📚 Bitiruv va kurs ishlarini tekshiruvchi yangi AI servis ishga tushdi

Stanford tadqiqotchilari Agentic Reviewer nomli sun’iy intellekt xizmatini taqdim etdi. U kurs yoki diplom ishini o‘qituvchi darajasida baholaydi va to‘liq tahlil qiladi.

Tekshiruv bir sutkagacha davom etadi, ammo natijada foydalanuvchi quyidagilarga ega bo‘ladi:

➖ matnning kuchli va zaif tomonlari bo‘yicha batafsil sharh;
➖ to‘liq rasmiy rеtsenziya;
➖ tuzatish va takomillashtirish bo‘yicha aniq tavsiyalar.

Servis javobni ingliz tilida beradi, biroq o'zbek va rus tilidagi matnlarni ham to‘g‘ri tahlil qilmoqda.

✏️ Test uchun havola: https://paperreview.ai/

📱 https://t.me/ITmavzu

💼 Freelance Team — O‘zbekiston bo‘ylab bepul ish takliflari

O‘zbekiston bo‘ylab turli sohalar uchun ish e’lonlari, freelance loyihalar, ofis va onlayn ish o‘rinlari endi bir joyda jamlangan. Quyidagilar aynan siz uchun:

➖ Turli kasb va mutaxassisliklar bo‘yicha vakansiyalar;
➖ Masofadan ishlash imkoniyatlari;
➖ Talabalar va yangi boshlovchilar uchun ish takliflari;
➖ Professional mutaxassislar uchun yuqori maoshli loyihalar.

Eng qulay jihati: e’lon joylashtirish mutlaqo bepul! O‘z ishingizni toping yoki bo‘sh ish o‘rinlarini e’lon qiling.

E’lon joylashtirish uchun murojaat: @freelanceteam_uz_robot

🔔 Kanalga qo‘shiling: https://t.me/freelanceteam_uz

💻 Bugun – 27 noyabr: dunyodagi ilk tijoriy kompyuter ishga tushgan kun

1952-yil 27-noyabr kuni UNIVAC I nomli elektron hisoblash mashinasi rasmiy ravishda foydalanishga topshirildi. U tarixda birinchi tijoriy kompyuterlardan biri sifatida e’tirof etiladi.

UNIVAC I davlat idoralari va yirik korxonalar uchun ma’lumotlarni tezkor hisoblashda qo‘llanilgan va kompyuterlar sanoatining ommaviy rivojlanishiga yo‘l ochgan. Shu tariqa, bugungi zamonaviy kompyuterlar davriga asos solingan.

📱 https://t.me/ITmavzu

🌐 28 noyabr: Internetning tug‘ilishiga yo‘l ochgan tarixiy kun

1964-yil 28-noyabr kuni dunyoda ilk bor kompyuterlar o‘rtasida ma’lumot almashish tizimlari bo‘yicha jiddiy ilmiy ishlar boshlangan. O‘sha paytda bu faqat ilmiy loyiha bo‘lib ko‘ringan bo‘lsa-da, aslida u bugungi internet davrining boshlanish nuqtalaridan biri bo‘ldi.

O‘sha tadqiqotlar natijasida kompyuterlar faqat bitta xonada turib hisob-kitob qiladigan qurilma emas, balki uzoqlardan turib o‘zaro axborot almashishi mumkin bo‘lgan tarmoqli tizim sifatida tasavvur qilina boshladi. Keyinchalik shu g‘oyalar ARPANET, undan esa global internetga aylandi.

💻 Bugun millionlab insonlar: IT, dasturlash, sun’iy intellekt, SMM, dizayn, onlayn ta’lim, freelans, kripto, elektron tijorat, kontent ishlab chiqarish kabi sohalarda aynan shu tarixiy burilish tufayli yangi kasb va ish o‘rinlariga ega bo‘ldi. 1964-yilda kompyuterlar o‘rtasida ma’lumot uzatish bo‘yicha boshlangan tajribalar bo‘lmaganida, bugungi masofaviy ish, ijtimoiy tarmoqlar, onlayn banking, hatto siz o‘qiyotgan shu xabar ham bo‘lmasdi.

Shu ma’noda, 28 noyabr — bu shunchaki tarixiy sana emas, balki dunyoning ish uslubini va kasblar xaritasini o‘zgartirgan kun sifatida ham esga olinishi mumkin.

