Nvidia ochiq kodli AI modellariga 26 milliard dollar ajratadi

Nvidia yaqin 5 yil ichida 26 milliard dollarni o‘zining ochiq kodli sun’iy intellekt modellarini ishlab chiqishga yo‘naltirishi ma’lum bo‘ldi. Bu ma’lumot kompaniya moliyaviy hisobotida aniqlangan va texnologiya gigantining vakillari tomonidan tasdiqlangan.

Tahlilchilarga ko‘ra, ushbu tashabbus Nvidia’ni OpenAI uchun bevosita raqobatchiga aylantirishi mumkin. Kompaniyaning strategiyasi kuchli AI algoritmlarini bepul tarqatish orqali ularni ishlatish uchun zarur bo‘lgan **grafik protsessorlar (GPU)**ga global talabni oshirishga qaratilgan.

Mutaxassislar fikricha, bunday yirik loyiha sun’iy intellekt bo‘yicha global poygada kuchlar muvozanatini o‘zgartirishi mumkin. Ayniqsa, bu jarayon AQSh va Xitoy o‘rtasidagi texnologik raqobat kontekstida muhim ahamiyat kasb etadi.

📱 https://t.me/ITmavzu

Google tarixidagi eng qimmat xarid yakunlandi

Google Isroilda tashkil etilgan kiberxavfsizlik startapi Wizni 32 milliard dollar naqd pul evaziga sotib oldi. Bu kelishuv kompaniya tarixidagi eng yirik xarid hisoblanadi.

📌 Bitimga ko‘ra, Wiz Google Cloud tarkibiga qo‘shiladi, biroq o‘z brendini saqlab qoladi. Platforma faqat Google ekotizimida ishlamaydi — u Amazon Web Services va Microsoft Azure kabi boshqa bulut xizmatlari bilan ham ishlashda davom etadi.

📌 Wiz texnologiyasi kompaniyalarning bulut infratuzilmasi, ilovalari va ma’lumot oqimlarini tahlil qilib, xavfsizlik zaifliklarini erta bosqichda aniqlash imkonini beradi. Google ushbu texnologiyani o‘zining kiberxavfsizlik ekotizimi bilan integratsiya qilishni rejalashtirmoqda.

📌 Qayd etilishicha, Google Wiz’ni avval ham sotib olishga uringan. 2024 yilda taklif qilingan 23 milliard dollarlik bitim rad etilgan edi. Uzoq muzokaralar va regulyator tekshiruvlaridan so‘ng AQSh hamda Yevropa Ittifoqi roziligi olinib, 32 milliard dollarlik kelishuv yakunlandi.

📱 https://t.me/ITmavzu

Photoshopda 2D tasvirlarni 3D kabi aylantira oladigan yangi AI funksiyasi ishga tushirildi

Adobe Photoshop sun’iy intellekt asosida ishlaydigan yangi funksiyani taqdim etdi. U orqali foydalanuvchilar 2D rasmdagi obyektlarni 3D kabi aylantirib, turli burchaklardan qayta yaratishi mumkin.

🔹 Yangi avlod generativ AI modeli yordamida foydalanuvchi rasmdagi istalgan obyektni belgilab, oddiy slayderni harakatlantirish orqali uni boshqa rakurslardan ko‘ra oladi.

🔹 Obyekt aylantirilganda ko‘rinmaydigan qismlar sun’iy intellekt tomonidan realistik tarzda to‘ldiriladi, yorug‘lik va soyalar esa yangi burchakka mos ravishda avtomatik qayta hisoblanadi.

🔹 Mutaxassislar fikricha, bu funksiya ayniqsa mahsulot fotosuratlari va grafik dizayn jarayonlarini sezilarli darajada soddalashtiradi. Endi bitta rasm asosida turli burchaklardan tasvirlar yaratish va perspektiva xatolarini tuzatish bir necha soniyada amalga oshiriladi.

