🤖 Google yangi yozilayotgan kodlarning katta qismi endi sun’iy intellekt orqali yaratilayotganini ma’lum qildi.

Yillar bo‘yicha o‘sish:

2024: ~25%
2025 oxiri: ~50%
2026: ~75%

Bu shuni anglatadiki, dasturlash jarayonida AI allaqachon asosiy vositaga aylanib bormoqda.

📱 https://t.me/ITmavzu

Google ilova ikonkalari yangilanadi. Yangi dizaynda gradient ranglardan foydalanadi.

📱 https://t.me/ITmavzu

Apple App Store obunalari uchun yangi to‘lov tizimini e’lon qildi

Yangi tizimga ko‘ra, foydalanuvchilar endi 12 oylik majburiyat bilan yillik obunalarni bir martalik emas, balki oylik to‘lovlar orqali amalga oshirishi mumkin bo‘ladi.

Bu yondashuv foydalanuvchilar uchun to‘lovni yanada qulay va moslashuvchan qiladi.

Mazkur obuna tizimi may oyidan boshlab ishga tushirilishi rejalashtirilgan.

📱 https://t.me/ITmavzu

Anthropic ishlab chiqqan Claude sun’iy intellekti endi Adobe, Blender va Canva kabi mashhur kreativ platformalarga integratsiya qilinmoqda.

Yangi imkoniyatlar doirasida foydalanuvchilar:

— g‘oya ishlab chiqish
— fayllarni tahrirlash
— 3D sahnalar yaratish
— video, vizual va musiqa bilan ishlash

jarayonlarini oddiy suhbat orqali amalga oshirishi mumkin bo‘ladi.

📱 https://t.me/ITmavzu

Nokia qiymati so‘nggi bir yil ichida qariyb 3 barobarga oshdi, biroq bu o‘sish mobil telefonlar bilan bog‘liq emas.

Kompaniya hozirda asosan B2B texnologik yechimlarga e’tibor qaratib, operatorlar, data-markazlar va yirik IT kompaniyalar uchun tarmoq infratuzilmasi taqdim etmoqda. Ayniqsa, sun’iy intellekt yo‘nalishidagi o‘sish muhim rol o‘ynamoqda.

NVIDIA tomonidan kiritilgan 1 milliard dollarlik investitsiya ham e’tiborni tortdi. Ikki kompaniya AI asosidagi tarmoqlar, 5G/6G texnologiyalari va data-markaz infratuzilmasi bo‘yicha hamkorlik qilmoqda.

📱 https://t.me/ITmavzu

Dunyodagi eng yirik kompaniyalardan biri sun’iy intellekt sababli 30 ming xodimini ishdan bo‘shatdi

Amerikaning Oracle korporatsiyasi sun’iy intellektga o‘tish doirasida 30 ming nafar xodimini ishdan bo‘shatdi.

Kompaniyada 30 yil ishlagan xodimlardan biri ishdan bo‘shatilganini shifoxonada yotgan paytida telefon orqali bilgan.

Ayniqsa xorijlik ishchilarga qiyin bo‘lishi aytilmoqda. Ularning yangi ishxona topish uchun 60 kun vaqti bor, aks holda AQShni tark etishlariga to‘g‘ri keladi.

Oracle — dasturiy ta’minot ishlab chiquvchi kompaniya bo‘lib, Microsoft’dan keyin ikkinchi o‘rinda, axborot texnologiyalari sohasida to‘rtinchi o‘rinda turadi (Alphabet, Microsoft va IBM korporatsiyalaridan keyin). 2025-yil holatiga dunyo bo‘yicha uning xodimlari soni 162 ming nafarni tashkil etgan.

📱 https://t.me/ITmavzu

OpenAI GPT-5.5 Instant modelini chiqardi

Xotira va personallashtirish yaxshilandi. Yangi model benchmarklarda avvalgisidan ancha yaxshi natija ko‘rsatmoqda. Gallyutsinatsiyalar 52,5 foizga kamaygan.

Model allaqachon barcha foydalanuvchilarga taqdim etilmoqda.

