Meta foydalanuvchi vafotidan keyin ham uning nomidan kontent joylashtirish imkonini beruvchi sun’iy intellekt tizimi uchun patent oldi.

Mazkur texnologiya, foydalanuvchining oldingi postlari, yozish uslubi va raqamli xatti-harakatlari asosida “raqamli nusxa” (digital persona) yaratishni nazarda tutadi. Tizim nazariy jihatdan egasi hayotdan ko‘z yumganidan keyin ham uning nomidan postlar yoki xabarlar e’lon qilishi mumkin.

📱 https://t.me/ITmavzu

Shaharsozlikka boshqacha qarash qachon boshlanadi?

Bugun dunyoda shaharlar rivoji yangi bosqichga chiqdi: vertikal o‘sish, sifatli muhit, to‘g‘ri rejalashtirish. Mamlakatimiz uchun ham bu yo‘nalishlar muhim va dolzarb boʻlib bormoqda.

Husan Mukimov oʻz kanalida shu mavzularni Germaniya tajribasi asosida yoritib boryapti. Sizga ham qiziq boʻlsa, kirib oʻqib koʻrishingiz, obuna boʻlishingiz mumkin: @cityplannermukimov

📱 https://t.me/ITmavzu

Internetda Xitoydagi 150 ta TikTok akkauntdan iborat “kontent fermasi” aks etgan video tarqaldi. Ma’lumotlarga ko‘ra, bir guruh qurilmalar sutka davomida sun’iy intellekt yordamida yaratilgan videolarni avtomatik yuklab boradi, boshqa qurilmalar esa ushbu videolarga layk va izohlarni ko‘paytirib, ko‘rishlar sonini sun’iy ravishda oshiradi.

Ushbu sxema orqali akkauntlar tezroq auditoriya to‘plashi va reklama algoritmlariga tushishi maqsad qilingan. Muallifning ta’kidlashicha, bunday tizim oyiga taxminan 37 ming dollar daromad keltirishi mumkin.

📱 https://t.me/ITmavzu

❤Ma’lumotlarga ko‘ra, Telegramning beta-versiyasida yangi maxfiylik va funksional imkoniyatlar aniqlangan.

Yangi funksiyaga ko‘ra, foydalanuvchilar shaxsiy chatlarda ayrim shaxslarga nisbatan qo‘shimcha cheklovlar o‘rnatish imkoniyatiga ega bo‘lishi mumkin. Xususan, ma’lum foydalanuvchilarga:

— xabarlarni boshqa chatlarga yuborishni (forward) taqiqlash;
— media fayllarni saqlash yoki nusxa ko‘chirishni cheklash
imkoniyati berilishi kutilmoqda.

Shuningdek, messenjerda sana va vaqtga oid iboralarni avtomatik aniqlash funksiyasi ham joriy etilishi mumkin. Masalan, suhbatda “bugun” yoki “ertaga” kabi so‘zlar ishlatilganda, tizim avtomatik ravishda eslatma yaratishni taklif qiladi.

📱 https://t.me/ITmavzu

💻 Windows 11’da ichki internet tezlik testi paydo bo‘ladi

Windows 11 tizimiga o‘rnatilgan internet tezlik testi funksiyasi qo‘shilishi kutilmoqda. Yangi imkoniyat orqali foydalanuvchilar alohida sayt yoki dasturga kirmasdan, to‘g‘ridan-to‘g‘ri vazifalar paneli (taskbar) orqali tezlikni tekshira oladi.

Mazkur funksiya tizim ichida ishlashi sababli, foydalanuvchi internet tezligini bir necha bosqichsiz, tez va sodda tarzda aniqlay oladi.

📱 https://t.me/ITmavzu

🎧 Quloqchinlarda inson uchun xavfli moddalar aniqlandi

The Guardian xabariga ko‘ra, ayrim arzon va noma’lum brendga mansub quloqchinlarda inson salomatligi uchun xavfli bo‘lishi mumkin bo‘lgan kimyoviy moddalar aniqlangan.

Mutaxassislar bunday mahsulotlar tarkibida zararli plastifikatorlar yoki og‘ir metall izlari bo‘lishi ehtimolini qayd etmoqda. Uzoq muddatli foydalanish teri orqali zarar yetkazishi mumkinligi ta’kidlanmoqda.

Iste’molchilarga sertifikatlangan va ishonchli brend mahsulotlarini tanlash tavsiya etilmoqda.

📱 https://t.me/ITmavzu

Anthropic kompaniyaning ma’lum qilishicha, Xitoyning bir nechta AI kompaniyalari "DeepSeek, Moonshot AI va MiniMax" Claude sun’iy intellektining imkoniyatlarini nusxalash maqsadida keng ko‘lamli hujumga uringan.

Kompaniya da’vosiga ko‘ra, hujumchilar:

— 24 mingta soxta akkaunt yaratgan,
— 6 milliondan ortiq so‘rov yuborgan,
— Claude’ning muhokama (reasoning), agentik fikrlash va kod yozish qobiliyatlarini tahlil qilishga harakat qilgan.