📱 https://t.me/ITmavzu

Microsoft Edge 146-versiya bilan bir qator muhim o‘zgarishlarni joriy etmoqda. Yangilanish brauzerni yengillashtirish va xavfsizlikni kuchaytirishga qaratilgan.

🔹 Microsoft Edge’ning kam ishlatiladigan funksiyalaridan biri — “Collections” (Kolleksiyalar) ushbu versiyada to‘liq olib tashlanadi.

🔹 Yangi xavfsizlik mexanizmi joriy etilib, endi brauzer tarixini tozalash vaqtida saqlangan parollarni tasodifan o‘chirib yuborishdan himoya qilinadi.

🔹 Interfeys soddalashtirilib, ortiqcha elementlar kamaytiriladi. Natijada brauzerning tezligi va ishlash samaradorligi oshirilishi kutilmoqda.

Mutaxassislar fikricha, bu yangilanish Microsoft’ning brauzerni maksimal darajada tez, sodda va xavfsiz qilish strategiyasini davom ettirayotganini ko‘rsatadi.

📱 https://t.me/ITmavzu

📱 Meta kontent yaratuvchilarni Facebook’ga jalb qilish uchun yangi dastur ishga tushirdi

Meta YouTube, Instagram va TikTok’dagi muvaffaqiyatli kontent yaratuvchilarni Facebook’ga o‘tkazish maqsadida “Creator Fast Track” nomli yangi dasturini e’lon qildi.

Dastur doirasida yaratuvchilar Reels videolari orqali tezroq o‘sish, kengroq auditoriya va kafolatlangan daromad olish imkoniga ega bo‘ladi.

To‘lov tizimi quyidagicha:

💸 100 ming obunachiga ega yaratuvchi — oyiga 1 000 dollar
💸 1 million obunachiga ega yaratuvchi — oyiga 3 000 dollar

Meta kontent yaratuvchilarga sarmoyani kengaytirishda davom etmoqda. Kompaniya 2025-yilda taxminan 3 milliard dollar to‘lov amalga oshirgan bo‘lib, bu 2024-yilga nisbatan 35 foiz o‘sishni anglatadi.

📱 https://t.me/ITmavzu

Microsoft Windows uchun yangi yangilanish tayyorlanmoqda. Bu safar Microsoft ko‘zga ko‘rinadigan dizayn o‘zgarishlaridan ko‘ra kundalik foydalanishga bevosita ta’sir qiladigan muammolarni hal qilishga e’tibor qaratmoqda.

🔹 Windows Update jarayoni yanada prognoz qilinadigan bo‘ladi — foydalanuvchilarni kutilmagan qayta yuklanishlar kamroq bezovta qiladi.

🔹 Tizimning xotira (RAM) sarfi kamaytirilmoqda, bu esa ayniqsa o‘yinlar va og‘ir dasturlar ishlashida ko‘proq resurs va yuqori unumdorlikni ta’minlaydi.

🔹 Copilot, vidjetlar va boshlang‘ich sozlash oynasi soddalashtiriladi. Shu bilan birga, Bluetooth va USB ulanish barqarorligi oshiriladi, tizim ishdan chiqish ehtimoli kamaytiriladi.

📱 https://t.me/ITmavzu

📱 OpenAI xodimlar sonini ikki baravar oshirmoqchi

OpenAI yaqin davrda o‘z ishchi kuchini sezilarli darajada kengaytirishni rejalashtirmoqda. Ma’lumotlarga ko‘ra, kompaniya xodimlar sonini taxminan 8 000 nafarga yetkazib, hozirgi darajadan ikki baravar oshirmoqchi.

Rejaga ko‘ra, kengayish quyidagi yo‘nalishlarga qaratiladi:

— yangi avlod sun’iy intellekt modellarini ishlab chiqish
— xavfsizlik va audit jarayonlarini kuchaytirish
— korporativ savdo va biznes yo‘nalishlarini rivojlantirish

Bu qadam Google va Anthropic kabi raqobatchilar bilan kurashda ustunlikni saqlab qolishga qaratilgan.