📱 https://t.me/ITmavzu

Sun’iy intellekt zaifliklarni odamlardan ko‘ra tezroq topmoqda

Anthropic bosh direktorining so‘zlariga ko‘ra, Mythos modeli ommabop dasturiy ta’minotlarda o‘n minglab potensial zaifliklarni aniqlagan. Sinovlardan birida sun’iy intellekt Firefox’ni bir martalik skanerlashda 271 ta muammo topgan.

Ayni paytda topilgan xatoliklarning aksariyati ommaga oshkor etilmayapti, chunki ularning katta qismi hali tuzatilmagan.

Anthropic’ning fikricha, sun’iy intellekt tizimlari nafaqat zaif nuqtalarni qidirishga, balki kiberhujumlarni mustaqil ravishda simulyatsiya qilishga ham qodir.

Kompaniya hisob-kitoblariga ko‘ra, bunday vositalarning ommalashishiga 6–12 oy qolgan.

📱 https://t.me/ITmavzu

📱 Samsung yangi avlod Sensor OLED Display ekranini taqdim etdi. Yangi texnologiya foydalanuvchi barmog‘ini ekranga qo‘yish orqali yurak urishi va qon bosimini o‘lchash imkonini beradi.

Tizim ekran nuri va barmoq uchidagi qon oqimi o‘rtasidagi o‘zaro ta’sirni tahlil qilib, biometrik ma’lumotlarni aniqlaydi.

Samsung prototipida OLED piksellari va organik fotodiodlar bitta qatlamga joylashtirilgan. Ekran zichligi esa 500 PPI darajasiga yetgan bo‘lib, bu zamonaviy flagman smartfonlarga yaqin ko‘rsatkich hisoblanadi.

Shuningdek, “Flex Magic Pixel” texnologiyasi orqali ekrandagi maxfiy sog‘liq ma’lumotlari yon tomondan qarayotgan insonlardan yashiriladi.

Hozircha ushbu texnologiyaning Galaxy smartfonlariga qachon integratsiya qilinishi rasman e’lon qilinmagan.

📱 https://t.me/ITmavzu

🔐 Google reCAPTCHA o‘rniga yangi xavfsizlik tizimini sinovdan o‘tkazmoqda.

Yangi tizimda shubhali trafik aniqlansa, foydalanuvchiga avvalgidek svetofor, piyodalar yo‘lagi yoki obyekt tanlashga asoslangan rasmli testlar ko‘rsatilmaydi.

Buning o‘rniga Google Cloud Fraud Defense tizimi orqali foydalanuvchi telefonda QR-kodni skanerlab tasdiqlashi kerak bo‘ladi. Ushbu tekshiruv ishlashi uchun qurilmada Google Play Services o‘rnatilgan va faol bo‘lishi talab etiladi.

📱 https://t.me/ITmavzu

Claude Opus 4 modeli sinovlarda kutilmagan xatti-harakat ko‘rsatgan.

Nazorat ostidagi testlarda model ayrim vaziyatlarda muhandislarga bosim o‘tkazishga, hatto shantajga o‘xshash javoblar berishga uringan. Ba’zi testlarda bunday holat 96 foizgacha yetgan.

Tadqiqotchilar shuni aniqlaganki, modelga faqat “bunday qilma” deb ko‘rsatish yetarli bo‘lmagan. Ammo nima uchun bu noto‘g‘ri ekanini tushuntirish natija bergan — shantajga moyillik 22 foizdan 3 foizgacha kamaygan.

Keyingi versiyalarda esa bu muammo bartaraf etilgan: Claude Haiku 4.5’dan boshlab barcha Claude modellari shantaj testida nol natija ko‘rsatgan.

📱 https://t.me/ITmavzu

NVIDIA rahbari Jensen Huangning aytuvicha, sun’iy intellektga bo‘lgan talab shu qadar kuchayganki, hatto 4–5 yil oldingi eski GPUlar ham qimmatlashmoqda.

Uning ta’kidlashicha, kuchli videokartalar bugungi AI bozorida hanuz katta talabga ega bo‘lib qolmoqda. Huang bu holatni “ular sifatli vino kabi yillar o‘tishi bilan qadrlanmoqda” deya izohlagan.

