklar, imkoniyatlar haqida o'qib o'tirsangu, bizda nuqul turli jarimalarni joriy qilish bilan ovora bo'lishsa... yozmasdan bo'ladimi?!

Rasmda Kanadadagi supermarketlarda joriy qilingan namoz o'qish uchun mo'ljallangan xonacha. Ajoyib-a? Oldinroq Kanada metrosidagi ijtimoiy posterni ham joylagan edim.

Kunlarning ulug'i — Juma muborak qadrdonlar!

👉 @Iqtisodplus

Time jurnali Jo Bayden AQSH prezidenti bo‘lganidan keyin chiqargan ilk soniga ajoyib muqova tanladi. Unda to‘zib yotgan oval kabinet va o'ychan Bayden tasvirlangan. Ya’ni, muqovada Baydenga Trampdan chinakam tartibsizlik uyasi meros qolgani hikoya qilingan. Aslida ham shunday. Shu sabab Bayden ishni Trampning qarorlarini bekor qilishdan boshladi.

Bayden prezidentlikka kelgach, juda tez farmonlar imzolashga kirishib ketdi. U prezidentligining birinchi 24 soatida 15 ta farmon imzoladi. Taqqoslash uchun rahbarlikka kirishgach, dastlabki ikki haftada Tramp 8 ta, Obama 9 ta, Bush 2 ta va Klinton 3 ta farmon imzolagan. Chunki Tramp shu qadar ko‘p xatoliklarni Baydenga meros qoldirgandiki, ularni tuzatishni birinchi kundan boshlash shart edi.

Eng asosiy qarorlar sifatida Meksika bilan o'rtada devor qurilmasligi, muhojirlarni mamlakatdan haydab chiqarmaslik, Parij kelishuviga qaytish va mamlakatda pandemiya bilan qattiq kurashish haqidagi qarorlarni aytish mumkin.

👉 @Iqtisodplus

​🔴 O'tgan yili YouTube'da ham kanal ochgan edik va videolar joylagan edik. Kanalga yangi qo'shilganlar yoki ko'rmaganlar uchun o'sha videolarning linkini:

▫️ "Taxtlar o'yini" serialidagi kadr: xatomi yo marketing hiylasimi? — Tomosha qilish

▫️ Nega iPhone reklamalarida soat aynan 09:41 ni ko'rsatadi? — Tomosha qilish

▫️ "Sekundning yuzdan biri" — Tomosha qilish

Kanalga ulanib qo'yish ham esdan chiqmasin)

👉 @Iqtisodplus