📱 https://t.me/ITmavzu

📱iOS 26.4 chiqdi: yangi funksiyalar taqdim etildi

Apple iOS 26.4 versiyasi rasmiy ravishda e’lon qilindi. Yangilanish foydalanuvchilar uchun bir qator yangi funksiyalar va yaxshilanishlarni olib keldi.

Asosiy yangiliklar:

— yangi emojilar qo‘shildi;
— o‘g‘irlikka qarshi himoya (Stolen Device Protection) endi standart yoqilgan holatda bo‘ladi;
— Apple Music’ga “Playlist Playground” funksiyasi qo‘shildi — foydalanuvchilar matn orqali AI yordamida 25 ta qo‘shiqdan iborat pleylist yaratishi mumkin (hozircha faqat AQShda);
— video podkastlar qo‘llab-quvvatlanmoqda;
— Liquid Glass interfeysini deyarli to‘liq o‘chirish imkoniyati paydo bo‘ldi;
— Messagesda yangi animatsiyalar;
— yangi Ambient Music (fon musiqa) vidjeti;
— fon rasmi va soat dizayni galereyasida yangilanishlar;
— media ko‘rishda subtitr sozlamalariga tezkor kirish;
— Reminders ilovasiga yangi shoshilinch bo‘lim qo‘shildi.

📱 https://t.me/ITmavzu

Apple Gemini’dan foydalanish imkoniyatini qo‘lga kiritdi

OAV yozishicha, Apple kompaniyasi Google bilan hamkorlik doirasida Gemini modelidan to‘liq foydalanish imkoniyatini qo‘lga kiritgan.

Kompaniya undan distillyatsiya, ya’ni katta modellar asosida ixchamroq neyron tarmoqlarni o‘rgatish uchun foydalanmoqda.

Bu Apple’ga to‘g‘ridan-to‘g‘ri iPhone’da ishlaydigan maxsus sun’iy intellekt yaratish imkonini beradi.

📱 https://t.me/ITmavzu

🪴28-mart kuni IT park Capital'da Navro‘z bayramiga bag‘ishlangan madaniy tadbir bo‘lib o‘tdi.

Ushbu tadbir milliy an’analar, urf-odatlar va haqiqiy bahoriy yangilanish muhitini o‘zida mujassam etdi.

Mazkur tadbir nafaqat madaniyatga yaqinroq bo‘lish, balki iliq va bayramona muhitda jamoaviy ruhni mustahkamlash uchun ham a’lo imkoniyat bo‘ldi.

✉️ Gmail foydalanuvchilari uchun uzoq kutilgan yangilik — email manzilini o‘zgartirish funksiyasi bosqichma-bosqich ishga tushirila boshlandi.

📌 Hozircha ushbu imkoniyat AQShdagi foydalanuvchilar uchun taqdim etilmoqda.

📌 Yangi funksiya orqali:
— foydalanuvchilar eski email manzilini yangisiga almashtirishi mumkin
— mavjud xatlar saqlanib qoladi
— eski manzilga kelgan xatlar avtomatik ravishda yangi manzilga yo‘naltiriladi
— ma’lumot yo‘qotilishi yuz bermaydi

📌 Mazkur funksiyaning boshqa mamlakatlarda qachon joriy etilishi hozircha noma’lum.

📱 https://t.me/ITmavzu

IT kompaniyalari xodimlarining ofisga qaytishi uchun pul taklif qilmoqda

So‘nggi tendensiyaga ko‘ra, IT kompaniyalari xodimlarni ofisga qaytarish uchun endi bosim emas, balki moliyaviy rag‘batdan foydalanmoqda.

Ma’lumotlarga ko‘ra, Ga'rbdagi tashkilotlar gibrid formatda ishlayotgan xodimlarga ofisga kelgani uchun oyiga 2 000 dollargacha qo‘shimcha to‘lov taklif qilmoqda.