📱 https://t.me/ITmavzu

📣 Java 25 chiqdi: kod yozish endi yanada oson va tez

Java’ning yangi uzoq muddatli versiyasi — JDK 25 chiqarildi. Unda dasturchilar ishini sezilarli yengillashtiradigan muhim o‘zgarishlar bor.

➡️ Importlar soddalashdi
Endi faqat java.base modulini import qilsangiz kifoya. Kerakli asosiy paketlar o‘zi bilan birga keladi. Kodning boshi toza va tartibli bo‘ladi.

➡️ Kompakt fayllar va sodda main
void main() endi to‘liq ishlaydi.
println kabi funksiyalar avtomatik import qilinadi.
Bu kodni qisqa, tushunarli va tez yozishga yordam beradi.

➡️ Konstruktorlarda ko‘proq erkinlik
Endi super()dan oldin ham, keyin ham kod yozish mumkin. Bu obyekt yaratilish jarayonini ancha boshqariladigan qiladi.

➡️ Scoped Values — yaxshilangan ThreadLocal
Ular:
— o‘zgarmaydi,
— qisqa muddat yashaydi,
— virtual thread’lar bilan juda yaxshi ishlaydi.
Bu eski ThreadLocal muammolarini hal qiladi.

➡️ Xotiradan tejamkor foydalanish
Obyektlarning “header” qismi 64 bitga tushirildi. Bu:
— xotira sarfini kamaytiradi,
— tezlikni oshiradi,
— katta loyihalarda samaradorlikni yaxshilaydi.

📱 https://t.me/ITmavzu

✍️ Dunyodagi birinchi tijoriy SMS 1992-yil 2-dekabr kuni yuborilgan

Bugungi kunda xabar yuborish bir necha millisekundlik oddiy amaliyotdek tuyuladi. Ammo bundan 33 yil avval, 1992-yil 2-dekabr kuni dunyo ilk bor tijoriy SMS-xabarni qabul qildi. Bu voqea mobil aloqa tarixida haqiqiy burilish bo‘ldi.

O‘sha kichik matnli xabar butun telekommunikatsiya sanoatini o‘zgartirib, keyinchalik millionlab odamlarning kundalik muloqot odatlariga aylangan SMS davrini boshlab berdi.

Shundan keyin:

➖ SMS marketing paydo bo‘ldi;
➖ operatorlar uchun yangi daromad yo‘nalishi shakllandi;
➖ mobil telefonlar matnli aloqaning asosiy vositasiga aylandi;
➖ messendjerlar, Telegram, WhatsApp kabi ilovalar uchun poydevor yaratildi.

📱 https://t.me/ITmavzu

🤖 Janubiy Koreyada yolg‘izlikni kamaytirish uchun “robot nabiralar” tarqatilmoqda

Janubiy Koreyada keksalarga maxsus “robot-nabiralar” berilmoqda. Mahalliy ijtimoiy xizmatlar fikriga ko‘ra, bu qurilmalar yolg‘izlikni sezilarli kamaytiradi va ularga hissiy ko‘mak beradi.

Robotlarning imkoniyatlari:

➖ 7 yoshli bola ovozida gapiradi, issiq va mehribon ohangda muloqot qiladi;
➖ dori ichish vaqtini eslatadi;
➖ egasi uyga qaytganda yoqimli so‘zlar aytib kutib oladi;
➖ suhbatlashadi va o‘zini tirik sherikdek tutadi.

Janubiy Koreyada aholining tez qarib borayotgani hisobga olinsa, bunday texnologiyalar nafaqat innovatsiya, balki ijtimoiy zarurat sifatida qaralmoqda.

📱 https://t.me/ITmavzu

🌐 1994-yil aynan shu kuni dunyo internetdan foydalanish uslubini butunlay o‘zgartirgan tarixiy voqea sodir bo‘ldi. Netscape Navigator nomli brauzer keng ommaga taqdim etildi va qisqa vaqt ichida internetni oddiy foydalanuvchilar orasida ommalashtirgan asosiy dasturga aylandi.

O‘sha davrda internet murakkab, faqat mutaxassislar tushunadigan tizim edi. Netscape esa: sahifalarni tez yuklashi, qulay menyulari, soddalashtirilgan interfeysi orqali internetni hamma uchun qulay va kirish oson qilgan ilk brauzer bo‘ldi.

