ISLAB va J-PAL professor/tadqiqotchilari yordamida tadqiqot qilish imkoniyati bor ekan. Undan tashqari MIT MicroMasters kurslaridan ikkitasining puli to’lab berilar ekan.

Juda zo’r imkoniyat!

14-aprelgacha tadqiqot mavzuyingiz (research proposal) bilan topshirishingiz mumkin.

https://sites.google.com/povertyactionlab.org/research-accelerator-residency

Batafsil: https://t.me/islab_uz/424

@islom_urolov

Assalomu alaykum.

Barchangizga Ramazon Hayiti muborak bo’lsin!

@islom_urolov

Buni qanday ifodalashni yaxshi bilmaymanku, lekin harakat qilib ko'raman.

Farzandlik bo'lishni, ya'ni ota-ona bo'lishni bir xususiyati shundaki, siz o'z ota-onangiz sizni qanchalik yaxshi ko'rishini yaxshiroq bilib olasiz. Ya'ni "a bolani yaxshi ko'rish mana shunday bo'lar ekanda" degan narsani anglashingiz osonroq bo'ladi. Bilamiz, ota-onalar farzandini yaxshi ko'rishadi. Lekin aynan va faqatgina farzandli bo'lganizdan keyin, ota-onangiz sizni qanchalik yaxshi ko'rishini haqiqatdan tushuna olasiz. Farzandingizga bo'lgan tuyg'ular shu jarayonni anglash uchun yordam beradi.

Xalqaro Valyuta Fondida moliyaviy yil 30-aprelda yakunlanib 1-maydan yangi yil boshlanadi.

Yil so’ngida Afrika departmenti direktori Selassie Abe departmentning barcha xodimlariga kichik sovg’a va rahmatnoma jo’natibdi.

Aslida kichik e’tibor, lekin shaxsan men uchun IMFdagi faoliyatimdan yaxshi esdalik bo’lib qoladigan bo’ldi.

@islom_urolov

Va tashkilotga shaharda yashovchilar orasidan o’sha ishlarni yaxshiroq qilishga va’da bergan bir kishini xalq rahbar qilib saylasa…

Qoyil. Javohir Sindarov hozirgina Hikaru Nakamurani ham yengdi.

Ikki turda ketma-ket ushbu nomzodlar turnirining asosiy favoritlari hisoblangan jahonning uchinchi va ikkinchi shaxmatchilarini yengyapti.

To’g’ri, Karuana va Nakamura o’z darajasida o’yin ko’rsatmadi. Lekin Sindarov ham mutlaqo mukammal shaxmat o’ynadi-da.

Agar bu Sindarovning yangi darajasi bo’lsa va stabillikni ushlab turolsa, nafaqat bu turnir balki Gukeshniyam bemalol taslim qiloladi, menimcha.

@islom_urolov

Bugundan Nomzodlar turnirining ikkinchi davra o’yinlari boshlandi.

Birinchi davrada Javohir Sindarov yetti o’yindan beshta g’alaba va ikki durang bilan olti ochko topladi. Bu ko’rsatkich yangi formatdagi nomzodlar turniri tarixidagi birinchi davra o’yinlarining rekordi hisoblanadi. Ikkinchi davrada Javohir hamma o’yinlarni durang qilsa ham (agar Fabiano 3 tadan kam o’yinda yutsa) bu g’oliblikka yetarli bo’lishi mumkin.

Javohir uchun juda xursandmiz. Bu katta faxr.

To’g’risi, men turnirdan avval Hikaru Nakamuraga muxlislik qilayotgan edim. Chunki bu Hikaruning ehtimol so’ngi nomzodlik imkoniyati bo’lishi mumkin. Dunyoda top 10 talikkayam kirolmayotgan shaxmatchi chempion bo’lib turgan paytda Magnus davri soyasida qolib ketgan buyuk shaxmatchi uchun Jahon chempioni bo’lishga juda katta so’ngi imkoniyat edi.

@islom_urolov

IMF binosida ‘Spring Meetings’ shukuhi

Abhijit Banerjee va Esther Duflo muallifligida yozilgan "Good Economics for Hard Times" kitobining migratsiya masalasiga bag'ishlangan bobi "From the mouth of the shark" deb nomlangan. Bobning bunday nomlanishiga somali-ingliz shoiri Warsan Shire yozgan ushbu misralar ilhomlantirgan ekan:

no one leaves home unless
home is the mouth of a shark
you only run for the border
when you see the whole city running as well
your neighbors running faster than you
breath bloody in their throats
the boy you went to school with
who kissed you dizzy behind the old tin factory
is holding a gun bigger than his body
you only leave home
when home won't let you stay.

@islom_urolov

Iqtisodiyot bo'yicha tadqiqot olib borayotganlar va qiziquvchilar uchun eng nufuzli va fundamental ilmiy maqolalar ro'yxatiga (reading list) havolani bo'lishmoqdaman:

https://captgouda24.github.io/nicholas-decker.github.io/reading-list.html

Ushbu to'plam makro/mikroiqtisodiyot, taraqqiyot iqtisodiyoti, ekonometrika, soliqlar nazariyasi, tashqi savdo kabi yo'nalishlarni qamrab olgan bo'lib, adabiyotlar tahlili (literature review) uchun tayyor xarita vazifasini o'taydi.

