✍ İmam Sadiq (ə) buyurub :

Qaim (əcf.ş) iki dəfə qeybə çəkilər: Bir dəfə qısa və bir dəfə uzun müddətli. Birinci dəfə qeybə çəkiləndə onun yerini ancaq O Həzrətin xas şiələri bilərlər. İkinci qeybdə isə onun yerindən O Həzrətin din yoldaşlarının xaslarından başqa heç kəsin xəbəri olmaz.

✍🏻 İmam Sadiq (ə) buyurur:

Kim gizlində xeyir iş görsə, ona (gizli işin) savabı yazılar. Əgər onu dilinə gətirsə, həmin gizli əməl silinər və ona aşkar əməlin savabı yazılar. Əgər ikinci dəfə dilinə gətirsə, aşkar əməlin savabı silinər və onun üçün riya yazarlar.

✍ Həzrət İmam Əli (ə) buyurub:

Fərəcin (qurtuluşun) intizarında olun! Allahın rəhmətindən məyus olmayın. Həqiqətən, Allaha ən sevimli əməl fərəci gözləməkdir. Həzrət İmam Əli (ə) buyurdu: Möminin ən üstün ibadəti, Allahın fərəcini gözləməkdir.

✍ İmam Hadi (ə) buyurub:

"İnsanlar dünyada mal-dövlətləri ilə ölçülərlər, axirətdə isə əməlləri ilə".

✍İmam Kazim (ə) buyurur:

Həqiqətən, Allahın yer üzündə insanların ehtiyaclarını ödəmək üçün səy göstərən bəndələri var.Onlar Qiyamət günü əmin-amanlıqda olacaqlar.

📚Biharul ənvar c74/ s319

✍ İmam Cavad (ə) buyurub:

"İbadətlərin ən üstünü ixlasdır".

Haris Əvər belə nəql edir: “Möminlərin əmiri (ə) buyurdu:

“Muhəmməd və onun ailəsinə salavat göndərənədək bütün duaların səmaya ucalmasının qarşısında hicab (maneə) var”.

İmam Əli (ə) buyurub:

"Fürsəti zay etmək qüssəyə səbəb olar".

✍ İmam Həsən Əskəri (ə) buyurub:

"İki xislət vardır ki, onlardan üstün heçnə yoxdur. (Onlar bunlardır): Allaha iman və qardaşlara fayda vermək".

✍ Peyğəmbər (s), Həzrət Əliyə (ə) belə buyurdu:

Ya Əli, bil ki, axır zamanda bir dəstə insan yəqin əhli olacaq. Onlar insanların ən əzəmətlisidir. Peyğəmbəri (s) görməyəcəklər və Höccət (İmamları ə.f ) gözlərinə görsənməyəcək. Onlar ağ üzərində yazılmış qaraya (Quran və Hədislərə) iman gətirəcəklər.