Netscape Navigator sabab:

➖ internet uy foydalanuvchilari orasida portlab o‘sdi;
➖ veb-saytlar soni minglabdan millionlabgacha ko‘paydi;
➖ onlayn biznesning ilk to‘lqini paydo bo‘ldi;
➖ keyinchalik Google Chrome, Firefox va Safari kabi brauzerlar yaratilishiga asos bo‘ldi.

Shu kuni internet haqiqiy global fenomen bo‘lish sari katta qadam tashlagan edi.

📱 https://t.me/ITmavzu

🗓 Bugun Excel jahon chempionatining finali bo'lib o'tadi

Bugungi kunda Excel nafaqat ish jarayonining ajralmas vositasi, balki global miqyosdagi sportga aylangan intellektual musobaqa hamdir. Microsoft Excel Jahon chempionatining final bosqichi bugun kechasi o‘tkazilishi rejalashtirilgan.

Qiziqarli faktlar:

➖ Turnir 2021-yildan beri o‘tkaziladi va hatto ESPN’da jonli translyatsiya qilingan.
➖ Ishtirokchilar real vaqt rejimida murakkab formulalar, modellar va hisob-kitoblarni bir necha daqiqada yechish bo‘yicha bellashadi.
➖ Sovrin jamg‘armasi: 61 500 dollar.
➖ G‘olibga esa maxsus chempionlik kamari topshiriladi — xuddi professional sportchilar kabi.
➖ Ba’zi final vazifalarida 100+ qatorli formulalarni 30 daqiqadan kam vaqtda tuzish talab qilinadi.

📱 https://t.me/ITmavzu

🌐 2004-yil 4-dekabr — internet tarixidagi eng muhim sanalardan biri. Aynan shu kuni hali oddiy talaba bo‘lgan Mark Sukerberg yaratgan platforma Facebook keng ommaga ochildi va butun dunyoda ijtimoiy tarmoqlar davrini boshlab berdi.

Facebookning ishga tushirilishi:

— internetda muloqot qilish uslubini tubdan o‘zgartirdi,
— ijtimoiy tarmoqlar davrini boshladi,
— marketing va biznes kommunikatsiyasining yangi modelini yaratdi.

Bugungi kunda milliardlab odamlar uchun odatiy bo‘lgan “post yozish”, “do‘st qo‘shish”, “like bosish” kabi funksiyalar aynan shu tarixiy sana bilan bog‘liq.

📱 https://t.me/ITmavzu

📱 Apple 2025 App Store Awards g‘oliblarini e’lon qildi

Apple rasmiy ravishda 2025 App Store Awards g‘oliblarini taqdim etdi. Kompaniyaning ta’kidlashicha, g‘oliblar 45 finalchi orasidan tanlangan va tanlov mezoni sifatida nafaqat ommaboplik yoki daromad, balki sifat, dizayn va foydalanuvchi tajribasining ahamiyati asos qilib olingan.

🏆 Yilning eng yaxshi ilovalari

— iPhone ilovasi: Tiimo
— iPad ilovasi: Detail
— Mac ilovasi: Essayist
— Apple Vision Pro ilovasi: Explore POV
— Apple Watch ilovasi: Strava
— Apple TV ilovasi: HBO Max

🎮 Yilning eng yaxshi o‘yinlari

— iPhone o‘yini: Pokémon TCG Pocket
— iPad o‘yini: DREDGE
— Mac o‘yini: Cyberpunk 2077: Ultimate Edition
— Apple Vision Pro o‘yini: Porta Nubi
—Apple Arcade o‘yini: WHAT THE CLASH?

📱 https://t.me/ITmavzu

🎬 Netflix Warner Bros. va HBO Max’ni 82,7 milliard dollarga sotib olmoqda

Netflix Warner Bros. va HBO Maxni 82,7 milliard dollar evaziga xarid qilayotgani haqida e’lon qilindi. Bitim natijasida Warner Bros.’ning barcha film va serial katalogi, HBO va HBO Max’ning mashhur premium kontentlari, shuningdek Warner’ga tegishli bir qator studiyalar va brendlar to‘liq Netflix ekotizimiga o‘tadi.

Bu bitim ko‘p mutaxassislar tomonidan media-tech tarixidagi eng yirik “merge-operation” sifatida baholanmoqda. Endilikda striming bozoridagi raqobat nafaqat kontentda, balki texnologik ustunlikda ham davom etadi.

📱 https://t.me/ITmavzu

🏙 IT Park rezidentlarining xorijiy mutaxassislari uchun maxsus!