Anthropic esa maxsus xavfsizlik choralarini joriy etgani va ushbu urinishlarni to‘xtatganini bildirgan.

📱 https://t.me/ITmavzu

Xodimlar ishda “band ko‘rinish”ga ko‘proq urinmoqda — sabab sun’iy intellektdan qo‘rquv

Business Insider nashriga ko‘ra, so‘nggi paytda xodimlar haqiqiy natijadan ko‘ra, rahbar ko‘ziga “juda band” bo‘lib ko‘rinishga ko‘proq harakat qilmoqda. Bunga asosiy sabab “sun’iy intellekt ishimizni olib qo‘yishi mumkin” degan xavotir.

Shu bois ayrimlar:

— ish jarayonida keraksiz yig‘ilishlar belgilaydi,
— ertalab juda erta (masalan, 6:00 da) ko‘p xabar va xatlar yozadi,
— kechgacha onlayn qolib, ishda ekanligini ko‘rsatishga urinadi.

Ko‘pchilikning ichki qo‘rquvi shuki: agar “juda samarali” ko‘rinmasa, rahbar uni sun’iy intellekt bilan almashtirishi mumkin.

Mutaxassislar esa bunday holat uzoq davom etsa, odamni tez charchatishi, ish sifati pasayishi va jamoada ishonch susayishiga olib kelishini ta’kidlaydi.

📱 https://t.me/ITmavzu

Rim Papasi ruhoniylarga va’z yozishda sun’iy intellektdan foydalanmaslikni tavsiya qildi

Rim Papasi katolik ruhoniylariga murojaat qilib, va’z matnlarini tayyorlashda sun’iy intellektdan foydalanishni to‘xtatishni so‘radi. Unga ko‘ra, diniy chiqishlar avvalo ruhoniylarning shaxsiy tafakkuri, ichki e’tiqodi va ruhiy tajribasiga tayanishi lozim.

Papaga ko‘ra, va’z bu shunchaki matn emas, balki ruhiy mas’uliyat va tirik muloqot shaklidir. Shu bois uni avtomatlashtirilgan tizimlar yordamida emas, inson qalbi va tafakkuri orqali shakllantirish muhimligi ta’kidlangan.

📱 https://t.me/ITmavzu

🕸 "Google Tarjimon" platformasi endilikda Gemini sun’iy intellekt infratuzilmasi asosida ishlab chiqilgan muqobil tarjima variantlarini taklif eta boshladi. Yangilanish madaniy iboralar va kundalik nutq qoliplarini yanada aniqroq yetkazishga qaratilgan.

Yangi funksiyaga ko‘ra, foydalanuvchilar tarjima jarayonida iboralarning qaysi kontekstda qo‘llanishi maqsadga muvofiq ekaniga oid batafsil izohlarni ko‘ra oladi. Shuningdek, “Tushun” va “So‘ra” tugmalari orqali tarjima tafsilotlarini chuqurroq o‘rganish, izoh va qo‘shimcha tushuntirishlar olish imkoniyati yaratilgan.

Mutaxassislar fikricha, ushbu yangilanish avtomatik tarjimani yanada kontekstga mos va foydalanuvchi uchun tushunarli qilishga xizmat qiladi.

📱 https://t.me/ITmavzu

Google Galaxy S26 bilan birga Circle to Search funksiyasini Gemini 3 asosida yangiladi. Yangilanishning eng e’tiborli jihati — virtual kiyim kiyib ko‘rish (virtual try-on) imkoniyatining to‘liq integratsiya qilinishi bo‘ldi.

📌 Endilikda foydalanuvchi rasmdagi kiyim yoki mahsulotni belgilashi bilan, uni o‘zida qanday ko‘rinishini bevosita shu interfeys ichida ko‘ra oladi. Buning uchun boshqa sahifaga o‘tish talab etilmaydi.

📌 Funksiya sun’iy intellekt yordamida tana proporsiyasi, kiyim kesimi va vizual moslikni hisobga olib, realistik tasvir yaratadi.

📌 Yangi imkoniyat yaqin orada boshqa Android qurilmalariga ham taqdim etilishi kutilmoqda.

📱 https://t.me/ITmavzu

21 yoshli talaba o‘qish xarajatlarini to‘lash uchun noodatiy loyiha boshladi. U atigi 50 dollar sarflab oddiy veb-sayt yaratdi va unda piksel sotish g‘oyasini ishga tushirdi.

Saytda jami 1 million piksel joylashtirildi va har bir piksel 1 dollardan sotildi. Dastlabki 4 700 dollar daromad do‘stlari va yaqinlari orqali tushdi. Talaba bu mablag‘ning 400 dollarini reklama uchun sarfladi. Keyinchalik loyiha haqida BBC xabar bergach, sayt juda tez mashhurlikka erishdi.

Natijada:
— 2 hafta ichida 250 000 dollar daromad tushdi;
— eng yuqori davrda kunlik daromad 100 000 dollardan oshdi;
— oxirgi 1 000 piksel esa eBay’da 38 100 dollarga sotildi.

