✍ İmam Əli( ə)

Bilin ki, dünya çox hiyləgər və məkrli bir saraydır. Hər gün birinə ərə gedər, hər gecə bir ailəni öldürər və hər dəm, hər saat birlikdə olanları 
bir-birindən ayırar. 

✍ Həzrət Muhəmməd (s) buyurur:

«Həqiqətən, xoşxasiyyət insan gündüzlər oruc tutan və gecələr ibadət edən kəsin savabına sahibdir».

📚əl-Kafi, c.2, səh.100, hədis 5.

✍ İmam Sadiq (ə) buyurur :

«Fatimə(s.ə)-nin Allah dərgahında doqquz adı vardır.
– Fatimə, Siddiqə, Mubarəkə, Tahirə, Zəkiyyə, Raziyyə, Mərziyyə, Mühəddəsə, Zəhra. Fatimə adının mənası hər cür pislikdən ayrılmış (və ya seçilmiş),təmizlənmiş deməkdir. Əgər Fatimə olmasaydı,möminlər ağası Əli (ə) üçün Adəmdən tutmuş ta qiyamətə kimi yer üzündə həyat yoldaşı tapılmazdı.»

İmam Əli (ə) buyurur:

"Ağılın zəkatı nadanlara dözməkdir".

✍ Peyğəmbərimiz (s) buyurub:

«Qızım Fatimə (s) əvvəldən axıradək dünya xanımlarının xanımıdır. O, mənim bir parçam, gözümün nuru, qəlbimin səmərəsi və mənim ruhumdur. O, insanlardan olan bir huridir. Xanım Fatimə (s) öz mehrabında namaza qalxdığı zaman nuru səmada olan mələklərə saçar».

✍ İmam Əli (ə)

Bəhanə gətirmək və minnət qoymaqla ehsanı xoşagəlməz etməyin.

✍ Peyğəmbəri-Əkrəm (s) buyurmuşdur:

“Zülm üç növdür: Allah tərəfindən bağışlanmayan zülm, bağışlanan zülm və keçilməyən zülm. Allah tərəfindən bağışlanmayan zülm şirkdir (Allaha şərik qoşmaqdır). Allah-Taala buyurmuşdur: “Həqiqətən, şirk böyük günahdır.” Bağışlanan zülm bəndələrlə Pərvərdigar arasında onların özlərinə etdikləri zülmdür. Allahın keçmədiyi zülm isə bəndələrin bir-birinə etdikləri zülmdür (bəndələr bir-birinə etdikləri zülm və haqsızlıqdan keçməyincə, Allah da keçməz.)”

📚 “Nəhcül-fəsahə”, səh.561, hədis 1924.

✍ İmam Rza (ə) buyurdu:

Haçan istəsən duan ərşə ucalsın və qəbul olsun, əvvəlcə ata və anan haqqında dua elə.