AloqaBank yordamida orzudagi uyingizni qulay shartlarda xarid qiling:
Kredit foizi: 24%
Kredit muddati: 15 yilgacha
Kredit miqdori: 1 mlrd. so‘mgacha
Batafsil!

👤 AloqaBank — har bir mutaxassis uchun O‘zbekistonda qulay yashash, ishlash va rivojlanish imkoniyatini yaratadi.

*****

🏙 Специальное предложение для иностранных специалистов резидентов IT Park!

С AloqaBank вы можете приобрести жильё своей мечты на выгодных условиях:
Процентная ставка: 24%
Срок кредита: до 15 лет
Сумма кредита: до 1 млрд сумов
подробнее!

👤 AloqaBank — создаёт комфортные условия для жизни, работы и развития каждого специалиста в Узбекистане.

Telegram | Facebook | Instagram | Sayt | YouTube

✍️ NotebookLM yangilandi: dars jarayonida AIdan foydalanish yanada qulay

Google talabalarga mo‘ljallangan NotebookLM xizmatini yangiladi va uni smartfonlar uchun yanada qulay qildi. Eng muhimi, endi sun’iy intellektdan bevosita auditoriyada, dars jarayonining o‘zida foydalanish imkoniyati paydo bo‘ldi.

Asosiy imkoniyatlar:

– Konspekt fotosini yuklash: daftar sahifalarini suratga oling, tizim esa matnni tartiblab, tushunarli ko‘rinishga keltiradi.
– Doskadagi yozuvlarni qayta ishlash: murakkab formulalar yoki muhim eslatmalar bir zumda raqamli formatga o‘tadi.
– Ma’ruza audioyozuvini yuklash: butun darsni eshitib chiqmasdan, asosiy g‘oyalarni qisqa sharhlar, infografika yoki strukturalangan matn ko‘rinishida olish mumkin.
– Telefonning o‘zida prezentatsiya generatsiya qilish: texnologiya mustaqil ravishda slaydlar tuzadi, talaba esa mazmunni osonlik bilan tahrirlaydi.

Ushbu yangilanish ta’lim jarayonini tezroq, aniqroq va samaraliroq qiladi.

Xizmatni bepul sinab ko‘ring: https://notebooklm.google.com/

📱 https://t.me/ITmavzu

Bugun texnologiya olamida eslab o‘tishga arziydigan kun

1815-yilning aynan shu kuni Ada Lavleys tug‘ilgan. U bugun ko‘pchilik tomonidan dunyodagi birinchi dasturchi sifatida tan olinadi.

Ada nima qilgan edi?

➖ U Charlz Babbaj yaratmoqchi bo‘lgan mexanik hisoblash mashinasi uchun dastlabki algoritmani yozgan. Ya’ni, kompyuter hali ixtiro qilinmasidan oldin ham, unga qanday qilib buyruq berish, qanday qilib hisoblash jarayonlarini boshqarish mumkinligini tushungan. Bu — zamonaviy dasturlash yo'nalishining boshlanish nuqtasi.

➖ Qiziq tomoni shundaki, Ada kompyuterlarning faqat raqam hisoblash bilan cheklanmasligini, balki musiqa yaratish, tasvir ishlash kabi ijodiy ishlarni ham bajarishi mumkinligini oldindan aytgan. Bugun esa sun’iy intellekt aynan shuni amalga oshiryapti.

📱 https://t.me/ITmavzu

📱 iPhone 16 dunyo bo‘yicha eng ko‘p sotilgan smartfon bo‘ldi

Counterpoint Research ma’lumotlariga ko‘ra, 2025-yilning III choragida eng katta savdo hajmiga erishgan qurilma aynan iPhone 16 bo‘lgan. Eng qiziqarli tomoni — yangi chiqqan iPhone 17 Pro Max ham sentabr oyining o‘zidayoq sotuvlarda kuchli sakrash qilib, yetakchi modellardan biriga aylangan.

Samsung ham ortda qolmadi. Top-10 ro‘yxatining yarmi Galaxy A seriyasiga tegishli. Ya’ni bozorda eng ko‘p sotilayotgan Samsung modellari flagmanlar emas, balki o‘rtacha narxdagi — budget segmentdagi qurilmalar.

Bu ko‘rsatkich shuni anglatadi: Apple premium segmentda yetakchilikni mustahkamlab bormoqda, Samsung esa keng ommaga mos, qulay narxdagi modellari bilan bozorni egallashda davom etmoqda.

📱 https://t.me/ITmavzu