📱 https://t.me/ITmavzu

OpenAI ChatGPT uchun GPT-5.3 Instant modelini taqdim etdi

OpenAI ChatGPT platformasida yangi GPT-5.3 Instant modelini ishga tushirdi. Yangi versiya yanada aniq javoblar, tabiiyroq til va kamroq “gallyutsinatsiya” (noto‘g‘ri faktlar yaratish) bilan ishlashi aytilmoqda.

📌 Oldingi GPT-5.2 Instant modeli esa ayrim foydalanuvchilar tomonidan ortiqcha dramatik ohang va keraksiz maslahatlar berishi sabab tanqid qilingan edi. GPT-5.3’da esa sodda muloqot uslubi, yaxshiroq veb-tahlil va kamroq ortiqcha ogohlantirishlarga urg‘u berilgan.

📌 Yangilanish hozircha barcha ChatGPT foydalanuvchilari uchun taqdim etilgan. “Thinking” va “Pro” modellari uchun yangilanishlar esa keyinroq chiqarilishi rejalashtirilmoqda.

📱 https://t.me/ITmavzu

So‘nggi paytlarda ishga qabul qilish bozorida yangi tendensiya shakllanmoqda. Bu haqda Business Insider xabar berdi.

Sun’iy intellekt sabab ko‘plab CV’lar bir xil ko‘rinishga kelib qolgan. Natijada rekruterlar yuzlab “ideal” rezyumelarni ko‘rmoqda, ammo suhbatda nomzodlarning real ko‘nikmalari bunga mos kelmayapti. Shu sababli ish beruvchilar rezyumega bo‘lgan ishonchni yo‘qota boshlagan.

Tadqiqotlarga ko‘ra, ish beruvchilarning qariyb 70 foizi endi xodimlarni diplom yoki mashhur kompaniyalar tajribasiga emas, balki real ko‘nikmalariga qarab tanlashga o‘tmoqda.

Platformalar ham moslashmoqda:

📱 LinkedIn endi ko‘nikmalarni real instrumentlar orqali verifikatsiya qilish tizimini kuchaytirmoqda.

📱 Indeed esa ariza yuborish vaqtida tezkor video-suhbat funksiyasini ishga tushirdi.

Mutaxassislar ish qidirishda quyidagi usullar samaraliroq bo‘layotganini aytmoqda:

✅ Shaxsiy blog yuritish — hatto 100–200 obunachi bilan ham bu real ekspertizani ko‘rsatadi.

✅ Qaror qabul qiluvchi shaxslar (LPR) postlariga izoh yozib faol ko‘rinish berish.

✅ HR xizmatlarini chetlab o‘tib, to‘g‘ridan-to‘g‘ri yollovchi menejerlarga yozish.

✅ Soha bo‘yicha maqolalar chop etish — bitta maqola uzoq vaqt davomida shaxsiy brendga ishlaydi.

✅ GitHubda boshqalarning kodini tahlil qilib izoh qoldirish — faol ishtirokchilarni rekruterlar ko‘pincha o‘zlari topadi.

📱 https://t.me/ITmavzu

Bir oy avval sun’iy intellekt agentlari o‘zaro muloqot qiladigan, bahslashadigan va hatto bir-biriga hazilomuz tarzda javob qaytaradigan noodatiy Moltbook nomli ijtimoiy platforma internetda tezda mashhurlikka erishgan edi. Kecha Meta ushbu platformani sotib oldi.

📌 Platformada 150 mingdan ortiq sun’iy intellekt agentlari mavjud bo‘lib, ular o‘zaro aloqa o‘rnatishi mumkin. Agentlar post joylaydi, boshqa botlarning postlariga javob beradi va kontentni baholaydi.

📌 Odamlar esa platformada faol ishtirok etmaydi ular faqat kuzatuvchi sifatida tizimni tomosha qilishi mumkin.

Mutaxassislar bunday loyihalarni sun’iy intellekt agentlari o‘rtasidagi avtonom raqamli ekotizimni sinovdan o‘tkazish yo‘lidagi yangi tajriba sifatida baholamoqda.

📱 https://t.me/ITmavzu

📱 Telegram messenjerida butun dunyo bo‘ylab ishlash bilan bog‘liq muammolar kuzatilmoqda. Foydalanuvchilar platforma faoliyatida jiddiy uzilishlar yuz berayotganidan shikoyat qilmoqda.

Ma’lumotlarga ko‘ra, nosozlik faqat O‘zbekistonda emas, balki boshqa ko‘plab mamlakatlarda ham qayd etilgan. Oddiy matnli xabarlar sekin yuborilmoqda, ovozli xabarlar, rasmlar, videolar va fayllar esa yuklanmayapti.

Hozircha muammo sababi rasman izohlanmagan. Foydalanuvchilar esa messenjer faoliyati tiklanishini kutmoqda.

📱 https://t.me/ITmavzu