Tahlilchilarga ko‘ra, majburiy choralar (ishdan bo‘shatish tahdidlari) kutilgan natijani bermayapti xodimlar bunday siyosatga qarshi turmoqda. Shu sabab kompaniyalar rag‘batlantirish modeliga o‘tmoqda.

📱 https://t.me/ITmavzu

🤳 2026-yilning dastlabki uch oyida dunyo bo‘yicha eng ko‘p sotilgan smartfon brendlari reytingi e’lon qilindi:

1️⃣ Apple — 21%
2️⃣ Samsung — 20%
3️⃣ Xiaomi — 12%
4️⃣ OPPO — 11%
5️⃣ vivo — 8%
6️⃣ Boshqa brendlar — 28%

Natijalarga ko‘ra, Apple kichik farq bilan yetakchilikni qo‘lga kiritgan, Samsung esa unga juda yaqin natija qayd etgan.

📱 https://t.me/ITmavzu

Anthropic kompaniyasi yangi avlod sun’iy intellekt modeli — Claude Opus 4.7 ni taqdim etdi

📌 Yangi modelning asosiy xususiyatlari:

Kamroq nazorat bilan ham yanada ishonchli ishlaydi;
Uzoq va murakkab vazifalarni izchil bajaradi;
Natijalarini o‘zi tekshira oladi (self-check);
Berilgan ko‘rsatmalarga yanada aniq rioya qiladi.

Tahlillarga ko‘ra, ushbu model dasturlash va murakkab texnik vazifalarda yuqori samaradorlik ko‘rsatishi kutilmoqda.

📱 https://t.me/ITmavzu

Honor yaratgan gumanoid yarim marafonda inson jahon rekordini ortda qoldirdi. U 21,1 km masofani 50 daqiqa 26 soniyada bosib o‘tgan.

Bu natija Jacob Kiplimo rekordidan qariyb 6 daqiqaga tezroq.

Bu hodisa robototexnika va sun’iy intellekt rivojida yangi bosqich sifatida baholanmoqda — endi gumanoidlar nafaqat sanoatda, balki jismoniy samaradorlik bo‘yicha ham inson bilan raqobatlasha boshlamoqda.

📱 https://t.me/ITmavzu

Appleda rahbariyat o‘zgarishi e’lon qilindi — Tim Cook 2026-yil 1-sentabrdan CEO lavozimini tark etadi. Uning o‘rnini kompaniyada 25 yillik tajribaga ega John Ternus egallaydi.

Tim Cook davrida Apple kapitallashuvi 4 trillion dollarga yetdi. Endilikda u direktorlar kengashining ijrochi raisi sifatida global siyosat va strategik masalalarga e’tibor qaratadi

📱 https://t.me/ITmavzu

Xitoyda noodatiy va bahsli holat kuzatildi. Bir oila avtohalokatda vafot etgan yaqinining sun’iy intellekt asosidagi raqamli klonini yaratdi.

Ma’lum qilinishicha, marhumning 80 yoshli onasi bilan videoaloqa orqali “muloqot qilish” uchun ushbu klon ishlab chiqilgan. Loyiha marhumning o‘g‘li murojaat qilgan mutaxassis tomonidan amalga oshirilgan, oila haqida batafsil ma’lumotlar oshkor etilmagan.

Klon:

— foto, video va audio yozuvlar asosida yaratilgan;
— tashqi ko‘rinish va ovoz jihatidan marhumga juda o‘xshash;
— hatto uning odatlarini (masalan, gaplashayotganda oldinga egilish) ham takrorlaydi.

Eng e’tiborli jihat ayolga o‘g‘lining vafoti aytilmagan. U hali ham o‘g‘lini boshqa shaharda ishlayapti deb o‘ylaydi va video qo‘ng‘iroqlarda unga maslahatlar beradi. “O‘g‘li” esa ish bilan bandligini aytib, kelishga va’da qiladi.

Ijtimoiy tarmoqlarda bu voqea muhokama qilinmoqda, uni yoqlovchilar ham, unga qarshilar ham bor.

📱 https://t.me/ITmavzu