📱 https://t.me/ITmavzu

OpenAI ChatGPT ichida shaxsiy moliyani tahlil qilish funksiyasini ishga tushirdi.

Yangi “Finances” bo‘limi orqali foydalanuvchilar bank hisoblari, xarajatlar, obunalar, to‘lovlar va investitsiyalar bo‘yicha umumiy manzarani ko‘rishi mumkin.

Xizmat hozircha AQShdagi ChatGPT Pro foydalanuvchilari uchun web va iOS’da mavjud.

Muhim jihat: ChatGPT pul o‘tkaza olmaydi, hisoblarni o‘zgartirmaydi, to‘lov qilmaydi va investitsiya savdolarini amalga oshirmaydi. U faqat xarajatlarni tahlil qilish, byudjet tuzish va moliyaviy qarorlarni tushunishga yordam beradi.

📱 https://t.me/ITmavzu

Malta aholisi bir yil bepul ChatGPT Plusdan foydalanishi mumkin bo‘ladi

OpenAI va Malta hukumati sun’iy intellekt savodxonligini oshirish bo‘yicha yangi kelishuvga erishdi. Unga ko‘ra, Malta fuqarolari va mamlakatda yashovchi rezidentlar bir yil davomida ChatGPT Plus’dan bepul foydalanish imkoniyatiga ega bo‘ladi.

Buning uchun ular avval Malta universiteti tomonidan ishlab chiqilgan “AI for All”, ya’ni “Hamma uchun sun’iy intellekt” onlayn kursini yakunlashi kerak. Kursda sun’iy intellekt nima ekani, undan qanday mas’uliyat bilan foydalanish va uning imkoniyatlari hamda cheklovlari tushuntiriladi.

Dastur 2026-yil may oyida bosqichma-bosqich ishga tushirilmoqda. Jarayonni Malta Digital Innovation Authority boshqaradi.

Bu OpenAI’ning hukumatlar bilan hamkorlikni kengaytirayotganini ko‘rsatadi. Avvalroq kompaniya Gretsiyadagi maktablar va startaplar bilan, boshqa sun’iy intellekt kompaniyalari esa Islandiya va Buyuk Britaniya kabi davlatlar bilan o‘xshash yo‘nalishlarda hamkorlik qilgan.

📱 https://t.me/ITmavzu

YouTube jiddiy yangilanishga tayyorlamoqda

Platformaning rasmiy blogi xabariga ko‘ra, Google qidiruv algoritmlarining o‘zgarishi ichki videoxosting tizimiga ham ta’sir ko‘rsatdi - xizmat Ask YouTube funksiyasiga ega bo‘ldi. Ma’lum qilinishicha, yangi vosita foydalanuvchilarga kalit so‘zlar bo‘yicha standart qidiruvdan voz kechish va uzun, batafsil so‘rovlarni kiritish imkonini beradi.

Ma’lumotlarga ko‘ra, tizim «bolani velosipedda yurishga qanday o‘rgatish mumkin» yoki «uyqudan oldin qulay o‘yinlar haqidagi sharhlar» kabi iboralarni qayta ishlay oladi. SI yordamchisi suhbatni qo‘llab-quvvatlaydi, shuning uchun foydalanuvchilar qidiruv natijalarini maksimal darajada moslashtirish uchun qo‘shimcha savollar berishi mumkin. An’anaviy videolar ro‘yxati o‘rniga, algoritm ma’lumotlar bazasini mustaqil ravishda tahlil qiladi, mos keladigan qisqa Shors va klassik uzun gorizontal videolarni birlashtiradi, so‘ngra havolalar to‘plami bilan birga qisqa matnli yordamni shakllantiradi.

Hozir bu funksiya AQSh hududida pulli YouTube Premium obunachilari uchun sinov rejimida mavjud.

📱 https://t.me/ITmavzu

Sun’iy intellektdan eng ko‘p foydalanayotgan davlatlar ma’lum bo‘ldi

Microsoft tahlillariga ko‘ra, 2026 yilning birinchi choragida dunyo mehnatga layoqatli aholisining qariyb 17,8 foizi sun’iy intellekt (SI) vositalaridan muntazam foydalangan. SIni kundalik ish jarayonlariga joriy etish bo‘yicha esa Birlashgan Arab Amirliklari va Singapur yetakchilik qilmoqda.