April 18, 2026
Chicago, US
@musofir_iqtisodchi

Watching Arsenal is like watching Netflix. You always have to wait for the next season.

Patrice Evra:)

Men hammuallif bo'lgan IMF Selected Issues Paper e'lon qilindi.

https://www.imf.org/en/publications/selected-issues-papers/issues/2026/04/17/strengthening-domestic-revenue-mobilization-for-fiscal-resilience-in-cameroon-575441

@islom_urolov

Mana bu post akademik iqtisodchi va amaldor iqtisodchi o'rtasidagi klassik farqni korsatar ekan. Ya'ni akademik iqtisodchilar paternalistik yondashuvni to'g'ri deb hisoblashmaydi, chunki bunday yondashuvlar doim samaradorlik tushishiga olib keladi. Amaldorlar esa inson xayoliga kelishi mumkin bo'lgan barcha risklarni hisobga olib, o'rtacha net effektni emas balki minimum zararlarni hisobga olib nazoratni qo'yvorishni (= o'zgarishga borishni) istashmaydi.

Balki akademik iqtisodchida mas'uliyat yo'qligi uning erkinroq fikrlashiga sabab bo'layotgan bo'lishi ham mumkin. Lekin buni bug emas, balki feature deb qarab bundan foydanalish kerakdir balki:)

@islom_urolov

Iqtisodiyot fanini o’rganmoqchi bo’lgan inson uchun matematikani tushunish qanchalik muhimligi haqida oldin bir necha bor yozgan edim. Aslida matematikani bilish asosan statistika va ekonometrikani tushunish uchun kerak. Statistik/ekonometrik tahlillar esa iqtisodiyotni tushunish va tushuntirishning markaziy instrumenti hisoblanadi.

Bir qiziq shaxsiy fakt aytaman, Diplomatiya universteti XIM fakultetining men o’qigan 2016-2020 yillardagi o’quv dasturidan oliy matematika va statistika fanlari olib tashlagan edi. “Komil inson” tarbiyalash orzusida bo’lgan o’sha paytdagi mas’ullar iqtisodiyot uchun matematika va statistikadan ko’ra ma’naviyat asoslari va milliy g’oya fanlari muhimroq deb hisoblagan bo’lsa kerakda - kim bilsin.

Men uchun bu og’riqli bo’lgani sababi magistraturaga kelganimdan keyin ushbu fanlarning ahamiyatini chuqur his qildim. Tufts universiteti magistraturasining birinchi semestrda Advanced Statistics fani bor edi. Statistika bo’yicha boshlang’ich bilimga ega bo’lmay turib, advanced darajadadan boshlash ikki karra ko’p vaqt talab qilardi. Masalalarni matematik jihatdan tushunsam ham, lekin intuitiv qabul qilishim juda qiyin bo’lardi.

Yaqinda MITx online platformasidan “Data Analysis for Social Scientists” kursini o’qib chiqdim va geshtalt yopildi:). To’g’risi, shu kurs haqida oldinroq bilmaganimga achindim.

Kursni o’qish bepul, lekin sertifikat olmoqchi bo’lsangiz Proctored Exam pulli ekan. Qattiq tavsiya qilaman.

@islom_urolov

Aviakompaniyalar sifati o’rtasidagi farq qisqa masofalarga uchganda unchalik sezilmasligi mumkin, lekin uzoq masofaga uchganda aniq tiniq sezilib qoladi.

Amerikaga Toshkentdan uchganda Uzairways’ning yagona afzalligi (sun’iy yaratilgan) bu to’g’ridan-to’g’ri parvoz (direct flight) borligida bo’lsa kerak.

Ikkinchi jahon urushidan keyin Atlantika okeanining ikki tarafida ham ishlab chiqarish samaradorligi oshadi. Lekin ikki tarafdagi davlatlar bundan ikki xil yondashuvda foydalanishadi. Amerika samaradorlikdan har bir ishchi kuchi hisobiga to'g'ri keladigan ishlab chiqarish hajmini oshirishga e'tibor qaratsa, Yevropa esa odam boshiga to'g'ri keladigan jami mehnat soatlarini qisqartirishga erishadi. Natijada Amerika va Yevropa davlatlari ikki xil bozor muvozanatiga (equilibrium) kelishadi.

Mana shu Botir aka va Behzod akaning so'ngi postlaridagi bog'liqlikni tushuntirishi mumkin.

Lekin qaysi yo'l yaxshiroq ekanligi haqida yakdil fikr yo'q. Mening fikrim, ikkisi ham bo'lgani yaxshidir.

@islom_urolov

Yaqinda iqtisodiyot bo’yicha Nobel mukofoti sohiblari Abhijit Banerjee va Esther Duflo yozgan “Good Economics for Hard Times” kitobini o’qidim. Kitob juda ko’p iqtisodiy masalalar yuzasidan fikrlashimni kengaytirdi.

Tavsiya qilaman.