📱 https://t.me/ITmavzu

Futbol o‘yini iPhone 17 Pro’da suratga olinib, jonli efirga uzatildi

Apple sport translyatsiyasida yangi tajribani sinovdan o‘tkazdi. Kompaniya LA Galaxy — Houston Dynamo FC o‘yinini to‘liq iPhone 17 Pro kameralari orqali jonli efirga uzatdi.

Telefonlar stadionning turli nuqtalariga joylashtirildi. Ular o‘yin oldi mashg‘ulotlari, futbolchilar tanishtiruvi, stadion muhiti va o‘yin jarayonidagi ayrim yaqin rakurslarni tasvirga oldi.

Uchrashuv Apple TV orqali namoyish etildi. Apple buni yirik professional sport musobaqasini iPhone’da to‘liq suratga olib jonli efirga uzatish bo‘yicha muhim tarixiy qadam deb baholamoqda.

📱 https://t.me/ITmavzu

iPhone o‘g‘rilaridan himoyalanishning yangi usuli ishlab chiqilmoqda

Apple kompaniyasi iPhone uchun yangi xavfsizlik funksiyasini ishlab chiqmoqda, u o‘g‘irlik belgilari aniqlansa, smartfonni avtomatik ravishda qulflaydi.

Yangi funksiya ko‘cha o‘g‘irliklari sonining ko‘payishi sababli foydalanuvchilarni himoya qilishga qaratilgan. Odatda bunday hollarda smartfon egasining qo‘lidan tortib olinadi va qurilma qulflanmagan holda qoladi.

Tizim bir vaqtning o‘zida bir nechta parametrlarni tahlil qiladi. Ehtimoliy o‘g‘irlikni aniqlash uchun iPhone akselerometr va harakatni kuzatuvchi boshqa sensorlardan foydalanishi mumkin. Agar algoritm qurilma qo‘l bilan tortib olinganini aniqlasa, smartfon avtomatik ravishda qulflanadi.

Bundan tashqari, Apple ishlab chiqayotgan xavfsizlik funksiyasi juftlashtirilgan Apple Watch soatidan masofani ham hisobga oladi. Agar iPhone to‘satdan egasidan uzoqlashsa, bu himoya tizimini ham ishga tushirishi mumkin.

📱 https://t.me/ITmavzu

Anthropic kompaniyasi OpenAI’ni ortda qoldirib, eng qimmat sun’iy intellekt startapiga aylandi

Anthropic so‘nggi moliyalashtirish bosqichida 65 milliard dollar jalb qildi va uning bahosi 965 milliard dollarga yetdi.

Shunday qilib, Anthropic o‘zining eng yaqin raqibi - ChatGPT ishlab chiqaruvchisi OpenAI kompaniyasini ortda qoldirdi (uning so‘nggi investitsiya raundidagi bahosi 852 milliard dollarni tashkil etdi) va sun’iy intellekt sohasidagi eng qimmat startapga aylandi.

Anthropic uchun, The Hill ta’kidlaganidek, bu keskin sakrashdir: uch oy oldin kompaniya 380 milliard dollarlik baholashda 30 milliard dollar jalb qilgan edi.

📱 https://t.me/ITmavzu

Ilk bukiladigan iPhone haqida yangi video tarqaldi

Ma’lumotlarga ko‘ra, zavod ichidan olingani aytilayotgan videoda noma’lum shaxs qurilmani turli tomondan ko‘rsatgan. Taxminlarga ko‘ra, yangi iPhone Fold uchta ekranga ega bo‘lishi mumkin.

Qurilmani oddiy smartfon sifatida ishlatish yoki ochilganda planshet ko‘rinishiga keltirish mumkinligi aytilmoqda.

Rasmiy taqdimot sentyabr oyida kutilmoqda. Uning narxi taxminan 2000 dollar bo‘lishi mumkin.

📱 https://t.me/ITmavzu